影片
更多
2007-12-05
824 瀏覽
慶祝朋友生日兼博士畢業，一行三人去食晚飯，諗住食返餐好少少既，決定就吓朋友去佢公司附近食。去到餐廳見個環境都算ok，睇吓個餐牌見個價錢都唔平又冇set dinner，都唔緊要一餐半餐豪啲冇所謂，點知~~~**餐牌**一個中式餐牌(紅色)，打開得兩板，頭盤到甜品兩眼睇哂一個西式餐牌(綠色)，一樣﹗**食物**個waiter講到樣樣都好食，我哋見都有幾款餐湯(中有有西又有)咁咪問吓邊個好囉，點知佢答個個西餐湯都好飲跟著靜哂，咁我哋三個人對望完之後就轉去睇吓主菜囉。其實西餐就真係冇乜好揀，主菜得5樣，我哋就叫咗以下3樣，再加一個佢好鬼落力推薦既小食:煎鵝干薄餅(切得3件) $96 + 10%=> 小食，細啲都唔介意。我哋見佢勁推介，所以一放低落枱面就即刻分嚟食啦，但係入口就完全冇驚喜，唔係記得係叫咗鵝干都唔知係乜。燒羊架(薄荷醬+芥末醬) $148 + 10%=> 叫咗5成熟，肉質都算ok不過個薄荷醬都唔得，好似薄荷jam咁=> 伴菜只有2x半個baby potato，4x小露荀煎牛扒(什菌汁) $148 + 10%=> 都係5成熟，不過整出嚟7成都有。最唔得
**餐牌**
一個中式餐牌(紅色)，打開得兩板，頭盤到甜品兩眼睇哂
一個西式餐牌(綠色)，一樣﹗
**食物**
個waiter講到樣樣都好食，我哋見都有幾款餐湯(中有有西又有)咁咪問吓邊個好囉，點知佢答個個西餐湯都好飲跟著靜哂，咁我哋三個人對望完之後就轉去睇吓主菜囉。其實西餐就真係冇乜好揀，主菜得5樣，我哋就叫咗以下3樣，再加一個佢好鬼落力推薦既小食:
煎鵝干薄餅(切得3件) $96 + 10%
=> 小食，細啲都唔介意。我哋見佢勁推介，所以一放低落枱面就即刻分嚟食啦，但係入口就完全冇驚喜，唔係記得係叫咗鵝干都唔知係乜。
燒羊架(薄荷醬+芥末醬) $148 + 10%
=> 叫咗5成熟，肉質都算ok不過個薄荷醬都唔得，好似薄荷jam咁
=> 伴菜只有2x半個baby potato，4x小露荀
煎牛扒(什菌汁) $148 + 10%
=> 都係5成熟，不過整出嚟7成都有。最唔得既係太太太細塊啦，一放落枱差啲尖叫，唔係吓話袋穩啲啦。
=> 伴菜只有2x半個baby potato，4x小露荀
煎銀鱈魚(西班牙紅花汁) $148 + 10%
=> 未叫之前其實問過waiter紅花汁即係點又有咩特別，點知佢答咪西班牙紅花整汁囉，好味﹗...頂，我眼都反埋，算數照落order，自己食咪知咩味。
=> 原來紅花汁係黃色既，唔覺得有咩味。其實本身個銀鱈魚已經冇味(仲有啲雪藏味)加埋啲咁既冇味汁就真係唔得。
=>再切多兩切仲衰，個銀鱈魚好多水出嚟，可能係响好凍好凍既冰箱攞出嚟煎，未解凍好就煎所以咁多水。食完個西班牙好花汁就變成好花水囉，唔掂。
=> 伴菜仲衰只有4片薄薯仔，連十份一個薯仔都冇，4x小露荀
**甜品**
=> 好似得兩樣，已經冇勇氣試。
最後埋單600蚊。不過值得一讚既係------成晚得3枱客計埋我哋3個總共有8個客人，但係就有3個waiter招呼。又唔使驚阻住人哋做生意，所以我哋坐到差不多打烊先走。仲有，個厠所好清潔好得。
後話: 我個朋友返到屋企要煮公仔面食先訓到囉，真係唔好意思。
張貼