食得棧清湯腩王

營業中

休息中

今日打算去玉器市場睇下經過想起好多人講呢間d咖哩牛腩好食就決定食呢間2個人叫左 1個咖哩牛腩飯同1碟炸魚皮d牛腩好食我鐘意林林地既咖哩都好食呀d飯夠2個人食 (如果你唔係大胃王)隔離呀姐見到我地叫一碟飯係咁同佢朋友講"早知我地都叫一碟la 食唔哂 浪費哂la 睇下呀妹咁叫 又可以叫個魚皮" 講左好多次 我朋友忍唔住笑個魚皮一般 有點硬

見這麼多人推介，便來這裡一試，都沒有失望。清湯腩河牛腩不肥不瘦好味，20-30元有6-7件牛腩good。豬肉丸幼麵肉丸不太多粉，好有肉味。見到很多人叫咖哩牛腩，有機會要再來一試。

哩腩伊－腩：久違了的牛腩香！－咖哩：好之中...略甜－伊：剛剛好－湯：意想不到的清！吃後不覺口渴整體好過中環Ｘ記９條街，　起碼唔使受氣

經父親大人的遊說與母親大人來此試試點了最基本的清湯腩粗, 端來時賣相不錯, 湯底不會太油膩, 牛腩肥瘦適中, 入口不會過稔, 母親大人說『牛』味很鮮甜, 蘿蔔也很甜, 可惜只有一件﹝太少了﹞$23一碗, 整體來說不錯。只是店子是開放式的, 沒有冷氣, 夏天熱得要命, 不能久坐。

25/12/200810點特登行過去幫襯叫左腩米同埋紫菜4寶丸河清湯腩米:湯真係好清,飲落仲有d甜tim,可能係羅白帶出左甜味出來紫菜4寶丸河:料夠足得來又靚,紫菜同其他舖頭既唔同,唔係一pat pat,魚皮餃,豬肉九,同其他丸都好有水準佢地既0茶既茶味真係教得岩岩好,唔濃唔淡,真係好好飲d伙計個個都好親切咁成日係度打牙骹記得我第一次去幫襯個時個女人仲問我對佢地d麵有咩意見tim

今日兩点幾經過油麻地，記起好多人寫食評讚佢Ｄ清湯腩好食，就入去試吓啦！睇落鋪面唔夠二百呎，放咗三至四張枱，都坐左八成滿，另外門口仲有十張八張枱放响旁边，睇嚟夜Ｄ緊係好多人，要預咁多抬櫈，真係犀利。講番Ｄ嘢食先，叫左個清湯腩河，Ｄ湯好好味，有大約六件牛腩，但係只有三件係坑腩，其他幾件係Ｄ頭頭尾尾，坑腩果幾件真係好淋同好有牛肉鮮味，果幾件頭頭尾尾，就只係得過淋字，冇嘜肉味，件蘿白又甜又冇渣，不過依過時候蘿白當造，一定好食。碗粉收二十三蚊，都算幾貴！當下午茶食就夠，當午歺就唔夠飽。另外又試咗魚片頭，覺得麻麻地，好多味精。

食完粥當然未夠飽，見到對面有間好搶眼嘅清湯腩王，就即刻走過去試吓嘞，我哋叫咗： 秘製咖哩牛腩撈粗麪：原本想叫爽腩，不過賣晒都叫坑腩嚟試吓啦！碗咖哩牛腩上枱時好香，味道聞落已經好濃，咖哩入面有好多紅油，但唔算太辣，亦有淡淡椰子香味；薯仔炆得好稔夠晒入味；牛腩肉味濃郁而且份量幾多不過就唔夠稔嘞！個咖哩汁撈麪好正，粗麪亦夠彈牙冇梘水味，跟撈麪上嘅清湯亦有好濃牛骨味，值得一試！ 魚片頭牛腩河：魚片頭夠彈牙出呼意料咁好味！ 湯底亦係濃味牛清湯，坑腩都係唔夠稔，蘿蔔冇根夠稔兼入味，河粉就一般嘞！下次會早啲過嚟食，希望食到爽腩啦！

看電影前想快快手食D野, 就係度叫左個咖哩牛腩飯跟奶茶~~咖哩當然唔係正宗印度咖哩, 不過又唔算港式咖哩~~更加又唔係馬來西亞咖哩~~不過算幾好食~~都幾香~~牛腩都幾好味~~份量超多~~進食期間有條街坊係度玩野~~不停叫: “阿服務生唔該我要牛腩河~~” “阿服務生唔該我加多碟油菜~~” “阿服務生唔該我要凍檸樂~~”D伙計又笑笑口同佢吹下水~~好街坊~~幾RELAX~~

** 此 食 肆 的 第 十 六 個 笑 **尋晚(4-11-2008 Tue)放o左工同男友去醫院睇媽媽,之後我唔同家人食飯,只同男友食,我話唔係好餓,想食小小o野就夠,咁佢就話o黎呢間.我同佢叫o左1.$20.00o既清湯牛腩河呢個牛腩幾多,又腍,有件好大個蘿蔔,同河粉一樣都好腍.湯真係好清,冇味精,唔錯.2.好似$38.00o既淨咖喱牛腩男友話畀我試吓辣唔辣,見有好多紅油,但又唔係好辣,相反好重椰香,不過薯仔入晒味,好辣.而呢隻牛腩都腍,但就唔夠清湯牛腩o既腍.啲汁要o黎送飯一流.不過呢個就貴o左啲.3.$12.00o既油菜要o左生菜,唔多油,蠔油都冇乜.最後同男友一人叫一罐汽水,共$16.00.呢餐共$86.00,都幾貴.服務:我o地坐低食o緊o野時,有四個客人到o黎,猶豫o左就走,一個負責執o野o既婆婆同收銀都努力留住佢o地,但年輕肥肥地可能係老闆或太子仔之類o既哥仔就同佢o地講,唔使叫喇,佢o地唔識貨就算.點知佢o地四個返轉頭食,個男o既態度即刻180度轉變咁,好好禮貌咁招呼人o地,重有問必答.而中途,佢同廚房o個個講o左多次唔知咩雞X(粗口)麵,收銀o既話人o地係鬼佬o黎

其實這間食店早前幫襯過二次, 二次都叫肮腩河,都很有水準, 很腍, 有新鮮牛腩味,雖然地方淺窄, 坐得唔舒服, 見此處都很多朋友推介, 希望水準應該維持到掛!上星期黃昏,一個人路經, 店內不多客, 叫碗肮腩河, 阿姐話牛腩河,我話想要肮腩河,阿姐不奈煩答即係牛腩河, 算喇, 就要牛腩河, 來到, 嚇了一跳, 減左價? 份量是以前2/3, 得6舊切到細細牛腩, 河粉少過出面賣$10 碗的份量, 味道和一般$15所謂清湯腩一樣, 唉! 你收得人$23碗, 俾啲好小小嘢人食, 好嗎! 埋單, 連一罐$8可樂, 共$31- 總結, 不知道是否香港的食店有共同通病, 有些少人贊好食, 多啲人幫襯就水準下降?

睇完食評昨夜決定來試下.本想叫爽腩, 可惜未夠19:00已賣哂了.改試片頭坑腩河&菜心一碟片頭新鮮彈牙好味;坑腩肥美入味, 有趙口得黎又不韌, 牛味十足;吃得出有味精(雖不多); 但其美味也能抵消此不足. 滿意收貨!希望有機會試其爽腩

這裡是我在中午間中吃午餐的地方,在油麻地,也只有這裡是我最喜歡的一家.我一般都是吃清湯腩飯,甚至連湯也喝光.但是也曾order咖哩牛腩飯.兩者各有各味道.

好怕去o的乜王物王，因為名過其實o既居多。所以原本都唔係o黎呢度，總知係無心插柳。對粉麵興趣不大，於是叫咗個咖哩牛腩飯跟奶茶，太太叫咗個魚片角河(類似...)。咖哩幾出色，雖然唔算太濃，但好香好夠味。牛腩亦好好味，部份淋部份爽，一次過滿足兩種要求！魚片角都唔錯，幾彈牙，河粉味道就比較一般同份量少咗o的。奶茶叫咗少冰，茶味夠奶唔夠，唔係茶餐廳，要求低o的，ok啦。客人唔多，不過o的位唔係幾好坐。人多都會幾辛苦...伙計響度打牙較，對答幾有趣。整體好街坊feel！

呢間係我同honey食日幫襯o既食堂，特別係唔太肚餓又或者去百老匯睇戲前。本身鐘意食牛腩麵，但出面太多唔好食o既五香牛腩麵，所以見到呢度有清湯腩，所以試下，結果我同honey就愛上呢度~清湯牛腩 - 以清湯突顯香濃牛腩味，佢地水準好穩定，每次都食到瘦中帶少肥o既牛腩，再加上好入味o既蘿白~yummy~咖哩牛腩 - honey最愛呢碗麵，咖哩好香濃，牛腩無清湯腩咁嫩，但牛味仍突出， 好值得推薦！網絲春卷 - 呢種做法比起平時食o既春卷，鬆脆好多，口味~

近排食咗好一些"甚麼王"嘅食肆。好多時對呢D稱自己為乜嘢王嘅地方都特別好奇...响老廟轉啊轉，原來就係雞雜粥斜對面...想食爽腩，不得要領，就叫普通切腩。食落覺得頗夠味，腩邊位帶點肥及爽，肉嘅部份亦夠淰。雖認為要稱之為王還遠矣，但水準還是挺不錯的...麵雖爽口彈牙，但卻係鹼味未清，可棄之...點都係覺得天后華姐較出色...