食棧

營業中

休息中

我們一家人一個月總有一、二次要食下先開心😅，係就係舖比較舊，但整睇黎講也算可以的！但食物方面～乳豬真是很好（因本人不太喜歡食太肥的豬）皮很脆囗，燒鵝也很好吃⋯⋯

<吳式飲食- 炭燒燒鵝,燒味食到上癮的酒家>適合人士: 一大班人(一家人) 聚下/飲酒傾計/長坐聚舊/功夫菜環境設定: 地方大, 檯與檯較寬, 平日易找到角落位聊天, 可長坐.洗手間設定: 一般屋村酒樓式廁所, 但可放心使用.侍應設定: 做街坊/熟客生意, 友善 (熟左更友善)點解要去: 燒鵝, 燒排骨和叉燒也是一絕,隻炭燒燒鵝加杯Pinot Noir 紅酒, 無得輸價錢特點: 小炒8x, 頭盤5x, 燒味例牌9x, 半隻鵝18x (人均100, 不計酒)所有燒味也是一絕, 星期五很快 賣完食物特點: 重味/正宗/冇開瓶費/分量夠/海鮮價錢”十分合理”, 有組合式叫法抵食1. 燒鵝不肥, 做到肥而不膩. 肉質鮮嫩, 亦滲出淡淡炭香, 非一般燒味酒家所能做到2. 小炒做得出色, 很有家庭風味, 比起一般酒家並不油膩但偏重味3. 蝦子柚皮以價錢絕對超值。下酒一流                                      綜合評價: 食物>環境>員工                        *綜合性價比: 抵!(不代表平)超乎想像的驚喜!

「食棧」食港式晚飯，啱味道。燒鵝例牌，真係鵝有鵝肉香味，皮有皮脆！燒味拼盤，半肥瘦叉燒唔啱我都要試一件，的確腍滑，但肥叉燒始終不是我的至愛，呢的是無骨燒肉，皮脆到洛洛聲，是一道無譜的美妙樂章，不能分享！鮑汁炆抽皮，鬆化無渣抽皮配好味鮑汁，令我一吃難忘，之前在某大集團酒樓吃過抽皮，與此相比，水準實在相差太遠！雲耳勝瓜炒鮮魷，本是清爽小炒，奈何多油！炒甕菜，有豬肉碎大蝦米乾炒，很香，夠火喉，勁多油，所以很滑，太好吃了，放肆一次罷！廣東白粥，超勁喜歡！南瓜西米露，南瓜清香又清甜，太愛了！是晚消費連加一小費$718.5我們五位美女將桌面佳餚吃個清光，侍應詢問我們可否將桌上收拾，方便我們閒談有個較潔淨的枱面，咁良好服務，怎不令人感動！「辛苦揾黎自在食」是我們香港人口頭禪，自在食，也包含著吃得開心，今晚沒有催時交枱，也沒有叫幫幫茶壼沖滾水，被托手踭，沒有侍應對客人揮手示意，視而不見.....我們也樂意再給少許現金小費，表達欣賞心意！

清明既三日長假, 我揀左其中一日同媽咪去樂富既呢間舊茶樓飲茶。原本真係唔知樂富有呢間食店, 但上次睇過本雜誌介紹「十大好味燒味店」, 話呢到既燒味水準極高, 所以今次特登黎食佢既燒味。點知大約十二點, 一入到門口我就嚇親了。三間地鋪打通既鋪頭, 入面竟然迫爆哂人, 門口就係點心位置, 好多人圍埋係到搶點心, 成個氣氛又嘈又混亂。一問之下先知呢到仲係要自己搵位既。 原來聽日就係清明節, 所以好多人係附近拜完山, 就黎左呢到飲茶。 所以真係人山人海, 但幸運既係有個佰佰同有對夫婦見到我係到等位, 就快快趣飲埋杯茶讓比我一家, 感到人間有愛。點心黎講呢到既價錢算係幾平, 而且只有劃分大點同非大點(小、中、優點) 兩個價錢。但要啲咩點心就一定要出去同人搶喇。由於好多客人, 所以唔好唸住「姐姐」會有好態度, 聲音粗獷伴隨住凌厲既表情, 如果唔想比佢地鬧, 去到就要即刻講得出你要啲咩, 等佢地執比你。但場內又無張貼有咩點心可以叫, 所以都係執生喇。呢到就係我既收獲喇, 其實味道都唔錯既, 不過口感就差啲, 腸粉有蝦味但唔夠滑, 燒賣一樣有肉香但嚡口。 金錢肚係少有既咖哩味, 幾特別, 不過我都係比

行完獅子山 落樂富開餐一直想試食棧既炭爐燒鵝終於有機會 點知 ……點心 正常燒味雙拼 叉燒唔錯 燒鵝難食!最奇是 無。炭。香。瑤柱蛋白炒飯好食乾身 少油 瑤柱炸過飯未到 瑤柱鮮香樸面而來咁好食既野最後當然照鏡收場

我倆中午十二點到，搭枱。沿用現時比較難得一見嘅舊式自取點心，酒家亦會一直用咪廣播有咩點心新鮮出爐。蝦餃每粒都有兩隻蝦，爽口，不過一咬落去就滴油燒賣食落唔油膩，有粒蝦，唔會啖啖肥豬肉鳳爪好大碟，有7-8隻，亦好味四寶棉花雞腐皮包住雞肉火腿棉花粟米芯，雞肉好滑好入味叉燒包裡面好多叉燒，汁甜蝦腸三大條，皮厚，蝦比較細炸春卷外皮凍左，所以無咁脆，裡面有芋頭咸水角略嫌外皮太厚，但味道係幾好我倆偏好呢種自取點心嘅方式，一路食一路感嘆以前要自己拎點心嘅時候就嫌煩，但當全港大部份酒樓都換成寫紙點菜嘅時候就想懷緬返。再加上今次兩個人八樣點心連茶芥只係$125，相信係連鎖大酒樓需要俾多一個Double，想感受香港文化不坊一試。

去到餐廳的時候，雖然只係六點左右，但係已經開始多人，坐左一陣已經聽到侍應話冇晒冬瓜盅，相信如果想食都要預訂。非常出名嘅燒鵝，熱辣辣, 皮脆, 我覺得比深井果D仲好食, 又唔使去到咁遠。仲有一個一魚兩味, 椒鹽炸得非常好, 唔油膩, 放左一陣都仲脆卜卜。另一味就係炒球, 大大塊肉, 唔醎,好食!

比較各酒樓, 仍然這間算最抵。因為物價上升, 這間的大點已有所調整不再是$11/$13。叫了腐皮卷 ($11), 汁味適中, 料足。牛肉腸粉和雞扎 ($12), 試問這樣的價錢, 怎能吃到, 雞扎更有粟米芯和火腿, 好味呢！鳳爪 ($11) 雖然比以前少了一、兩隻, 不過醃得很好味。下午茶價格似乎沒改變。

午市飲茶已是必然之選，是次是第一次光顧晚飯。燒鵝半隻：唔識咩係炭燒，皮脆，肉汁多，唔算太肥，鵝汁好正，八個人唔夠食，應該叫一隻，曾經午市食過燒鵝瀨，但得四舊，仲要肉少，無鵝汁，不如叫碟例牌仲抵食，同埋燒鴨都唔錯嘅；招牌咕咾肉：見到無乜汁，以為會好干，但食落個脆皮非常好，唔會成口粉，舊肉又唔鞋，係伴碟啲蔬菜就弊啲，青紅黃椒加紫洋葱，全部都係爽口，因為生嘅無煮過；豉汁炒蜆：呢個餸又出奇多汁，成個湯咁，唔係幾搵到蜆肉同好細粒；：個脆皮真係好食，薄薄又脆，裡面嘅九肚魚同鮮魷好淋，避風塘同椒鹽都係一樣嘅配料，唔會太辣，送飯一流；臘味炒芥蘭：好少會出事嘅餸；栗子雞煲：又係好少汁，雞件幾滑，少料左啲。一行8人共999，有點可惜是燒鵝預不夠，寫菜出菜很慢，亦有點亂，收銀亞姐好燥，帳單不是每款餸列明價錢，是以廚部、味部等分類，查數時要問清楚。

~ 昨晚老友生日飯聚, 又食啦!今次約了去樂富的 , 之前已聽說佢地的炭燒乳豬、燒鵝都好出名, 所以訂位時已預訂了一隻豬及一個冬瓜盎.一行9人, 坐下後點了半隻燒鵝、蟶子、什麼雪蝦球、翠塘豆腐、腐乳椒絲通菜及椒鹽九肚魚.店子坐位都很多, 但食客都不少, 因為星期三, 有夜馬跑, 有一枱客真熱情奔放, 對著電視機非常熱鬧地叫...上上上...哈哈哈...真太熱鬧了點啊! (第日唔會再選這些日子了).先來個炭燒乳豬及燒鵝...果然鎮店之寶, 皮香脆肉嫰, 又唔肥, 真真真...正!! 如果你去一定要食呀!蟶子好新鮮, 蒸得剛好, $28一隻(好好食).什麼雪蝦球, 皮脆面有沙律醬, 蝦好新鮮爽口, 都幾好味, 最失敗係椒鹽九肚魚, 唔好食, 脆皮唔脆又厚 ; 翠塘豆腐係蒸蛋白面有些蝦粒、瓜粒草菇粒,清清地, 夏天最合時了; 這個炒菜都很好, 味道適中, 爽口.冬瓜盎就無影相, 8個菜連飯粥啤酒, 埋單$1680. 好抵食呀 ~ 有興趣去試吓啦! 

其實成日都會來食,因為貪佢有街坊feel,好親切,大家唔好expect D阿姐笑面迎人, 又有禮貌,因為我覺得佢重點唔係sale哩D.今日同朋友食左7個點心1. 奶皇包,包其實都好穩陣, 係入面D奶皇既色太黃,黃到有D假, 不過overall味道係ok的2. 牛肉其實做得唔錯ga!, 3. 排骨(食左兩次)好細粒, 配菜仲大粒,都明白既, 食材貴ma4. 鳳爪都係好穩陣的選擇味道ok5. 牛肚D咖哩汁太多, 麻麻地6. 菜苗蝦餃味道都唔錯其實我最鍾意食蝦餃, 因為$11有4隻蝦餃真係無地方做到,可惜佢係我食飽左先出現.另外, 以前係有鵪鶉旦燒賣, 但而家唔做, 又係好可惜.....anyway, 食物的味道係ok的, 兩個人都係$96,係好抵ga la!

物價通脹, 飲早茶都不便宜, 就算有早茶優惠, 也不見得有好味點心, 而且腸粉想平食都幾難!這間絶對抵食的茶樓, 各款點心11蚊, 何等吸收!蝦腸的蝦很新鮮, 有淡淡的韭黃味, 粉皮很薄很滑!雞札非常大包, 而且難得可以食粟米芯, 很多地方都是芋頭來的, 有時芋頭不新鮮, 吃不下的。鳳爪大隻又多, 汁醬亦相當足味。本來想食山竹牛肉, 不過沒有, 便食鯪魚球, 大粒又無魚醒味, 讚!這裡是用大排檔方式拎點心, 即一個L型大排檔位, 一邊放點心, 一邊放即煎(如薄餐), 或即煮(如生滾粥)。

住左樂富咁耐都冇幫佢寫過食評食左十幾年，一向都覺得佢D燒味唔錯雖然間中有失手，但整體質素都OK今次講呢間野嘅飯盒叉燒油雞飯，叉燒半肥瘦，ok嫩滑，都幾多肉汁但油雞只屬一般貨色燒肉油雞飯，燒肉皮脆肉嫩，值得一試燒鵝飯，要睇下果日好唔好彩，好彩嘅話係絕對值得推介，皮脆肉香，又唔會太肥有湯或飲品，都係廿蚊左右，好過去D連鎖餐廳食

尋晚老婆想食靚叉燒，於是就黎左呢到，其實我地都幫襯過幾次，佢既叉燒同燒鵝都唔錯。未夠七點到無乜人，可能就黎咁，所以亦無乜冷氣，坐低佢地話有個水鴨燉湯特價，於是就叫左個，加左咕嚕肉，蒸貴妃蚌，叉燒切雞拼。個湯黎到味道真係唔錯，不過飲完就覺得好熱，真係出晒汗個隻，於是叫個女部長開大少少個冷氣，跟住其他菜陸續黎，但就唔覺冷氣大左，越食越大汗，連其他食客都話熱，再叫佢開大個冷氣，食到我地過d冷氣都唔夠，食到身水身汗，雖然d菜味道ok，但夏天都仲要慳電唔肯開大冷氣叫人點食。下次黎睇下冷氣夠唔夠先幫襯。

一世人從未試過, 個待應可以理直氣壯咁鬧你... 一早訂左位BOOK左7PM, 一家大細8 個人, 有幾歲大的小朋友係度, 等到7:40, 都仲未有位, 問個待應(肥肥的的大嬸), "阿姐姐, 幾時有位呀?我地係BOOK左7點架." 佢同我講話有張枱食緊糖水, 埋完單就比我. 於是咪等等等囉...過左十分鐘, 都仲未得. 個細路己經餓左好耐. 再問阿姐. 佢就鬧你:"係要等架喇, 你催乜野呀你?!?!" 結果係7:55PM先有位, 個待應仲好大聲, 好惡咁話你: " 有位啦!!! 係咪要枱呀?!?!??!?!" 食物一般, 有幾味菜都好油. 個黃金蝦好濕. 仲要係好多你叫左的餸.佢turn out都係無果D野賣的. 真搞笑.....如果你想食到一吐氣同比人鬧下, 可以去試下. 否則建議比貴少少去D有質素的酒樓, 我自己唔想再去了.