食棧

營業中

休息中

又端午、又就父親節，做父親gei 我就請個老婆同個仔食餐飯啦，去食棧因為上次試過條荀殼魚幾好，今次諗住番尋味。點知，今次無荀殼魚，唯有試下條油浸沙尖魚。呢度出名燒鵝，叫碟例牌要下庄。果然名不虛傳，皮脆肉嫩，非常滋味，一定要試。要D 香口D 就要椒鹽尤魚，香脆可口；加碟滷水鵝腸，唔太入味，其實幾爽口，白灼咪算law，滷乜鬼水呀！跟著上魚腐魚湯勝瓜，天口熱食瓜就最舒服，啖湯都唔錯，魚腐俾個仔搶晒，應該好野黎卦！出事在於等左好耐個油浸沙尖魚，催單，D 待應永遠唔知忙乜，極唔見有人應，最終到落單個亞姐，一睇就知佢漏單，竟然同我講D 沙尖魚要觔凍耐D，嘩，我三個菜清晒都未解完凍，唔係卦？無野食，仲要個$68 海蜇汾蹄，幾OK！最後，沙尖魚上場，油浸配炸沙尖魚好好食，如果早無漏單就一流。總數350幾蚊，少少貴，父親節，父親俾錢(即係我)，是但喇。係服務真要改善，真係唔明班待麼忙乜鬼！

是晚到創意書院看了場精彩的零距離演出, 因為場地是不設劃位, 或者講是無位, 所以要一早去排隊, 連飯也未吃. 既然在附近, 不如就試一下這家燒鵝相當出名的店子, 時間急趕, 就外賣了盒飯回去排隊吃. 但當小弟回到會場, 竟然開始入場了, 沒辦法, 把盒飯留到翌日吃, 不過在會場內是常常聞到盒飯的香味.燒鵝飯 $22: 6分, 隔了夜先食, 但經過之前一夜聞到的香味, 加上炭燒燒鵝這四個字, 總有點期待. 當然不會是脆皮, 這是小弟的問題, 跟店方無關. 但炭燒的痕跡? 怎吃也只是件普通的燒鵝, 可來炭燒燒鵝? 怎說小弟對炭總有微微的認識, 不要騙我呀. 定係炭燒燒鵝要預訂, 又或是要一隻隻賣? 肉質是實實的, 但都仲有肉香, 又不會太肥, 起碼都有幾多肉落肚, 還可以吧.$22一盒, 其實價位是中等, 又連菜都無條. 如果為了炭燒兩個字, 應該失望而回. 如果想平平地吃個燒鵝飯, 其實應該仲有大把選擇.

身為同區街坊，住左廿年都成日幫襯呢間。好食？又唔係『一食難忘』....唔好食？又可以講唔要求咁多就冇咩所謂.....我只可以咁講，經歷左咁多手茶樓，d 老街坊已經去慣晒，包括我老豆。對於樂富中心另一間環境好d, 食野好似衛生d, 但係又唔係特別好食來講，又要『零service』又要平，咁呢間係老人家『每日一聚』，又可以『平飲』的good choice！講真，呢度味精較多，外形粗糙，不過真係好平.....對於我同老豆星期六日中午來飲，三四碟只不過$45，包茶芥，好平~~之前d service 就差d，依家真係叫好d了，d 阿姐d態度好左好多......值得一讚.........之不過，依家稻香都平左好多，午市做緊promotion, 有d $8.8 / 9.8/ 10.8 一碟，以環境同外形來講，新派與舊派茶樓之間的競爭可以叫『大威脅』！(不過，香港茶樓，包括稻香, 美心etc 一向d service都係出名差)所以都係果句，香港茶樓好好keep 下d service就多d客呢~~

家人食晚飯，可能星期五人多，加上我地八點先開席，乳豬燒肉例湯都冇…乳鴿得返最後一隻我地都要埋！雖然咸咗少少！燒鵝係做得出色，脆皮，但都偏咸…冇例湯叫咗粟米魚肚羹，好味道，粟米斑塊都好:-p!!蒜蓉帶子夠新鮮，左口魚都整得啱啱好，羅漢齋都可以接受，糖水俾咗綠豆沙同南瓜糊，ok啦！地方夠大，唔係豪華裝修但可以接受，有輪椅嘅都冇問題，上落方便！

從openrice的食評中, 見到呢間茶樓的評語不俗, 於是襯與老爸老媽去開樂富時一試. 如果不是有食家指路, 要到這茶樓實在有點難度, 因為位置也比較"吊腳"! 到達後一看, 原來是舊式街坊茶樓格局, 即是用老侍應, 要自己搵位, 又沒有點心車, 要自己親自行出去拿點心的酒樓. 周日的中午一時多, 人仍然多得很, 要找個位子也不易. 開茶安頓後, 第一時間拿著點心卡到近門口的點心站拿點心! 點心的款式不算多, 都是那些傳統的廣式點心, 如蝦餃, 燒賣, 牛肉球, 雞扎, 鴨腳扎, 腸粉......等等. 由於太肚餓的關係, 先來吃些大路點心. 蝦餃, 燒賣, 牛肉球, 雞扎, 蘿蔔糕等, 用的材料都是貨色, 所以一般水準, 不算好又不算差. 之後老媽心血來潮想吃豬腳薑, 於是又拿來試試. 雖然汁很甜, 可是只有一隻雞蛋, 豬腳又是多多骨少少肉, 愛啃骨的人一定喜歡, 可是並不是我們的那杯茶, 還是老爸炆的豬腳好吃!! 除了點心外, 我們也點了聽聞質素不俗的乳豬燒鵝飯和特價的义燒瀨粉. 乳豬較鹹, 皮脆但不香, 一般而已; 燒鵝則很肥, 去掉肥膏後所剩無幾, 而且皮不脆之外還很韌,

每年大時大節、生日飯局，例必到這店食返餐。有咩咁吸引。當然係燒鵝啦！皮脆肉滑，仲有D汁給你落。乳豬都係皮脆好好味！海鲜：魚，叫左條差不多十斤的魚，烹後食落肉好滑。一D都無食香口膠的感覺。聖子到！大隻到筷子咁長！真係好食到食多幾隻先！甜品：紅豆糕同芒果布丁都好食！紅豆勁多，芒果勁香！

食棧最出名有: CHA燒, 燒肉, 飲茶 呢3樣.有一樣冇咩人講. 其實係呢間最正既, 就係椒鹽丸尤魚鬚 炸得香脆唔油, 大大盒才賣15元!!

首先,要講一講交通, 其實間野唔難去.樂富地鐵站,吉之島出口,上去吉之島玩具部,收銀前面有道門口上地面.轉左直行第一個街囗就會見到. 其實冇得見唔到,因為得佢一間酒樓.特點係夠街坊,所有點心 $9蚊一碟.一入門口就見到一個點心陣,自己出去點, 又有炸物春卷之類芋角唔錯,不過凍既, 但又底死wor, 有微波爐幫你整番熱.仲有唔算迷你既迷你太極飯或Fooking炒飯, 17 蚊 ja.咁係咪得個平呢,又唔係,質素好wor.個飯唔講先la, 成五隻蝦係面.蝦餃手工好( 我同 個有要求既朋友去食,佢都咁話)雞扎, 每隻都用雞翼...仲想點比較失望係叉燒包..唔夠料不過如果你係好高衛生要求就唔好去.仲要搭檯兩個人食左7 個點心一個飯, $99, 想點佢問我: 點解無端端黎呢度.我答: 呢類酒樓買少見少, 最仲要係, 我出世佢就係度( 唔係呢個名),都27 年,有哂感情

係時候要補補食評。每一家電子傳媒機構，都會有一班同事，極愛於公司用膳，叫外賣也好，帶飯也好，總之死不出門....他們不一定是因為忙，更重要的原因，是懶；是以，這幫人，通常以肥仔為主。某天，太公實在太忙，要在公司解決午膳，但也極渴望往外跑跑，於是自動請纓，聯同新牌仔同事，一起為這幫肥仔兵團買lunch box太公要了叉燒燒肉飯；燒肉是芝麻皮，皮脆肉嫩，本不錯吃；可惜皮脆不太持久，甫沾上濕潤的飯，很快變淋.....速度是，我吃到最後，最後那兩件因置在飯上太久，皮變淋了，可惜。叉燒是半肥瘦，肉汁很充足，只略嫌不夠嫩滑飯是香軟的那種，可惜叉燒汁偏少，不夠送飯，下次記得叮囑哥哥仔多下一點。才$25，就有如此質量和份量的食物，還附送冰凍陽光檸檬茶。是以，這次以後，肥仔兵團開始垂青食棧的燒味飯.....只是若不用他們派出"烈士"出去買飯，而是附有送貨服務的話，相信那幫懶鬼，定當幫襯得更頻密！

買過好多次外賣燒鴨，每次都有令我失望，較啱時間去，次次都係新鮮出爐。香噴噴、皮脆肉滑，好多肉汁，唔會乾曾曾，超正

雖然久不久就想來試一試，但附近只有JUSCO，沒好行的地方，所以未有到來。今晚去開樂富，於是就立即沒其他心水食店了。來這兒當然是為了她的燒味，又因現在勉強也算是食鵝的時候，於是就叫了半隻燒鵝試試。(清明和重陽的前後都是吃鵝的最佳日子，我比較愛在清明時吃，因為鵝比較瘦，脂肪少D。)另外，我們還叫了肉碎菜甫蛋角和沙嗲金菇肥牛煲。燒鵝：整體上比想像中好，但又比想像中細隻了小小。上枱時鵝仍是很熱的(沒這期望)，皮很夠脆，肉不嚡，肥膏少。只可惜肉不夠味，醮了些少跟鵝分開上的燒鵝汁會提昇一點鵝肉的味道，否則會覺得有點淡口。如果醃製時可以入味些的話，這燒鵝會有近90分呢。老實說，我們都食不出碳燒的味道，不知是否如傳聞中用火碳燒出來的。來到時專登在店外望有沒有燒鵝掛着，可惜看不到，其實心裡有點不安。離開時也再看多一次，也是看不到。我想她應該是將所有未賣的燒鵝排在燒爐內，使鵝皮能保持脆身而且不皺皮。肉碎菜甫蛋角：也比想像中好，比想像中大碟，但出來的不是蛋角，只是將一片煎蛋切成五份而已。味道清淡，菜甫浸水太久，味道過淡；肉碎如果可以再碎一些會更細膩，這碟菜用了起碼六七隻雞蛋煎出來，算是交足料。沙嗲金菇肥牛

同屋企人食晚飯,但叫咗菜之後等左好耐都無野食,而附近幾枱都係咁既情況. 追來追去都係話"無得追,照入單". 最終有碟燒煵仔,但好肥同好少. 見隔離遲來都有燒鵝,但我哋一早order既燒就唔見影,於是力追,最終好彩有得食.點解話好彩,因為我哋order咗一d海鮮,等完最終都係話賣哂,所以有得食算好彩.不過都有唔好彩,因為一圍人有幾個唔舒服,唔知係d食物唔乾淨,定係我哋追得太勁,有人唔高興......所以.....??!!其實水準只同一般菜館無異,而燒鵝真係熱同脆,不過有人話深井的燒鵝正d.

去車房找好朋友食午餐,附近有一間茶樓,好多街坊幫襯,人氣咁旺又近近地就入去食喇~~點心自助形式,老公和朋友馬上跑出去睇下有咩好食先~鳳爪好林,味道濃.豬手好膠質,好林,可以重味D.咸水角新鮮整好,外皮卜卜脆,好好味.雞扎用雞亦代替雞肉,味道唔錯.牛肉肉質鬆軟,加上大粒馬蹄.........爽爽爽~燒賣豬肉新鮮,唔會好多肥膏,我鐘意!豬肚充滿酸菜胡椒味..........好食.臘腸卷條臘腸好香口.9菜餃勁香9菜味,而且好新鮮.LEE一餐好滿足,好飽呀~

晚膳時不察覺，是次午膳飲茶時才發現，一切，原來都被保留下來。早前食棧裝修，還以為，逝去的不會再回來了。猶幸，裝修過後，一切仍在。仍是自己走出去叫點心，仍是自己走出去等位，仍是有性格愛理不理但又得閒會關心下你的阿姐；更重要的，是那套用作呼喚客人聽電話的「廣播系統」，被保留了下來，繼續為沒有手提電話的年長食客提供服務；雖然，那「叮叮叮叮」的聲音，已是變得沙啞。點心，也一如小時候吃的 – 不是那個，七十年代前的，只有簡單點心的年代；而是七八十年代的那種，選擇較豐富，但作法仍是簡潔實在。例如蝦餃。這裏的蝦餃，沒有做得太大，剛好可以一整個放進口，吃得乾淨利落 – 不知從那時開始蝦餃都變得很大，一口都吃不完，大得令人忽略餃皮的存在，似吃蝦丸多過吃蝦餃 (和愈做愈大的雲吞，道理一樣)；這能讓人一口吃下去蝦餃，餡料沒有過多，與餃皮的份量比例剛剛好，兩者配合得宜，才是蝦餃應有的真性情。其他的點心，如鴛鴦飯、炒麵、鳳爪、排骨飯等，都只屬不過不失的貨色，但勝在夠便宜；午市大中小點皆當小點計；看在價錢份上，再怎麼都可以變得寬容 – 更何妨只是不夠可口而已，與「難吃」這級別仍相距甚遠，自然可以更寬容一點。出外拿

入到去~多人~要自己等位~好有小時候的感覺7個人要等位~不易的~不過我地又勝在人多~可以分散目光~哈~~同行有著名主持人~哈哈~~第一輪喪食~~~~~~嘩~~~~~~~~~~~~~做乜事有兩碟鴛鴦飯呀....名主持人果然係視錢財如.....哈哈~不過原來有原因的~大中小特點一律十蚊!!!我冇睇錯~你都冇睇錯~係真的個鴛鴦飯只係$17蚊!!!!!!!!!!!!!!!!!!!!!!!!!!!!!!講真~d嘢好食嗎???冇乜特別好食~但平~快~自已嚟~親切感~加加埋埋~食得開心~順快!!!!!!!!!!第二輪喪食~再叫多一倍~~~仲要有炒聖子~蝦餃....................點心咭都滿晒~埋單.............一人......................$34平過飯盒~味道不差~選擇多~喪食的lunch~夫復何求~~~~~~~~~~~~~~~~~~唯一重大缺點.......d茶....好苦........................................................................