食物實驗室

營業中

休息中

呢間係我好推介嘅石門外賣店，京瑞廣場呢個地方入邊好多都係我認為唔好食嘅小店，而且啲嘢食又賣到好貴。依間係唯一一間我係推薦嘅。一間感覺上好似拉麵比較主打，但係一直我都未有機會去試，因為佢個拉麵比較貴。所以我多數都係食慢煮去骨雞腿丼飯。慢煮雞胸對比起一般雞胸更加廢時去完成。而依一個價錢有慢煮雞胸食，我覺得非常之抵。再配埋溫泉蛋撈埋落去食，非常之完美。而且佢當飯入面個汁都係好好食。另外就係佢外賣袋好靚，成個飯都擺到好靚，顯得依間餐廳十分之有心思。好推薦大家去食。

石門京瑞廣場開咗好多小店，食拉麵嘅餐廳真係少，呢間Food Lab有雞白湯拉麵好吸引，今次就試吓呢間拉麵店。.Menu除了有拉麵、撈麵、涼麵，還有滑蛋飯及咖哩飯，加$18就可以轉套餐，包一份小食/甜品及飲品。.我哋叫了雞白湯拉麵，小食就揀了油揚龍蝦沙律及章魚小丸子；而飲品則是罐裝或支裝飲品。.雞白湯拉麵身為主角，真係無令我哋失望！湯底超正！！！好好飲，飲完唔會口渴。湯底濃郁鮮甜，好出色👍🏻另外，我好欣賞呢碗拉麵有好多配料！包括糖心蛋、秋葵、粟米仔、荀、蘆筍、京蔥，而雞肉亦有4大片，非常豐富，而且每塊雞肉都好嫩滑。.油揚龍蝦沙律 —油揚包住好多餡，口感好爽，配埋沙律醬一齊食，又凍又甜好開胃！.章魚小丸子 —我大愛呢度嘅小丸子，因為我鍾意佢無薑粒！亦有大大粒章魚喺入面，每啖都唔會有太多粉漿的口感；表面灑了好多紫菜碎、木魚碎，沾埋佢個章魚燒汁好惹味呀！.雖然店舖細細，座位只有3張摺檯，但食物真係非常高質，下次會再嚟試埋其他菜式😋

平時嘅我都幾中意食唔同嘅野食不過當我遇到一間滿意嘅 我間唔中就會食佢今次呢間小店都幾啱我心水今年食咗3次都依然keep到個水準希望佢可以keep住做落去！.個特濃雞白湯拉麵個湯底夠濃 越飲越想飲 但佢又唔係得味精味啲雞夠淋 又有溏心蛋 配料多唔同款式.個人黎講最中意佢個芝士燒雞肉軟骨棒入面有細細粒嘅雞軟骨啱哂中意有咬口嘅我第一次食呢個係叫外賣嘅覺得唔錯第二次係堂食會覺得趁熱食真係好食啲😂.拉麵+小食+飲品都只係$78完全係性價比之選希望大家都可以多多支持小店❤️

特登黎石門試佢個雞白湯拉麵，同行朋友叫咗個特色撈麵，點知個撈麵竟然好食過拉麵，出乎意料！個拉麵個湯OK但係啲肉冇乜味，但勝在份量夠多！下次再試吓其他麵先！不過堂食個環境就一般

見咁多人食，晏晝黎食下，我係堂食既落單果時好多人，心諗都要等3、4個字啦，叫左個蛋包飯，佢話多人要等4個字到，咁好啦我等點知等左45分鐘以上都未有，原來佢整緊我之後果啲單（？）我張飛30號，佢整左35號俾外賣等緊果啲人先（？？？）我問佢我個飯幾時有，佢本身整緊外賣單，我催佢先整俾我因為好多人話呢間好食，所以我都好期待啦，個飯個樣都似模似樣點知一插支匙羹落去，炒蛋面+白飯底，咖哩倒左係旁邊，以為有啲咩工藝要整咁耐tim🙏🏻同埋啲豬扒個樣係炸左一段時間，有啲黑仲有既係，我坐出面堂食，後面垃圾桶黎，成日有人掉垃圾，想食呢度既話建議拎走🙂‍↕️

去朋友屋企之前買啲外賣, 行到最入見到呢間唔算起眼 睇過食評叫泡菜雞肉冷麵+墨魚丸子+豬軟骨串+白湯豚骨拉麵 (唔信邪冇叫雞白湯拉麵) 白湯豚骨拉麵 配料/豬肉質地ok 最抵讚係個湯 用個保暖袋裝好 不過豬肉有陣味 可能係我哋個口嘅問題 lol 泡菜雞肉涼麵 胡麻沙律汁少咗啲 食到最後好乾 整體ok 咖哩雞扒蛋包飯 墨魚丸子 豬軟骨串 全部ok 呢個價錢 有80分可以encore 下次試埋個雞白湯先 ..............................

石門有一間拉麵小店真係好正！佢哋嘅雞白湯拉麵真係令人嘆為觀止！每次飲佢嘅湯都覺得好滿足，湯底好濃厚又好好飲，最正嘅係完全冇用味精，冇負擔啊！😍😍😍而且佢哋用嘅雞胸肉雖然係雞胸，但一啲都唔乾柴，肉質好嫩好多汁，真係令人嘆為觀止。加埋其他新鮮爽甜嘅配菜，同拉麵一齊食真係好夾！店員嘅態度都好好，好友善又好用心。每次去食拉麵都能夠感受到佢哋嘅熱情。對我嚟講，呢個真係好重要，令我更加想再次光臨呢間拉麵小店。總括嚟講，呢間石門小店真係令人驚喜，我好推薦大家去試吓啦！

上次喺附近一直都未諗好lunch食咩就一路行下行下行行下就見到呢間foodlab店面細細以為一定得外賣但外面擺左幾張枱可以堂食見到又有雞白湯拉麵，openrice評價又唔差就一於試下啦叫左個特濃雞白湯拉麵 $60可以跟餐+$18 就有多個自選小食同野飲…咁緊係加啦，簡左章魚燒，有4粒同埋冬瓜茶…係罐裝既野食嚟到…個拉麵湯啲色水似模似樣，味道係幾好既，蛋都好食，仲有條秋葵麵條就唔係平時食開拉麵果啲麵條，不過呢個價錢就 唔執著啦章魚燒意外地好食，感覺係即叫即整，好夠熱全部加埋$78，好唔錯架啦

石門算係近年崛起嘅美食天地，兩幢商場有不少大大小小食肆，個人一向較少評價小店，主因近年經濟下滑，現今環境經營困難，未去到太垃圾嘅食店都費事寫，而今次係想讚下FOOD LAB，講真我唔係咁鍾意食拉麵，但老公話想食就陪下佢✿ฺ白湯豚骨拉麵✿ฺ個湯底超濃，直頭有點杰，真係啖啖精華🤤，叉燒夠晒淋，重口味嘅朋友一定啱✿ฺ特濃雞白湯拉麵✿ฺ湯底冇豚骨咁濃，但味道更為鮮甜👍🏻，配以有田雞叉燒，口感似嫩雞胸，✿ฺ章丸燒✿ฺ熱辣辣，外脆內軟，美味可口✿ฺ芝士燒雞肉軟骨棒✿ฺ面層蓋上水牛芝士，yummy😋🎈以上拉麵跟配小食，並送罐裝飲品，一個餐講緊七十幾蚊，仲要唔係揸流攤，得閒路過真係要試吓

雖然，香港既拉麵熱潮可以說是結束了，但是同珍珠奶茶既命運一樣，日式拉麵既文化，早已經在那個熱潮後，成功地站穩腳，變成香港飲食界不可缺少的一員。在我工作的地方石門，本來有一間好出名既拉麵店，但於早幾個月前，因為一些私人既原因，光榮結業了。然後，某一天，我去到京瑞廣場 Food Court 既地方尋食，遇見了這一間名叫《Food Lab》的小店。細心看一下，原來是一間拉麵店啊。成個感覺雖然好港式，但店內散發出來的香氣，令我覺得，這兒值得我去試一試。這小店，主打是拉麵，亦有日式的丼飯及其他小點供應。可以說是應有的盡有。然而，我是被他們的拉麵出品吸引到的，所以來了兩次，都是食拉麵。第一次來，我先試他們的白湯豚骨拉麵。首先，個湯底真的是非常濃郁，是典型日式豚骨拉麵的濃湯底。麵條是香口的全蛋麵，掛汁能力食好高，所以，當我食晒碗濃濃香香既麵之後，湯水早已經所剩無幾。叉燒的肥肉不多，但也是夠香口的，而個流心蛋當然令人感滿意啦。那天，追加了一個小食。這一個炸雞皮餃子絕對是香口，同食到你成口油的邪惡餃子。雞皮有點脆，也有少少煙韌，包含了雞油同內心的豬肉餡，既香又可口。改日再來，我就試招牌的另一款拉麵，特濃

一攞到上手就覺得包裝真係放左好多心機包裝袋是用環保袋料，裏面仲有保溫袋放湯底完全可以保溫，返到去公司食個陣仲係熱辣辣💙特濃雞白湯拉麵 $58 佢地有三種麵條可以選擇：硬，普通，軟💨配料包括：田鷄叉燒，味付竹筍，京蔥絲，溏心蛋，秋葵，玉米芯，BB蘆筍唔洗60蚊嘅拉麵都有咁多配料真係好驚訝😮完全可以以勝價比完勝！！！💚拉麵湯底飲得出無味精，飲落去有小小咸，味道挺特別😙😗麵條硬，都好挂汁，挺有嚼勁😝🤤鷄肉好嫩滑，一點都唔鞋，件件都大大件😍😍有差唔多4件，真係食到停唔到口😇🥳評分：💛💛💛💛💛

外賣包裝很用心 拉麵湯是密封包裝 還外加保暖袋 小貼紙作區分 挺可愛的 買回家2小時湯還是熱的 很值得一讚 湯底喝完也不會渴 不是味精湯 雖然麵質不是我口味 但整體性價比高 餐具還有大湯匙 可見店家十分貼心冷麵味道也不錯 麵的份量很多 吃得很飽上次還吃過燒八爪魚丸 份量十足 每顆裡面有三粒八爪魚 很難得呢 跟外面吃的只有粉漿差很多雞軟骨棒每口都能吃到一點軟骨 口感不錯炸雞皮餃子也不會太膩個人覺得燒八爪魚丸的性價比也相對高會繼續支持這家小店 希望回頭客也能把袋子循環使用

之前已試過堂食，不過地方限制，位置不多較可惜。今日買外賣返公司食，揀左雞白湯味道拉麵。估唔到湯包密封處理之餘仲要用保溫袋幫你袋住。仲畀埋環保袋裝住，非常貼心。返到公司倒出白湯，仍然熱辣辣，雞湯味濃沃。同埋秋葵、筍同雞白湯都幾夾。而且價錢實惠，70幾蚊就食到，非常經濟同值得食過再食。👍🏻

Food Lab (沙田)沙田石門安群街1號京瑞廣場二期1樓OK Mall 102A01-01號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介： 特濃雞白湯拉麵$58，芝士燒雞肉軟骨棒(2串)$18，章丸燒 (4粒)$18，信州蘋果$18，芬達提子$5等候時間：5-10分鐘特濃雞白湯拉麵：前所未見的極濃雞湯，一啖入口腦裏即閃現生猛走地雞的映像，拉麵內含 “有田雞叉燒” ，採用產於九州的佐賀及長崎縣的有田雞烹製，肉汁多，有口感，脂肪含量少，還附有吸收了雞湯精華的溏心蛋，喜愛雞拉麵的朋友一定要試試！👍👍👍芝士燒雞肉軟骨棒(2串)：燒雞肉軟骨棒非常大條多肉，雞軟骨很脆口，烤至微焦夠惹味，芝士、醬油及沙律醬勁多，正！😍😍😍章丸燒 (4粒)：章丸燒大大粒，夠彈牙，即叫即燒，熱辣辣入口夠滋味，章魚肉大粒，附上很多的海苔、木魚、沙律醬，多得把章丸燒完全掩蓋了！ 😋😋😋信州蘋果：蘋果味濃的冰涼飲料，雖無酒精成份，但卻隱約有酒的香淳味，邊食拉麵邊飲信州蘋果，暑氣全消！👏🏻👏🏻👏🏻芬達提子：大熱天時，凍飲好事成雙，加多$5嚟支提子汽水，酸酸甜甜，寧舍醒胃！❤️❤️❤️

平時住沙田，有時想試小店嘢食都會嚟石門呢邊今次嚟到石門見到超多野食 花多潦亂但係見到自家熬製拉麵勁吸引而且價錢都十分親民$60都唔使食到一碗拉麵 勁抵呀🍜🔹白湯豚骨拉麵 $58『適合鍾意較濃味嘅食家』湯底超足料 而且比起一般嘅拉麵湯底較杰身令到拉麵可以好掛汁 有啲似食緊沾麵咁豬肉都唔求其㗎 用上西班牙杜洛克豬不含飽和脂肪 就算價錢平民用料一啲都唔求其🔹特濃雞白湯拉麵 $58『適合喜歡淡淡雞味嘅食家』呢個雞湯拉麵真係勁濃雞味 用咗日本有田雞 每片雞都唔會太多脂肪仲好有口感而且拉麵仲配有粟米芯、秋葵、蘆筍 真係冇得頂呀小食方面，都係好出色㗎，真係意想唔到🔸炸雞皮餃子超級超級超級無敵好食🤤平時嘅餃子都係用粉皮包住今次特登試用咗雞皮包住入邊嘅肉餡邪惡得來又願意用quota喺呢一碟小食上面真心好出色啊咬落去仲有雞皮嘅油香味🔸章魚小丸子 完全就好似出面賣緊嘅章魚小丸子仲要粉團唔會過多明顯見到真係有小章魚喺入邊🔸芝士燒雞肉軟骨棒一碟兩串，最好食係上面嘅芝士，甜甜鹹鹹咁而且雞肉軟骨串都好有口感食完好想再食仲有日本飲料🔺蘋果果汁🔺白桃果汁總評：呢間舖頭絕對係良心小店，戴晒以上所有嘅食物都唔使$200 ，