食道樂 (嘉華大廈) (已結業)

荃灣的韓國小店，主廚係韓國人，聽到佢同店員都以韓文交流，所以食到韓廚親自煮嘅美食。小店座位唔多，但有溫馨感覺，而且裝潢以小學裝飾為主，有兒時小學年代的學校枱櫈，張枱側仲有得掛袋，又有櫃筒位，放左menu。坐底點菜後，有粟米鬚水，味道清新，有淡淡清香。調味牛排骨＆牛仔骨 定食 $98前菜有醃茄子、韓國泡菜、薯蓉沙律。醃茄子酸甜軟腍，茄子好味。泡菜唔會好辣，係較酸嘅泡菜，爽脆口感。薯蓉綿滑，拌飯都好正。調味牛排骨，入味又易咬，味道係燒韓牛嘅醃料，牛肉味都重，好有韓國風味。牛仔骨連住少少肥肉，入口好香，牛肉嫩腍，連住骨位嘅肉更嫩滑，配飯一流。限量發售辣炒豬肉 紫菜包飯+泡菜 $65份量很足夠，有爽脆醃蘿蔔、醃菜、豆皮，加上味道濃郁嘅辣炒豬肉，微辣香口又惹味，豬肉好好味，入口味道融合，仲有麻油香，配泡菜好正。

突然懷念中小學時期的時間上網上見到一間韓式餐廳佈置有強烈的校園風所以就要去試一試啦環境的確很精緻雖然地方唔大但就容納咗幾張中小學嘅枱櫈點餐的menu仲要喺櫃桶入面真係相當得意餐廳食物選擇都唔少我比較簡單揀咗一個煎餅同揀咗個海鮮豆腐湯海鮮煎餅喺度嘅招牌菜食落好有葱嘅香味入面都含有唔少嘅海鮮包括蝦同魷魚等等口感相當豐富另外一個海鮮豆腐湯飲落有些少辣十分開胃同樣亦係有好多海鮮喺入面包括青口，魷魚同蝦等等豆腐都夠滑，所以係唔錯架

天氣凍，自己自然地好想食熱野同辣野。行行下街，係荃灣入左一間位置算入啲韓國餐廳，入面裝飾係行校園風，個感覺好似另外一間台灣餐廳小時光咁～～ 入到地侍應送上一杯冰凍既麥茶，唔知係咪春夏秋冬都係會俾冰麥茶架呢？我未去過韓國，唔知添🤣🤣🤣叫左一份韓式辣椒醬五花肉，食落好夠辣，應該有譚仔既中小辣，隔離仲有沙葱，用鐵板上，熱辣辣，旁邊送上一啲小菜，例如泡菜等等。五花肉係切得比較薄，份量適中。另外，叫左一份一個鍋物—海鮮嫩豆腐湯加配一碗白飯。估唔到湯底望落幾清，飲落幾濃味，而且入面有魷魚，一個大青口，蝦米，幾多既豆腐，仲有一隻蛋，都唔錯

今日山長水遠黎到荃灣，晏少少約左朋友。於是決定在荃灣搵一搵野食。突然好想食韓國野，見到呢間由韓國人所開的正宗校園風韓國餐廳。一於入去試一試。入到去覺得好有去左韓國學校的感覺，整個環境都佈滿左學校的氣氛，有書桌、有書包、有黑板。好似返左去中學的時候。MENU 亦有齊中英韓三款的文字，非常貼心。今次我揀左燉牛排骨。Braised Beef Short Ribs ＋ Rice Set。這個餐內有3款地到的韓國KIMICHI，都非常正宗，而且醃製得剛剛好。懷念旅行的味道。燉牛排骨上除了有好香濃和好有口感的牛排骨外，仲有好淋身的蘿蔔，蔥花和蛋絲。如果大家中意食KIMCHI ，可以在店舖內買不同款式的KIMCHI。

餐前小食有4款👻夠晒豐富又開胃😍海鮮嫩豆腐湯配白飯睇起上嚟好似平平無其😶但食落就知道食材真係新鮮嘅🥰個白飯好有米香😚豆腐又出奇的嫩滑，豆香又濃🥰其實咁樣已經係簡單的美味😚韓式牛醬烤排骨排骨肥瘦好均勻👍🏻個醬夠晒惹味😚仲有唔少洋蔥，香口又juicy😆送飯一流餐廳由真韓國人主理👍🏻而且裝修風格都好有特色，走校園風😼影相打卡都唔錯😎地點：食道樂 (嘉華大廈) (荃灣)荃灣享和街18號嘉華大廈地下C號舖

這餐廳位於荃灣享和街，是一間家庭式的韓式料理，韓國老闆娘負責樓面，老闆負責廚房，還有一個店員，他們全程都是以韓文溝通。店內裝修為校園風，餐桌都是用學生桌及學生椅。每個擺設都非常細緻，放了很多學生裝的陶瓷娃娃在餐廳的每一個小角落。三色前菜 （魚乾、泡菜、薯仔）各款泡菜都非常出色，所有泡菜小食都是店內自家製的。各款前菜調味都非常惹味下飯。而且所有前菜更可現場買走享用。另外老闆娘再請我們多嘗試了一款 蟹仔，亦都是非常嘢未，又甜又香，又脆卜卜。午市套餐泡菜湯$88味道濃郁，泡菜分量十足，就酸又夠辣，豆腐非常嫩滑。他們的白飯一點也不馬虎，粒粒分明飽滿丶煙煙韌韌。湯泡飯吃一流，因太下飯的關係，詢問店員可否添飯，成功了🥳炆無骨牛扒+烤LA牛仔骨$98～推兩款牛肉都煮得非常腍，一點也不韌，而且入味。調味醬汁不會過鹹過甜，令牛肉更加滋味。除了附送米飯外，跟餐更奉上生菜。*+$8 有罐裝飲品食道樂 (嘉華大廈) (荃灣)荃灣享和街18號嘉華大廈地下C號舖

話說老婆話呢頭有間正宗韓國菜，行到入舖頭，小學生檯、書包、細細包零食，好似入咗班房咁，好攪鬼！近門口處有好多老板自家醃製小菜，晚飯嘅前菜會有幾款開一開胃，調料炒魷魚絲同醬油蓮藕最好食，濃咪又有口感，蓮藕爽脆，魷魚絲有咬口，最後我地仲買左兩盒返屋企食！新鮮即整嘅蒜香醬油炸雞係唔同，今次食到嘅味道比平時更濃醬油，少少蒜味少少甜味，皮香脆雞肉嫩口，連皮食都無肥膩感，超正！香辣湯年糕，少少甜辣度十足，年糕夠哂煙韌，食完成個熱哂。食飽侍應比左d自己整嘅梨蜜我地試，剛好可以中和頭先嘅濃味，飲完又真係幾舒服。滿$300有小抽獎，好warm好有趣。檯唔多，成間餐廳好乾淨整潔，韓國人主理，舖細細但勝在門口大把車位，好方便。食具佈置甚至Menu都好用心，經營不易，一定再黎支持！

學生哥，好溫功課，咪淨係掛住踢波....曝露年齡系列。但真係估唔到韓國店，充滿返學既擺設，讀書枱仲可以勾袋，或放入櫃桶，真係在學回憶返哂黎。 Stir-Fried Spaicy Rice Cake (with Snack set $168)辣炒年糕，用料豐富，有魚片有西生菜，湯底好岩愛辣既人，少少甜中瀰漫濃香既辣味。細條彈牙年糕與辣湯店員介紹炸物拼盤可以浸下湯，更好食，我當然兩種食法都試過，如唔想咁熱氣及重口味d，就可以浸湯。但想清淡香口，就咁食都好味道。Cheese rice roll ($65)韓式壽司卷，果然食得出芝士絕對係主角，但其他食材都好食。芝士就邪惡少少啦，配搭都係健康蔬菜為主。店內前菜可以再添，精緻又好味，最鍾意泡菜。最後仲送一杯仔甜糖水，解舌頭上既辣，錦上添花。

香港韓式食店確實不少，大多數都是韓式燒肉或炸雞為主，但以地道式小店食物，又確實不多。在荃灣就能找到一間地道式小店，由韓國主廚主理，所以能吃到地道式風味，食物味道水準高，有點懷念在韓國旅行時，所吃的地道食物。******************************真的意想不到，在荃灣享和街，滿滿車房的商店，都有一間韓式地道小店，食道樂。從街外所見，只是一間普通小店，門面就有些韓文字。走進餐室，地方不算很大，裝潢掛著韓文在牆上。以返學時所坐的枱和櫈，作為食飯枱，還放了些書包在枱側邊，確實有點趣味感。店内還有些漬物售賣，都是地道韓式小菜，分了4個size，價錢由HKD20-HKD240不等。全部都由韓國人主廚自家製，絕對是地道韓式風味。看似很簡單的一間小店，但選擇都有不少，包括了Set Menu，以牛或豬肉配好涼拌小食。另外有Rice Menu，以飯為主配菜或肉類，涼拌小食另上。還有Soup或Noodle Menu，以湯配飯，或麵食，價錢由HKD58-HKD138不等。飲品有一般汽水、果味飲品、韓式罐裝家飲品或燒酒。午飯時段，加HKD8,就可以享受一罐罐裝飲品。入座就會送來一杯冷茶，但午

位於荃灣廣場附近的享和街/享成街，係小店的集中地，有拉麵咖啡店西餐店等等，最近經過見到有韓國菜小店，今日襯周末就來吃個午餐。 店前有韓國旗仔和外賣介紹牌，看到外賣的選擇多和價錢合理，另外有超多款韓式小菜(即泡菜之類的前菜)可以買走，十分吸引。走過食店有很多韓文字/Welcome to Korea佈置，裝修以課室為主題，除了學生枱和牆上的黑板，也擺放著韓文教科書，氣氛不錯!  (臨走結帳 係由韓國oppa負責，原來係韓國人廚師 🤩) 跟朋友點了兩份主食為午餐，餐廳為準備韓式小碟，有泡菜，薯仔絲和蝦米翠肉瓜粒，令人開胃。 =烤牛肉蓋飯 ($98)=賣相吸引，牛肉份量多，食落唔韌，有紅蘿蔔、椰菜、洋蔥和韓式牛骨醬汁一起煮過，味道濃郁，微甜又唔會鹹，另外，有面有煎太陽蛋，跟牛肉配菜再配飯食，十分搭配。 =調味牛排骨肉&LA牛仔骨套餐 ($98)=同樣附上韓式小碟，主食的牛仔骨煮得超入味又淋身，將牛仔骨連同韓式烤肉辣醬和生菜包著吃，是韓國的滋味! 另外有白飯，因此濃味的牛仔骨配飯吃可以中和味道，整體滿足。

一間韓國人小夫妻開的韓國餐廳，想去韓國旅行但在疫情下又去唔到，但又想食到正宗韓國式味道嘅食物，係呢到可以比我感覺到在韓國的溫馨感覺，就像看韓劇一樣，韓劇裏的小店舖就像我現在在這裏吃東西的小店一樣，感覺溫暖的❤️———————————-正宗自家製韓式前菜：韓式泡菜、魷魚🦑、蝦🦐乾肉豆：食物全部自家製、完全感受到置身在韓國的食物一樣，一個小小的前菜都做得咁好食😋👍———————————🦑海鮮豆腐泡菜湯飯：微辣，食落好開胃、有金菇菜、魷魚、蝦、豆腐、西芹……..等等😋—————————涼茶：一杯自家製的涼茶，味道很好喝又好特別的味道👍——————————正宗韓國式口味….置身在韓國的小店其實開心🥳⋯⋯簡、單就在你身邊食..拍…寫已經成為我生活中的一部份鍾意食…鍾意拍…鍾意寫..留下美食回憶🥰—————————-

今天和好友在荃灣廣場行逛後，便來到享和街一帶覓食，期間發現這一間韓國特色滿滿的小店，{食道樂}，覺得店名翻譯得很不錯，讓人感覺這裡的食物質素可以帶給人快樂，決定進內品嚐一下那讓人懷念的韓國菜。餐廳面積雖然不大，只有八個座位，但店內的裝潢充滿韓國特色。這裡由韓國人主理，而店員則是用廣東話與客人溝通的。聽到店家用韓文彼此交流著，實在讓人由衷想念韓國呢！店內的收銀位置擺放了各種具韓國色彩的公仔、零食、遊戲和玩具，同時這裡也讓人有置身於學校班房的感覺，黑板上寫着限量發售的菜色，餐桌都是採用學校教室的桌子和椅子，還有用來放Menu的櫃桶！桌子旁邊還有掛鉤，可以把袋子或背包掛在這裏，在校感爆發。看過餐牌，發現這裡的菜式都是韓國地道菜，也是最為香港人熟悉和喜愛的菜式，煎餅、部隊鍋、人蔘雞湯、泡飯、拉麵、年糕等等，包羅萬有。想了想，最後點選了「菜包肉」和「紫菜包飯」。首先，伴隨着主食的，是各款韓國特色伴菜。薯仔蘿蔔絲、醃茄子、泡菜、醃蝦豆，每款口感和味道都不同，各有特色，爽口開胃。店內有雪櫃裝載着各式各樣的醃製涼菜伴菜，保持新鮮，如有興趣購買，可以向店員查詢。另外也有用於放置韓國果

週末同朋友一齊喺荃灣西站附近覓食，經過呢度，見到係韓國🇰🇷餐廳，裏面裝飾幾有趣，有韓國🇰🇷小學生嘅書本📚、仲有書包🎒、又有韓國國旗🇰🇷，亦都有韓國🇰🇷廚師老闆，有咁嘅組合，咁就決定入去試吓😆叫咗幾樣食物 share 😆：- $118嘅「牛排骨湯拉麵🍜 Beef Short Ribs Soup with Ramen」：湯底超級濃郁😋；仲有四條牛排骨🐂，上邊黐住好多牛肉，牛肉有啲咬頭亦都有非常濃郁嘅牛味😋- $55嘅「飯卷 Original Rice Roll」：紫菜飯卷 裏邊有牛蒡、雞蛋、紅蘿蔔、醃菜，簡單好食😋- $98嘅「蔬菜煎餅 Vegetable Pancake with Pumpkin, Carrot, Spring Onion🌮」：外邊煎到脆脆哋，裏邊嘅南瓜🎃、紅蘿蔔🥕、洋蔥🧅，就好清甜😋；沾辣醬油食好惹味😋

又去試新開小店，呢間韓國小店位於荃灣，餐廳不太大，共有個8座位。枱子用了小時上課用的書枱，十分有趣。牆壁掛有各式精緻裝飾，感覺舒服。 食物由韓國人主理，而且店鋪聲明不用包材食材，所有食物均為自家新鮮製作，大家嘅可食到食材原汁原味，亦可以食到地道嘅味道。調味牛仔骨配飯食材鮮，調味不錯，有肉香又有鮮味，仲要有咬口。牛排骨湯配飯湯香清甜因配上粉絲，蛋絲及大蒜 ，更加提升鮮甜味道。飯後韓籍老闆娘私人送出一小杯凍肉桂茶，非常好飲 。另外，店內亦設有凍櫃，提供醃製小菜或醃海鮮外賣。一定要支持一下，最後購買大size自家醃製泡菜，真的又食又拎 。小店沒有加一服務費，加上因為 Grand open 期間，所以仲有10% off 添呀 。

係附近買完野順便搵下野食，見有間新韓國菜開左不如試下，門口睇真係唔多覺眼㗎，唔係擺左餐牌真係無留意到。入到去同店員講兩位，咦咦…店員係韓國人黎喎，收銀、廚房同店員似乎係一家人，全部都講韓文㗎，即刻覺得好正宗，哈哈。小店只有八個位，用小學生枱櫈，仲掛埋書包真係好得意。枱上有酒精搓手液，仲有呢個好神秘的牙籤盒～先送上涼菜，有三款，左起茄子、泡菜、薯仔，韓國人整個啲特別好食，醃起上黎無化學味，泡菜又爽又脆酸辣剛好，茄子綿綿的帶甜味，薯仔很淋同樣甜甜的，唔知點整到咁好味？好食過盒裝個啲咁多。主食叫左蔬菜紫菜包飯，雖然叫蔬菜但唔係素㗎，有腸仔係入面，醃蘿蔔鹹鹹酸酸，仲有麻油味，簡單又好味。另一款豬肉紫菜包飯，餡料基本上差不多，多了泡菜豬肉的辣味，個人覺得呢款更惹味。仲點左碗拉麵，睇落平平無奇，但梗係人地就煮得好食過自己煮，點解啊…湯底濃郁少辣，唔鹹亦唔係味精湯，麵條掛湯彈牙，最正係上面有塊融化左嘅芝士，真係超好味呀！家庭式小店，簡單又好味，支持下小店啦～