食館1882

營業中

休息中

今日係勞動節假期 咁岩經過附近見到就入去試下早餐款式都幾多 價錢又唔貴今次嗌左雞扒滑蛋公仔麵 跟凍飲 $39雞扒都幾大塊 加左黑椒落去煎煎得好香口 又唔會太鹹 太鞋口出面有啲鋪頭又細舊又鞋滑蛋就唔會過老 有蛋香味 幾滑公仔麵就正常發揮 成份餐食落其實都幾飽肚鋪頭環境都乾淨衛生 又唔會成地油同滑店員都算幾有禮貌 落單埋單都好快手上餐又快唔使點等食完望下佢午餐menu見到選擇都唔少 價錢又ok下次有機會想試下😋😋😋😋😋

係屋企附近有間米線專門店🍜 開左好似都有3-4年🤣 雖然係附近嘅新樓盤地下 都開左好多吾同嘅餐廳🍴 但講到米線 始終都係食館 1882整得最香😛🍀麻辣米線配豬扒麻辣湯底整得好香 而且有吾同辣度比我地簡🤫 中辣都已經夠辣 加上湯底就算係外賣 但都仲好熱辣辣🔥 豬扒炸得好香😍 吾會炸到硬繃繃 而且色澤吾錯☺️ 配料嘅花生夠脆 吾會係啲淋晒嘅花生🥜 🍀凍鴛鴦茶底夠濃 味道算係吾錯☕️ 如果係奶茶嘅話 依間嘅味道同平時飲開嘅奶茶味有吾同😗 有興趣都可以試下🤣外賣連埋野飲 都係$50左右 吾會話好貴😜 有時係屋企懶吾想煮野食 就可以叫樓下外賣🥡

喺呢間舖嘅樓上開會，見朋友話未食過呢間就同佢嚟試下。自選肉燥飯-腩肉 ($45)肉燥落左八角，所以個汁好香，好夠味，唔係好鹹。腩肉多肥肉，有D 就好乾，大部分都算嫩。芝士撈公仔麵加雞扒 ($45)雞扒有啲乾身，雖然話係芝士，但食落似白汁，公仔麵唔會過腍，算彈牙，配菜就算了。凍檸茶 (+$3)檸檬新鮮，茶底唔澀。凍奶茶 (少甜) (+$3 )茶味香濃，奶同茶嘅比例適中。總括嚟講，如果想快食又冇乜要求，可以去試下。

呢間餐廳黎野食非常快，碗米線份量非常多，完全係可以食飽。而配料都非常多，可能食晒啲米線，可能都會淨底啲花生。米線唔會好難入口。佢既腩肉比其他米線鋪既厚，非常滿足，覺得佢所有野都大份想要速度快既，都係一個唔錯既選擇

一日之計在於晨香港人工作忙碌有時早餐食個包🥖飲盒奶🥛速食一個早餐就草草了事有時有多少少時間可以坐低食碗粉加隻蛋 已經好滿足雖然份量唔多但有澱粉質 有肉有菜已經係不錯嘅選擇

聽電話果位阿姐好無禮貌，落單好似想鬧人咁，落完單即刻cut線，唔講多謝/唔該唔緊要，最起碼都應該講聲byebye先收線, 連基本禮貌都無，我係電話另一邊O左咀。米線一般般無咩特別，態度問題唔會再叫！

今日買咗外賣早餐餐腿治，一打開呆咗，塊餐肉幼過條牌九打返去同佢講，伙記叫拎番幅相落嚟問事頭婆俾番錢，落到去事頭婆：［我地不嬲係咁樣喎，只係你少食啫！］好嘢！收番錢唸住算，但個態度真係嬲咗！

今日叫咗佢下午茶西多士加薯條，其實之前食過呢間感覺都唔差。今日直情用難食黎到來形容先講個西多士呢好似擺咗成日咁樣然之後再翻炸俾你食，一打開個盒已經有油溢味道 再嚟薯條其實叫貨好難會唔好食但係一見到好似油浸有燶又黑打落鋪頭負責人話佢哋琴日先至換過油根本唔明點解會有油溢味，你唔知唔通我知咩？激死

常餐：蕃茄湯公仔麵配豬軟骨+熱奶茶第一次來屯門泳池站的屯門中央廣場，地舖只有幾間港式茶餐廳，附近沒有什麼選擇，由於不熟路，求其搵了間餐廳食午餐。結果⋯⋯蕃茄湯底超級鹹，而且似係用茄膏+羅宋湯溝水開出來的湯底，完全見唔到有蕃茄粒。鹹到加了半杯清水落湯度先食得落。可一不可再。細細碗公仔麵賣港幣46蚊一個餐。蕃茄湯公仔麵配豬軟骨+熱奶茶蕃茄湯公仔麵配豬軟骨+熱奶茶

呢間食店真係令我印象深刻，我想為佢寫食評好耐喇，但之前發現冇佢個page，所以冇寫到⋯話說之前去食早餐，見價錢相宜，又多配搭，所以去試下。入到去個格局好似飯堂咁，一排排，但比一般環境迫夾，想搵個地方放隨身物品都冇。我叫左個五香肉丁米粉加奄列既早餐。奄列已經唔似平時食開咁款，似乾爭爭既蛋餅多尐。而亮點係佢個五香肉丁米粉（見下圖），成碗面加埋得肉丁兩粒，其餘係「凝固醬汁」同「全脂肉丁」，感覺好似就咁將罐頭尐剩餘物資（豬潲）倒落碗粉度。我頓時覺得有點迷失，然後舉手通知侍應，點知個資深女侍應行都冇行埋黎，挨住牆問我咩事，我唯有嗌過去，向佢描述碗肉丁粉既情況，心想佢地可能唔係故意既，點知佢回一句：「係咁架喇！」KO左我。如果間食店攞呢尐嘢去比人食，我覺得係對食客唔尊重，加上服務態度惡劣。田土火店遇唔少，呢間真係令人印象深刻，令本想多支持小店既我為之卻步⋯