影片
營業時間
今日營業
11:00 - 22:00
星期一至六
11:00 - 22:00
星期日
全日休息
以上資料只供參考, 請與餐廳確認詳情
好多年無寫食評，但係都忍唔住寫。搬咗嚟上環區兩年幾，一直都唔發現有邊間車仔麵檔係好食。有一日行過，再搵吓OpenRice嘅食評見到唔錯，於是就試一試，點知見到佢都有幾多串燒類嘅小食就叫咗幾款試吓。就發現其實佢最出色嘅係串燒類，之前試過燒大腸，雞皮同埋牛仔骨都係非常好食。今次叫咗原條蒜蓉燒茄子同埋椒鹽燒牛舌心$68，個牛舌芯係非常之爽口同埋我叫咗中辣係剛剛好惹味，唔會話太辣。不過份量黎講唔算話好多但係味道都對得住佢價錢。至於個燒茄子就好大份，佢係有種甜甜地既味道，同平時出面食既燒茄子唔同，$38唔算貴。我會再想試埋佢其他唔同既串燒，甚至我覺得佢比起其他所謂既串燒店仲好食。車仔麵係正常發揮，但係好抵食！希望依間小店可以做得住，#支持本地消費
繼續閱讀
話說這間旺角車仔麵啲料真係澎湃到翻船！🍜我點嘅五餸車仔麵，勁過海盜嘅寶藏，各種選擇令人眼花撩亂。呢個滷水豬踭肉，叫我點可以唔夾！夾起來，入口即溶，啖啖肉，足夠嘅膠質仲揸實晒啲味道，豬大腸亦都唔遜色，滿口留香，好過電影院嘅爆谷！🍿面條彈牙得嚟吸晒啲滷水汁，每條麵條都食到濃郁嘅香味，麻麻哋嘅辣味刺激晒我啲味蕾，啱晒我呢啲愛辣嘅食客。🌶嗰兩串秘製燒豆卜，簡直好過任何CG特效，金黄啡色外皮，靚得一踏糊塗，鮮嫩汁多，芯軟韌勁，滿滿嘅滿足感！串串之間啲醬汁都各有特色，啲辣醬夠晒正，順滑過流星，每嚿都誘惑到你一試難忘。結論係，呢家車仔麵，真係香過香水，絕對無得輸！下次再捱大雨，都要黎呢度撐著雨傘排隊等外賣，啖啖正！🍴😋👍
繼續閱讀
哥吖，今次我踩到一間超正嘅車仔麵店，同老友記開開心心地去嘆嘅。先講講呢間店嘅油麵，真係得嚟腍，口感Q彈得嚟啱晒口味。滷水豬耳同滷水豬紅就更加勁，呢啲滷水勁香同入味，食落去肉味濃郁，豬耳仲帶啲爽脆，豬紅就係滑溜溜嘅。至於自製拳頭母（豬肉丸）同牛筋丸，嘩，真係靚仔盡，拳頭母好有彈性，牛筋丸又夠嚼勁。嗰碗咖喱魚旦米粉就幾有創意，夠哂香濃。配上滷水金錢肚，足料而且超級入味，滷水豬腩滑嫩肥瘦適中，滿足晒啲食肉獸😂。滷水豆腐滑得嚟又保持咗本身嗰股清香。自製九菜餃同春卷又唔錯，內餡鮮味無比，外皮香脆。串燒嘅豆卜香口得嚟帶點孜然味，而台灣腸就透著一股燒烤香氣，好夾車仔麵。食完呢一餐，真係覺得我哋嘅飲食文化真係無得輸，小巷深處都有寶貝！打個飽嗝，感覺好滿足嗰種，連臉都樂開花🌸，淨係諗住下次仲要再嚟轉轉味道。飲杯豆漿，check埋單，今晚食得開心，講真，車仔麵加串燒，真係普通得嚟又唔普通，疫情快啲過去，我要約埋晒班朋友黎試呀！🍜🍢👍
繼續閱讀
灣仔藍屋附近開咗好多嘢 有新嘅cafe同埋呢間車仔麵🥳❣️四餸車仔麵 $50滷水豬大腸/秘製豬紅/清甜蘿蔔/滷水豬軟骨我覺得幾抵食😆 超大碗麵 勁多餸🍜大部份都唔使另外加錢💕蘿蔔要讚非常清甜冇渣🤤 一定要嗌‼️滷水豬大腸豬軟骨都好入味 冇豬臭味 唔會好肥🐖 豬紅平時好少食到 呢間煮到我最愛嘅質感 唔會一夾就散👍🏻 另外都搭咗好多生菜🥬湯底揀咗麻辣滷水汁 中辣 好惹味 醬汁冇手軟💦配米粉超正٩(๑˃̵ᴗ˂̵๑)۶ °❣️五餸車仔麵 $55招牌牛展/滷水豬頸肉/自製拳頭母/自製牛筋丸/自製韮菜餃朋友嗌咗其他嘢 牛腱同豬頸肉都比較有口感🐮欣賞會自製配料嘅麵店有誠意 👍🏻 拳頭母唔知係咩原來係豬肉卷咁👅 牛丸彈牙 juicy💦湯底加咖喱汁都幾好~ 香但唔辣🌶️❣️秘製燒安格斯牛仔骨 $68有驚喜~ 牛仔骨好重牛味🐮 有點脂肪非常易咬🤤黑松露 mayo係點睛之筆💕❣️蜜糖燒台灣腸 $22原本以為會係一條大嘅 原來係三粒波波腸咁🤣❣️凍檸茶 $6❣️豆漿 $10
繼續閱讀
一向係車仔麵忠粉，周圍走搵嘢食俾我見到遠處有招牌寫住「車仔麵」，梗係一支箭衝去。地方唔太寬躺但同一般車仔麵檔比我覺得算坐得舒服，地方和自助餐具都很乾淨。最緊要佢唔會趕你走，你食完坐下慢慢飲埋杯嘢都仲得。不過我食到尾時冷氣機滴水落我手臂，扣少少分。自家製韮菜餃，細細隻好味，唔怕食完食唔到其他餸。食得出新鮮，唔係冰咗好耐果啲。讚！豬腸乾淨入味，讚！豬紅話係秒制，在場有好多人叫，但我食唔出咩特別。好食嘅。整體滿意，一定回頭
繼續閱讀