飯意冰室 (已結業)

夜晚兩人晚餐，兩個餐本來都有湯，但無得揀得白湯，等左三個字先通知無，再發現餐牌話左最終決定權，不公平條約忍住先，食物係重點。女友既黑松露芝士焗飯試食左啖，比例錯哂，得黑松露味，失敗！等左半個鐘，我既904鴨胸炒意粉無上過，再三舉手終於肯理，丫姐追單一次都無上菜。再揾拎一個丫叔幫手追，終於有結果，就係賣哂，同時鬧㕑房無貨唔出聲。唯有揀過，轉要903三文魚意粉。由坐低到上意粉，用左成個鐘，質素都係欠奉。三文魚都係一塊塊，但係好鯰，用叉拮未用力都好似想爛咁，意粉又係煮太耐，完全唔彈牙。最慘係個汁，忌廉汁收唔亁，成個粉好水，不知所謂！最火滾係食完後，見到隔離枱枱都有白湯，者係一開始已經講大話！

原本以為只有午餐供應，原來還有幾款常餐可以選擇。 而坐位也不會太難受。蒜蓉吐司台式名字，茶記地道之選。焗到鬆軟而帶有少少燶，入口是香脆的外層包住軟綿綿的麵包心。蒜蓉味好重，但略略有點乾身和熱氣。懷舊餐之招牌蔥油雞扒撈麵上枱是香味十足的蔥油雞扒，上面是非常重口味的蔥味，雖然不喜歡蔥的味道，但確實是非常香。雞扒是日常超級無敵邪惡和油膩的煎炸雞扒，雞皮香脆，但不致乾身和乾身。雞皮下的雞肉不會過於粗糙，也不是十分嫩滑口味，只能說是不過不失。但撈麵是不合格，撈麵醬汁分量太少，公仔麵好像沒有煮熟，超硬身的口感。一兩口之食不下去了。

原本想找間食粉麵的，但行勻都沒找到心水。經過見到這店，下午茶許多款式。唔想食飯，又不想食菠蘿飽咁邪惡，就叫了「港式豬扒飽」。加$5就有埋沙律菜及薯角，咁抵，當然一試😬⋯⋯講真，「港式豬扒飽」真沒什麼寄望，但一送來，真由冇乜胃口和食慾變得😋⋯⋯只是$36有咁樣的份量👍。沙律菜是正常的，菜不會爛霉，薯角份量不小啊！炸得香脆。個豬扒飽真的要讚讚讚👍👍👍，飽皮香脆，暖暖的，饀料充足。這下午茶真值得推介

晚飯叫了一碟豬扒意粉和蕃茄牛扒通粉厚切豬扒還可以意粉非常乾和碎 亦非常不入味牛扒很un 最離譜是麵包的反面全是燶的 咁都可以擺上碟比客人食 非常不滿意的一餐 以後不會光顧

早餐份量好大，沙嗲牛肉唔錯。而且佢嘅豬扒好大件，但係對於佢哋嘅服務質素我覺得有待改善。鋪頭嘅位置好大但係店舖嘅職員淨係安排我哋坐喺非常迫既位置，而且雖然今次嚟食嘅味道唔錯但係之後我再去多左次佢嘅質素同水準始終未如穩定。其實睇起身真係幾抵食但係啲食物就有啲質素參差不過都驚喜佢哋嘅豬扒好大塊⋯沙嗲牛肉唔錯湯底就一般般因為都比較鹹而且通粉嘅口感亦都好散。希望餐廳可以改善一下服務同埋穩定性，我下次都會再來光顧因為想試linch都幾抵嘅沙律

hello👋，又係喺荔枝角返工嘅我，呢間係我間唔中都會過嚟嘅餐廳🤭，我睇住呢間餐廳開張🧐睇住佢大排長龍🤦‍♂️，不過最近先去過呢間餐廳，一入到呢間餐廳個裝修都ok嘅，跟住睇返個餐牌其實呢間餐廳嘅價錢係比其他貴少少嘅🤑，不過我冇所謂 ，我睇咗個menu 跟住叫咗個佢哋話係招牌菜嘅鐵板飯🤣，一嚟到嘅時候 已經見到碟飯好大碟，跟住waiter同我講出面有個自助沙律吧係任食嘅🥗同埋有湯係任飲嘅🥣所以我就出咗去攞咗 一兜沙律同一碗湯，食完之後真係好飽🤗，而且味道真係唔錯，所以呢間係應該我比較推薦嘅一間雖然價錢高啲啲

Saturday，睇完電影已經19:10，順利吃過晚飯再回家，我姊說到飯意冰室，靠她的教會很近，她經常星期日來吃午餐。星期六晚市，約八成入座率，生意挺好的！３人點了３個餐，share吃：#咖哩豬扒飯#大腳板西冷野菌蛋蓋飯#豬扒併司華力腸蛋蓋飯#羅宋湯#凍檸茶#蔬菜沙律食物水準普普通通，味道好的有２樣：大腳板西冷和凍檸茶：#大腳板西冷定價88元，好大塊，抵食！肉質嫩，味道挺好的！#點單時凍檸茶要求少甜，味道好！

是日點餐：黑松露薯條 + 蟹子沙律黑松露醬尚可，可以再濃郁一啲薯條炸漿鬆脆，可惜油左啲蟹子沙律份量正常，味道👌👌整體賣相幾靚🌈🌈熱檸檬茶味道正常番食指數：😊😊😊

本想去的餐廳爆棚，唯有另覓食肆。遇見冰室，餐牌內容多元化，最吸引的是寫著沙律自助，走入去望一望，沙律及湯都是自助；實在有趣，所以試試。午飯時間多人，叫了牛扒拼吉列魚柳意及常餐。落單後便自行到自助桌攞菜食，西湯有四煲，其實只是紅，白兩款。菜有五盆及芝士粉，補充夠快，算合格。主食份量大，質素都可以㗎，午餐肉超厚，魚柳即炸，牛扒薄咗小小，不過唔要求了。唯一係意粉，唔太喜歡用茄汁炒嘅意粉，純個人喜好。整體可以，下次可以試試全日早餐。

荔枝角有間冰室，門面好神秘無招牌，入到去先睇倒餐廳招牌 今次同朋友去食下午茶～呢度嘅裝飾環境都幾好，座位寬敞舒服。下午茶非常多選擇。全日營養早餐 $58有鮮油菠蘿包、香煎雞扒、牛奶炒蛋、斯華力腸、炒雜菌、茄汁豆、沙律菜。勁豐富，只係$58，值得一讚嘅係鮮牛油同菠蘿包係分開嘅，唔會因為菠蘿包嘅熱力令舊牛油上到檯已經溶晒，非常貼心牛奶炒蛋好滑，炒雜菌係加咗牛油炒好香成個餐都好好味當餐 $45有沙嗲牛肉公仔麵、火腿、炒蛋、奶油吐司。普通炒蛋都炒得滑 又係成個餐都唔錯無乜嘢好彈。真心推薦，下次再嚟試下晚餐

下午茶有好多選擇，最平十幾蚊就有一份多士+一杯野飲。因已經食左午餐關係，唔太餓既我叫左豬仔包餐，打算坐舒適寬敞的卡位消磨時間。想食飽啲都有好多選擇，例如熱狗🌭️，仲可加五蚊配薯角。見到出面仲有沙律吧加湯，自助形式，詢問得知叫午餐就有得免費享用。

今晚買左730戲飛, 襯未開場前食少少野, 因為時間唔多決定去附近開餐😊 一入到去, 地方都幾大, 但人唔算多, 可能時間尚早, 餐牌上嘅食物種類繁多, 而且價錢唔貴, 我同男朋友就一人叫左一個晚餐,有沙律🥗, 主食🍲, 餐湯🥣同餐茶☕。聽聞E度嘅西多都幾大份, 當然要叫嚟試下啦🤗🤗餐湯🥣, 我地兩個都叫左紅湯, 個湯上枱時係幾熱嘅而且味道比起其他餐廳濃郁, 唔會淡而無味, 亦唔會好油, 唔錯👍🏻沙律🥗細細碗, 正常味道, 我叫嘅係紅酒燴牛尾🍷🐂, 醬汁多, 味道ok, 牛尾份量都幾多, 肉質唔韌, 而且都多肉嘅, 飯量正常, 撈埋汁, 正!男朋友果個係俄國牛柳絲野菌蓋飯🐂🍄, 份量還好, 牛柳味道正常, 野菌炒蛋都ok, 味道不過不失😊厚切西多真係幾大份嘅, 比起出面茶記, 佢有兩層麵包🍞, 食落去會比較實在, 西多嘅蛋味好香而且佢入面嘅花生醬用左粗粒花生醬, 花生嘅顆粒香脆🥜, 令其口感更勝一籌😋😋😋 $28一份真係唔貴, cp值高!👍🏻👍🏻

After exploring the D2 Place weekend markets, we went out for a quick bite. Not sure what to eat, we ended up at 飯意冰室 (English name: Rice Love Cafe) as we saw several people going in.It was a typical cha chan teng and very big in size. As we were there during afternoon tea time, they had a tea time menu available. Menu in Chinese only and there is no 10% service charge. But they have photos of all the food.I ordered a pork chop sandwich ($28). It arrived very fast! It was pretty good. The pork c

又一次食到間衛生情況麻麻嘅餐廳。係碗湯發現有隻嘢，好彩未點飲佢係自助式嘅，自己拎沙律同湯。我今次好好彩，唔係食咗先知，好彩發現到...佢本身重要係蘑菇湯，勁難發現！所以我係好好彩先岩幫佢整個儀式不過，識飛嘅無得避？肉丸ok，都好食嘅。長通粉正常，無乜特別。餐牌朋友點的A餐。總結如下！好：呢個價錢自助沙律同湯任食任飲係幾抵嘅。有時菜式幾吸引，價錢range都大⋯⋯上菜速度算快。壞：衛生情況mama，食物質素好一般。

食飯時間咁啱經過附近，特登嚟呢間朋友誠意推介既飯意食個lunch。今日既lunch set有五款，我揀咗《香草燒春雞拼鹽燒大頭蝦蛋蓋飯》($62)。無諗過用咁抵既價錢就可以同時食到燒春雞同大頭蝦，份量比想像中大份。雞既味道都幾好，個皮仲脆脆地，仲有埋脾仔😋略嫌隻蝦有啲乾，蛋蓋飯就還好。個餐仲配有自助沙律吧同飲品一杯。自助沙律吧可以任裝沙律菜同其他配料，仲可以任飲粟米忌廉湯同羅宋湯添！呢個lunch完全係出乎意料既好食！食物量好夠，味道都幾好。不過可能因為繁忙時間，服務就麻麻。下次一定會帶埋朋友過嚟食！