飯意冰室 (已結業)

到長沙灣探朋友之後， 差不多接近晚飯時間， 所以到飯意冰室食埋晚飯先。 冰室環境都幾大， 我見餐飯上有鐵板餐， 點了一個 招牌鐵板餐$76，紅酒燴牛尾飯$65， 凍檸檬茶跟餐加$3 。首先兩碗羅宋湯酸酸甜甜幾好飲， 可惜沙律菜不新鮮，黃黃的。招牌鐵板餐份量多， 但幾塊扒的質素麻麻地， 稍為最好食都是珍寶腸， 另外意粉太軟， 口感不好。紅酒燴牛尾飯芡汁惹味， 送飯一流， 牛尾份量多， 味道可以。一間中規中矩的冰室， 味道普通， 因為附近沒有太多選擇， 所以經過肚餓都要入去醫肚啊！

果日我將會去長沙灣mcl睇戲去到先荔枝角先搵間餐廳快快食餐飯咁岩見到飯意冰室，就去try try果刻6:45pm，見店內都唔算太多客店員叫左我地去坐長枱我地分店點左紅酒牛尾飯和咖哩牛腩飯首先講下佢的紅酒牛尾飯，最後比左意粉我見佢上枱的多數比骨，連住d肉味道不錯的，夠淋而咖哩牛腩飯真心必推真材實料，咖哩汁好有港式感覺，夠辣而且份量足夠，女仔的話可能食唔哂佢呢個餐仲包沙律，熱飲和紅湯講真句，算對得住佢的價錢紅湯飲完唔覺係味精湯值得去試下，建議食中式野，我見旁邊食客食個煙三文魚意粉食到有點黑面

午餐時間，路過見門面裝修ok, 有很多食客，應該唔會中伏。 點知😫 冷烏冬冇味，但湯超鹹。牛扒蓋飯，塊牛扒仲韌過紙皮，又用湯碟上，點樣鋸扒呀，大佬。真係懷疑個廚師煮嘢，有冇試味有冇用腦。

這間餐廳開幕初期吃過幾次，因為性價比不高很快就放棄了，後來發現餐牌有重新安排過，所以再度挑戰，發現好了很多！吉列魚柳配蕃茄濃湯米製通粉配奶油豬 $46這個常餐所有配搭都是超驚喜！首先它有平常少見的米通，米通口感彈牙，空心部分可以鎖住湯汁，入口都是鮮甜的蕃茄味，份量還很大！一般常餐會陪多士，這個會配奶油豬，還是非常酥脆的，上面塗上滿滿的煉乳和牛油，邪惡度大大提升！不過最邪惡是它還有一塊炒大塊的炸魚柳，魚柳不是雪藏的，所以魚肉嫩滑，外層一咬即碎，實在太滿足，一星期一定要吃一次

又係係荔枝角覓食嘅時候，本身大家諗住去另一間，點知google map指咗我地去呢間。既然坐咗入去，大家就費時再轉場地咁怪。由於我地入座時間已經頗晏，索性叫下午茶餐。估唔到佢啲下午茶都好飽肚下，同普通lunch set無咩分別。-鮮茄焗豬扒意粉芝士份量好足，厚厚一層痴住茄醬上面，撈埋意粉一齊食好香。可以食到芝士，仲有拉絲效果，好吸引。焗豬我覺得都唔錯，入口鬆軟，又唔使自己切開。茄醬份量都適中，唔會出現意粉唔夠醬嘅情況，味道就正常，唔算太驚喜。-凍朱古力鮮奶估唔到呢到有得飲維記隻凍朱古力鮮奶，成日見到都好想買離飲，但又覺得有點少貴。難得呢間加幾蚊就可以飲，就決定叫枝飲下。入口都係回憶中嘅味道，朱古力味濃郁，冰涼順喉好過癮。

走過這冰室，看到以懷舊鮮油菠蘿包作招徠，所以入內光顧。我們點了兩客下午茶，分別是瑞士雞髀配菠蘿油和咖喱牛腩焗飯，飲品選了凍奶茶和凍檸檬茶。瑞士雞腿配菠蘿油送上。雞腿賣相吸引，但一看菠蘿油，便知會令人失望。先說說好味的雞腿，那瑞士汁味道調得很好，不太鹹，雞腿肉質嫩滑，好吃。至於那菠蘿油，為什麼一看便知會令人失望？因為菠蘿包最重要的是皮夠脆，但一望而知，這菠蘿包的皮不夠脆。至於夾在菠蘿包中的鮮牛油，厚度十足，但牛油的香味不足。整體來說，這菠蘿油是不合格的。咖喱牛腩焗飯隨後送上，咖喱夠辣，牛腩肉質夠軟，可惜這焗飯的咖喱汁不夠多，結果吃完了牛腩和有汁的飯之後，剩下了很多沒汁的白飯。飲品方面，凍檸檬茶不錯，但凍奶茶的茶底欠佳，所以也不太好喝。這冰室的面積頗大，吃午餐送自助沙律吧，但那自助沙律吧規模很小，只有兩款湯和很少量的沙律菜供應，並不吸引。服務方面，侍應的態度只屬一般。此店憑單下次來吃早餐可減收$2，不過我想我不會再來了。

經濟之選，到了午餐時段，荔枝角每間茶記食肆都滿了人，經過一輪排隊等待後，終於成功入座冰室。來到餐廳入面，環境境觀寬敞舒服，也有充足的冷氣抵抗外面的炎熱，最重要是，卡位四人枱也比較多，每個位寬敞舒服不會逼。食物方面，點了個葡國雞飯，有前菜沙律，餐湯及飲品配送，我要了凍檸茶也是只52元，十分經濟。可惜是前菜沙律的沙律醬略少，主菜葡國雞飯味道淡，也只是勉強吃到葡國雞汁味，作為一款以醬汁味道主打的菜式實在欠妥。配料連雞肉的份量意外地多，彌補到我雞飯味道欠佳的失落。作為一餐經濟的下午飯，是值得推薦的。

呢間食過幾次，本身都覺得唔差，野食都幾大份下，今次呢個午餐係芝士薯餅雞翼豬扒咖哩飯(個餐名真係咁寫),$53,包餐湯野飲，另外佢有沙律送。個飯一上到黎，見到一大堆芝士醬，果一下真係心花怒放👍🏻薯餅比芝士醬半蓋住，一黎到即食仲係脆的，配埋真係一絕。薯餅有三件，雞翼有三隻，豬扒一塊。芝士醬味道好重，夠香濃，好好食👍🏻雞翼冇特別就唔多講，至於塊豬扒，呢日果塊唔太嫩滑，口感差左少少，但都唔難食。咖哩個汁...其實都冇咩特別，正正常常，唔錯。至於餐湯，紅湯味道唔錯、偏酸，之前叫過佢既白湯...就真係差左少少，冇乜味....

我哋兩公婆逢星期六都會選擇出街食早餐，所以，造就唔少篇「我的星期六美孚早餐」，寫吓寫吓更成為一個系列。不過，今次嘅外出早餐既唔喺星期六食，又唔喺晌番美孚區，而喺跳過嚟荔枝角區，事緣趁假期過嚟逛吓，順便食埋個早餐，而餐廳亦只喺隨意搵，就咁就入咗「飯意冰室」。其實，門口連招牌都無，應該喺攞廠廈食堂牌。忽然間，乜乜茶餐廳無晒，新開嘅絕大部份都改為乜乜冰室，其實，都喺茶記一間。但難得「飯意」嘅環境無一般茶記咁逼夾，我哋覺得可以排多行枱櫈，但都無咁做，唔知喺咪食堂牌嘅消防要求唔同啲，所以，感覺都舒服啲。餐枱插住多款早餐餐牌，而刀叉、紙巾都已經放晒晌枱，如需額外調味料，就要向店員索取。早餐有咩揀，一個餐牌就睇晒，話多唔多，話少唔少，總之，就嚟唔開晌茶記精常見嘅款式。然而，呢度都有少少賣點，如鮮濃蕃茄通、鮮油菠蘿包。全新蕃茄早餐 $34老婆食嘢講健康，就梗喺揀呢個，因為有招牌蕃茄濃湯米製通粉，不過，初頭無太留意，以為都喺一貫嘅通粉，食落再睇番個餐牌，原來喺米通粉，口感似食米線咁，佢就覺得麻麻哋。之不過，個湯底夠晒濃郁，蕃茄味鮮活，配上炒滑蛋，簡單而好食。而另外件奶油豬，唔知佢喺咪有自知之明，無寫「脆

同男朋友係D2 Place行完打算食個晚餐醫下肚，見到呢間紅色既餐廳就被引引入咗去個蛋包飯幾吸引咁價錢都係50左右，幾經濟實惠叫咗一個set dinner，白湯有面粒粒粟米同蘑菇，夠濃同幾足料個蛋包飯都好出色，蛋夠滑唔會鞋口，漢堡肉肉汁好夠唔會乾爭爭，白汁味道可以，沙律都好大份而且夠新鮮，50幾60真心抵食同有質素我就貪得意叫咗三眼蛋蔥油豬扒飯，真係好大份，如果個豬扒可以軟炒少唔好咁硬我會開心d，蔥油味可以再濃d。埋單150左右，人均70既晚餐🥣我覺得值得既

想食簡單晚餐，發現附近有間茶餐廳好像不錯，內裡相當闊落，揀左芝士蕃茄焗豬扒飯，等嘅時間同一般焗飯一樣，份量正常，有好多芝士不過豬扒唔算入味，肉質尚可，飯係炒飯底，可以再光顧試其他菜色。

今日嚟到荔枝角，做完嘢就要搵嘢食啦見到呢間茶餐廳出邊勁多人排隊其實應該講呢度間間餐廳出邊都勁多人排隊，工廠區果然工廠區，太多寫字樓同一時間放lunch😌😌😌既然間間餐廳都要等位，我又見呢間餐廳個Menu好似幾多嘢食咁，一於就等下啦等之前我哋已經預先諗定食咩好，我哋嗌左個all day breakfast 營養餐，點解叫營養餐嘅？原來係跟牛奶既🥛🥛然後叫咗個豬扒配c華力腸飯，豬扒配炸雞粒意粉同埋Double豬扒飯見到隔離枱啲飯都靚仔，好期待呀！點知原來期望越大失望越大首先個全日早餐簡直中伏，個菠蘿油完全唔掂，嗰皮淋既，成嗰包凍既，條腸係烚既，其實烚係唔緊要架，點解你連腸仔嘅味道都冇？我真係懷疑哩條係咪腸仔？炒蛋同炒菇都一樣難食，油淋淋見雞扒塊皮仲大塊嗰舊肉至於嗰double豬扒勁鞋，又唔熱碟豬扒配炸雞意粉，唔好睇啲意粉咁橙色，又係一啲味都冇，全部都係色素，意粉仲要散修修較為好少少就係嗰塊豬扒配c華力腸，因為塊豬扒真係熱啲嘅整體覺得呢間野好唔得，明明食過深水埗同旺角嗰間分店係幾OK，點解荔枝角呢間轉左型嘅茶餐廳質素咁架！全日營養早餐Double 豬扒飯豬扒配C華力腸飯豬扒配炸雞意粉

可能是星期日的下午，路過附近正當走到大快x時，看看餐牌，相當不吸引！於是乎望見對面馬路就見到呢間餐廳，有下午茶系列，而且係$17起！即管走入去一試，冷氣充足舒服，整體餐廳舒服丶清潔度高，非常好！由於一陣打邊爐所以吃了一個最簡單的奶醬多，或都係$17非常之廉宜，重要是多士鬆脆美味，唔會好似啲舊式茶餐廳🍴⋯⋯咁趕頭趕命，迫夾得來又要你快吃快走！

今日上班到1:10pm食飯時間因為太攰關係所以叫外賣食唔洗45分鐘已經送到同事揀左 招牌鮮切厚豬扒焗飯套餐$80套餐包左一碗湯(羅宋/忌廉)一客沙律，蒜容包，一杯飲品同事話全部都一般個焗飯幾乎全部燶的我就揀左一個厚多士(咖咉)$32and台式鹽酥雞粒$482個餐都揀 維記鮮朱古力奶雞粒好足份量外賣黎但個皮都脆雞粒無冰鮮味而且帶點juicy味道都ok不過無真正台式嗰d咁重味厚多士都係普通同平時食既無咩分別維記朱古力奶當然無得輸啦

咖哩牛腩飯🐮🍛.濃濃既港式咖哩🥘，好好味啊🤩咖哩汁用鐵兜上，夠晒大份，牛腩炆得幾淋仲有好多件！仲有一大舊薯仔，軟硬度剛剛好。唔洗驚唔夠飯因為好大碗😂其實個套餐幾抵食，有忌廉湯/羅宋湯🥣，有埋沙津菜同飲品🥤，係茶記黎講，CP值頗高😌.