飯飯包掂 (已搬遷) 新店位置

我在網上叫外賣自取，去到攞時話齊左野，返去少左三樣要行返轉頭問，佢先話係呀，咪有三樣無左刪除左，我攞嗰時又唔講無晒，會退返錢，求其無就俾左你算，唔會再幫襯，小店咁做點做落去

位處北區，由港鐵站行過去要十五分鐘以上，基本上就算住上水都唔會入去，開左咁耐以黎都係幫襯過一次，今次係佢臨結業前略盡棉力幫襯多一次（四月尾就結業啦😢）。🌖C U Burger (極級豬柳蛋漢堡）$25五大漢堡之一，漢堡同蛋都同金拱門有極大分別！蛋係太陽蛋，食嘅時候蛋黃流曬出黎，係就係「呢hea」d，但麵包沾滿蛋汁係正嘅，唔似全熟蛋咁乾憎憎；豬柳係厚厚一舊而非薄薄一片，內𥚃保持濕潤，另外仲有微微嘅黑胡椒味，可以encore。🌗章魚小丸子（6粒）$30小丸子係預先制作而非新鮮即製，木魚絲存貨不足所以無我份🙈，紫菜係自己加上去嘅。朋友食嘅所以未能評論味道，不過feedback係可以接受😛。

逃輝雙層僭建包🍔（double 魚柳包)$25 +德國爆汁辣肉腸熱狗🌭️$25 相比起食物質素，令我覺得更surprise嘅係店主嘅細心。話說當我拎個魚柳包出嚟食嘅時候，發現兩塊魚柳炸燶左，黑晒嘅店主見到就叫我唔好食，佢重新整過一個比我新嘅魚柳包拎上手係熱辣辣架味道方面就談不上驚天動地的美味，但都係OK好食嘅價錢就屬於街坊超級福利價，絕對推薦住天平，皇府山嘅街坊前往聽講呢間餐廳做埋4月份就結束結業，確實係有d可惜，今個月我會再去多一次嘅

一日一黃店-上水手足魚柳包今日呢間店面有大量文宣 連儂牆 貼紙係一間平民既小食店～當中有個⭐️手足魚柳包$15 幾特別👍🏻即叫即整 包有烘底 👍🏻魚柳即炸夠熱夠脆👍🏻仲要有成塊芝士（半溶）唔似老麥魚柳包得半塊.🤔唯一可改善既係炸魚柳 可以再鯨乾啲油見到佢一炸起就熱辣辣放上包面（最後感謝加姐速遞 買比我）（拎到番屋企個包都仲熱 仲脆）.#飯飯包掂 (上水)地址：上水天平路48號天平商場街市02號舖.⭐️評分：味道：4.5/5環境：5/5 街市黎講好新淨服務：3/5 正常抵食：4/5

自封關之後，上水變得乾淨寧靜。終於可以出去食餐飯、行逛一下。 得知新開的天平邨街市開了一個小食店，一於去試試。所謂的街市很細，非常易找。 小店以外賣為主，也有幾個位可作堂食。卜街武警餐 $68雖然以兩餸飯作主打，但小店最為人認識的應該是其魚柳包。以真・魚柳加全塊芝士新魚製成，完勝牡丹樓的偷工減料魚柳包。此餐可選逃輝雙層僭建包/黑警中椒小漢堡配三鰻完蛋卷。 三鰻完蛋卷即叫即整的蛋卷很嫩滑，鰻魚煎得脆口，與蛋卷互相襯托。 新鮮出爐的關係，蓋上盒蓋會出水。 逃輝雙層僭建包雙層魚柳包份量驚人，2塊魚柳厚厚的，炸得香脆，啖啖魚肉，肉質夠嫩滑。 最深得我心是自製芥末他他醬，微辣加上爽脆醉瓜、洋蔥粒等，絕不欺場。人一之力未能吃盡全部食品，留待下次再來。

呢間新餐廳非常好，有好多唔同款嘅食物，一定有一樣啱你，小食、漢堡包、熱狗、兩餸飯、夾餅等等，任君選擇我都只係試過包，見下午茶好多人都係買包，因為罷得M記太耐，想食吓魚柳包、漢堡包嘅人就可以黎試吓，又唔貴，同埋包保好味過M記下次試埋其他野

30蚊兩餸飯極抵，啲餸係塞滿tray，啲飯唔硬，餸係好好食。佢地個社交平台仲要每日早上有更新餐牌，幾有心。老板仲要好有禮貌咁招呼客人。 買外賣就要買呢間店。

飯飯包店？！有間黃店咁近我屋企，check it out來個下午茶！ 很喜歡店內這樣的佈置💛。眼見大多食材都即叫即造。 章魚小丸子呢個章魚小丸子確實令我喜出望外，因為唔係即燒心知不妙，但估唔到就算外賣回家先食，外層入口依然仲脆仲熱，再加上超多木魚絲好滿足。每粒章魚丸都有章魚粒架。手足魚柳包即叫即造架！望住個過程都流口水。以$15一個魚柳包絕對性價比高，特別最驚喜係塊魚柳，炸到外脆但裡面肉質仲好嫩，啖啖肉咁！手作煎釀豆腐釀豆腐？！估唔到係用豬肉釀！？比較平時食嘅煎釀魚肉冇咁彈牙香口。咁多嘢食都只係＄55好抵食下次想試埋佢哋嘅手抓餅同仆彳圭亍武警餐！