飯飯包掂 (已結業)

自問間唔時會去粉嶺搵食，但食咗咁多次，都未試過喺粉嶺打邊爐，因為真係唔太見到有火鍋店但今次竟然俾大胃發現到，有地方可以食雞煲呀酸菜魚今次想食得溫和啲，所以就放棄激烈的雞煲，迎戰酸菜魚。佢有好多辣度揀，但staff未數完辣度，大胃劈頭就話要最小辣嗰種，即係BB辣雖然用錫紙盒上菜，但真係好大盆，雜崩冷一目了然，好多配料夾起魚肉，夠厚切，肉質既實且嫩滑，反而冇散晒喺湯底度最令人期待嘅配料係，撩吓撩吓就會見到，係薯粉呀！仲要係越夾越多，好彈牙，又吸晒湯嘅精華。雖則話係BB辣，再食落去點都會嚟料，味道會更辣更濃夏秋交替加上食緊熱氣嘢，嗌返杯菊花茶下火係比較理想，仲要冇咁甜，飲落gur好多

聽朋友講粉嶺囍逸有間開咗無耐嘅黃店值得一試，於是就慕名而來。住開北區嘅朋友應該唔難搵到，店面非常顯眼而且淨係睇個裝修已經好有親切感夜晚同朋友兩個人嗌咗個酸菜魚邊爐，食物嘅製作係全開放式，等緊嘅時候已經可以見到師傅嘅製作，聞到酸菜魚香味，令人食指大動。 新鮮滾熱辣嘅酸菜魚黎到，我地發現份量都幾多，而且入面除咗足料嘅鯇魚外仲有好多唔同嘅食材，有川式嘅薯粉、芽菜之餘，仲有香港人好熟悉嘅豆卜、魚腐……，令酸菜魚增添咗一份港式嘅味道。薯粉嘅口感煙韌，有咬口。講返嗰湯底，我地係嗌小辣，所以嗰湯唔係特別辣。乾辣椒、芫茜、山胡椒、芝麻提升咗湯底嘅香味，適合食唔到辣又中意嚐鮮嘅香港人。同埋值得一提嘅係入面豆卜同魚腐就好索湯，食落去連埋酸辣嘅湯汁，令我一啖接一啖。講到主角酸菜魚，如圖所見，佢地嘅魚唔同其他地方咁薄，較厚身，加上無骨食落非常滿足，魚嘅口感嫩滑，食材本身新鮮，因為煮咗好耐魚緊實嘅肉質都無變到，可以明顯食到魚嘅鮮甜同湯底嘅酸香，值得一提嘅係佢嘅份量真係好足，同朋友傾計食咗成晚都未食得曬成份邊爐，最後臨走先勉強揀啲魚肉食埋。加埋嘢飲埋單嘅時候一個人二百蚊都唔使，非常抵食。另外要讚嘅係餐廳嘅

聯和墟出名多野食, 茶記食到厭, 都仲有唔少選擇, 平時放假多數成家人去飲茶, 今次同媽咪兩個人就搵間小店食個late lunch!飯飯包掂由上水搬黎聯和墟之後終於有堂食, 下午2點半嚟到見到有批學生哥食完走, 我地兩個就搵個卡位坐, 餐廳好夠冷氣好正!下午茶時段都可以揀lunch menu, 本身想叫兩份lunch,  但驚食唔晒, 所以揀左一份石鍋飯一份魚柳包餐兩個人share~$28 Double 魚柳包 (加$20可轉套餐, 包薯條及飲品)魚柳包係此店名物!!! 係舊店食過一次單層外賣, 汁夠多, 芝士有完整一片㗎!!!!  食過一次之後深深明白到點解街坊會話唔使再幫襯金拱門....因為差唔多價錢但質素真係好過金拱門好多!今次嚟到就點double 魚柳包等媽咪都感受一下呢個分別。店員仲勁細心咁問使唔使比把刀我地切黎開心share我就好欣賞佢地比埋個紙套入住個包嚟食!包係稍微烘過, 魚柳外脆內軟, 醬汁好食唔膩加錢轉套餐有埋汽水薯條, d薯條熱辣辣, 好熱氣但好正! 媽咪話食完呢set已經有d飽, 問我點算...... $78 芝士豬軟骨溫泉蛋鍋飯 仲有咩點算, 因為鍋飯轉眼已經

晚市主打開心酸菜魚，龍發雞煲及麻辣烤魚，價錢由$258-288。同朋友去食叫左份酸菜魚，仲諗緊要唔要加配料，到上枱見到原來好大盆，本身已經有豆卜，油豆腐皮，支竹，雲耳，大豆芽，仲有薯粉！魚片用鯇魚片，幾大塊，肉質嫩滑無骨，而且份量好多。不過都唔夠薯粉多，多到兩個人都食唔晒，口感少少煙韌，正！配料當中以豆卜同油豆腐皮最索味，所以呢兩樣都好好味。本身我見個酸菜魚夠晒熱所以熄火，店員以為無Gas主動換氣，我解釋後佢話酸菜魚湯越煲越濃越入味，所以建議可以開細火。之後店員又主動加湯，話如果太辣太酸可以溝淡，店員好有禮貌，值得一讚！另外食辣野最好飲啲降火野，叫左兩杯菊花茶 $20，用啤酒杯裝，好大杯，而且唔加冰都夠凍！正！店內裝修幾靚，好黃，條酸菜pepe魚好正！仲有成晚播住周杰倫演唱會，睇住嘆特別開心。

終於可以堂食飯飯包掂，由上水天平村，直到而家聯和墟開舖，覺得好感動🥺！你估下呢個［超級鐵板雜扒意粉］幾多錢？滿滿嘅肉肉🤤，煎香外皮，內裡嫩滑嘅豬扒、雞扒，大大塊！特別地用牛漢堡＆芝士德國腸，面頭再舖上太陽蛋🍳 ，絕對唔 hea，非常有誠意架！黑椒汁香濃，配埋粗薯仔＆粟米粒粒＆意粉/飯＆湯，都只係 $88，真心覺得抵😍！要讚一讚，今日嘅海帶湯清淡，同我地嘅濃味鐵板餐剛好中和😊。我自己就嗌個下午茶，必點著名嘅［手足武士漢堡］🍔，厚厚嘅煎蛋，厚厚嘅豬柳仲好 juicy ，食到一啲類似豬軟骨嘅粒粒，口感層次豐富🤩！不過略嫌醬汁偏咸，不過，爸爸就覺得啱啱好😂。＋$20 加碼，配埋粗薯仔＆飲品🥤。今日呢個午餐好滿足😌。

揀餐廳一定首選黃店💛，持續支持很重要！但我亦堅持好食係良知，要遇到有齊兩個條件嘅餐廳，有時都需要啲運氣😅今日有幸遇到飯飯包掂！聯和墟有好嘢食大家都知，出名嘅唔洗我講，呢間新出現嘅餐廳門口好多文宣，即刻引起我興趣。菜單都好多元化，價錢貼地；由於當時已經兩點幾，介乎午餐下午茶之間，所以決定先叫一個lunch，等下再叫個tea，試勻兩set✌️，兩全其美😜芝士燒牛肉溫泉蛋鍋飯首先賣相吸引，都落咗頗多牛肉🐮，真材實料，配搭金菇同粟米🌽，份量偏多🍚，淋上照燒醬，呢個飯幾好食！不過建議上枱嘅時候再等多一陣先至攪勻，咁會再多啲飯焦，更好口感。武士漢堡🍔見個名好似幾得意，有冒險精神去發掘嘅我，睇下係咩餡先！食第一啖都估唔到，問返店員先知係豬肉🐷，一啲都唔伏，應該係免治豬肉整成的漢堡扒，豬肉唔乾亦不會散，類似有彈性嘅肉餅，加上醬汁好食喎！港式漢堡style就咁配搭咗一塊蛋🍳，雖然沒有好多餡料但好match👍。行出去咁啱見到餐廳牌照名，係鐵板神燒，頓時驚覺餐廳格局似鐵板燒，一排吧枱座位前面係有個爐，就係開放式廚房令到餐廳空間感好大，是轉型過來的嗎😯？！不過都轉得幾成功😏，味道唔錯，推薦附近居民常食！

聯和墟一向特色小店多又愛香港又好食嘅更加要幫襯 💛💛餐廳晚市主打酸菜魚、麻辣烤魚同埋雞煲，同區好似得佢哋一間。酸菜魚🐟$288加一味道: 👍🏼👍🏼👍🏼👍🏼服務: 👍🏼👍🏼👍🏼👍🏼👍🏼環境: 👍🏼👍🏼👍🏼👍🏼🥢同平時食開嘅酸菜魚唔同，連皮既鮮鯇魚柳🐟直接鋪面上枱，望得未食得既感覺好煎熬😫豆卜腐皮雲耳絲薯粉都一應俱全，煮到入味索汁再食真係好正☺️原先以為餐廳想用薯粉塞飽我地，點知反而係俾魚片打低咗😵撈極都仲有真係食到好滿足，唔似其他餐廳得幾塊做下裝飾就算👍🏼🛎一坐低侍應會介紹佢哋嘅餐廳特色，而且唔會催你落單👍🏼盤魚一路煮嘅時候，會過嚟問使唔使加酸或辣🌶🌶 又會密密幫手加湯，避免過濃，抵讚💯

粉嶺晚餐吃甚麼? 朋友推薦絕對不能錯過飯飯包掂，飯飯包掂每一個時段所賣的有所不同，午市主賣焗飯，鐵板，石鍋飯，粉麵，下午茶主打包類食品，晚市則供應火鍋，餐點項目多元化。話匣子一打開，很難停下來，晚上吃火鍋最好不過，一邊涮火鍋，一邊聊天，多自在。有別於傳統吃的烤魚和酸菜魚，飯飯包掂以鐵板的熱力去煮烤魚跟酸菜魚，我想這是飯飯包掂的魅力所在。不得不說，我們來訪飯飯包掂時，真的幾乎一位難求。我們衝著鐵板烤魚而來，所以不用多想，選吃了麻辣烤魚。麻辣烤魚一上鐵板，滋滋作響，相當吸睛。麻辣烤魚擺盤精美，色香味俱全，大快朵頤之前，一定要來個相機先食。麻辣烤魚可按自己口味挑選辣度，我們挑了小辣，這烤魚很厲害，都是當日新鮮採買，魚肉新鮮肥美，肉質緊實，擁有酥脆的外皮，耐煮又耐吃。很多人不愛吃魚就是擔心細刺，這魚刺不多，大支又好挑，魚肉吸收醬汁吃起來更有層次感。吃烤魚如吃火鍋，一邊吃，鐵板熱能一邊烤，不僅可以保留住食材的溫度，亦可以讓食材吸收更多的湯汁，並將食材的精華釋放到湯底裡頭，呈現出多變風味，薯粉與烤魚可謂最佳拍檔，彈牙的薯粉吸足熱湯，嚐起來很夠味。冰豆腐放在麻辣烤魚裡滾煮好一會同樣對味，冰豆腐擁有獨

今日又係去放鬆既時候 最近好想雞煲即刻揀咗間黃店大快朵頤好可愛 第一次見到魚造型既pepe好可愛仲要吊住喺度呢間舖頭嘅 碗碟都係好精緻㗎好友日本風嘅感覺而且感覺好有心機落地玻璃附近既我哋嚟咗兩杯大杯嘅嘢飲(左)菊花茶 (右)豆漿 hkd20大大煲嘅雞煲上嚟啦hkd258入邊有好足料嘅雞 食極都有雞其實一個雞煲已經好夠兩個人食 如果貪心少少可以嗌埋配料都幾經濟實惠我個人都幾鍾意佢個洋蔥因為好冧好入味仲好甜我係一個洋蔥控佢個汁都好濃稠有濃厚的感覺最後重頭戲梗係雞la依家都好嫩滑bo簡直係王牌啊最後食得超級飽都係300左右推介

對上一次見到嘅時候佢仲未裝修好，姑姐已經話嗰陣時已經想同你食呢間，所以今次過去搵佢哋就食咗呢間。最緊要佢係💛💛💛💛，你哋明㗎啦。開放式廚房主要係喺出邊買餐然後等食物送到來，因為晏晝嘅關係我哋就嗌咗一個鐵板餐同一個石頭鍋飯，感覺上比較特別啲，午餐仲包左餐湯同野飲。晏晝因為包嘢飲，所以嘢飲係有個區域俾你自己裝，飲品種類唔少，可以揀你自己鍾意飲嘅嘢。超級鐵板雞扒飯/意粉 $88我覺得呢個鐵板餐都幾抵食，因為佢雖然叫做雞扒，但其實係雜扒乜嘢都有（牛漢堡，豬扒，雞扒，德國腸，雞蛋，火腿，薯條，椰菜）女仔來講應該係食唔晒，因為佢除咗多種類嘅扒，而且扒嘅份量都唔少，最緊要味道係正常唔差。個腸裏面係超多芝士唔係普通廚師腸，而且漢堡佢用咗牛漢堡，唔係求其搵塊豬柳漢堡就算，成個餐做齊牛豬雞火腿腸仔都有🥰真心足料又好食又唔貴。個湯入面有冬瓜雞腳，清甜得來又好飲，啱晒我呢啲小飲湯嘅人，終於喺餐廳都飲到住家湯嘅感覺。芝士照燒雞扒溫泉蛋鍋飯 $68嚟到嘅時候姑姐話個飯好多，仲要有好多芝士，芝士控表示真係好正。雖然仲未可以再去韓國，但食住石頭鍋飯先，雞嘅份量都好多，真心呢個價錢好抵食。仲有個湯，真心鍾意飲，佢係紅蘿

今次嚟到聯和墟嘅‘飯飯包掂’食酸菜魚～～裝修得幾特別，有個吧台設計，光猛整潔～專登嚟食酸菜魚，有個爐一路滾住食，仲可以加湯～～酸菜魚嘅份量夠晒兩個食，魚片嘅數量都好多，好足料，魚片啖啖肉又嫩滑，吸晒湯汁，酸辣好味～～酸菜配料味道剛好，我叫咗小辣夠惹味～～油豆腐浸到林juicy~一盤酸菜魚其實真係可以食到好飽，因為個底仲有薯粉，薯粉彈牙唔會煮到林晒，有芽菜同木耳爽口增加口感～～香料足料所以好香噴噴～

粉嶺聯和墟出名多好野食，但係有時想簡單食下野嘆下景，就要搵下玻璃屋甘既餐廳先夠relax，今次試左呢間位於粉嶺既餐廳，距離地鐵站6分鐘腳程。入到去見到裝修好清新，森系自然風格，加上入面播既歌好relax，吊櫃上面好多唔同既酒類、收藏品。第一件事叫左個下午茶餐，雞排秘製沙拉醬洋蔥熱狗。雞排內軟外脆好入味唔會好重油份，沙律醬超夾洋蔥，麵包香口鬆軟薯條鮮炸香脆，顏值滿分！！再加上一杯特大凍豆漿最後仲有窩蛋特級牛肉石鍋飯，蛋漿溶入飯香。牛肉好嫩口，石鍋飯保持溫度，肉汁滲曬飯裡面真係必叫之選。仲送咗個紫菜湯畀我哋，養顏暖胃

今日去咗個住粉嶺聯和墟朋友屋企玩，玩到咁上下有啲肚餓，落咗樓下街行下睇下有咩好食，見到有間新開張嘅餐廳有烤魚酸菜魚之類可以食，太耐無食，所以拉住個朋友走入去食先～入面都唔算太大，個裝修好young，有d似cafe咁，睇下個menu有咩野可以揀先，原來佢朝早有d 焗飯 burger賣，係夜晚先至有果d烤魚酸菜魚雞煲連埋邊爐嘅餐，我哋唔太餓，淨係叫咗個小辣麻辣烤魚再加咗杯豆漿同西洋菜蜜。個烤魚無耐就送咗上嚟，侍應哥哥放咗佢係枱上面個Gas爐上面熱住，佢會話如果想有較辣d淡d都可以同佢講，真係好細心！呢個係烤鯰魚，都幾大條，我估都有成斤幾重，成個盤都林林總總嘅配料，有豆卜、百頁豆腐、大豆芽菜、腐竹、木耳、金菇、鴨血同埋薯粉。我哋一開始試下個魚先，個魚無乜骨，一夾就夾到大大塊肉，d肉好滑，個魚皮炸過吸到d辣汁，好好食~筆咗啖辣汁試下，咸香辣，好過引🤟 食完都唔係好頸渴，唔重味精成條魚炸到脆卜卜，可以食埋魚旗同魚頭～之後夾咗舊豆卜同百頁豆腐，超吸汁，好邪惡呀～個麻辣鴨血都一樣入味，正呀！d配料食極都仲有，超級足料～最後食埋個底嘅薯粉，已經吸收晒成個烤魚嘅精華～個魚兩個人食真係好夠，呢個價錢真係超

去開粉嶺聯和墟 想食個又熱又飽肚嘅晚餐 走入飯飯包掂 真係食到好飽足😋坐咗係bar枱 有得睇住師傅整嘢食😛呢度晚市都係食火鍋為主 下午茶仲有好多漢堡好吸引😋 平時都唔多見粉嶺有酸菜魚食到 所以就叫咗嚟試吓 店主仲話遲啲會有新湯底加開心酸菜魚 $288一上菜會放係面前嘅爐上面 確保食物一直熱辣辣咁 整體外觀擺得好整齊 配料豐富先講湯 我哋叫咗BB辣 佢嘅麻辣度都啱啱好 辣裡加啲酸味好夾 配料仲加咗 辣椒 花椒 酸菜 薑 蒜頭 芫茜等 夠哂足料夠哂香而主角嘅魚份量好豐富 食極都有🤤仲要每一塊都好大塊 魚已經去好骨 質感好嫩滑 魚鮮味足 配埋湯嘅辣度食好正😋配料仲有薯粉 兩款豆卜 木耳 芽菜等 每款配菜都係好索湯嘅種類 所以一直都會食到湯嘅味道 非常入味👍🏼 薯粉好煙韌 唔會過淋 配埋魚一齊食好飽足後面有個飲品區 叫咗杯菜蜜飲 $20菜蜜係用啤酒杯咁上枱好特別😛 飲落唔會死甜 好清爽

收左工同同事深入粉嶺覓食，係聯和墟和豐街發掘到呢間良心小店，全新開張冇耐，連店外霓虹招牌布簾都未拆，決定入去試下。 店面環境佈置好有特色，用小巴牌同日式漫畫布裝飾，加埋綠葉背景同播映歌都真係幾chill。 晚餐簡而精，有開心酸菜魚、龍發雞煲、麻辣烤魚揀，店員好熱情主動過黎推薦人氣美食，決定就一試開心酸菜魚，飲品就揀左豆漿同解茶。 酸菜魚份量十足，配菜豐富，湯汁濃郁，一開始怕冇白飯送，後尾發現原來有滿滿薯粉係酸菜魚下面，配菜有豆腐卜、金菇、腐皮、木耳、大豆芽、薯粉，非常足料，如果想追加更多配料都冇問題。我地揀左小辣，味道調校得都唔錯~ 酸菜魚用鯇魚製成，嫩滑無骨，配上一口濃郁的湯底，回味無窮，絕對可以encore!不得不讚店員好貼心過黎關心食物質素、湯底需唔需要再調教，又會主動加湯，關顧客人需要，服務一流。