飲茶 (英皇鐘錶珠寶中心) (已結業)

星期六無乜野做，最啱一家人去飲茶。平時去黎去去都係大集團嘅酒樓，有啲悶，於是就上Openrice搵下「飲茶」，點知又俾我搵到一間叫「飲茶」嘅地方，所以我地就去左「飲茶」飲茶啦。依度同一般嘅酒樓好唔同，感覺好新派，餐廳中間仲有張bar枱，非常型格。一坐低揀左茶先，今次我地要紅棗紅袍茶。依個紅袍茶底甘香，味濃但係唔澀。幾粒大紅棗為茶加上微微嘅酸味，正好為豐富嘅一餐解膩。「飲茶」作為一間酒樓，點心種類包羅萬有，但係依度卻為佢地重新包裝成得意嘅模樣，亦都為佢地改左好搞笑嘅名。尤其係啲包，為佢地加上眼耳口鼻，每一樣都好似卡通公仔咁。首先係「睇住流奶」，佢嘅正身係流沙奶黃包。依個包嘅玩法係先用筷子篤開佢個口，再㩒扁佢，然後佢入面啲奶黃餡就會係佢個口度流出黎㗎啦。佢個奶黃有少少鹹蛋香，亦都做到流沙嘅效果，唔錯。「吉川奶子」係綠茶異色版嘅「睇住流奶」，入面嘅餡都做到流心效果，不過綠茶味唔夠出，味道偏甜。「有色蝦餃」賣相好靚，個餡亦都唔馬虎。隻蝦好大隻好爽，無加太多調味，食得出係新鮮嘅。皮厚薄適中，煙韌得黎唔粘牙。「一籠八戒」顧名思義係一籠叉燒包，造型方面真係成個豬樣😂，好正。味道方面，其實同一般嘅叉燒

朋友一直都想黎呢間試下~覺得d點心比較精致又QQ😻滿足下佢嘅食慾，陪佢黎試下……✨睇住流奶多咗兩隻眼嘅流沙包👀算唔算Q呢? 但望落就呆下 呆下咁lu……除咗樣吸引d之外，真係沒有甚麼特別……感覺稻香的流沙包仲好食d!!✨有色蝦餃蝦餃色彩繽紛又精致😍不易散開，餡料鮮味又彈牙，唯一美中不足是~水晶外皮有點厚……✨布拉蝦腸蝦很爽口，但腸粉不算滑嫩，粉有點厚， 而且呢個擺盤有啲核突~影響食慾💩💩✨皮蛋豆腐擺盤很美✨豆腐口感軟嫰，配上皮蛋同芝麻醬，有種飯後甜品的感覺🍨🙅總體而言，我認為打卡ok，黎食就no la……食物質素一般，性價比不高，呢個價錢可以有更多更好嘅選擇……

yumcha 都食過兩次，每次都是吃點心，見好耐無去，又想返chuk, 今次決定叫其他野先。🔹玫瑰胭脂包 $39，其實得個樣，味道似饅頭 😞😞🔹炒蝦腸粉 $59 隻蝦炒得好好味啵，腸粉夠味，有點似瑞士汁的味道🔹花腿娃娃 $69 (忘記影相) 就是上湯浸娃娃菜，浸得幾林，喜歡爽口得可能不要點，但夠味。🔹半隻海南雞 $百幾蚊 呢個我真心覺得好味，好滑及去左骨，估唔到點心一般，但隻海南雞好食啊。🔹糖不甩丸 $59 6粒 內有黑芝麻餡，好軟熟，唔錯。#飲茶 #糖不甩 #腸粉

今晚又响時代廣場附近搵食，S君提議去飲茶，夜媽媽飲茶?原來係去"飲茶"食晚餐，不過佢真係有點心叫架。室內環境乾淨企理有特色，趁E君未到，慢慢影吓相先。八點幾大家都唔想食太飽，於是叫咗個小食拼盤，再加多個擔擔麵，唔夠先再加。小食拼盤响A部分裡面 9揀2响B部分裡面 7揀1木耳上面靚夾，唔錯喎，醋汁酸酸地加埋青芥辣，味道出奇地夾流口水雞見佢面頭大大件辣椒乾，同埋碟內的辣油以為好辣，食落又唔算好辣，食完個口腔有啲麻，好過癮，雞肉夠滑橙棍冬瓜好特別的冷小食，氣味清新可以淡化口水雞的濃味，平衡返口腔與味蕾，冬瓜質感不軟不硬，橙汁滲入冬瓜肉內，口感和味道有新鮮感，食完好醒神。呢個擔擔麵比較多湯，榨菜粒和肉碎都不多，味道偏輕淡，啱唔鍾意濃味的人。入坐時已被聖誕版點心的可愛樣吸引，終於都叫咗個合拼裝嚟試吓聖誕禮盒有齊三款，好搞鬼架，好應景，下面有盆乾冰製造寒氣逼人嘅氣氛唔好俾佢呃咗呀，點心其實係熱嘅。小鹿係馬拉糕嚟，所以叫小鹿拉糕。雪人係紅豆餡，薑餅人變咗薑餅傳說，拉糕鬆軟，薑餅人包肉桂味剛剛好，都好食食埋甜品就好滿足喇，估唔到飲茶會邂逅聖誕鹿，真奇妙

今天早上和朋友看電影，看完已經中午。這家飲茶是網紅店，但是到今天我才第一次試。野菌泡飯（$89）飯是炸過的，吃之前才倒到湯裡，但是份量很少，只有半小碗的飯。青椒和四季豆的味道比較突出，整體比較清淡，野菌也不夠香。睇住流奶（$49）這款網紅點心來到怎麼可以不點呢，造型可愛。內餡流心，也不燙嘴，鹹蛋黃香足，流心餡比較滑，沒有起沙。蟹籽燒賣（$45）燒賣的肉口感比較結實，不太滑，口味比較清淡，蟹籽份量足。椒鹽豆腐（$59）豆腐的外皮比較軟，不太酥脆，椒鹽的香味也不足，不過豆腐挺嫩的，下面墊底的炸漿都比豆腐香。

Instagram映えで有名なお店だが、メニューの構成もしっかりして、味も合格ライン。スタッフの人達もあれこれ世話をやいてくれる、楽しいレストラン。二人でいくとせいぜい4皿くらいが限度かも。一品料理では叉焼と白菜のスープ煮を頼んだが合格。場所柄香港ランチタイムの30分前には場所取りが始まるので、私たちは日本のランチタイム正午に予約。なけれにはopenriceの予約機能は非常に役にたった。また、被り物も香港メモリアルとしてはとても楽しいレストランだった。接客もよしで、再訪間違いなし。

之前幫襯過幾次呢間新派點心酒樓，覺得點心外形可愛，總之能夠逗下小朋友開心，貴啲都唔緊要啦！其實佢嘅點心質素，一直以來都唔算寶石，但之前一直都係好新鮮上枱。還可以覺得不過不失，可惜近呢個月幫襯左一次，發覺水準非常差，餸菜上啲枱是已經唔熱。招牌嘅點心，味道都係平平無奇，侍應雖然係後生，但係做嘢態度散漫，連一碗白飯送上張枱面都係凍。菠蘿咕嚕肉，全部都係炸粉肉嘅比例極少會，炸粉又厚又硬，今次幫襯完，多數都唔會再有下次了！

酒樓飲茶飲到悶 就可以試去新派餐廳呢茶既選擇有玄米 菊花 香片 烏龍Like Facebook 仲有得免茶錢tim! ($14/head架😝)-睇住流奶 ($49)餐廳食物造型好可愛!蒸包有小豬造型既叉燒包，抹茶同奶皇味 小編鍾情奶皇流沙包 果然無令人失望 睇張相就知幾流心👅奶皇漿帶點咸蛋黃味 好香口☺️吾會一咬開就滲哂啲油 包亦蒸得鬆軟 但略嫌定價太高🤭-小食拼盤 ($109)共可選三款冷盤 每塊望落份量好少 但食落都幾多架!所以都幾抵食☺️小編揀左雞絲粉皮 皮蛋豆腐 沙薑蔥雞雞絲粉皮拌混了花生醬，每一條都好香口 粉皮爽口 但雞絲就少得可憐🤯應該都有5-10條既🧐皮蛋豆腐用了芝麻醬口味 豆腐滑嫩 口感似即開即食既山水豆腐 皮蛋切到好碎 份量好少 吾講吾知食緊皮蛋😥沙薑蔥雞面上鋪滿了沙薑 蔥 蒜 每一口雞塊都充滿住薑粒 而醬汁都好香 吾會醃得太咸-辣蟻粉絲 粉絲炒得乾身 彈牙 但嫌辣味不足 再辣啲應該香口啲!! 依碟粉絲係食極都吾完..最後都係要放棄🤦🏼‍♀️

周末又出動，約齊腳去飲茶。這不只賣點心，是間裝修精緻，非傳統式「茶樓」。在Openrice訂座，簡單地就入座，爽！點心造型趣緻，款款都吸引，但食量有限，唯有揀最喜歡又可愛來試。很特別、很久沒有在茶樓吃到臘腸卷，造型成臘腸狗，雖然它的眼耳尾質地一般，卷身軟綿綿，臘腸恰到好處地散發出油份流心奶黄包，因為個包實在太軟熟，食之前，可以玩下，㩒下又彈回，加上兩隻發呆「眼睛」，好玩好療癒，流心就是流心，冇花假，流心黃香甜腸粉，造成豬腸粉一圈，味道還可，是造型取勝燒賣雖然沒有特出造型，翠綠色皮襯托下，色取勝，味道不錯，不妨試試不可不提這個酥炸魷魚鬚，新鮮炸出來，爽、香、鮮，比起一些酒家炸到太靭，咬扯不開或太老，真是一流，大推除了點心，粉麵飯都很多選擇，揀了咸魚雞粒炒飯，上枱飯粒紅紅的，不知用上什麼材料令它混染得好均勻，咸魚味頗香，色香味都做到尚有很多未能試的，找個機會再去！

萬聖節的一個下午 和家人來到<飲茶>飲茶 看見這裏有很多特別可愛的點心，還有萬聖節特別版，好可愛 而且味道還可以 不錯呢！ 不過我最喜歡的都是豬仔叉燒包 這裏唯一的不好處便是很難找到侍應去加水，這裏人手不足

傳聞中必去嘅打咭餐廳，今日終於食到！倖存者同兩老參加完朋友嘅婚禮都已經六點，諗起以前同事介紹過飲茶，於是帶咗兩老去咗食呢間中西合壁嘅"酒樓"飲茶！店內裝潢主打中西fusion風，𨋢門打開見到港女最愛嘅Tiffany Blue 同美輪美奐嘅Bar枱，枱上陳列各款酒。菜式沿用平日茶樓款式，但加入額外創意食材或採用另類烹調方法，打造全新自家製點心！除咗賣相吸引之外，食物味道完全讓味蕾受到新刺激，雖然價錢略少貴，但勝在服務好同食物質素高，所以倖存者仍然推介俾大家！鴿吞鳳梨    $59白鴿可愛造型嘅鳳梨酥，咬落外酥內軟，充滿啖啖新鮮鳳梨酸酸甜甜的味道近朱者赤   $109即係咸魚雞粒炒飯，不過加入紅菜頭汁，令飯味道變得豐富雞雞春卷   $39足料同外皮香脆，味道同一般春卷無咩分別

呢間分店係第一次嚟食，叫左4樣野食，本身個流奶包係ok好食嘅，唔係得個樣點知食食下喺個乾媽蘿蔔到朋友食到條蟲。。。。。好在冇吞落肚，勁大條仲見到d腳。。個經理解釋話肯定係菜蟲，有咁大條嘅菜蟲？叫左個甜品set，食到蟲之後話送翻個甜品比我地，張tick嘅紙到就寫住一樣係3粒，另一樣係有4粒，但送到嚟其實係每樣只得各2粒😨我唔知係個set係咁定點，但張紙到應寫清楚嘛⋯⋯最後只收左籠包同茶位錢 食到蟲嘅乾媽蘿蔔同另一味伊麵cancel 左都冇收錢 但照原價收左服務費添 咁嘅服務同衛生 真係。。。衛生問題真心係要改善下

飲茶Yum Cha已經開咗一段時間，成曰見人post個流野奶黃包幾得意，今日於是試吓。因為去到已經差不多三點，所以無咩人。🥢睇住流奶，即是流心奶黃包，嘗試用筷子篤穿佢，但完全無流d奶黃出尼😔味道一般，無驚喜！🥢綠茶🍵炸鮮奶🥛，個炸醬又厚又硬，入面d鮮奶無味無道，表層嘅綠茶粉完全無特出個味道👎🏼🥢橙🍊掍冬瓜，見新推介又幾特別所以試吓，個橙汁勁甜帶酸，夾埋冬瓜一齊食完全唔夾，我覚得完全唔好食。如果可能個橙汁味道軽d清d可能會有清新feel嘅。🥢牛肝波波，主要有黑松露同菌蒸成個餃，味道普通，無驚喜😔

The food here is amazing and I had waited so long to go! I ordered a few dim sum and truffle noodles and my friend got shrimp and egg with rice noodles. The presentation is good and the portion sizes are generous. The dim sum is hard to split between 2 but that’s to be expected with dim sum. They don’t give you water for the table and instead, charge you $69 for an expensive bottle of water which barely keeps one person hydrated. Every other restaurant serves warm water for free! Also, the servi

星期日約咗朋友飲茶，一行有大有細加埋成十幾人，揀咗新派茶樓"飲茶"，由於一早BOOK咗位所以唔使等，銅鑼灣店開咗唔係好耐，地方望落都OK大，但檯與檯之間就有D迫。好啦點野食先，萬聖節就到估唔到西方節日係飲茶地方都有應節食品，見佢D野食咁得意就叫黎試試，有木乃伊腸（臘腸卷）、中指叉燒（叉燒酥）、蝙蝠雲吞（炸雲吞）、睇住流奶（流沙飽）、一籠八戒 （好似係叉燒包）⋯⋯由於我地多人所以可以試到好多野食，咁多款我最鐘意係舉手雞花，汁甜甜酸酸脆脆地，係有D個皮有D厚，有色蝦餃都唔錯，太子麻菜好別緻，最浮誇係叫咗D甜品係出晒煙咁上檯，令大家睇到嘩嘩聲。食物算唔錯，係服務麻麻，唔會主動收野同加茶水，就算叫佢望都你都會行開⋯⋯