飴軒粉麵甜品 (已結業)

無疑~~~味道係唔錯既~~~尤其喜歡佢既魚卷同通心麵, 湯又好好味~~可惜老闆+老闆娘的服務態度真係奇差!!!最好唔好o係繁忙時間去, 一定食到一肚氣!!!一d好客之道都冇架!!!對員工又呼呼喝喝~~~都幾冇品!!!

果日特登落灣仔想去蝦麵店食，點知剛剛收工。失望之際見到依間舖頭，諗住一場黎到就算啦。點知……..叫左個蝦麵，湯頭真係一般。D 蝦有少少霉，麵又未漉淋。D 料好一般。個菜放湯叫做OK。但係個麵真係好難食。跟手個凍蜜瓜西米，蜜瓜唔凍既，西米仲係熱熱地。好難食。唔講食物，依間野D 服務真係九流。個好似老闆既光頭佬，落單時無望過你既，要重覆幾次先得。七點既都係得三臺客好忙咩？送碗麵黎時就直情係劈落臺面度。跟手食甜品比得隻細叉我，我好聲好氣問佢隻匙”巾”，睥完你仲要劈落臺面。唔係呀化？食飯時全程就同伙記唔知用乜野方言鬧交。果時全場三臺客你眼望我眼。最搞笑就係：有一臺客埋單時，個老闆突然笑容滿面問佢D 蝦麵係唔係好正。仲同人講佢既蝦麵係全街最出名，叫人下次返黎要認住D 酸支傢俬，唔好去錯格離。真係有無搞錯呀………

10feb06落灣仔做野，得半個鐘食Lunch，只好吃些簡餐。每日只得一次機會食Lunch，無理由落老嘜，見食友對此子的評價不錯，路過自然要試下。地方細細，環境尚算骨仔，夠光猛，新式茶餐廳Feel，入內，只剩2張檯，其中1張坐有一位行政人員，阿姐話坐埋去有人o個張啦，聽著Mp3當聽唔到，照坐去張吉檯。要了魚麵雙拼（魚卷、黃金蛋角），魚麵彈牙魚味十足，聽說是每日新鮮用膠魚做，個人覺得較樂園的更具風味。魚卷黑黑實實，是用凌魚做，魚味一般，唔可以話差，但唔o岩胃口。湯是胡椒清湯，清清地，感覺不錯。見佢既食物都係用真材實料做，服務雖然差D，行過都會再試下。

世貿會議的星期六，同太座都要繼續在公司工作，約埋在灣仔區吃午飯再各自返公司繼續搏殺。行進蘭杜街，選了這裡，純因為太座給「絕不含味精及人造色素、防腐劑...」等字吸引過來。餐牌以甜品為主打，超過六成也是甜品。只簡單的要了炸魚條麵及牛柳麵，再加一碗芥蘭，而我們亦分別轉了魚交麵及高纖麵。碗麵賣相一般，味道卻不錯。湯底有濃烈的胡椒及花椒的味道，加上芹菜、芫萎及蔥花，也吃不到味精，不錯；我的魚交麵似長條型的魚蛋，幾彈牙亦有魚味，只要加5蚊，吃得過。太座的高纖麵幾滑身及煙韌，口感幾好，太座也喜歡；牛肉有點韌，但起碼沒有給化學劑「招呼」過。上湯芥蘭也很新鮮翠綠，收十五蚊也吃得過。食物不錯，兩位店員的服務就非常之差勁。如店內長期維持有接近一半的位置沒有人坐，但卻堅持二人也只可以坐在一邊，我們當然不理她，照面對面坐；又在我們進食中途，其中一位店員更與老闆在用閩南話口角，看來而家請人也很困難。埋單73蚊，不算貴，如果服務可以好一點，是值試一下的。

間唔中都會呢度食河粉, 鍾意佢D湯好味, SARS 時更努力捧場, 算是支持, 但見佢味道愈來愈淡, 服務又唔係話好, 開始有D猶疑仲去唔去好.

Lunch 想食糖水潤下肺。就去了灣仔飴軒，叫了碗蛋角河及淮山粟子羹。一向對台式粉麵沒有興趣，這碗也不例外。好多油浮面，湯多，還有一種很重的香料味，不知是不是胡椒粉。蛋角沒有味道，似魚片。隔離先後兩個食客對我碗粉好有興趣，跟我叫，很想告訴他們其實不太好吃。碗粟子羹好稀，只是甜，沒有味道，不知是不是粟子應該是沒有味道，還是羹是稀的。下次還是見「栗子糊」才叫。

20051029 2.30pm食完餐無似無食過o既suzuki, 我suggest 去飴軒啪返碗糖水頂肚.早幾年響呢帶返過一輪工, 飴軒我係好間唔中到會捉的同事陪我去食tea. 到好多年無食過lu. 無乜點大變, 依然好多日本人.2人order-* 男友- 芝麻糊($14), 老闆問要唔要加湯丸, 咁我之前食過佢o的湯丸覺得幾好味, 男友就order, 老闆就話不如要個四式啦, 我地好出名o架咁樣. 都OK啦. 咁o的湯丸確實幾好食, 個蜜瓜味湯丸好得意. 芝麻糊就好麻麻, 九成九係粉開.* 熱黑糯米糖水($14) - 一般, 比較稀, 只贏在唔係劇甜. 老闆非常之熱情咁介紹佢個四式湯丸. 招呼唔錯, 不過呢......menu 寫糖水加湯丸係加$5. 但係我男朋友個糖水竟然係$27 ($14 + $5 點會= $27????) ! 個老細又唔出聲要幾錢有欺客之嫌lor. 唉~不過算啦. 難得我個比我更難服侍男朋友喜佢個蜜瓜湯丸.埋單$41. 回憶比較好味. 唉.

打電話叫外賣..想越食南牛肉河..."咩話??" 對方好大聲說..."我想要越南牛肉河!!!!'"我朗誦地說"我地出面廣告係越南牛肉麵...唔係河喎.....不過你都可以改做河既!!!...." 對方俾我更大聲說"咁好啦...我要一碗..送去xx 大廈"(其賁同一條街附近)點知對方講...下.." 一碗唔送架..." (佢一碗都成廿幾都唔送...香港人果然富有了)不過評論..佢地d 湯底好正...我覺得好過蝦麵店..蝦麵店名過於實了...個個人口味都唔同既...我覺得好味又等於其他人覺係, 甜品就無試過了...

昨晚本想食旁邊的蝦面館, 誰知太晚已經關門,剛剛經過這店子門口也有蝦面,那就試試吧. 說真的,之前已知道這店是食甜的,有蝦面好明顯是旁邊的蝦面館生意太好,所以想拉點客人.加上門口蝦面的相片很吸引,誰不知面到的時候就中招了.湯好明顯是隨便沙茶將加少許辣油就算了.配菜不多,而且很隨便,好像在市場買來火鍋的豆腐pok 及魚腐.很失望.食了一半就停了. 但湯河還可以. 其實心知此店是食甜的,所以對其他東西也沒有太大期望,不過客戶也要付錢(蝦面$35),那如果味道弄得不好就不要弄吧....好像受騙了

記得年幾前曾來過一次，還是無意中發現，因為在印象中，這店子也頗為隔涉，若不是巧路過，都不知道在那條短小的直街會有一間以中藥入饌的食店。那次要了一碗芝麻糊和鳳眼糕(類似係咁，正確名字不記得了)。芝麻糊頗稀的，但入口甘香，食得出有很濃的首烏、那碟鳳眼糕記得有杞子和桂花成分，清清甜甜的。來這兒吃甜品不要期望似坊間一般的糖水，因為試過兩款甜品，入口也只是甘而不是甜，偶爾一次也未嚐不可啊！

lunch食左碗什錦海鮮竹攤河，湯底幾好，味道好清，海鮮有帶子、蝦、魚蛋、黑魚等，味道唔錯，25-35蚊碗都唔算太貴啦。呢間都幾好食呀，唔知點解始終蝦麵出面多人排隊d呢！

個4色湯圓..好硬呀>_<

有沒有人知道跑馬地有分店？我比較喜歡這分店多點.....其實這店的service一向都不算好...但勝在食物好吃...所以老板有點唔憂做....最好吃是這店的湯粉類(出奇吧!)，河粉很滑，湯是清湯但味道不會很淡。配料選擇不算多，但最好的配搭是清湯+雞絲，再加其他配料。清湯沒加雞絲味會比較寡...想更濃味可以清湯+雞絲+牛柳(再加其他配料)。其他湯底亦很好，只覺得沙o爹沒有什麼特別。我最喜愛清湯+雞絲+蛋角的河粉，好好味!!糖水方面，不會太甜，比較清淡，但有一味叫'石X'(忘了怎寫)，喝後喉嚨很舒服，老板說這亦叫'開聲茶'。我試過踫過很多名藝人在這店呢。但唯一不足的是service不太好...除了那高高的哥哥ok之外...其他就...唉~~~~價錢方面，不算便宜...

雖然是糖水店，但這店的湯粉麵是我個人認為最好的。河粉極滑，清湯底亦夠味，好香。配料質素很不錯。我最喜愛的配搭是清湯+雞絲+蛋角河粉。其他的湯底亦不錯，但沙o爹湯底就比較一般。另外上湯浸小白菜或西洋菜亦很好！糖水方面，不會太甜比較清淡，適合怕甜的我。但唯一不足的是老板及服務不是太好，好冷漠！所以我比較喜歡到跑馬地的分店，困老板不在及有一位很有善又高的哥哥，他會介紹菜單的菜式。我兩公婆最少一星期去一次~~~^_^!!

所謂,都是溝糖水，o 個晚同D 朋友仔大伙兒到飴軒，有位朋友仔話飴軒那裡D食物幾好味，又講到糖水有幾中藥，點知去到淨得D 水晶粉，河粉可以吃得下之外(其實都唔係好好味，之不過味精落得比較少，但係個湯真係好鬼淡)，講到甜品簡直不知所謂,同普通糖水舖差無幾，反而有些糖水舖仲好味過佢，又話有中藥，見唔到又聞唔到，唔知D 中藥去o左邊，果汁簡直不及街邊檔，街邊檔用新鮮生果立即搾，不知幾好味，試過一間絕無加糖水，百分百用新鮮生果在你面前搾，試過包話你正，可惜間舖在側魚涌。