餃子店

營業中

休息中

呢個小店舖頭一眼睇晒，得3-4張枱，眼見有唔少人都買外賣餃子，$10有4隻抵到爛🤨 佢d炒餸仲抵，大部份都係$50-$55，$50食到炒蜆同蠔餅😱 🥟 煎椰菜餃子 $10/4pcs 🍢 炸魚旦 $10/5pcs🌶 煎釀青椒 $10/4pcs 餃子皮薄又煎得脆，就算唔係即炸但都暖暖哋，韮菜餃味道應該會比椰菜更出～ 見到炸魚旦新鮮炸起😙 熱辣辣彈牙而且有魚味～ 青椒都切得唔細，呢個價錢冇得頂😻🦑 豉椒蟶子 $55炒得超有鑊氣🙌🏻 用上大量藥同蒜蓉一齊炒，夠晒香而且新鮮，最重要係蟶子冇沙🤤 份量正常價錢又抵～ 推薦🙌🏻🐠 椒鹽九肚魚 $50比起炒菜佢炸物就遜色d～ 之前食過佢嘅椒鹽雞軟骨都有同樣問題，炸出嚟嘅食物比較硬同實，希望會改善～

朋友今日話唔係好舒服，食唔到好多嘢，但係個肚空空又想食嘢，而且我又想食餃子，咁就睇吓油尖旺附近有啲咩餃子店係好食嘅，咁我上網就見到呢間餃子店，咁我就諗住佢係專門食餃子㗎啦，喺旺角專登行入去大角咀食，原來見到佢唔係淨係食餃子嘅，佢都仲有好多其他選擇嘅，但係食完之後就覺得呢間野都唔係食餃子嘅，只係其他嘢出食過嗰個餃子，感覺上呢間野有啲妹仔大過主人婆，之後再同你講吓每樣食物質素係點樣先。我哋叫咗一個炒蟶子，一個煎餃子，一個芝士腸，一個湯餃子，而當中餃子係好平嘅， $10有四隻。首先講吓個炒聖子先，炒聖子$55一瓣，份量有少少多，好啱我哋兩個人嚟食，尤其是朋友佢胃口唔係太好，都費事逼佢食太多飯啦。蟶子食落好爽口，唔會話好似人哋其他火鍋店甚至係海鮮餐廳食嗰啲，啲肉係霉霉爛爛，食得出係好新鮮嘅，而重點係入邊係冇沙，跟住後尾同老闆一齊傾，老闆話係佢每一朝都去大角咀街市嗰度攞貨返嚟，而且啲聖子係好新鮮嘅，係冇沙嘅，你要確保佢冇晒先至拎出去，所以我覺得老闆呢間餐廳食得出佢有人情味嘅，即係佢好用心做好每一樣食材。之後就講吓佢個煎餃子同埋湯餃子，我以為佢個名去餃子店，啲餃子一定會自己人手包好好食，原來$10

今日又嚟到大角咀，原先想食台灣嘢但係冇開門，於是就決定食餃子。睇見個招牌用張紅紙貼住，仲以為係新開張，後來先知道原來係舊店搬舖。見到店員喺座位上面包餃子，其他店員又不斷閒話家常，好有住家 feel，估計係家人或者親戚檔，感覺親切。呢間最大賣點絕對係價錢平：十蚊就有四隻煎餃，廿五蚊有八隻湯餃，真係好誇張。韭菜煎餃好香口，餡料亦好豐富，可惜放耐咗有啲凍，如果上檯前翻熱一下就更加理想。湯餃我叫咗韭菜餃同椰菜餃雙拼，兩者都好飽滿好好食。值得一提係佢個湯底，除咗有冬菇，冬菜等常見材料外，我居然仲食到唔少乾魷魚絲，既有鮮味又有咬口，唔錯。雖然叫餃子店，但係呢度居然有非常多海鮮小炒，仲有粥粉麵飯，真係唔講得笑。我隔離枱位大隻男就叫咗肉碎蛋炒飯，不斷話好好食，下次有機會真係要再嚟試一試。

呢間係大角咀嘅小店，以前剩係得外賣或者擺啲枱係街嗰度食，而家開咗新店有埋嘅店內堂食幾好！佢開到凌晨，所以好多時都係10點幾十一點嚟買宵夜食。最鍾意食佢個韭菜餃，啲餃子係店內自己包，韭菜味好香好足料！蠔仔粥亦都係好多時都會叫，即叫即整，好多好飽滿嘅蠔仔，仲有啲土魷絲冬菇絲好足料！另一推薦係豉椒炒蜆或者蟶子，調味做得唔錯，雖然材料唔大隻，但係幾有獲氣。酥炸鯪魚球都好好食，好大粒，炸得好香，魚肉彈牙，個蜆介汁好正，好夾個鯪魚球！差啲唔記得講個雞翼其實看似普通，其實炸得幾好食，宵夜加埋啤酒返屋企睇電視，享受人生~~~

風聞這間黃得發光的黃色小店多時，早想一會，在它搬到隔鄰的新舖營業之後，終於在這一晚與它見面。真箇是聞名不如見面，店內店外大量的漂亮文宣，已是這小店最佳的招徠顧客的賣點。店舖地方不大，陳設簡單，店內既有多款小食可供堂食和外賣，想不到原來還有少量海鮮小菜、炒粉麵飯、粥品等售賣，可真令我意想不到。店內各款食物，全皆價錢廉宜，十分經濟。這晚我點了「椒鹽九肚魚」、「蒜蓉白菜仔」、「豉油皇炒麵」，再加一罐冰凍「可樂」，埋單計數，竟然還不用一百元，實在非常抵食。「椒鹽九肚魚」挺不錯，份量多，味道適中，剛炸起的九肚魚，熱得燙嘴，雖然骨多，但肉滑惹味。「蒜蓉白菜仔」即叫即炒，鑊氣充足，味道也好。「豉油皇炒麵」豉油下得太過重手，味道太鹹，卻是失敗之作。雖然這天在這小店吃的菜式並非盡如人意，這間有心小店，我一定會繼續支持的。

餃子店依家搬左去對面街既新舖，店面寬落左好多，仲有堂食座位，唔洗好似以前咁放張摺枱+凳坐響街邊食店外貼左好多靚靚poster，仲有米豬蓮認證，當然要懲罰下佢啦最難得係搬左舖，但都冇加價，果然係良心小店D小食全部換左用個大既櫃裝住不過，因為堂食要等一陣先有位，我就叫左外賣，雞翼$15有4隻，雖然唔係即炸，但食落口都暖暖地，質素一般。$25皮蛋瘦肉粥係即叫即整，好熱要吹下先好食啊！碗粥有肉碎又有一條既肉，粥底棉滑、但皮蛋可以多d

身為大角咀之友既我，餃子店係多年既平價之選。一直以來都好多人幫襯，無他，因為佢又平又抵食！今晚經過發現佢原來搬左過隔離舖，無左佢多年來經營既舖位！為免大家以為佢執左，我就為佢寫返篇食評。首先我叫左個牛肉河粉，韮菜餃5隻，可樂一罐。牛肉河粉既牛肉幾鮮味，河粉雖然淋左少少，但個味道都係唔錯。當然唔少得佢地既招牌菜餃子啦，餃子皮幾薄，咁多年來水準都無變嫁喇！個味道都係好味道，大量韮菜既香味同調好味既豬肉一齊，咬落去好多汁😋😋埋單都只係$47，食到好飽，街坊們要繼續支持啊！