影片
電話號碼
55935388
營業時間
今日營業
09:00 - 21:00
星期一至日
09:00 - 21:00
以上資料只供參考, 請與餐廳確認詳情
相關文章
💢無諗過食個外賣都要受氣！今晚叫咗幾隻煎餃子，結果等咗成個鐘都仲未有，要發火問佢先肯去廚房睇睇，最後先發現漏單😡 職員態度冷冰冰，完全冇一句道歉，仲係度推嚟推去，最後就咁一句「下次留意」。🤯越諗越嬲，係咪我俾咗錢就唔使理？👎 淨係做哂其他單，一收咗錢就唔理。咁樣對客真係冇respect，仲有冇心做好生意呀？💔以後一定唔會再幫襯，大家訂之前真係三思！平心而論味道係唔錯，一直咁多年都有幫襯。但咁下次我仲敢唔敢再嚟？服務態度咁差，點會有回頭客？真係要好好檢討一下啦！👎幾好食都無用！#差評 #服務態度 #漏單 #失望 #香港食評 #顧客體驗 #未來唔再光顧 #改善服務
繼續閱讀
餃子可以但湯變淡左好多，滿心期待再去食不過湯底無左從前個種濃膠魚湯，有時朋友到天水圍都會推薦這店但現在怕別人失望了，希望你地睇到大家評價可以改善，做回讓天水圍人驕傲的食店！
繼續閱讀
第一次去天水圍新北江食餃子，本身勁鍾意食餃子，滿心期待。😢見到到店員忙碌，坐低等咗一陣見冇店員，就自己行過去搵店員落單，唔知係咪我冇聽清楚定點，買完咗之後，佢俾個號碼牌，我就坐低咗。點知突然個店員有啲惡咁樣話我哋買左外賣，唔好坐喺度等，叫我哋讓個位出嚟，俾後來嘅客人坐低。後來嗰兩位客人都有啲唔好意思咁坐低咗喺我哋原本個位。我先發覺原來我落咗係外賣單。咁我唯有禮貌咁解釋話第一次嚟食，問返可唔可以轉堂食。因為店舖仲有三份一吉位。個職員不屑咁話：「買咗外賣就唔可以堂食，我哋老闆嘅規矩係咁，以前喺舊舖都係咁。」 我話：「但係我買咗冇地方食，可以點算？」個店員話要食就去隔離公園食😩好似趕客咁。唔評論店員嘅趕客態度，佢啲餃子真心幾大隻，味道就正正常常，但一肚氣底下食而無味啦。😢唔會再幫襯。
繼續閱讀
今日嗌咗湯餃八隻加上海麵已經叫咗要分湯返到屋企發現啲湯好似加晒水咁成碗湯淡而無味佢哋仲好意思叫人淨係買湯真心以前好好食嘅就算態度差都冇所謂但係而家真係越嚟越難食難聽啲講應該都冇下次
繼續閱讀
叫仔仔去買2碗外賣素餃子上海麵，講明要清水湯。共$90。返到屋企，見隻碗嘅 size ，已知唔妥。一開蓋一夾...無上海麵。叫咗仔仔拎返2碗餃去問清楚...畢竟聽錯落錯嘅都係店員如果$45/碗係唔包麵嘅，就請店員補錢加返。結果係...唔畀補錢，要麵就嗌淨麵。嗌淨麵要$15；其實補錢只需補$7。無言...態度真係一次差一次...佢哋好好生意㗎，我試過嗌1個外賣餃子麵要等一個鐘多。今次個餃子..仲帶點酸臭味...唉
繼續閱讀