餃掂快線

營業中

休息中

餃掂分店遍佈全港，餃子款式選擇多，除左傳統味道，仲會不定時推出新口味，啱晒鍾意試新野既香港人。蔥味酸辣雲耳：酸辣味道平均，又唔會蓋過食材本身既味道，而且非常適合作為開胃前菜。黃金原味皮蛋：皮蛋外形晶瑩剔透，蛋黃呈流心狀，入口很creamy，蛋香十足。四川涼皮：辣度可以揀大中小辣，辣味調配得宜，入口先感覺到辣味，跟住舌頭就慢慢有麻既感覺，加埋花生碎，食得過癮。香煎軟心芝士煎餃(7隻) ：餃子皮煎得香脆，餡料加入左三種唔同口感既芝士，包括車打芝士、巴馬臣芝士、mozzarella，芝士味道濃郁，層次感好豐富，芝士控不要錯過。雙拼湯餃(10隻)：我哋分別揀左大白菜和雲耳椰菜，餡料脹卜卜，一口咬下去，肉汁就爆出來，肉質鮮嫩，食得好滋味。山楂雪梨水：餐廳自家製飲品，味道天然，生津解渴。蜜檸薏米水：十分清甜滋潤。總結，餃子每日新鮮製造，份量十足，質素有保證。

之前喺荔枝角做瑜伽經過地鐵站附近已經留意到呢一間🥟手工餃子雲吞專門店-餃掂快線，可惜上次嚟係晚市時間，門口已經排咗一條長長人龍，就唯有轉場😆今次係星期六飲下午茶時段可以即刻入，就梗係要即刻試吓啦小店採取自助模式，落單後等叫號再自取拎餐👍🏻堂食仲可以任食自家製新鮮醃酸蘿蔔添🤭真心大推，食落去酸酸地既開胃又解膩👍🏻餃子專門店有別於其他店舖，哩到嘅餡料係比較少見嘅🤤🤤我哋兩個人就分別揀咗兩款餃子一齊share😎至尊松茸豬肉餃 - 大 $128餃子可以揀中或者大size，仲可以揀湯餃或者煎餃，我哋兩個人就揀咗12隻大size嘅煎餃🥟，隨餐仲會附送狀元九鼎湯，飲落真係有住家湯嘅味道，每日新鮮熬製絕無味精，口味偏淡，反而突出魚湯天然嘅鮮味，亦都因為新鮮，所以唔需要過多調味已經超級鮮甜👍🏻至尊松茸豬肉餃一粒超級大，皮薄餡多，食落去啖啖肉，而且全部都係瘦肉，唔係肥豬肉，絕無欺場，記得要加埋黑松露醬一齊食，松露松茸味double up ❤️❤️餃子湯麵 $57 / 6隻哩款性價比超級高，$57 有6隻餃子🥟仲連埋個麵😲有成7款餃子露以揀，我地就+$8揀咗元貝豬肉餃，元貝天然嘅鹹鮮味加埋豬肉同芹菜嘅味道又幾合

打波前想食啲嘢，嚟食餃子就啱晒，又健康又飽肚大白菜餃 - 包得好靚，餡料滿滿，湯底足料清甜，健康之選香煎軟心芝士餃 - 滿滿嘅芝士同豬肉，芝士味好香濃，餃子皮煎到金黃色好香口回味手拍青瓜、蔥味酸辣雲耳 - 辣度啱啱好，好惹味好過癮蜜餞雞翼 - 入晒味得嚟肉質幼嫩，甜甜地好滋味上湯松茸時蔬 - 菜心青翠嫩綠，上湯清甜，松茸杞子好香自家製山楂雪梨水、豆漿 - 兩款都係健康之選，山楂雪梨同豆味同樣香濃，甜度剛好餐牌嘅選擇種類同款式都唔少，定價親民，抵食又健康光光猛猛乾乾淨淨，絕對係抵食醫肚之選

同朋友諗住快快地食個飯，揀咗依間餃掂快線，之前食過其他餃掂分店係有人serve嘅，依間快線就係自助形式自己攞餐，店內全部都係高枱高凳，枱上依然必備酸蘿蔔、菜脯、辣椒油等等🌶我地叫咗3款餃子，松茸豬肉餃煎得好香，底同面都有煎得香脆，湯餃叫咗雙拼嘅粟米豬肉同埋芫茜豬肉餃，依幾款餃子都係皮薄餡靚，芫茜足料非常香，粟米就清新爽口一啲，豬肉亦唔會好肥，感覺相對健康，會配埋狀元九鼎湯🥣除咗餃子，我地上湯時蔬同埋龍鳳蛋，溏心蛋配黑白松露醬好夠香🥚飲品要咗杯山楂雪梨水同埋蜜檸薏米水，兩杯飲落都唔會好甜，薏米水仲真係有好多薏米喺底，夠晒足料🥤

呢間餃子專門店嘅餃子好好食，大隻又超足料，仲有好多款口味，餃子煎到餃皮香脆，黃金色澤，睇落好吸引😍 芝士控必試呢款軟心芝士餃子😬😬餡料有豬肉、粟米同芝士，芝士味超香濃，加埋爽甜嘅粟米，真係絕配🤤餃子仲可以雙拼，韭菜豬肉餃拼粟米豬肉餃，兩款餃子都足料，咬落好多汁，韭菜味好香濃，粟米豬肉好清甜多汁！另外，仲點左幾款小食，蜜餞雞翼幾好味，蜜糖嘅甜味同豉油嘅鹹香完美融合，咬落肉質嫩滑又多汁。麻辣松花皮蛋松花皮蛋嘅溏心質感超正，淋上自家製麻辣醬，麻香勁道但唔會搶走皮蛋嘅獨特風味，食完嘴唇微微發麻。蔥味酸辣雲耳嘅酸辣汁調得夠晒平衡，麻辣中帶蔥油香，食到停唔到口～ 飲品就叫左杯蜂蜜檸檬薏米水，每啖都飲到軟糯薏米，蜂蜜甜味天然，檸檬清新解辣，飲完即刻中和返啲重口味，必點解膩神器！

前排行過咗咗盒生餃，都差唔多成舊水10定12隻，屋企距離只係5分鐘，返到屋企即刻雪冰格。幾日後拎出嚟煮先發覺啲肉已經變壞。本身呢間分掂啲service麻麻同埋啲湯越嚟越淡（感覺似係溝水），同幾年前嘅湯底（其他分店）差好遠

香港人好喜歡食餃子簡單營養方便又快捷 這間連鎖餃子專門店有二條分線 這間就主打快！食物全用即用即棄餐具快煮 快上 快食 自助取 垃圾也自助扔〰️〰️〰️〰️〰️〰️〰️〰️〰️〰️〰️〰️〰️🌈香煎軟心芝士餃 依道嘅煎餃都做到底部金黃 好有食慾新式軟心芝士餃 芝士半溶狀態不過記得要ꜱʜᴀʀᴇ食🌈重慶鮮肉雲吞一共有18個雲吞，好大一碗啊！雲吞皮薄餡多，輕輕一咬，肉汁瞬間噴發，鮮嫩的口感令人驚喜！🌈四川涼麵 可根據個人喜好加入胡麻醬麵質偏厚 如果多啲配料或調味醬會更加好🌈蜂蜜檸檬薏米水 $28非常足料|飲落酸酸甜甜底下仲有好多薏米只欠餐匙幫助進食

餸皮算薄，豬肉餃冇豬肉味，雞翼肉好老，湯冇味，辣椒油都唔香，唔知食緊乜。米線較好，唔係好易碎既粗米線座位係bar檯形式，張枱好高，凳又好高，對腳條條fing坐得唔舒服，一日最衰都係我矮bar檯中間有個垃圾桶，個個食完就揼落去，對住垃圾桶食飯，唔係咁開胃開放式廚房全部定大部分店員都係用普通話叫飛number，自己攞餐食食下聽到廚房處理食物既店員好大聲打乞痴，望過去係冇戴口罩，有冇揞口我就唔知但都冇見佢洗手。雖然唔係五星級酒店冇得咁高要求，但話哂開放式廚房俾食客見到感覺唔係幾好

今天來到荔枝角的「餃掂快線」，一個專注於手工餃子的地方，感覺像是餃子界的秘密基地。店面不大，但充滿了溫馨的氛圍，像回到家裡一樣放鬆。點了幾款招牌菜，讓我一邊等待一邊期待著「餃子盛宴」的開始。首先登場的是龍鳳松茸雙湯餃（8隻）。這款餃子外皮薄如蟬翼，咬一口就能感受到裡頭飽滿的餡料。餃子內藏著香滑的松茸，那股濃郁的菌香瞬間把味蕾帶入森林深處，搭配清甜的雙湯，真是奢華又不失溫馨。接著是煎壽喜燒牛肉餃，這個「煎」字就已經讓人垂涎三尺。外層煎得金黃酥脆，內裡則是多汁的牛肉餡，帶點微微的甜味和醬香，咬一口就像是吃進了壽喜燒的濃郁滋味，讓人忍不住一口接一口。餃子麵（6隻）則是另一個亮點。這個用元貝口味的餃子，餃子皮薄嫩，餡料鮮甜多汁，配上彈牙的麵條，整個口感層次豐富，吃完後還想再來一碗。此外，麻辣松花皮蛋和手拍青瓜，清新解膩，尤其是青瓜的清脆與松花皮蛋的滑嫩融合得恰到好處。飲品方面，蜜檸薏米水和山楂雪梨水熱熱喝，既解渴又暖胃，完美收官。整體來說，餃掂快線不僅餃子多樣，味道也令人滿意，價格實惠。這次用餐既有趣又美味，絕對值得再次光臨，繼續探索更多藏在餃子裡的驚喜！

有時飯麵食得多，都要轉轉其他食物換換口味以前係澳洲食過東北正宗餃子，白烚都可以好食到停唔到口，今次黎試下呢間餃子專門店，個名起得幾好，易記又貼題☺️環境❤️❤️🤍🤍🤍非常簡單既裝修，冇咩多餘裝飾，半開放式廚房，比客人可以觀看製作大部分食物既過程。枱櫈簡約，擺放隨意，快餐店既視感，仲有吧台適合一個人用餐既客人，坐位不太舒適，可能想增加轉流吧？🤔🤔衛生❤️❤️🤍🤍🤍真係非常一般，就算堂食，食物飲品一率用外賣盒外賣餐具，員工只見收銀個位，唔見有其他員工係廳面收拾，好多枱未執，抹左既枱都唔係好覺得十分乾淨，地下會見到有d污漬，出餐都唔太專業，感覺衛生頗一般🤨服務❤️❤️🤍🤍🤍成個過程只有收銀同取餐時接觸到員工，冇服務可言，因為客人多關係，落單員工2個又有電話落外賣，有d亂，又等得有d耐，取餐叫完號員工就走開，冇同客人對單😐食物❤️❤️🤍🤍🤍我點既係煎松茸素餃，同香椰拿鐵，想食素但又想食得惹味d😋佢既餃真係好大粒，食得好飽，但食到d油‘益’味好重，仲帶d苦，有點兒過咸（呢點係個人口味），食到最後2舊食得有點艱難（絕唔係因為食唔落，我好大食🥲）然後係香椰拿鐵，勁難飲，沖粉咁，冇椰香，咖啡味又怪，明白一間餃子舖提供呢

荔枝角分店同其他分店唔同, 呢間叫快線顧名思義就係以自助自取方式落單. 搵個位坐定定等叫單號, 食完再自己收拾垃圾. 必點🥟龍鳳松茸雙湯餃跟狀元九鼎湯 92是白松露和黑松露配合野生松茸的餃子。入口超香爽口，在別的餃子店是吃不到的！湯餃特送狀元九鼎湯：是非常養生的蘋果湯，粉葛味超濃，喝完整個超舒服的😋😋不要忘記先吃他們自家醃制的酸菠蘿作開胃菜~如果冇晒記得問店員攞。呢間仲有自家製小吊梨湯，真係飲到粒粒雪梨同雪耳。食完飯當個糖水食真的不錯。

餃掂快線荔枝角店 放假打完波心思思想食餃子同啲波友去咗食餃掂快線。睇吓食邊款先，有唔同款式嘅湯餃、煎餃、灼餃同外賣生餃子。 有幾款餃子仲配咗狀元九鼎湯。至尊松茸湯餃（8隻）咬落啖啖松茸既香味，豬肉餡飽滿，我見到廚房姐姐即包餃子，新鮮好食。配埋個無味精狀元九鼎湯，真心值回票價。雲耳椰菜餃（10隻）雲耳椰菜餃食落爽脆，餃子皮薄餡鮮。大白菜餃（10隻）自家制山楂雪梨水 薏米水仲叫咗兩支健康飲品唔會好甜有益又健康。

個人都食過好幾間唔同嘅餃子店，就算平時食到啲麻麻哋嘅嘢都好少會寫評論。今次真係第一次失望到一個點需要特登打開OpenRice寫下我第一個食評。之前都食過好幾個唔同嘅黑松露餃子，今次收我90幾蚊比咁嘅貨色我，有失望又憤怒。個湯冇咩味唔係味精湯，雖然真係清淡咗啲，但係又吹佢唔脹嘅。算啦，最後一句，不可一不可再。完

昨晚放工跟朋友一齊起附近覓食呢間餃掂起正地鐵站隔離好方便仲要起正D2 對面食完去行街消化都好方便點咗四樣食物試吓王牌至尊松茸豬肉餃（湯）10隻松茸味好突出餃子皮薄豬肉唔嚡口配上黑松露醬好香濃好食湯餃個湯係狀元九鼎湯飲起嚟好似住家湯水完全冇味精但好鮮味元貝豬肉餃 （煎）10隻呢個煎餃好好食煎得好乾身唔油膩元貝個鮮味好正點賣辣菜脯醬一齊食停唔到口四川涼皮涼皮整得好Q彈辣到適中份量都好多蔥味酸辣雲耳雲耳好爽口好入味酸酸辣辣好開胃整體四款菜式都好好食個葉蘿蔔好爽甜又酸味味好解膩下次再嚟👍

在荔枝角D2 Place逛街，肚子餓了，下午茶就夫間簡單的吃，這店在 D2 對面，店面不大，簡單乾淨，點了招牌鮮蝦水餃試試。上桌時熱氣還在，餃子皮薄而有彈性，咬下去能感覺到蝦肉的鮮甜，湯底清而不淡，喝起來挺舒服。還試了煎餃，底煎得金黃酥脆，內餡豬肉混著韮菜，香氣十足，沾點醋和辣醬更對味。份量不算多，但對小食量的人來說剛好。店裡環境熱鬧，座位稍擠，中午人多時要等一會，但服務員態度親切，點餐後上菜也快。整體來說，這裡的餃子沒什麼花俏，但味道實在，像家常菜一樣親切。如果你在荔枝角想吃點熱乎乎的小吃，這裡是不錯的選擇，特別是餃子控應該會喜歡。