餃掂快線

荔枝角快餃掂有時番工好忙都無時間食飯，餃子會係一個好選擇，最近發現荔枝角地鐵站開咗餃掂快線，之前已經食過佢地太子店，湯底濃餃子靚，又去試下先至尊松茸豬肉餃 $80剛出鍋每一粒至尊松茸豬肉餃都白裡透紅，富有可口的野菌香氣，配合豬肉的鮮甜味配著無味精家裡湯，驪藉每一個打工人的心煎韮菜豬肉餃$50每一粒都煎到脆卜卜，嫩滑彈牙的餡肉中還感受到韭菜的綿軟口感芫荽豬肉湯餃拼 韮菜豬肉餃 $65朋友叫咗重口味之選，芫茜好香，每一粒餡料非常新鮮四川涼麵 $31夏日炎炎，當然唔會錯過涼拌小食，特別係四川涼麵，麻醬味香，味道麻香爽辣，超級開胃 📍餃掂快線荔枝角長義街10號昌隆工業大廈地下3A2號舖

失望..平時食開太子分店餃掂 見新開試下2個人點左 韭菜煎餃/10 芫荽煎餃/10 雲耳椰菜湯餃/10$ 198先講煎比較油 且煎得過龍 有少少燶咗 至於湯餃 早前外賣過覺得太淋 現場食都係過淋 湯底好淡 冇乜味環境光猛但係坐得唔舒服全部都係吧枱位枱位正中間有垃圾桶 非常影響食慾因為有垃圾味道自助形式取餐 回收餐餐具碗碟全部都係一次性不太環保且沒有做分類離開發現店名為餃掂快線唔知2間有咩分別 但比較兩間 荔枝角比太子size 細 如果用同一價錢光顧 感覺荔枝角係速食型式太子店會係有服務 且坐得較舒服 食得開心d

餃掂係荔枝角開咗間餃掂快線，有新開嘅餐廳，當然叫埋阿女過嚟參觀下同試吓。餃掂快線與之前餃掂嘅裝修格局有點不同，快線係像快餐店的模式，收銀處落單付款，等叫號碼自行取餐（如有需要，亦可要求店員幫忙），全店採用環保即棄餐具，食完就將垃圾請自行放回收桶。至於食物就同之前餃掂大同小異。主打各款特色口味餃子。軟心芝士餃煎10隻：餃子即叫即煎，餃子煎至外脆內軟，配搭香濃的芝士、新鮮嘅豬肉、甜美的粟米，層次夠豐富。芫茜豬肉餃10隻：芫荽透着那股清香菜味配合埋豬肉，好鮮甜。配上由粉葛、鯪魚、赤小豆等材料熬製的狀元九鼎湯，味道清甜，絕對不加味精嘅湯！餃子麵：多款餃子選配，揀咗韭菜餃，鮮甜韭菜香氣十足，豬肉鮮嫩，麵條亦好彈牙。雞翼三隻：雞翼滷煮得很入味，皮滑肉嫩帶甜味。主食配指定飲品有半價優惠。香茅香水檸檬茶：香水檸檬的果皮馥香，帶淡淡的香茅味道。蜂蜜檸檬薏米:有美白減肥，祛水腫，以及抗衰老的功效，味道甜中帶酸,很解渴。

好少寫食評 但真係好難食😀Lunch見到開左新餐廳食餃子 諗住試下，心諗應該唔會點伏嗌左壽喜燒牛肉餃子6隻加個麵 $66再叫左杯檸檬薏米水 $20Total 都86蚊 唔算平一打開 見到湯底係醬油色同一堆芫荽碎😖已經覺得怪好啦，一拎起啲餃子，佢啲皮已經裂開食落完全冇牛肉味仲有入面加左啲馬蹄，亦都係完全唔夾個湯完全係冇醬油味，只有怪嘅酸味食完成個麵唔知自己食左啲咩咁….野飲就正常，冇特別🙂‍↔️希望大家唔好中伏🫡🫡🫡

今日黎到荔枝角食左一間幾出色既餃子館, 係地鐵站一出就係, 地點好方便呢到係用類似快餐店既形式, 有好多唔同既特別餃子, 仲有面食首先我地叫左龍鳳松茸餃子, 黎到一半係黑松露, 另一半就係白松露, 兩款咬落去既松露香氣都好香, 但相對之下黑松露就更加濃味, 我比較鐘意加埋呢到既辣菜莆, 酸辣鮮香,令成個口感更加突出另外我地仲叫左個雙併餃子, 元貝豬肉餃子入面真係有原粒元貝, 配埋鮮嫩多汁既豬肉, 味道層次豐富, 另外粟米豬肉餃子就好足料, 有好多粟米係入面最後我地仲叫左黃金皮蛋, 皮蛋係流心既, 而且係透明既, 同平時食開黑色既唔同, 食落好香, 但又冇平時食個D咁滯四川涼面就麻辣鮮香, 可以當主食咁食總括黎講, 呢間餃子都幾出色, 黎開荔枝角既值得一試

不嬲都鍾意餃掂, 荔枝角站一出開左新店, 叫餃掂快線, 應該都係主打快捷, 仲要唔環保, 乜都用即棄餐具再講d 餃子, 完全同佢其他店超大分別, 成個形狀都唔同, 細隻好多, 7隻仲要收$50, 碗湯份量都比較少個餃子好一陣雪藏味, 個人覺得價錢唔值!! 店員服務無乜, 淨係係度吹水傾計

今日諗住試吓呢間新開嘅餃子店，入到去睇餐牌，價錢一啲都唔平，10隻餃子平均都要$80蚊，我同男朋友就叫咗兩個麵，每碗有六隻餃子，呢間嘢主打餃子，但係我懷疑老闆連試都未試食過，認真真係餃唔掂，唔係誇張，先講環境，枱同凳設計都有問題，將枱勁高，要企喺度食先啱位。個湯底得個酸字個麵淋到B B食咁 唔洗咬壽喜燒餃子 ：一啲壽喜燒味道都冇 更食唔出有牛肉味！粟米豬肉餃：入面得兩粒粟米 餃子皮又厚 仲要冇味間野仲要冇冷氣 食一陣都出哂汗新開 但係好多小蚊子咁難食真係搞唔掂 價錢又唔係平

上星期收工行過咪試下，食開上環嗰間，湯餃唔錯，煎餃又煎得靚唔燶，抱住一樣心態去食，結果失望而回.... 首先餃子同湯唔夠熱，吾知係咪之前煮定左返熬會冧，就咁放湯上去所以吾夠熱。啲阿姐好孤寒，啲湯畀1/3豌，根本都冚唔過啲餃子，所以最後兩樣野只係和暖感覺，唔係幾好囉。難得搵到個好地舖，唔係出自餃子嘅問題，係處理方法，希望店主有改善可以常幫襯啦~

途經D2附近，發現有一新店主要食餃子。於是入內嚐嚐，而店內主要提供立食，我點咗「至尊松茸湯餃（8隻）」，等了約十分鐘，食物到品，餃子十分飽滿、啖啖肉，松茸與肉配搭得宜（個人感覺） 店內只提供外賣盒，需另收費用，使我感到有好嘢食就算，希她們可作改善（可循環使用碗碟）