餃掂手工餃子雲吞專門店 (已結業)

經過見有好多款嘅餃子幾吸引 點咗個餃子麵雲耳椰菜豬肉餃麵$53 有六隻餃子, 皮唔算好薄但幾足料但佢個湯酸酸地 唔係咁鍾意 食到尾先見到原來個湯落咗有好多蒜蓉食完成個口好臭😷另外 啲姐姐態度真係好差 講句野好似發緊你脾氣咁 個後生仔態度就好少少嘅總括 一般啦, 可食可唔食

老公最鍾意食餃子，太子餃子出名好食，今次去餃掂，貪佢真材實料，款式出面好少見，夠特別龍鳳松茸餃 (黑白松露+松茸煎餃)，本身叫左淨松茸，點知俾錯左黑白松露我，原本吾知，但一食好香松露香味，又有松茸香味，估吾到咁好味，煎得又脆，好好彩佢俾錯，食到吾想停雙拼湯餃元貝豬肉餃，芫茜豬肉餃元貝分量多，芫茜味比較突出2款都好好味小食2款麻辣皮蛋，有八件，食到好飽松茸菜芯，夠大條又新鮮飲品，山楂雪梨水，酸酸甜甜好開胃

肚空空想找一些飽肚餐廳，經過太子附近發現開了一間餃子店，即管試試！每台桌面都放了一自家制辣椒油及菜甫豆豉醬，極之香口，作為餃子調味十分適合我們一行兩人點了三款餃子及一些小吃元貝豬肉餃最為推薦，一咬落口元貝的咸香味撲鼻而來，配上充滿鮮味的豬肉餡，實在高質素！而且湯底亦不普通，是用老火湯作湯底，完全可以整碗湯都喝光龍鳳松茸雙灼餃亦亦屬另一推介，內裡肉餡保留了大量肉汁，鮮味十足！冬菇加上黑松露的組合十分配口，令人一食再食！韭菜豬肉煎餃外皮煎得香脆，韭菜香口，完全做到外脆內軟效果！值得推介這間餃子店！

龍鳳松茸雙煎餃$92呢款係鋪頭推薦，menu 上有手指公。而仲有得自選煎/蒸。今次我地食8隻煎餃，平均大概$10/隻。真材實料，有黑松露，有足料豬肉，真係好正。雙拼湯餃$63 (韭菜 x 芫茜)本身以為 呢2款餃都係差不多。點知食落真係好大分別。 韮菜餃: 菜多豬肉少，淡味d (感覺幾清新，係健康首選) 而芫茜餃就相反啦～ 菜少豬肉多，味道濃郁，真係會令人幾開胃。anyway, 無論邊款都好，材料都好足，賣相外形都好一致。四川涼麵皮 (小辣) $32睇個名已經流曬口水啦～ 果然賣相一流，無令人失望。但如果放耐左 粉皮就變左一餅野，chim 埋chim 埋。加少少湯就好快散開，粉皮滑流流，雪兩三下就入口。粉皮有1定厚度，唔易碎散，又易掛就上醬汁，好野味，真係eat 之棒!

我又嚟啦🤣一嚟開太子食飯，諗唔到食啲咩，就會諗起「餃掂」既餃子，真係食極都唔會厭🤩最鐘意佢哋嘅韭菜同莞茜餃，每次都必點的🤤同埋佢哋既招牌零味精湯 - 狀元九鼎湯一定要飲，仲要襯熱飲😍🌟龍鳳松茸雙煎餃 $92🌟今次同朋友嚟，朋友一嚟就話要食呢個勁野😌黑白松露雙拼，果然識食😆我自己本身都好鐘意呢款松露餃，只係平時自己一個就少食😝🌟雙拼湯餃$63🌟✨韭菜✨芫茜湯餃會連埋佢哋招牌湯，同朋友都覺得莞茜餃出色過韭菜餃，莞茜味好出，鐘意食莞茜既要試吓😋韭菜餃可以揀煎餃，味道會勝過湯餃😌🌟四川涼麵皮 (小辣) $32🌟呢個係第三必點😍好滑嘟嘟，加咗辣好惹味香口😋🌟竹昇米線 $25🌟🌟上湯松茸時蔬 $32🌟🌟回味手拍青瓜 $25🌟🌟自家制山楂雪梨水（杯) $20🌟🌟蜂蜜檸檬薏米水(杯) $20🌟天氣太熱了，同朋友各點了一款佢哋自家製既雪梨水同薏米水，非常清甜解渴，好岩依家天氣飲😍

天氣熱，收工唔想食飯， 諗起附近嘅餃子店，除咗美味餃子又想念店家嘅無味精靚湯。於是一個電話，某人就收工過來一齊食嚕。野生松茸素湯餃$52 (7隻)呢款湯餃係無『狀元九鼎湯』跟嘅。餡料有松茸、白菜、雲耳....，味道清新可口，夠健康。大部分湯餃都有跟狀元九鼎湯，一定要記得叫湯另上。見介紹材料有：粉葛、鯪魚、鲫魚、赤小豆、扁豆、陳皮、蜜棗、排骨、紅蘿蔔，果然真材實料，最重要係有提升免疫力、養顏保健作用。飲落清甜順喉，平日唔得閒煲湯，行過飲碗都唔錯。芫茜豬肉湯餃$59 (10隻)  配狀元九鼎湯好鍾意呢款餃子清新好味，芫茜香加埋鮮豬肉，好好味哦。龍鳳松茸雙湯餃$92 (8隻)  配狀元九鼎湯龍鳳松茸餃以黑松露及白松露配豬肉，皮薄飽滿，鮮味十足，重帶有松露香， 一口餃子一啖湯，正！食完又叫咗2支飲品，左手邊山楂雪梨水$28，，酸酸哋嘅山楂加上雪梨清新，開胃又滋潤。右手邊蜂蜜檸檬薏米水$28 ，薏米水美白得嚟又可去水腫，味道清甜。每枱都放一樽甜酸醃菜俾客人享用，有白蘿蔔、青椒、紅椒、薑片， 顏色靚，口感爽脆， 味道酸甜、好開胃。每次都要食幾件先至滿足。原來而家有埋下午茶供應，又多一個選擇。

餃掂🥟｜太子 真材實料 營養滿點的餃子🥟｜😜我哋本身都有食開太子一間餃子店，真係都幾好食。所以今次就好想推介大家喜歡我哋覺得都幾好食嘅餃子同埋睇吓會唔會試吓新嘅口味😂🥟至尊松茸豬肉餃本身我哋平時去食都唔會食呢款餃子，始終價錢比起其他餃子都偏貴，但係今次就試吓佢睇吓有咩分別。咬落去皮薄餡靚，啲餡特別鮮味，口感好彈牙。再配上佢嘅松茸醬，鮮味就更加突出。而呢本餃子都會配上一碗九鼎湯。感覺係用新鮮嘅原材料熬製而成，飲得出完全冇味精嘅味道🥟壽喜燒牛肉餃今次我哋又試吓呢款新出嘅壽喜燒牛肉餃。味道比起其他餃子就偏重。但口感就非常之好，入邊有好清脆嘅洋蔥🥟煎粟米豬肉餃煎粟米豬肉餃當然係必點嘅其中一款。佢哋外表煎到金黃色，外皮超級脆，一咬開餃子，就爆曬汁👍🏻麻辣松花皮蛋味道都唔錯，唔會太辣，但係皮蛋就都幾流心，凍凍地咁食都真係幾正🍝四川涼麵四川涼麵都係我哋食呢間餃子店必點嘅其中一款。下面鋪咗青瓜絲同埋脆卜卜嘅花生碎。而上面就係梁浸浸嘅冷麵。淋上沙律醬，撈埋一齊食，夏天特別夾。

.呢排愛上食餃子 連發夢都想食🤣上星期收工就同男朋友就去左太子呢間餃掂叫左佢地既招牌 至尊松茸豬肉餃 要煎餃😋另外仲俾左一碗狀元九鼎湯 佢唔係啲好重口味既味精湯 係較清淡 鮮甜既老火湯底用生魚 無花果同淮山精心煲架 飲落好正👍🏻餃子皮薄涵靚 松茸味道好出 另外叫左碗小辣竹昇米線 份量好多 加埋餃一齊食好滿足.另外仲叫左蜜餞雞翼同麻辣松花皮蛋好入味 尤其係雞翼 好香甜 雞肉肉質嫩滑麻辣皮蛋就好開胃口 加左葱花一齊更突出.我就揀左大白菜豬肉餃mix粟米豬肉餃10隻剛剛好 啖啖肉好滿足 粟米果款更有口感浸係狀元九鼎湯一齊上枱🫶🏻好味到連湯都飲晒呢～

行開太子見到依間餃子店係蔡瀾曾經來過既店，所以入黎試下。佢哋有自已既廚房包餃子，咁一定唔會差得去邊～仲要有好多唔同餃子選擇。坐低先食佢哋自家醃製酸蘿蔔，酸酸甜甜微辣，好開胃😘點咗：至尊松茸豬肉湯餃 外皮滑、裡面滿滿既嫩豬肉和松菌香，配搭非常香！而且松茸營養價值好高🥰跟狀元九鼎湯，個湯超香，飲得出加咗好多材料先可以煲得咁香濃。大滿貫素煎餃 一上枱已經感受到佢熱辣辣。煎得金黃香脆，裡面既紅蘿蔔、粟米、芹菜、菇菌等，令煎餃更爽口🥰四川涼皮 超多花生碎、松子、青瓜絲辣椒醬、辣椒碎，$32真係好抵食。涼皮晶瑩通透、煙韌彈牙、夾雜著花生香和辣椒惹味👍🏻惹味唐芹拌豆筋 豆筋充滿著濃郁豆香，加上唐芹既爽脆，帶著辣勁，令人食唔停口。黃金原味皮蛋第一次食黃色皮蛋，好得意，原來係咸蛋和皮蛋既化身！佢有皮蛋質感、咸蛋既香，正呀喂👍🏻👍🏻👍🏻蜂蜜檸檬薏米水（支）清爽消暑、好香薏米味，又有嚼頭。依度唔單止餃子好食，小食都好出色！

今天是例假，下午便來到這間以餃子為主打的專門店。至尊松茸豬肉餃跟狀元九鼎湯八隻$80，至尊松茸豬肉餃，松茸不算太濃烈，配合豬肉和九鼎湯一起吃，味道層次更好。九鼎湯用上粉葛、順德活鯪魚、香山活鲫魚、紅蘿蔔、扁豆、赤小豆、新會陳皮、蜜棗、鮮排骨等煲成，味道鮮甜，沒有添加任何味精。重慶鮮肉雲吞，中辣$40（12只），湯底的麻辣味道香濃，非常有四川特色，配合雲吞一起來吃，更加好味。元貝豬肉煎餃子大10隻$66，每隻餃子都可以吃到一絲絲的元貝，但係點行五香味道，餃子經過煎過之後，底部香脆，加點陳醋非常開胃。麻辣松花皮蛋$25，皮蛋配合香辣醬汁，很容易便把這個皮蛋消滅了。蜂蜜檸檬薏米水$28枝，薏米味道香甜，加上檸檬的酸香味道，兩者配合得很好。

今晚放工要到太子上堂，趁仲有時間就去先食個晚飯行到界限街頭見到對面有「餃掂」，想起很久沒吃餃子了，又想喝湯，一於入去。餐廳原來入邊都有座位，又五張枱。餐具及醬料都整齊放在枱上，太子有膠袋套住感覺衛生。來到必吃酸蘿蔔，爽脆開胃。一個人簡單點了：《龍鳳松茸雙灼餃(跟狀元九鼎湯) $92/8隻 》及《蜂蜜檸檬薏米水（凍）$28/支》 雙拼即是有黑松露餃和白松露餃，都是很有營養豐富及珍貴，因為松茸是沒法人工培植，是百分百的天然食材！是全港首創松茸餃，皮簿餡靚，肉餡香郁多汁，啖啖鮮甜肉汁加上松茸香，高質！覺得不需另加醬汁已經咁好味。如果想要提味可以試試餐廳的自家制醬料，聽聞香辣醬很讚！湯底清甜好味，無味精。

煎韭菜豬肉餃元貝豬肉餃（狀元九鼎湯）韭菜餃都幾香韭菜味，煎得香脆，而元貝豬肉餃都幾香咸鮮味，唔知道煎嘅話會喺咩味。不過d餃真喺好細隻，又唔飽滿😂食極都無滿足感，無飽肚感。個湯喺主打推介，但味道真喺好淡，即使落咗鹽都好淡味，似喺d湯料唔夠味。

新搬左過黎太子，可以多左機會黎食餃子喇，之前有食過，覺得幾唔錯👍🏻香煎軟心芝士餃 10隻 $62每隻都煎到金黃色，好大隻呀煎餃。一咬軟心芝士味濃，粟米香甜，豬肉料多，好味。至尊松茸豬肉湯餃 8隻 $80湯餃會跟一碗老火狀元九鼎湯，我中意飲，冇味精，次次都必叫哩個湯。松茸餃係哩間餃子店既特色，其他店暫時未見有，松茸菇菌好香，會配埋松茸醬，好鮮味。回味手拍青瓜 $25蜜餞雞翼3隻 $24手拍青瓜涼拌小菜好岩宜家天時熱食，爽脆小麻。蜜餞雞翼甜甜的，好蜜味。每枱都會擺有酸味蘿蔔，係自家製小食免費供食客享用，好貼心既食店。蜂蜜檸檬薏米水 $28/支山楂雪梨水 $28/支哩2支自家製飲品都好消暑，低糖，好飲！

之前係中環返工無意中發現左呢間餃子店，其實我本身麻麻地餃子，不過諗住求其食d野慳下錢，估唔到佢咁好食令我對餃子改觀🤣，於是無幾耐就忍唔住再去太子總店食，貪佢係總店啦有無限refill醃蘿蔔同埋通常總店好食d💁🏻‍♀️⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫🥬雙拼 - 莞荽豬肉湯餃五隻 ｜9.5/10 +韭菜豬肉湯餃五隻 ($63) ｜8/10莞荽餃世一!!!!!佢既莞荽加埋個湯咁食有種鮮甜既味道🥰個餃皮非常完整滑嫩，最欣賞佢唔係果d超級薄果d餃皮而係有d咬口但又好滑既皮，其他舖頭聲稱皮薄餡多果d其實我係麻麻地，因為個皮太薄會搞到好似齋食緊舊肉團咁完全feel唔到個皮既存在💁🏻‍♀️佢呢個皮唔算超薄有存在感之餘唔會搶左個餡既風頭美中不足就係總店既粉葛鯪魚湯好似無中環蘋果生魚湯咁清甜 感覺蘋果生魚湯同湯餃既synergy更加大💁🏻‍♀️🤪而韭菜餃都很不錯啦above average不過就無莞荽餃咁驚艷🙉狀元九鼎湯 - 粉葛鯪魚湯另外不得不提佢個湯，其實我第一次飲果陣都覺得好淡，心諗佢仲單賣20蚊一碗，雖然真係飲落無味精但真係好淡似係無落鹽既老火湯，不過之後發現佢同湯餃係超級夾，

依間行過灣仔分店已經想trytry佢～今日行完街突然好想食餃子～一於上網搵下點知發現太子有分店～咁就帶埋大家陪小編食野😝元貝豬肉餃7隻 跟狀元九鼎湯 兩種主要材料都好出味～用料唔輕手～皮薄咬落啖啖香～狀元湯底亦係不得了👍👍用上鯪魚加鰂魚做材料～濃色得黎清淡易入口～小編差唔多飲哂😋蜜餞雞翼～上湯松茸菜心雞翼普普通通咁😂😂反而讚下個菜心～可能湯底關係好夠味～配搭清菜一流—————————————————☻非專業食評·純個人口味☻—————————————————📍總結:會想再食之一👍想食餃子既觀眾們一定要去試下～小編誠意推介🤣🤣仲有邊間餃子好食啦啦聲介紹俾小編先😎等你地🤤🤤🤤