影片
港鐵太子站 C2 出口, 步行約3分鐘
繼續閱讀
電話號碼
91290881
營業時間
今日營業
11:00 - 21:30
星期一至日
11:00 - 21:30
以上資料只供參考, 請與餐廳確認詳情
平時都中意食餃子既我， 今日係太子見到一間未試過嘅餃子舖，就入咗去食。 見到湯餃個湯底都幾吸引，就揀咗食湯餃。 湯餃嘅湯底份量都好足料，又有紅蘿蔔、黃豆、薏米等等仲要有花膠！！ 一飲落去滿滿既膠原蛋白感覺， 一飲就知唔係味精湯。 餃子都大大隻， 一碗都夠曬飽， 而且餃子都足料， 可以下次再黎試下其他口味。
繼續閱讀
收工去太子花墟買花之後去附近食飯, 見到呢間特色餃子幾吸引~我哋叫咗幾個雜錦煎餃餐大家share食~餃子都煎到好香脆,皮好薄,入面都幾足料~鮮肉雲耳椰菜餃餡料幾有咬口, 口感好有層次感~鮮肉粟米香菇餃加咗粟米幾清甜,呢個配搭幾好食~雞肉薯仔餃薯仔好綿滑,估唔到都幾夾,幾特別!京葱羊肉餃羊肉唔會好酥,好香口,幾好食~鮮肉香菇蟲草花餃呢個配搭好養生,幾特別~鮮肉粟米南瓜餃呢個有啲失望,南瓜蓉口感唔係好夾,食唔到有肉,好似得啲醬喺個餃子皮入邊咁～上海麵同埋米線都冇乜特別,湯底都比較淡~但係特色餃子唔錯, 煎餃皮薄餡多!
繼續閱讀
原本食開上一手個間手作餃子，見到轉咗手但係menu仲係一樣就照食，一試就後悔了。😭嗌咗之前食開嘅餃子，煎南瓜餃同芹菜湯餃，因為原本個湯係非常好飲嘅，不過轉手之後真係差咗好多，准山豬骨湯冇之前咁甜咁好飲，仲要個餃子皮厚咗好多。😥不過最大問題係煎南瓜餃，非常油仲要係冇煎餃應有嘅脆面，又油又淋😥非常失望另外舖頭環境係好咗嘅，但係店員嘅衛生情況都幾惡劣，又搣蝦又搣西柚，轉個頭又拎餃子比客人又要比錢，一定唔會再去食🙏🏻🙏🏻
繼續閱讀
之前一直係忠實fans,但轉手後除咗環境好左，其他嘢都好垃圾。粟米芝士冇咩嘢唔好試。啲湯以為同之前差唔多，但飲落真係搞唔掂。整體黎講，未試過食一間咁難食嘅餃子。
繼續閱讀
睇完人氣影片分享平台網路名人介紹黎試吓呢間餃子，冬陰功餃子-無乜特別京蔥羊肉餃-好好食，配搭得好 唔太臊粟米南瓜餃 - 南瓜甜甜地幾正 但自問重口味就未必岩韭菜餃 - 唔夠香煎芝士餃 - 好食 真係煎出嚟 唔係炸偷睇隔籬位嘅煎雞扒都幾靚👍酸辣土豆絲非常有驚喜 唔係一味醋同埋辣 有啲蔥蒜同芫荽最後都要讚個湯底 有紅蘿蔔 准山 薏米 黃豆飲落好舒服！有下次！老闆話啲豬肉係佢老婆 每朝親自去街市買同埋親手搞爛🥰呢啲咁有誠意嘅小店，值得多啲支持！💪🏼💪🏼💪🏼
繼續閱讀