餃餃鎮

營業中

休息中

收工去太子花墟買花之後去附近食飯, 見到呢間特色餃子幾吸引~我哋叫咗幾個雜錦煎餃餐大家share食~餃子都煎到好香脆,皮好薄,入面都幾足料~鮮肉雲耳椰菜餃餡料幾有咬口, 口感好有層次感~鮮肉粟米香菇餃加咗粟米幾清甜,呢個配搭幾好食~雞肉薯仔餃薯仔好綿滑,估唔到都幾夾,幾特別!京葱羊肉餃羊肉唔會好酥,好香口,幾好食~鮮肉香菇蟲草花餃呢個配搭好養生,幾特別~鮮肉粟米南瓜餃呢個有啲失望,南瓜蓉口感唔係好夾,食唔到有肉,好似得啲醬喺個餃子皮入邊咁～上海麵同埋米線都冇乜特別,湯底都比較淡~但係特色餃子唔錯, 煎餃皮薄餡多!

原本食開上一手個間手作餃子，見到轉咗手但係menu仲係一樣就照食，一試就後悔了。😭嗌咗之前食開嘅餃子，煎南瓜餃同芹菜湯餃，因為原本個湯係非常好飲嘅，不過轉手之後真係差咗好多，准山豬骨湯冇之前咁甜咁好飲，仲要個餃子皮厚咗好多。😥不過最大問題係煎南瓜餃，非常油仲要係冇煎餃應有嘅脆面，又油又淋😥非常失望另外舖頭環境係好咗嘅，但係店員嘅衛生情況都幾惡劣，又搣蝦又搣西柚，轉個頭又拎餃子比客人又要比錢，一定唔會再去食🙏🏻🙏🏻

之前一直係忠實fans,但轉手後除咗環境好左，其他嘢都好垃圾。粟米芝士冇咩嘢唔好試。啲湯以為同之前差唔多，但飲落真係搞唔掂。整體黎講，未試過食一間咁難食嘅餃子。

睇完人氣影片分享平台網路名人介紹黎試吓呢間餃子，冬陰功餃子-無乜特別京蔥羊肉餃-好好食，配搭得好 唔太臊粟米南瓜餃 - 南瓜甜甜地幾正 但自問重口味就未必岩韭菜餃 - 唔夠香煎芝士餃 - 好食 真係煎出嚟 唔係炸偷睇隔籬位嘅煎雞扒都幾靚👍酸辣土豆絲非常有驚喜 唔係一味醋同埋辣 有啲蔥蒜同芫荽最後都要讚個湯底 有紅蘿蔔 准山 薏米 黃豆飲落好舒服！有下次！老闆話啲豬肉係佢老婆 每朝親自去街市買同埋親手搞爛🥰呢啲咁有誠意嘅小店，值得多啲支持！💪🏼💪🏼💪🏼

而家嘅影片分享平台網路紅人/ foodie 真係完全無職業道德可以。肯落廣告你比X佢食佢都會sell 好食都係睇咗影片分享平台嘅推介嚟試， 要幫餐廳平反嘅係味道一般，不差的，但唔係好好食個啲，如果唔係住係附近係唔會再去食。要等位嘅絕對唔會食依個價錢嚟講，餃子係皮薄，餡係多嘅，不過唔知係店員包得唔好定係包得唔好定係廚房煮太耐，我碗湯餃用匙羹筆上嚟個陣有一半嘅餃子係散散地 ／ 爆開。味道係可以的， 但食落去體驗不太好個湯係冇味精嘅， 算不錯，不過佢大大隻字話係淮山花膠豬骨老火湯，但實物係無淮山無花膠得大量紅蘿蔔同豆係會有啲失望

放工諗緊去邊食野，就諗到前兩日YouTube 講過這間都不錯🙂，餃子似餃子屋的做法，淮山湯底都似，原本我是餃子屋fans ，就來這裡一試😃，入到去一半枱都坐滿人，店內有十多個座位，地方擠迫😩，全店只有兩人工作，一個 在廚房煮餃子，一個在廚房外的負責其他全部工作🥺叫了冬蔭公和粟米冬菇湯餃，等了15mins, 試下個湯，好一般，沒鮮味😒，餃子普通，談不上好食，餃子皮煮得淋左，價錢10隻餃，53元，應該不會再來了😅

我叫10 隻 佢total俾9 隻 香落粟米餃 俾少左隻我都廢事出聲 因為覺得好難食 啲肉 無肉口感 爛肉咁粟米香菇餃 啲粟米 好似粟米乾咁 得個衣 無水份食到乾柴柴 食唔曬起身走人 頂唔順待應 反應又好慢見隔離枱 落完order check單 話落錯個客好心話 如果煮左就由佢然後待應聽完就算 由佢 搞唔掂 煎韭菜餃就 一般般

💖太子💖水餃店💖今日去太子工作，做完嘢後喺太子搵吓嘢食，就比呢幅「manu牆」吸引咗入去，拐過彎就見到呢間水餃店，小店式經營卻有好多款的水餃，對於水餃🥟控的我真的表示樣樣都想食😍可惜胃口有限，今次只點了一碗鮮肉韭菜湯餃（7隻），呢到標榜個湯底都可以飲埋佢，原來佢係用老火湯做湯底，今次係「淮山花膠豬骨老火靚湯」，見到有花膠即刻❤️❤️眼😆，見到隔籬枱嘅顧客食得津津有味，我也十分期待。等了一會兒，湯餃上枱了，佢水餃的size都大，咬下去啖啖韭菜😃就咁食加埋飲晒成碗湯已經大滿足！下次好想試下其他款，仲有煎餃。📍餃餃鎮 (太子)太子荔枝角道88號地舖🚇港鐵太子站C2出口步行3分鐘

住附近，間唔時都會過嚟食餃子。轉左手，又黎試下～新老闆好有心機，研究如何好食d,接納客人意見～餃子-皮更薄更脆，我喜歡-無甘多皮就唔會甘飽，女仔為食既十隻都食到-餃子餡味道更香，鹹味適中，可以日日食（以前太鹹，只可以間中食一次）湯-冇以前咁傑，終於似返個湯，而唔係生粉羹-比以前少鹹，可以飲多兩啖，返屋企唔會狂飲水總結，新舖味道、口感更勝舊鋪，少鹽更健康，推介希望新老闆可以堅持落去，不停進步：）大家有神

今日去係睇個名幾得意，唸下試下，估吾到香港D餃子甘好食，餃子大大粒，湯料十足，點讚服務又好，寶藏店舖，而且D價錢又吾係好貴，普通一個人如果飯量吾大食7隻餃子都感覺到飽曬

老闆好有人情味，餃子粒粒大大隻，我自己個人最鐘意食白菜餃，湯底花膠准山樣樣足，菜莆又有辣有唔辣選擇，價錢經濟又實惠我收工去到食得慢都好，老闆夠鐘收舖都唔會催客走。

手作餃子對上一次食係29/3, 今日 5/5 去開太子同阿仔食居然招牌唔同左，原先雪櫃個位無喇喇放張大陸巨形梳化落去，望見餐牌心諗會唔會中伏呢？叫左以往食上一手必叫嘅羊肉、韮菜、粟米香菇呢三隻價錢好似同上一手一樣，隻餃食落無呢一兩年上手咁重味精無咁鹹但新頂手就包得隻餃條邊無咁實有兩隻直頭舊餡同皮完全獨立分離，個湯當然無上一手咁濃同重漿粉水咁滑，但奇景係居然重現返五年前我第一二次個湯有花膠碎！紅蘿蔔多好多件令個鮮甜好多！上手有上手好但太鹹返到屋企飲兩公升水都和唔返，個湯同五年前已經走晒樣越做越差🤦今次新頂手返到屋企竟然無飲過一啖水，希望佢可以 keep 到 d 客