養心麵 (已結業)

養心殿就食過好幾次 係同一集團旗下既養心麵就真係第一次食養心麵既賣點係車仔麵 湯底亦有養心殿最出名既美人湯及麻辣湯可選 好辣既我當然就揀左麻辣湯啦 不過因怕太辣就只嗌左小辣 結果唔夠辣 好彩檯面亦有辣油任加 同樣夠香夠辣 建議食得辣既朋友可以直接挑戰中辣或以上菜單上見到有數種食材都係台灣直送 亦有台式肉燥飯 小食及飲品 但我則嗌了碗車仔麵及一枝杞子菊花圓肉露 落單後先付錢後上菜我無嗌套餐麵 根據自己口味 選了關廟麵配牛筋 牛腩 金茹 水蓮 瑞士雞翼 鴨血六個餸 全部都係吸汁既重口味食物關廟麵 其實我都唔知咩麵黎 有咬口 且係台灣直送的啊牛筋 牛腩 夠淋夠入味 且份量超多金茹 鴨血 吸哂麻辣汁超正水蓮 一樣係台灣入口既蔬菜 一試無妨瑞士雞翼 有驚喜 夠入味而且肉質嫩滑彈牙無Overcook埋單$114 餓到上心口

一直都想試養心殿呢個大名連鎖火鍋店，因為佢哋嘅美人鍋底聽講好出色。無奈價錢太貴，轉戰養心麵試試佢哋嘅美人湯底， 仲有柯仔麵線。ERRRR，柯仔麵線好普通，柯仔粒都算新鮮但數量太少。敗筆係成個麵線湯底次煲過龍嘅味道，我就唔識欣賞啦😅至於養心麵有香菇貢丸、糖心蛋、鴨血、豬腳，材料就普普通通貨。所謂嘅美人湯底都只係老火湯嘅感覺，我又唔會話好特別要值得去試🧐，點解啲人吹到咁大嘅呢🧟‍♀️🧟‍♂️我寧願去食港式小小嘅車仔麵算🤗-招牌養心麵 | $68柯仔麵線 | $32-養心麵尖沙咀金馬倫道29A號地下-

台灣一直以黎都係我既旅遊首選地，一來人情味，二來係美食。所以我未食之前，已經對呢間餐廳有好高既期望。養心麵係一間有台灣特式既餐廳 ， 一入門口 竟然播緊五月天既歌，未食先興奮「你不是真正的快樂～脫下保護色～活著」。除此之外，仲聞到陣陣台灣既舊式餐廳既香味。店員好親切向我介紹各種套餐，林林總總選擇好多，最後我簡左牛四寶套餐，忌廉，仲有我最愛既滷水大腸。忌廉黎啦，係懷舊既版本—枝裝版。枝裝版在香港買小見小，係我兒時既回憶。加分！感動！人情味！夏天真係好需要枝裝可樂，細細個成日一啪一拗一開幾秒鐘就飲晒。哈哈主菜黎啦，黎得好快，速度快到好似你order車仔麵咁快，試下係咪快令正先。Ha ， 餐廳好醒目，放左我最愛既大腸係最上層，豬嘟嘟滑嘟嘟好令。 平時成日食街邊既大腸，夏天係街邊食，熱辣辣好無feel，影響左大腸既魅力。 今次唔同，坐定定嘆冷氣，一舊一舊咁食，肉汁爆晒出黎，口感係滿分，正！至於牛四寶方面，我唔係牛雜控，口感唔大，但食食下無啦啦發現左幾舊肥味既金錢肚，好大舊好多肉！ha最後掛住食金錢肚，其他牛雜無理到。遺憾。坐左成50分鐘，好舒服啊，聽左好多首台灣歌—五月天/SHE/洋蔥。好似置

午飯時間黎同同事嚟試試佢！麵類黎講我自己覺得一個lunch係唔算好平既😂要$60-70一個麵。order完係要先比錢。同事們都係叫左自選既麵，佢嘅湯都俾得非常多，多到麵都見唔到。但佢啲料都係好多既！我自己就試咗佢個招牌養生麵！湯底係美人湯😂配料分別有豬手、麻辣鴨血、台灣先食到既水蓮！香菇貢丸、豬腳同埋滷水糖心蛋！淨係配料嘅款式都已經非常多，分量亦都冇吝嗇！佢入面仲有桃膠😍佢可以自己揀湯底，揀麵，都幾好，唔會話限死你一定要食咩湯/麵。我淨係食晒啲餸都已經飽咗一半🤣個人來講都覺得有少少貴嘅，不過都唔抗拒再食第二次🤪

平時食港式車仔麵湯底多數都係腩汁+辣汁/咖哩汁而呢間就主打美人湯Menu都幾多選擇，有好多台式食品例如蚵仔麵線、肉燥飯最後揀左自選車仔麵車仔麵配料亦好多選擇當中除左有港式車仔麵嘅大路餸菜之外仲有台灣嘅餸好似滷豬腳、鴨血、蚵仔咁，最後揀左台灣水蓮、蚵仔、滷水大腸美人湯底配寬粉條湯底清清地 冇乜味精寬粉條略帶煙靭，口感唔錯水蓮好爽甜滷水大腸好入味至於蚵仔配咁清嘅湯就冇咩味，不過一D都唔腥以後黎開尖沙咀食嘢又多個選擇喇！

味道不錯的車仔麵，多款台灣的麵款及餸選擇，點了鴨血，牛展，豬皮，高麗菜餃。。 鴨血及牛展味道不錯，醬汁選了咖喱汁中辣，雖然唔算好辣不過醬汁野味。。廚師細心，見我食到d湯無曬，主動問我加唔加湯會再幫襯

近期愛上食養心系列，今次就黎到銅鑼灣既養心麵呢度一坐底就有張點餐紙俾大家揀食咩，入面有好多平時車仔麵食唔到既餸早餐時段仲有特別優惠既套餐添而家買滿40蚊，仲可以以優惠價換購飲品呢杯飲品果然足料，入面有好多雪梨、雪耳、質地係結結地，一d都唔稀我今次就叫左貢丸、蟹棒、鳳爪、蚵仔，仲有我至愛既鴨血鴨血非常滑，大家一定要試下寬粉條由台灣空運過來，呈透明狀，口感煙煙韌韌，份量都好多！美人湯湯味好濃郁，加上麻辣汁也不錯。台灣寬粉條也好入味。

［尖沙咀麵正］友人有日想食麵，但有幾間在尖沙咀的都試過，於是轉戰這間養心麵想試試地點好易搵，我地都是行行下街見到廚房是開放式，睇到師傅在里面整理內部有精裝，位置闊，乾乾淨淨餐單好豐富！！招牌養心麵、小食、配料都有~~當然也有台式肉燥飯～點好餐，等食肉燥飯配台式魯水蛋，都幾香，肉夠嫩外加了一份台式牛肚友人叫了養心麵：有珍珠筍、炸豆皮、金荷、水蓮和冰豆腐，最特別還有桃膠做的湯底有不少自家制飲料可以試叫了支菊花露試試，味道很好，淡淡的菊花清香

行過尖沙咀 口痕痕想食車仔麵入咗去呢間度試吓 應該係同養生殿火鍋系同一間集團 今次要食下養生食材配車仔面先間舖好的骰 入邊位置唔多 最多坐到廿幾人度餐牌雖然得兩頁 但係好多車仔麵餸揀 有好多都係台灣直送我叫咗一個台式養心寬粉條 貪佢入邊乜餸都有啲唔使煩 啲水蓮話係台灣直送 鴨血都好味 仲有香菇貢丸爽口彈牙 唔知係咪我太肚餓 份量小左d朋友叫咗藥膳排骨湯飯 個排骨湯ge中藥味幾濃伴飯食好好味最後貪得意叫咗呢個洛神花茶 酸酸甜甜幾開胃

今日跟朋友到尖沙咀逛街，黃色雷暴警告，不想四圍去，剛巧見到金馬倫道有間養心麵，知道是養心殿同一集團，一直想試很久，天時地利下就決定入去試試，養心殿之前吃過已知道食材是由台灣直接空運，食物質素上等，這間養心麵也是一樣，部份食材也是由台灣直接空運過來。餐牌有數款選好配料的養心麵餐，也有台式滷肉飯，我們點了台灣肉燥飯 $28，招牌養心麵（ 台式寬廟麵）$68 （內有台灣水蓮、香菇貢丸、炸豆皮、滷水糖心蛋、滷水豬腳）、咖哩陳皮魚蛋 $8、烏梅汁 （支）$18、杞子菊花圓肉露（支）$18、瑞士汁雞翼$12。台灣肉燥飯 - 另加了一隻滷水蛋，我們點了細，但份量亦非常之多，滷肉飯由於肥肉比例較高，因此滷肉飯口感較為香醇濃厚，口感較為清爽。招牌養心麵 - 因為我不太喜歡鴨血，侍應非常好換了炸豆皮給我，麵底點了台式寬條麵，透明彈牙，口感特別，豬腳較淋口，味道相當入味，滷水糖心蛋時間剛剛好，流心，不錯。另侍應可能聽到我不吃辣，把咖哩汁、麻辣汁另上，非常細心。咖哩陳皮魚蛋  - 質地不俗，外皮香口，肉心彈牙爽口，且魚味鮮濃，紮實豐富。 瑞士汁雞翼 - 香甜肉嫩好惹味杞子菊花圓肉露 - 清肝明目，味道突出

今次試下金馬倫道呢間養心麵，近排食左好多湯麵，一入門口有部自助售賣機， 但最後都係人手落單，環境一般，裝修黑色為主，晚上去到只有2枱客人，食物款式大部份係台灣食品， 車仔麵咁樣叫餸， 叫左4個餸加關廟麵，轉左美人湯，咖喱陳皮魚蛋，安格斯牛腩，台灣A菜，台南蚵仔，再叫一個芝麻醬拌麵，食物質素：講左個芝麻醬拌麵，勁多醬，太咸，個車仔麵，美人湯，原來係雞湯好清，仲有d啫喱，好似骨膠原，咖喱魚蛋辣左d, 台灣A菜仲爽口，牛腩好普通，所謂台南蚵仔，只係清煮蠔仔，總括來說： 辣食物應該分開上， 一齊會上影響個美人湯，價錢比較貴！！！

今天晚上放工之後去看演唱會，所以就想在尖沙咀醫肚，因爲中午食了很多，晚上就輕食一點，去了養心麵試試看。我們兩個人點了一碗“瑞士雞翼+台灣貢丸+台灣A菜+台灣炸豆皮+高麗菜餃+高山老鼠耳”（單點, $62）和另一碗“新竹米粉+台灣炸豆皮+千層冰豆腐+辣味牛筋“ ($58).單點的那碗材料豐富，瑞士雞翼很入味，炸豆皮很有特色，也特別喜歡A菜!! 另一碗配新竹米粉的辣味牛筋有小許麻辣味，牛筋軟冧，千層冰豆腐也很好味道，它吸修了湯的味道！值得一提的是，兩碗車仔麵 裏面都加了”桃膠“， 顯得特別養生 ！

距離下一場得返30分鐘，唔夠時間行去食羊肉米線，就係金馬倫道附近覓食，咁啱見到呢間《養心麵》就諗住重拾上月台灣之旅嘅餘韻。雖然係閒日，但無諗過8點嘅尖沙咀會得2個客人。因為唔想食辣所以點左美人湯、台灣關廟麵、台式滷豬腳、台式麻辣鴨血、萵筍，共港幣$48｡份量對女仔黎講絕對夠飽，麵份量好多口感都好細滑，不過配搭嘅美人湯底如水般無咩味，而麻辣鴨血的麻辣汁其後融入，完全完美染紅湯底「想唔辣，都要辣」！鴨血同萵筍都有6-7片，算對得住價格，但經過美人湯一洗，麻辣鴨血只餘下鴨血原味，而相反萵筍就被麻辣油包住變成辣辣哋。豬腳有2大件，滷得好入味，成為整碗麵嘅亮點，但如果刮毛乾淨少少就好喇~~但係之後睇返openrice 食評先知！原來美人湯係有桃膠的！！但我！一粒！桃膠！都無！！！完全無呀！😭😭只好當我唔好彩 ...Orz不過短期內都唔會再試，尖沙咀始終有太多選擇，佢唔係果種非君不吃。btw有隻小昆蟲一直係度周圍飛，好想同佢講 ..「我真係唔駛人陪我㗎 ...」

車仔麵大家就食得多，可以養生既車仔麵你又食過未呢？今次就同女朋友去咗養心麵嗰度，試吓佢哋出名嘅美人湯車仔麵。呢度嘅車仔麵有好多唔同配料，除咗港式車仔麵必備嘅配料之外，亦都有好多係台式特色材料，粉麵亦都有好多種選擇，除咗麵之外亦都有飯同各種台式小食。我今次就揀咗豬潤，台式炸豆皮，肉燥，美人湯配關廟麵。關廟麵好滑，豬膶大大塊好新鮮又唔腥。炸豆皮好大塊，好香豆味又唔會有油益味。女朋友就要左芝士腸，千層冰豆腐伴美人湯稻庭烏冬，另外再加多左一個辣汁魷魚鬚。先講芝士腸，平時去食車仔麵最多比四條，竟然呢度有六條，超抵食呀！冰豆腐索晒啲好清嘅湯，加埋美人湯超多份量嘅桃膠，完全唔覺得自己食緊車仔麵。稻庭烏冬亦都好滑，唔會淥得太淋。更加值得一讚嘅就係呢個辣汁魷魚鬚，好入味，辣得來之餘又唔會過分，好過癮！重點係連魷魚鬚都有桃膠呀！加咗咖喱辣汁嘅桃膠又另一種食法，好正！飲品方面，叫咗一支支裝可樂同埋熱嘅杞子菊花圓玉露，飲落好舒服好潤喉，又唔會太甜。估唔到食車仔麵都可以咁養生！

平時午膳時行過都要排隊等位，今日特登下午三時左右來，好彩不用等。之前食過好幾次養心殿養生鍋，特登来這間養心麵以養生鍋湯底和台式食材主打車仔麵。店內簡潔装修，坐位舒適和環境清潔。設有自助點餐機，可供客人慢慢選擇，還有職員從旁介绍特式食材，非常貼心。桃膠非常養顏餐牌有抵食套餐外還有自選配搭，好似港式車仔麵。但有些食材是專程由台湾直送。我選了招牌美人湯㡳，因為有桃膠，充滿膠質非常養顏。麻辣鴨血質感Q弹，滷水牛展，非常入味。千層冰豆腐和炸豆皮，寬粉都是吸湯力強，好惹味。還有喜歡重囗味可加特製辣椒莱莆，增加湯層次。同事點了麻辣烫底，雞中翼，蟹棒和安格斯牛腩，牛腩炆得軟腍，牛味非常重好有口感。配稻庭烏冬，所有汁料和麻辣烫底融合—起，湯變得更香濃，好有打邊爐feel。吃完麻辣後飲番支自家製有機洛神花茶，酸酸甜甜，好清新。有機香茅茶，好清香，味道非常特别。