饑落亭 (已結業)

與家人在此晚飯，㸃了幾個餸，整體味道一般，最想講吓就係，作為一間標榜大排檔小炒的店，豉椒炒蜆，上枱時一睇就見到有問題，望落去似係豉椒煮蜆，食落一d炒過既鑊氣都無，蜆不太新鮮，食左一半後，食到有兩隻係變壞咗既，同以前在沙田食既完全唔一樣。另一個餸，鬼馬生炒骨，係有炒過，但係所有配菜(洋蔥、青椒)係8成生既，排骨正常。基本上每碟餸既份量都比較小，我哋4大1老2小，點了8個餸都唔夠食。以水準來說，我個人覺得大埔墟街市入面，大部份做小炒的店，都比這間做得認真同有心去做，希望店主有機會看到這意見。

行入嚟先知原來呢間係屬於沙田區邨屋"冬菇亭＂出名大牌檔陳根記的，難怪門口經常那麽多人排隊 名字改得很貼地，想真d很有意思，不知那位名人提名 另外，牆上掛有中文大學校長沈祖堯的真蹟 人生得意須䀆歡莫使金樽空對月以上名句，大家共勉之吧! 正好今天親友從美國回來相叙，甚為高興，叫了幾樣出名小菜 沙薑雞 ~ 可能名氣大，反而有所要求，但可惜雞肉未有想像的滑口，只算是合格。南乳冬菇什菜粉絲煲 ~ 可謂十分平平淡淡，沒嚐到什麽南乳味炆鱔片 ~ 鱔魚價格越買越貴，可能因為這樣，份量小，而鱔魚是瘦身了，腰圍很小，呵呵，沒法子。。冬菜油盬水煮蜆 ~ 也是一般一般，但捧場客很多，還要限時 1個半鐘頭。。。

今晚來到出名的大排檔，想試一試同以往係沙田的味道有冇分別。點了3樣餸：分別係Wasabi 沙拉蝦球 、蒜蓉炒白菜仔同薑蔥魚腩煲。Wasabi 沙拉蝦球Wasabi味道好好，又酸又有d攻鼻，但係我地發現西蘭花入面疑似有條蟲，覺得好核突，即刻唔多敢食。疑似蟲仔薑蔥魚腩煲好失望，望落好多薑同洋蔥，魚塊份量都多，但唔知點解魚一d都唔入味，除左腥腥地，真係薑蔥冇味，朋友話唯一可取之處係魚表面炸得好香口。同埋真係好多魚骨，食食下我已經唔敢食。蒜蓉炒白菜仔呢道餸都ok, 但炒到有d燶，所以搞到有苦味。總結真係有d失望，好似比以前失色唔少。

平時都係去沙田食，今次見大埔開咗又唔洗排隊，即刻入黎試試，味道不輸沙田的！第一碟上黎既係椒鹽雞軟骨，唔會太乾，十分好食！用翻碟清甜既蒜蓉粉絲蒸翠玉瓜配雞軟骨，唔錯！

wasabi蟹籽手撕雞（例牌）82呢個雞絲，火腿，青瓜，海蜇。除左有用wasabi去調味仲食到有麻油，份量都幾大，兩個人都食唔晒😁😁蒜茸炒時菜（白菜仔）$52呢個唔算好特別，所以唔需要去特別介紹。普普通通不過不失，至少菜洗得好乾淨食唔到有沙根記水煮魚$98叫左小辣，本來睇餐牌見佢賣相好似會好辣，但食落辣味被麻油味覆蓋晒，完全食唔到辣，魚片好小骨，唔識食魚既朋友都可以食，魚片都滑整體觀感還好，價錢同份量都成正比

未開張已聽聞既陳根記，將熱鬧搬入室內，依然別有風味同朋友、家人聚餐就最適合不過。wasabi手撕雞估唔到大排檔都有啲咁特別既菜式，內有手撕雞、蟹子、海蜇、青瓜、火腿用wasabi撈埋一齊，別有一番風味，喱個前菜都多人嗌冬蔭公蜆肉陳根認既冬蔭公口味適合香港人，內有“索”味既粉絲同大量蜆肉，蜆肉鮮甜，無偷工減料椒鹽雞軟骨香脆雞軟骨，合晒小朋友口味，唯獨覺得比較油粟米芝士琵琶豆腐芝士味唔太濃，但好適合大人小朋友食撈飯一流南乳粉絲雜菜煲菜種類多，配合埋蝦米仔、粉絲，用料十足蟹肉桂花喱個較為清啖，食落口感唔錯，有蟹子、粉絲、蛋、芽菜

陳根記搬家大約也有快一年時間了，實在地方有點遠，一直都沒有去過，心血來潮去試試，先是去了石門店，人太多太多，感覺根本排不上，又轉戰來到大埔，這邊也排隊，但是很快就到了，菜色味道沒變，感覺份量好像沒有以前多，感覺是大排檔裡質素最高的！

上完大陸後直接過黎大埔食晚飯，男朋友阿哥提議食呢間，話食過不錯，是由沙田冬菇亭搬過黎！我地到達門口時已經有不少人等位，算是整條街人氣較高的餐廳，最後等左半個鐘終於入得去，環境有點似大排檔，相當熱鬧！除左一般小菜之外，仲有一些比較少見的菜式，一場黎到緊係叫特別架啦Wasabi 蟹籽手撕雞+冰鎮白滷水豬手第一樣必叫一定係Wasabi 蟹籽手撕雞，聽講係限量供應，好彩未售罄姐！手撕雞份量超多，肉質嫰滑，加埋蟹籽口感極佳，但可能Wasabi 唔係撈得好均勻，有時會好攻鼻 有時唔攻鼻，幾過癮，配搭新潮又好食 而旁邊是冰鎮白滷水豬手，大大片口感煙韌！冬蔭公浸蜆一睇冬蔭公浸蜆呢個名已經覺得好吸引，點可以唔叫！食蜆肉同時又飲到冬蔭公，味道酸酸辣辣，雖然不能媲美泰國的味道，但一樣雙重享受！最後食埋薑蔥炒肉蟹和炒時菜，一人一碗白飯真係夠曬飽

大半年前同一班朋友去食， 大家都食到 lam lam 咀， 大讚👍🏻好味又大碟， 仲話下次要再食過。 點知過左一排， 我再去食。。。水準大跌， 好味不再。。。好失望呀。👎🏻由其係個豉油皇炒麵， 好似平時早餐店炒麵仲好d...👎🏻👎🏻👎🏻👎🏻👎🏻呢個鮮魷炒時菜。。。無味無道。。。好似唔係一齊炒咁。。。👎🏻👎🏻👎🏻👎🏻👎🏻豉汁蒸䱽魚係最唔錯了。其實我好想知係唔係換左廚師？有無人

位於大埔既餓落亭，係陳根記既後續。位於大埔墟既中心點，平時都排哂長龍等位，今次決心要黎試試佢。我地今次3個人，搭枱可以即時入座，非常好彩。冰鎮滷水豬手，豬手薄薄地鋪係冰面，可以令d 肉更加爽脆。豉油王炒麵 - 呢個真係麻麻地，甚至比不上粥店果d 炒麵。通菜炒鮮魷 - 明顯鮮魷煮熟後無再落鑊炒，通菜炒完後就咁擺返d 鮮魷入面就上碟。豉汁蒸倉魚 - 呢個係今次最好味既一道菜，豉汁夠味，倉魚不過不失。大失所望，本身期待呢間人氣食店會帶出驚喜，但結果係失望收場。終於知道門口點解小左咁多人，唔洗排隊都可以直入既原因了。普通小炒連茶餐廳既水準都未達到，下次都唔會中伏。

今日約個朋友送手信, 我地就食個晚飯傾個計,我朋友話去食饑落亭, 我就100個???咩來架?佢就叫我自己去睇, 點知原來係之前沙田個間陳根記分店, 改左名姐, 但好多野都好有以前的大排檔FEEL, 餐牌、桌子、人事、食物都沒有變…我地叫左4樣野, 烏頭、Wasabi蟹籽手撕雞 、馬拉盞炒通菜、蠔餅Wasabi蟹籽手撕雞, wasabi味好攻鼻, 我地3個人叫左個例, 但都食唔到落去烏頭—正常的貨式, 沒有太大驚喜馬拉盞炒通菜---又是一般貨式, 唔可以叫好好吃蠔餅—唔油,好香, 都好足料

同朋友們今日黎試呢間大埔版陳根記，其實呢間係禾輋店嘅新鋪，唔同嘅係呢間比禾輋店乾淨好多(始終有自己鋪)同接受訂位，不過每日只限4張枱booking，我地遲左打黎book所以都要wall in。我地6點令7點到，幸好未算好多人，所以等一陣巳經可以入。環境雖然比禾輋店乾淨，但都一樣比較迫。點餸同以前一樣，都要自己直接寫喺張單到，我地10個人點左9個餸，份量剛剛好。味道同以前一樣，仲保持到大排擋水準，每一碟都好適合送飯！價錢亦都好合理。Wasabi蟹籽手撕雞 (壹隻)味道剛好，wasabi味唔算好攻鼻，配合左青瓜蟹籽所以味道好清新好開胃豉椒炒蜆好香豆豉味，唔會好辣口硬心軟食豆腐個名好特別，其實佢係炸到外脆內軟嘅豆腐！椒鹽白膳片個膳炸到好脆，又無骨，就算加左椒鹽都唔會好鹹魚香茄子煲唔鹹但送飯一流，茄子都煮得夠淋鬼馬生炒骨其實即係咕嚕骨，不過加左油炸鬼，好欣賞！個油炸鬼唔會整到淋唒又唔會太硬，仲好食過個肉！中式牛仔柳馬拉盞炒通菜金銀蛋浸莧菜

筆可詩意事件簿人生四小喜：吃喝玩樂。2019年5月3日 星期五2019年4月29日今天不用返早班，又無咩地方想去，決定入去大埔探女朋友班，然後一齊去食個lunch。大埔是一個值得發掘的地方，因為周邊都有很多隱世小店。就好似今日中午，我就在四里附近找了一間叫饑落亭的食肆。揀呢間主要係見佢門面都好特別，內部有大排檔特色，唔知食物水準又有沒有大排檔的水平呢？午市餐牌選擇並不算多，不過價錢合宜。                 我和女朋友從餐牌上點了兩個餐，分別是：章魚肉餅拼手撕雞飯和麻辣燙米粉；而飲品叫了兩杯凍奶茶少冰少甜。章魚肉餅拼手撕雞飯明顯肉餅係手打既，彈牙之餘有肉汁，食到一粒粒章魚粒添；原來手撕雞係佢地招牌，只能說招牌的確好食，雞絲一d都唔老，入味，配上海蜇，配搭起來很爽口。凍奶茶少冰少甜出乎意料的好，絕對係水準之上，茶味夠，奶味亦足，味道很搭，飲過會上癮。麻辣燙米粉睇相都見得到料很多，一大碗都盛滿了，很滿足，稍嫌麻辣兩種味覺都不夠刺激。兩個餐都份量十足，食得出係有心煮既食物，連飲品都令我和女朋友兩個非常回味。在食店時望到店鋪內照片，先知係陳根記既分店黎，怪不得食品水準高，下次絕對會

之前喺禾輋陳根記都食過呢間，冇估到搬咗嚟大埔之後間嘢變差咗咁多， 份嘢又細份價錢又貴咗 ,就連味道都 退步買埋，以前食wasabi手撕雞真係覺得好好食， 估唔到而家雞肉又少又多骨同埋wasabi味都冇，得好淡好淡。蒸鱔啲豉油完全唔入味，只係好似隻鱔浸住咁，hea 到咁， 真係好失望，之後唔會再嚟。

行完兩個中頭山.. 要搵地方醫肚.. 本身諗住BBQ.. 但朋友怕熱氣.. 最後揀左陳根記..老字號不愧係老字號.. 門口好多人等位.. 但係食完之後會覺得值得的..因為無論員工既招呼還是食物既質素.. 我都覺得好值得欣賞.. 同埋值得花時間等咁耐..前菜試左Wasabi 既手撕雞.. 味道好夾.. 呢個前菜好開胃.. 好有新鮮感..然後叫左兩個小食.. 椒鹽九肚魚.. 同埋蠔餅.. 我覺得有80分以上.. 炸粉唔厚係我個人喜好..跟住試左茄子鵝腸煲.. 蒜蓉炒時菜.. 黑椒豬手.. 仲有海鮮羮.. 全部都好好味..我親眼見到我個豬手上檯時.. 隔離岩岩入座既客人都指住話要1份