饑落亭 (已結業)

位於大埔既餓落亭，係陳根記既後續。位於大埔墟既中心點，平時都排哂長龍等位，今次決心要黎試試佢。我地今次3個人，搭枱可以即時入座，非常好彩。冰鎮滷水豬手，豬手薄薄地鋪係冰面，可以令d 肉更加爽脆。豉油王炒麵 - 呢個真係麻麻地，甚至比不上粥店果d 炒麵。通菜炒鮮魷 - 明顯鮮魷煮熟後無再落鑊炒，通菜炒完後就咁擺返d 鮮魷入面就上碟。豉汁蒸倉魚 - 呢個係今次最好味既一道菜，豉汁夠味，倉魚不過不失。大失所望，本身期待呢間人氣食店會帶出驚喜，但結果係失望收場。終於知道門口點解小左咁多人，唔洗排隊都可以直入既原因了。普通小炒連茶餐廳既水準都未達到，下次都唔會中伏。