香格里拉米線專門店 (已結業)

黎過兩次兩次既感覺都唔錯兩次都有叫到口水大腸併口水牛展麻辣既味道真係好正!! $28米線都幾好食架併司華力腸比較好其他料麻麻地酸辣湯都幾好飲加上有好多辣既程度比你揀適合唔同口味既人加上價錢又平好似20幾..唔多記得唯一唔多好既係服務果d人成日行埋黎問你食咩一坐底就問..問左3-4次..有d煩..加上d木台都幾迫下無計啦..鬼叫呢度係旺角不過都值得一去既

今晚同個fd黎食...叫左2餸米線要酸辣湯(中辣)...個味道岩岩好...服務幾好!不過杯凍0蜜好難飲...waste左8蚊...整體唔錯!

第一次黎呢度食，今次叫左2碗酸辣米線+一罐可樂+一碟雞亦+一碟豬大腸!!16蚊一碗米線+一個送，之後一個送要5蚊!我要酸辣湯底，原來係辣+酸菜..哈哈哈!!!咁就叫酸辣........但都OK抵食既...個豬腸下個月加價啦!而家仲係25蚊.下個月28蚊呀!哈哈哈!!97蚊..下次去川居抵D.哈哈!!

比起其他米線舖配料方面選擇多，可以改叫米粉同出前一丁。但員工服務態度退步?好多，很懶散，成日掛住同其他同事傾計，唔理客人。

其實我覺得幾好味！一d都唔似你地咁講！

我自問食過不少米線.但今次被這間鬥口貼的名星相吸引,走進店內食客一般可能未到晚市,我點了一碗炸醬,滷肉中酸辣米線,味道好似我去雲南旅行食的差不多,一面吃一面間問店員食家(蔡灡)真的自己來吃過?他們說真的來吃不是用錢請來的.我心想連食家都來吃都應該不俗,今次只花了$26就可以吃到正宗雲貴風味.真是回味無窮.大家值得一試.

二人晚餐, 好後悔冇睇左食評先食.每加一款餸加$5一碗豬潤+蒜香白肉米線, $21一碗煎豬扒米線.$16賣相好差, 米線口感尚可, 但係配料腐皮同芽菜就少得離譜!可能係佢個碗大覺得份量少?蒜香白肉冇乜味, 淡貿貿.

如果大家對食物無乜要求, 食左只要唔會中毒, 但求飽肚, 服務更加唔需要既, 咁, 你就可以黎呢間啦.一入到去, 問幾位, 話無位, 上樓上, 但個個無表情無表示, 我同D朋友R哂頭, 你眼望我眼, 諗住調轉頭出去隔離上樓, 原來佢條樓梯係後面, 又唔講, 又唔帶, 鬼知你條梯係前定後咩! 好, 坐底啦咁, 叫左個豬大腸, 貢丸, 牛腩米線, 小辣. 本來係叫中辣, 但個侍應一聽到我叫中辣, 即刻大大聲話"中辣好辣架喎" 嚇到我轉返少辣... 點知... 黎到, 連我個完全唔食得辣既朋友都話唔怕, 食落, 真係無乜特別, 唔覺佢係D咩正宗米線... 食左幾啖, 夾起舊"豬大腸", 食兩啖, 突然醒起, 叫個姐仔過黎, 同佢講, "我好似叫豬大腸架喎, 但呢D, 好似係豬肚黎"

晚上特地到這間友人提到好味的店舖食米線，叫了麻辣(中)、雞柳、燕餃個湯雖然係中辣，但就係我食過最辣的。米線同早前食過的一樣，粗粗的，爽口彈牙~~雞柳一般水準，燕餃就好出色，咬開時有一股香氣湧出，汁的味道香，回味~~可惜的是沒有什麼配料，芽菜都只有幾條，份量適中啦服務態度幾好，她們見我食到滿頭大汁，專程拿多幾張紙巾給我

(24/10/06)男友帶我來,話司華力腸&米線好味。預早到達唔算多人。炸醬係好辣的,所以叫清湯,鮑魚,好;燕餃,肉丸味;豬紅"林"得易散;司華力腸好得意,切成一節節煎,好好味;秀珍菇、紫菜。米線係好煙韌,而湯唔係無味,而係雲南米線慣是又梅菜、冬菜之類,此處齋白湯,會好似淨咁D

我以前響旺角返工果陣，經常去呢間餐廳食lunch，貪佢地夠平抵食，兩餸米線加凍飲一杯都係$24，配料多湯底又夠味，侍應個個都唔錯。後來轉左工成年無幫襯，尋日放工重臨舊地，唉！無眼睇！首先侍應態度問題。親眼見到隔離檯的先生叫侍應拎蒜蓉，個侍應錯左酸菜，個客話返俾個侍應知，個侍應語氣居然有點晦氣話：「蒜蓉呀嘛！」態度真係好唔要得。碗米線黎到已經反胃，賣相慘不忍睹，一pat野咁，真係以為叫的係漱水！芽菜、木耳少到幾乎搵唔到，碗粉黎果陣D餸散修修。一放入口更加失望：湯底淡如白開水；米線佢地轉左第二隻，焾如漿糊，但離奇地竟然可以有D煮唔熟黐埋一堆；餸分量明顯少左，而以前佢地最煞食的酸菜，而家完全唔夠酸唔夠味。咁的食物同服務水準居然仲夠膽加價，呢間野我以後唔會再幫襯，早知去花園街食車仔麵好過。

呢間野,一碗野,一樣餸加埋野飲,都要26蚊埋單,加多樣餸wa~埋單32蚊,再加,38!!我都仲未叫其他野食,不過,唉,間間都係差唔多架啦=-=''我叫凍華田,佢比杯凍檸茶我,好次幾都係咁我叫左碗麻辣既米線,其實,我剩係食到麻辣味,麻仲多過辣=-=清湯就好好多,簡直想飲晒佢....不過有味精=-='''個麻辣度,其實同其他就真係分別唔係話太大=-='''服務態度....真係唔敢批評...因為我都見到,佢地人手其實都唔係咁足,因為人多,需求比供給還要多.o.

每次去旺角入貨後，都好煩惱的唔知去邊到食晚飯，今次亦都不例外，兜了兩個圈才有所決定。睇番食評，原來好多喊面，我就覺得唔算好差o者。我食紅腸豬潤酸辣米線，要了大辣tim，大辣真係好辣，但夠晒刺激。豬潤亦夠爽口又夠多，米線本身亦爽口有韌度，真的不比譚仔差。老公食辣牛丸米線，牛丸亦唔錯，幾彈牙，唔會成舊粉。只食米線較單調，再叫了一個烤羊腿，完全無味，肉質又硬又實，味道全靠表面的孜然粉。雖然米線都ok，但係未必再有下次，因為地方好迫，有點焗束感覺。

人地有個叫麻辣青瓜同口水雞翼超正．．．我次次去都食口水雞翼，不過價錢貴Ｄ０者．麻辣米線食等辣，食到我噴火．．．．正．，．不過成日都好多人，坐到好迫，有個呀姐仲好鬼串，有Ｄ就好好．．

叫左兩個米線, 都幾大豌, 不過就味道就真係麻麻.. 完全唔係雲南口味, 似車仔面加辣多d..