香格里拉米線專門店 (已結業)

我以前響旺角返工果陣，經常去呢間餐廳食lunch，貪佢地夠平抵食，兩餸米線加凍飲一杯都係$24，配料多湯底又夠味，侍應個個都唔錯。後來轉左工成年無幫襯，尋日放工重臨舊地，唉！無眼睇！首先侍應態度問題。親眼見到隔離檯的先生叫侍應拎蒜蓉，個侍應錯左酸菜，個客話返俾個侍應知，個侍應語氣居然有點晦氣話：「蒜蓉呀嘛！」態度真係好唔要得。碗米線黎到已經反胃，賣相慘不忍睹，一pat野咁，真係以為叫的係漱水！芽菜、木耳少到幾乎搵唔到，碗粉黎果陣D餸散修修。一放入口更加失望：湯底淡如白開水；米線佢地轉左第二隻，焾如漿糊，但離奇地竟然可以有D煮唔熟黐埋一堆；餸分量明顯少左，而以前佢地最煞食的酸菜，而家完全唔夠酸唔夠味。咁的食物同服務水準居然仲夠膽加價，呢間野我以後唔會再幫襯，早知去花園街食車仔麵好過。