香江茶餐廳

營業中

休息中

中學係柴灣，而且放飯時間得一粒幾鐘自然就要穩間快手快脚既填飽個肚漁灣就脚得黎，坐低嗌單，10秒即刻送上手次次去食都係，啲阿姐阿叔真係唔話得份量超多，抵讚，我地同常3個人唉兩個常餐，都食到飽到嘔學生仲有免費热飲送，好似係如果冇記錯例湯好好飲，每日唔同，而且仲會有湯常常，冬瓜鮮甜，豬骨入味常餐變款唔多，但全部都大件夹抵食邊打口水都流曬出黎好想聽日即刻過翻去柴灣食

第着日返工返柴灣，行經漁灣邨，她經典冰室之外表已吸引我眼球。喜歡小店、喜歡地踎、喜歡舊物。日替快餐總有一款焗飯，每款快餐價錢劃一$39，難得焗物不用加錢，所以最終還是選擇了它。事先做了功課，一早預計到是螢光汁，雖然唔多健康，但螢光汁的的確確係一代人的青蔥集體回憶，而且又唔係日日食，所以我buy. 螢光汁就是典型的螢光汁味，曾經非常熟悉的化學味道，千萬不要追求任何茄味。蛋炒飯底，但唔多夠香。豬扒偏瘦，薄身，已切成幾塊長方形，每件都連著些小骨，吃時不太方便。味道沒有很香口也沒有什麼味。豬扒份量算多，吃不完的感覺有餐飲外，還會送例水，蘿蔔蜜棗的甜味，經典茶記的味道

一直以來都好想食到一個雞脾意粉，雞脾係炸嘅，然後意粉舖滿橙色一堆汁，唔係因為特別好食，係因為呢種叫情懷，係消逝嘅青春，邊個學生時代冇食過呢啲飯呢？ 但係，今時今日的茶餐廳都愈做愈高級，而且要扮健康，做有營食肆，所以一堆汁嘅飯真係買少見少，加上老式茶餐廳，執吓一間，執吓又一間，仲邊有人做舊食茶記食物。 誰不知竟然俾我再遇到傳說中的螢光橙嘅茄汁飯！ 香江茶餐廳，喺柴灣漁灣邨，差不多兩點見冇乜人，又有卡位，就貢入去試吓。快餐有幾款，＄37有例湯同飲品，我千揀萬揀，揀了A餐，茄汁雞扒腸仔飯。完全冇心理準備之下，遇到舊朋友，一見到碟飯，不得了，完完全全中學飯盒樣，真係嘩一聲。味道？其實真係OK，塊雞扒冇雪藏味，腸仔冇塑膠味，個汁除咗杰咗啲之外，冇其他問題，仲非常大碟。 我相信佢應該仲有螢光黃色嘅咖哩飯，大家想搵情懷，不妨去吓。

星期六3點幾先食lunch 見到e間有18likes就揀佢啦人就唔係好多…可能未到tea時間.地方係清潔既,茶餐廳黎講算好.野食就....叫左個咸魚雞粒炒飯,友人叫左個lunch set葡汁雞腸仔飯.先講我個咸魚雞粒炒飯,份量係夠既,料都足既,咸魚都食到十粒上下.但炒得唔夠干身… 食得茶餐廳梗係想食鑊氣嫁啦....但...佢係冇既.失望哂. (唔知係咪39蚊唔足以令佢有鑊氣啦")友人個lunch set就冇咩特別,d葡汁淡過pizzahut d葡汁少少既葡汁咁囉,雞扒係大塊既跟餐個中湯反而唔錯結尾都係嗰句份量大 味道一般

相約友人Gor Seven係香江茶記食中午飯。我點咗楊州抄飯加凍奶茶。等咗5分鐘有得食。中湯青紅蘿蔔湯好甜。碟楊州抄飯抄到好乾身。飯粒好有咬口。加上D配菜好正。估唔到係柴灣都可以揾到一間唔錯架茶記。杯凍飲都好正，唔係好多冰。值得推介。

圖中右上角的是奶醬西多士，同咖哩角。賣相已經相當吸引，足以今我食指大動。味道方面：奶醬多較為香口而不肥膩，火候控制得相當之好。當中是花生醬為主，咬進口中既時候醬在口中融化相當美味。咖哩角對我來講吸引力不大，如果唔係我丈夫鐘意食我都唔會点叫。加上我又冇点食到，所以不方便下平語！

為何會來到《漁灣邨》，全要是因為《快樂聯盟》的那一個節目而引發我過來這一個古老的屋邨走走。在這一些依然能夠保持老面貌的公共屋邨，總會有一些同屋邨一齊成長的名字，或是把屋邨的名字掛在店名的親民好店。在往柴灣的巴士上稍為做一做功課，發現到一間看似比較年長的餐廳。於是，到站一落車，早已有目標的我就直入屋邨的深處，把《香江茶餐廳》找出來。入到這《香江茶餐廳》，給我的感覺是古老的，在這兒的一切，依然保留在七、八十年代的樣貌，這一種老樣貌茶餐廳，同漁灣邨的舊時代感非常之襯托，在內，你會感受到一份古早的味道。第一次來，功課未做足，所以盲目地叫了一個極普通的午市套餐，當中的湯，是南北杏菜乾湯。湯看似很清，但用鹽比較重手了，菜味是有，但感覺咸了少少。滑蛋蝦仁飯，是帶黠失望的，主要原因是蝦是沒有任何味道的，而蛋漿也太稀少了，沒有把底下白飯的味道提升之餘，亦直接地令到整個飯變成淡口的一碟東西，感覺有一點失敗，同失望。可是，在食飯的過程中，我不斷地看看這店的資料，發現到曾有人氣 Blogger 到此，而且他亦大讚這兒的炒粉麵。我再回望這一個令我不太願意食哂的飯時，知道自己只是錯叫了東西，感覺也安定好多，感覺不

星期日—早和老婆試吓哩間傳統茶餐廳。早餐Ａ可以喎。通粉湯底味道不會太＂味精＂，鮑魚亦有鲜味，有驚喜。炒疍便比較一般，但勝在不太油膩。啡走小甜不錯，極力推介。綜合來說是一間不＂求其＂並值推介的地道傳統的茶餐廳！

突然想起很多年沒來香江吃東西，於是連續兩個星期日都與家人來吃午飯。19/8 (Sun)中湯：雪耳紅蘿蔔豬骨湯 x2：很多料，湯很清甜，味道不錯。生炒牛肉飯 ($32)：［沒試］家人說炒得乾身，味道ok。蒜蓉雞扒意粉 ($32)：意粉很粗身，雖吃得出不是上佳的貨色，但爽焾適中。汁料不太鹹，不錯。紅豆冰 (跟餐+$4)：紅豆不硬，但未算最焾。要求了少甜，因此甜度適中，不會太膩。凍奶茶 (跟餐+$2)：試了一啖，茶味不足。可能是太多冰因此沖淡了茶味。26/8 (Sun)中湯：雪耳紅蘿蔔豬骨湯：很多料，湯很清甜，味道不錯。揚州炒飯 ($32)：［沒試］家人說炒得乾身，配料不少，味道ok。勝瓜什會湯飯 ($32)：勝瓜很夠焾。配料還有叉燒、火腿、肉片、魷魚、蝦仔、日式魚旦片、獅子狗、洋葱和青葱，非常豐富。湯底雖是味精湯，但不會太鹹。熱檸茶：茶味不足，檸味一般。凍奶茶 (跟餐+$2)裝修後的香江比多年前整潔得多，食物味道還可以，勝在夠平，是廉價的開飯好地方。

因工作關係在柴灣食午飯, 中午12點半路過見有位就第一次幫襯...$30 一個午餐, 有湯, 有茶 ~~B餐: 鮑魚雞粒炒飯+霸王花紅蘿蔔豬骨湯+奶茶鮑魚雞粒炒飯 - 有鑊氣, 份量足, 有蔥香, 生菜絲, 雞粒, 鮑粒, 足料GOOD 霸王花紅蘿蔔豬骨湯 - 似冇味精, 湯清, GOOD奶茶 -奶味濃滑, 鍚蘭茶香, 不錯估不到屋村中也有好味抵食茶餐廳...

通常都係黎食早餐，放假日，黎食下午茶，見推介係肉絲炒麵，又試下。麵全個炒得脆卜卜，唔係其他茶記局部脆或者小小脆，亦無炒到燶左，好食，芡汁夠多，腍左既地方也好食，不過個汁真係淡得滯，要落d辣椒醬黎食，不過都係唔錯既肉絲炒麵。寫開，又寫埋某日既早餐，奶油多，唔洗要求加烘都烘得夠燶，多士脆脆，奶油下得夠多，穩陣好食。一份簡單好食的奶油多，總係係舊式茶記先食到，唔通新式茶記剩係識整奶油豬？奶茶基本都收貨的，茶味夠。放假食下午茶又多個地方。

八月上旬‧晴靚女雜誌編輯在柴灣區工作，「考牌」形式的問，在柴灣有什麼吃的推介？老實說，在這邊住了幾十年，也不覺得有什麼地方好吃的，這邊，真的是個「吃的沙漠」。不過，也有幾處地方不錯，又或者我自己會來吃的，其中一間，就是這裡了。這裡出色的食物，十年如一天，就是即炒的粉麵飯。頭號推介，還是肉絲炒麵。麵烘得乾身，吃起來熱辣辣，也很脆口，配上肉絲芡汁，不比大酒家遜色的。如果不喜歡肉絲炒麵，來個乾炒豬扒意，又或是星州炒米，也不錯。如果下午茶時段來，茶餐也有跟炒麵的，只是26元，碟頭是小了一點，但更抵食。

我和老公要到柴灣買東西，故臨行前已在網上查探有什麼好吃，見到香江茶餐廳的評語都唔錯，便走去試一下‧ 時為午飯時間，我和老公點了以下東西: 例湯(老黃瓜湯): 味道清甜，幾好‧枝竹牛腩飯: 味道普通，一般水準‧燒汁雞扒火腿飯: 好勁美極豉油味，雞扒火腿味道大路，十分普通‧凍奶茶: 茶味唔香，奶味唔濃，唔得‧凍鴛鴦: 普通味道，冰塊唔溶，飲極都唔凍‧ 飯後結論是失望+冷氣不足‧

幾乎每次到香江吃早餐，我都會點沙嗲牛肉麵。它的沙嗲牛肉麵應該是全柴灣最有水準的了，牛肉不硬也不會太軟，醬汁也夠濃，令公仔麵吃起來很有沙嗲味。我吃的時候不用加錢轉出前一丁麵也覺得很好吃。另外，它的雪菜肉絲麵也不錯，但我有時會嫌它有一點泡在面頭。總結，食物味道很好（除了快餐），位處屋村裡，中年人較多，但傳統風味得以保留，呢度仍然有麵包賣架。

同個朋友落柴灣，行左陣，終於等到二點三！入到去，好有舊式茶餐廳味道！係屋村先搵到！呢隻先係港式茶餐廳既feel~!我朋友叫在個沙嗲牛肉麵+可樂($21)自己就要左個肉絲炒麵+凍阿華田($2X)朋友話D沙嗲牛好好味…我就得個睇字……過左一陣，我個肉絲炒麵終於黎。其實本人幾驚食肉絲炒麵…因為個麵底通常好油…又唔夠汁。不過睇呢度D食家介紹話好味，就試下啦！果然無令我失望！肉絲汁夠多，肉絲無"o拿"過，好有肉味，又唔會太硬個汁唔油，個麵底更加無油！不過個麵底好似唔多夠脆~~杯凍阿華田…唔知點解…回甘有益力多味…廿幾蚊，算係咁啦！