香江茶餐廳

營業中

休息中

三月初十‧微雨 早餐吃得太多，要到三時許才有肚餓的感覺，想起也有一段時間來這裡的，這裡的肉絲炒麵又真的是令人懷念的。 這裡最抵吃的就是炒粉麵的下午茶餐，以前賣二十蚊的，現在已經加價去到廿六蚊，仍然抵食。要了肉絲炒麵及干炒叉燒意各一，前者仍然有水準，麵餅炸得乾脆，上面的肉絲及韭黃味道也不錯，芡汁不多不少，剛好夠拌炒麵的，加入醋及辣醬，仍然高水準；干炒意粉是另外這裡好吃的東西，意粉用醬油炒過，夠色夠味。意粉本身夠咬口，也好吃。下午茶餐的份量是少一點的，但吃起來卻也剛好夠飽。 奶茶咖啡仍不錯，從別區來試大可不必，但如果在柴灣區出沒的朋友，這裡是不可不試。

下午茶時間二至六, 有多款炒粉麵飯加冷熱飲品都係二十六元.食 物 : 強烈推介 "乾炒牛河加紅豆冰". 牛河每一 "條" 都好夠熱, 唔太油 (你食完成碟睇睇個碟有極少油你就知我咩意思啦!) 環 境 : 好似" 香港八五" 果類碩果僅存舊式茶餐廳所餘無幾, 地方乾淨;服 務 : 阿姐快手, 唔黑面, 絶非銅鑼環或荔枝角o個類新式茶餐廳可比美;交 通 : 柴灣地鐵站徒步八分鐘可達.阻地方

前日買外賣同女友食午餐食完唔夠喉再去香江茶餐廳食我叫左個嗲牛+煎蛋公仔麵餐+凍奶茶少冰女友要凍杏霜忽然口痕痕想食個奶油多就叫伙記落單凍杏霜+嗲牛麵餐好快到, 凍杏霜, 我見到個色好淡,應該都幾稀..凍奶茶,茶味不足,甜味過重,唔掂嗲牛煎蛋麵,味道OK, 普通茶餐廳煮ge味道,唔突出食左冇耐,奶油多就黎了睇個樣就覺得好正, 兩塊茶左牛油,夾煉奶ge 烘底方包唔似其他茶記咁得一塊仔切兩邊就算食落去熱+脆+香甜都只係六蚊, 抵呀食完唔夠喉, 又黎多個奶油多!

香江其實好耐歷史, 唔知有無四十幾五十年, 以前佢位置係d七層徙置區度(即係厠所+沖涼+攞水都係公共果隻), 折晒後就搬左黎. (希望無錯, 估佢唔會幾十年前已有兩間舖)因見佢人唔多, 間唔中都有食下, 下午荼炒野多d. 好耐之前都有黎食set lunch, 雖然有湯同荼送, 但d野食就唔好, 所以就無再食set lunch. 下午茶炒粉麵都ok, 炒飯就麻麻. 有次食食下野, 見到隻老鼠仔係地下走來走去搵食, 又有一次碟炒粉裡面見到一條彎曲的毛髮(平時係厠所見到果d咁), 結果就兩次都係快快食完一口氣飲完杯奶荼就走. d奶茶普通, 淡淡地, 咪唔太濃, 都係環翠間大家樂好.

很喜歡吃沙爹牛肉包，製作說出來簡單，但又是那一句，總難有地方會做得好的。以這裡的為例，用上了餐包去做，烘得外皮微熱而略脆，拿上手是很對辦。但內裡的沙爹牛肉是凍冰冰的，我都知不會有人專誠為這個沙爹牛肉包去煮沙爹牛肉，但也可以弄熱才夾下去吧，這樣子叫人怎吃？丁麵又反而煮得不錯，軟硬合度，湯底是原庄正版的丁麵味糊湯，還代下麻油的，很不錯。你可能會問，煮丁麵有幾難？都會煮唔好？我又說回那一句，易做也不是個個都做得好的，也有人用清水淥麵，而湯粉及麻油另上給客人自便的；當然還有肉絲炒麵，炸得脆卜卜的生麵餅配上又杰又濕的芽菜肉絲芡汁，一乾一濕，也是不錯的配搭。不過是日的配料炒得淡了一點，那就顯得芡汁好像是更濃郁了，是我最不喜歡的口感。奶茶咖啡，例牌有水準。埋單64蚊，如果要我推薦區內有水準的茶記，這裡也絕對是選擇之一。

經常有動物坐係茶餐廳,非常之不好、抄之粉麵非常之咸、如果佢的食物掂人山人海、冼係度拍烏蠅。

熱得不能再熱的天氣，逛街市前先來醫醫肚，三人行剛好可以試勻乾、濕、辣的無敵炒麵組合，簡單來說即是星洲炒米、乾炒牛河及肉絲炒麵。先來的炒牛河，然後到炒米，炒麵一貫港式炸法，製作需時也要等上廿分鐘左右，當三款麵食齊齊整整並排而置，都幾熱鬧。乾炒牛河未食已傳來陣陣油香，薄身河粉面帶油光，放得太耐的關係，吃落又唔覺好香牛肉薄切成細片質感麻麻，再加多些少銀芽感覺會更好。星洲炒米，炒得乾身又唔會黏著，輕易夾上手又輕易放入口，預期的少少spicy，叉燒絲幾條，還不如「真好味」的梅頭叉滋味，粉是炒得夠水準，只是由細到大都唔喜歡那款spicy味，隨便夾了兩綴試試就算。後來的肉絲炒麵，是清得最快的一碟，炸脆的蛋麵淋上杰濃的肉絲汁，麵邊位唔見焦燶，加埋肉汁令麵條軟化，又脆又腍，很不錯。同場加映冬瓜粒海鮮湯飯，足料的海鮮湯包炮製，數之不進的材料有墨魚、魷魚、蜆、蠔、蝦仔．．．扣底後仍有唔少飯，「應該」可以食得好飽的，但在大家的胃納愈來愈矜貴時，無理由投資在此品上。可能是天氣太熱關係，吃得麵汁紛飛，之後，買餸去也。

這天起床後有點餓~所以就跟男友去吃早餐~我忽然想去較懷舊的茶餐廳~男友就提議去香江茶餐廳~~我點了個吉列魚柳+腸仔+煎蛋+牛油方包~還有一杯熱奶茶~那杯熱奶茶很滑~味道也足夠~可惜不夠熱......只是暖暖的......那份早餐......我看到之後有點兒怕怕~~!!因為~~油多得有點驚人~~我明白~煎蛋~腸仔~吉列魚柳是需要用油~可是~也不是多得那麼駭人~~~!!!!整個碟子也是油~~~!!!!!而那塊牛油方包......很難吃......這次......有點失望......

記得之前寫了一個這裡的食評，但看過又不見，奇怪奇怪。可能未出過自己又忘記了，沒有問題，又補一個。跟太座去吃下午茶，想吃一點炒粉麵，當然要來這裡，在區內要算這間最好的了。下午茶選擇幾多，可以叫湯粉麵，又可以要炒粉麵飯。太座還是叫她最喜歡的肉絲炒麵，而我就要了茶餐廳拿手的~干炒叉燒意。肉絲炒麵仍然有水準，麵身炸得乾脆，加上韮王肉絲的茨汁，一乾加上一濕，是絕配。加點醋及辣椒醬，二人分吃，很快便清了碟；干炒叉燒意滿有香味，意粉炒得夠乾身不油膩，吃落又夠咬口，很有水準。吩咐加了不少的蔥及洋蔥，又是香口好味，都吃得過。兩碟炒野份量足夠，不會因為茶餐就縮了水。屋村的茶餐廳，都是檯檯都是人有一支煙的，裡面幾煙霧瀰漫，怕煙味的，還是望清楚才好入來。埋單四十蚊，非常的經濟抵食。在區內吃炒粉麵的話，是這裡最好的了。

好有60年代feel的茶餐廳。地方大，很企理，裝修冇耐。感覺，直情係18樓C座，連老闆個LOOK都好似老周。餐具都好懷舊，電影同業可以去果度拍，很特色。食物都ok，叫佐個set lunch，紅酒繪牛腩飯。大大碟，而且有水準，真係有紅酒味。蛋卷，是老式，較硬身的，很有蛋味，很有咬口。那地點人流不多，個個叫杯奶茶，食件蛋糕，就坐足半日打牙較，睇報紙。老闆年紀大吾憂做，我諗，做多幾年，就要close。