香港仔財記魚蛋粉

營業中

休息中

今日去左沙田一間叫做香港仔財記魚蛋粉嘅食店雖然鋪頭名為香港仔既魚蛋粉，但係店舖內最出色嘅一定係牛腩😆今次我選擇左牛腩飯這裏的牛腩飯跟餐會有紫菜湯、熱飲。同埋牛腩飯價錢都只係$47非常抵食👍🏻👍🏻這裡的牛腩同比起中環地區最出名食牛腩的食肆 有過之而無不及 牛腩汁濃郁。用作送飯簡直一流，牛腩軟硬適中、唔會過淋，非常之有咬口。半肥瘦牛腩更令人覺得入口即溶，感覺非常奇妙！而最重要係，不用排隊輪候😂

其實我不知道，魚蛋究竟是不是來自香港仔，但市面上，卻很多魚蛋粉以香港仔作鋪名，今次這家財記，也是香港仔開頭。但因為開在屋企樓下，已光顧多年，反正味道合我卡比仔心意，管他的香港仔！一坐低店員就走過來落單，今天想吃魚蛋，於是點了魚蛋米，多蔥。這裡的白魚蛋，結實彈牙，而且魚味濃郁；米粉也爽口幼滑，不會太淋，軟硬適中。湯底呈奶白色，應該是魚湯，清甜而不膩。辣椒油應該採用了多種材料，導致吃下去的味道豐富，香辣之餘也很香口，富有用料的味道。因為多蔥的關係，每啖我都嚐到蔥香，也吃到夾雜的炸蒜和自加的辣椒，這個卡比仔的重口味食法，真的次次都令我吃的很滿足。

係早年，因好幾次食到超失水準牛肺，牛筋，唔止呢兩樣，基本上成間都好似失曬神咁，勁鹹，鹹到根本放唔入口。連蠔仔米線，本身係大碗裝都變成細碗。所以都有一段時間無幫襯。隔咗成年，諗住試下啦！再衰既話，就真係無下次。點知，今次比起之前嗰幾次好好多。最少啲牛筋係放到入口鹹度適中，魚旦就一般啦！無以前咁爽口彈牙，但都無最差既時候咁水。米線，軟硬度適中，唔會好似之前咁一啲熟一啲唔熟。整體都改善了！不過我仲未食佢個蠔仔米線，如果仲係咁細就唔抵啦！

到底有幾耐冇幫襯過呢間餐廳呢？我諗可以用「年」來做量度單位。今日之所以再幫襯，係因為屋企人指明要食呢間餐廳嘅咖喱牛腩飯。我心諗呢度唔係應該食魚蛋粉嘅咩？點解一定要食咖喱牛腩飯呢？屋企人就好堅持話，真係好正架，信我啦！於是我哋兩個人，一個就要咖喱牛腩飯，一個腍滑牛筋飯，每人一款，可以撈埋嚟食腍滑牛筋飯佢冇改錯名，d牛筋真係好腍滑！好似食緊好腍嘅花膠咁🤤我覺得食完之後，有一種好似真係補到腳筋嘅感覺🤤牛筋同埋飯嘅份量比我想像中要多而伴碟嘅生菜都新鮮，唯一要挑剔嘅就係佢嘅餸汁，比較清淡，就冇咖喱汁嗰種令人要添飯嘅感覺。咖喱牛腩飯呢個飯真係正呀咖喱汁夠惹味，又唔會覺得油淋淋；d牛腩雖然都有唔少肥肉，但係d肥肉好似入口就化開咁，我自己都忍唔住吞埋落肚瘦嗰部份都一樣好滋味，炆得非常腍，又夠入味，加埋撈飯一流嘅咖哩汁，話咁快就可以清晒成盒飯跟餐仲有餐湯同埋一杯飲品。餐湯就係紫菜湯，紫菜湯亦都係比我想像中好飲，d紫菜仲有少少脆口嘅感覺；而豆漿亦都算係幾大杯，雖然豆味唔算十分突出，但係我感覺佢應該冇乜點加人造糖。整體而言實在係超出我預期，有想再光顧的衝動。

今晚天氣熱，不時有雨，待停雨後，附近的餐廳都滿座，剛好呢間露天位置有位，二人坐了一張四人枱，雖然間中一直都有光顧，但是第一次為呢間餐廳寫食評我們叫了一碗雲吞米粉$29，一個牛腩飯餐$43包紫菜湯及豆漿或汽水。加價後雖然都不算貴，牛腩份量十足，半肥瘦，但雲吞相比以前細粒，幸好口感尚算良好，而且依舊有5粒店鋪尚有其他飯餐，例如豬手飯，牛肚飯及其他粉麵，但今晚趕時間，忘記了影餐牌最值得讚是自家製的辣椒油，夠晒香辣

一間平平無奇嘅餐廳，不過外賣只有意想不到嘅驚喜!!!今日去大圍朋友屋企玩及打麻雀，大家都有啲肚餓，結果決定去香港仔財記叫外賣食，朋友介紹我食呢一個咖哩牛腩飯， 本來只係覺得呢一個只係一個普通嘅碟頭飯，但係食落真係唔錯。呢度啲牛腩係清湯腩，配上咖哩汁送飯簡直一絕!牛腩肥瘦適中 令人食慾大增。每個套餐都有配一個紫菜湯， 呢個紫菜湯有消滯作用， 但係就唔知點解全部都係得半碗。外賣咖哩牛腩飯配紫菜湯加一個凍飲都係50蚊有找非常超值!

農曆年想找吃的也不容易，本來想去隔離檔食雞脾的，怎知道原來還未開檔，所以只好在香港仔財記魚蛋粉吃個普通午餐⋯特餐價錢可以接受本來想試蠔仔粥，可惜新年期間很多餐廳都沒有貨源，所以暫停供應沒法子了，惟有點2個特餐，沙嗲牛通還有腸仔通，好耐沒有吃過如此有鑊氣的煎腸仔了方包和火腿奄列，奄列好像乾了點熱可力茶走位位＄32