香港地 (已結業)

我好喜歡吃咖哩，甜甜辣辣非常開胃。今天相約我的吃貨好友來吃晚餐，但可惜到達時間尚早，距離晚飯時間尚有一段很長時間，我不是喜歡太早食晚飯的人，就算再在附近地方閒逛一會兒，還是未到晚餐的適合時機。趁晚餐時間未到，先望望餐牌，此店的價錢真的一點也不便宜啊。由於碟面積很大的關係，有足夠位置分開舖排咖喱和白飯，讓我遊刃有餘地慢慢享受每一羹飯撈咖喱汁的滋味。

午飯時間到達餐廳，不少人在門外等候，看見餐牌有很多款式的食物，的確很有香港的特式，就是什麼都有，有常餐類粉面、有中式午餐、有漢堡、有日式咖哩飯等等。點了2個餐，一個是常餐 龍蝦湯通粉配炒蛋厚多士，因為沒有拍照，所以簡單說說我的感受。首先因爲我對「美心快餐」的龍蝦湯早餐是頗滿意，想著在同樣是美心集團的「香港地」，再叫龍蝦湯常餐想試一下會否更好吃，但這裡的龍蝦湯比「美心快餐」的淡，炒蛋正常，厚多士的確很厚，有點像美心面包的牛奶包。另一個午餐 咖哩和牛漢堡蛋飯，蛋比menu看到的薄，因為menu只供參考咖哩的味道還好，但是。。。咖哩是冷的！要將咖哩拌勻白飯，才能將白飯的熱力傳給咖哩，但整體的溫度都只有暖暖的，不是熱辣辣的午餐。漢堡味道不錯，只是沒有很juicy，但亦是合理的（跟價錢相稱）。

今日相約朋友係奧海城食午餐，其實本來係想食#OMG 點知原來係香港地拎飛仲要打通的。不過都唔緊要, 二邊野食都可以互點。係門口等佐十分鐘就入得，但安排廚房對出個位…嘈到飛起!!果啲起爐聲炒嘢聲完全係你身邊飛過咁😡不過安排佐就算，因為都知lunch time 都無謂調黎調去。我見到餐牌個午餐係龍蝦湯意粉，仲有牛奶炒蛋多士十分吸引!於是就叫佐呢個。朋友叫佐個肉餅蛋飯。個牛奶炒蛋黎到我真係O 曬咀…細到咁!?我影果張係我近鏡影到好似好多，或者係因為塊包都係細…所以望落成件事好似好大件，但錯曬!!龍蝦湯意粉的確好龍蝦，但份量少食完好似無食完全唔夠飽😤😤朋友果個肉餅飯就還好，真係大大份，黑椒汁唔算濃，肉餅好厚身都好入味。呢個唔跟餐野飲另計，二個人加埋成佐一百三十蚊……完全唔值。下次唔會再黎。

五月十三日，終於可以再同老婆🐷食黎香港地食飯，對上一次黎既時候大約係差唔多兩三個月之前,不過呢間店幾好味係真既☺️.呢個咖哩飯，先睇個賣相已經覺得靚😍d 飯食落口唔會太軟，都算係軟硬適中。咖哩應該算係日式？因為佢同香港式既黃咖哩唔同，一味得個辣字。呢個咖哩甜甜地，又有咖哩味，對於我呢d 唔食得辣既人都覺得正我同老婆🐷都要左個jerjer 雞煲，不過呢個就冇想像之中咁好味，不過都唔算差既，係d 雞肉唔夠滑，同埋太多配菜，我老婆🐷唔鐘意食配菜😣個湯其實幾好飲，不過好飲得黎又普普通通，都係d 咸咸地加d 蛋味。至於杯華田，老婆🐷就不嬲都鐘意飲華田，所以佢覺得好飲😂😂😂服務態度依舊咁好，侍應見到我地兩個人就安排我地坐窗口位，見我到揀唔落食咩都會比d 意見。真好，希望可以多d 同老婆🐷拍拖，食唔同既野☺️

不知所謂既下午茶選擇，2：30開始有，我4：00去到坐底order餐蛋丁，最鬼簡單。個HEA姐話無晒餐肉，咁我問佢轉第二樣，可以係火腿或腸仔，甚至只係要雞蛋，個阿姐話唔改得！！咁巴閉。。好，咁我又叫其他野，豬扒意粉，改丁麵要加$6，嘩！！！不知所謂。。。最終，我咩都唔叫，走人！！

今日難得同屋企人出街食飯，想食中式就黎到幫襯。首先落單後等左二十分鐘先上中湯，仲要上漏一碗問左侍應肥姐姐，轉頭就丟左個湯落台面：“你既中湯啊” 真係好服務到呢。後上既中湯比其他兩碗都少，仲要淡到無味。不過掉轉講就係無味精既，應該二十五分鐘後，終於上第一道菜，京都焗肉排，味道不錯，但份量就....然後有位有禮貌既哥哥仔過黎上飯，順便幫我地跟單。然後啲餸就一次過上晒啦!反而低級啲既同事都有禮貌得多。事實上，味道黎講真係幾好。椒鹽豆腐外焦內嫩。鯇魚煲都算味道鮮美。但係芥蘭係咸得好緊要，師傅調味都幾隨性。因為預計唔到份量會咁少。(附圖除左湯之外，全部都係未開始食既份量，鯇魚煲直頭得三，四舊魚)諗住叫多個餸補鍋，點知位肥姐姐一直當我地透明，等左十五分鐘都係埋單走人。總結黎講，味道都算係幾好既，除非師傅手神唔好重手得濟但係哩個價位,哩個份量,哩個味道,咁既服務，你話外面新式中菜起碼我都擺到相上網呃like, 哩間我就真係無回頭啦多謝晒。

二月二日，春風蕭煞，與女朋友到圓方看未來外父插女婿。因十點場，見時間尚早，於是去澳海城進餐。因為當晚失言，令我最痛錫既女朋友仔內心戚然數刻，於是決定要有個美味的飯局以作補償。在尋找餐廳時經過「香港地」，霎眼留意到門口餐牌似乎不錯，兜兜轉轉，找不到原先想去的餐廳，女朋友肚仔又嘰哩咕嚕，馬上拍板試這間餐廳。餐牌上的食物款式眾多，選餐時女朋友仔亦擔心我不吃這個不吃那個，比我對她更要細心。最終落單羊腩煲配白飯生菜，星洲炒米，一杯華田奶昔。先說羊腩煲，口感溫膩，加了薑片，倍感驅寒。更重要的是羊腩咬口夠林，不會太韌，肥瘦均稱，而且沒有羊羶味，湯汁亦甜美。但腐乳醬可能溝得太稀，沒腐乳味。至於星洲炒米，配料充足，不似某食店的咖哩粉粉米粉。就因為這碟星洲炒米，知道女朋友入得廚房出得廳堂，教識我辨別蔥，西芹，中芹，乜莤，狗黃，洋蔥，紅辣椒，薑還有...不知道。但炒米偏辣，像我和女朋友這種不吃得辣得人，點餐時建議說明要不辣。但整體而言，鑊氣十足，又大碟，值得一試。華田奶昔主要是希望能氹女朋友開心，心靈上有點彌補，但效果不錯，我亦偷飲了一口，華田的可可味沒有被沖淡，甜甜絲絲。服務態度亦值得嘉許，侍應擔心我們坐

是次與朋友到該餐廳試食，自己點了一份和牛漢堡飯配咖哩汁，但一食既時間咖喱汁有d粉粉地既感覺，漢堡又唔夠熱，只係表面煎得有點脆。朋友就點了一份咖喱雞飯。食物賣相都可以既，雞既件數都算多，但一食既時候，雞肉係“鞋”既。裝修再靚，都蓋唔過唔好食既午餐。

有次同babe黎呢度諗住求其食個晚餐，一打開個menu, wah!!!!! 正呀！！我地對眼發曬光咁，因為好多款野食揀同埋款款睇落都好似好好味！最後我揀左個咖哩雞，babe揀左滑蛋豬扒飯。個咖哩，非常正，因為佢除左有薯仔，仲有芋頭！！！而且仲有油炸鬼過下口癮babe 個豬扒飯都唔錯，個蛋炒得夠生，好滑！呢餐非常滿意，呢間茶記正式成為我地既飯堂啦！

第一次黎食, 平日中午12點幾黎, 唔洗等位, 同同事點左兩個午餐, 呢到裝修比較懷舊色彩, 別有風味, 但部份卡位, 中間沒有倚背分隔兩邊, 無得I住坐。雞絲西芹飯, 賣相唔吸引, 味道一般。梅菜扣肉飯賣相比較吸引, 脂肪比例平均, 但食落口, 肉質鞋口, 乾身, 有點失望, 梅菜汁味道倘可。

下午茶時間去到，唔使等位。因為比佢d圖片吸引，叫左菠蘿軟心西多士，茶餐蛋熱狗，滿80蚊就可以用半價換杯紅荳沙冰，但杯野好伏，唔凍，甜到傻左。。。影相就一流囉！不過杯冰條奶茶，真心唔錯，不過好細杯，奶茶好滑，重奶味，而普通版凍奶茶就重茶葉味，無咩奶味，個人就偏好冰條奶茶。

紅豆冰很足料，夠椰奶香味，但不過份；紅豆粒和沙的比例很好，但偏甜；整體真的很滿意，感覺味道很濃郁，但討厭重口味者不適合。星洲炒米。在晚市中，等了25分鐘才送到台上。咖哩醬太少，無香味，無辣味，太多米粉吃不完的，整體參差。太興的星洲炒米製作比較認真。

追上潮流✨粒粒紅豆沙冰配支裝維他奶 $34限定優惠 消費滿$80以半價$17享用紅豆沙冰味道很好 配維他奶也夾不過份量頗多 建議happy share 👯香蕉花生醬西多士熱的香蕉甜甜酸酸，配上花生醬西多有點怪勝在西多炸得非常鬆脆，而且厚身飽飽的，感覺滿足😎下次要試其他口味😋用餐唯一美中不足是服務欠佳當我問職員拿menu 她竟然說tea menu咪係到難道我不可吃非tea的食物嗎？

今早10點叫醒老公開車出奧運，就係見到個常餐嘅滑蛋好似好正咁！點知，排完隊入座之後，落Order果陣至話今日無常餐！下？我將個餐牌睇得清清楚楚，你邊一忽有明示暗示過今日係無提供常餐？係星期日唔供應丫？定係公眾假期唔供應呀？你完全無寫過喎！呢D野你講就算㗎啦？仲要連餐牌「香港地招牌菜」果頁，Menu都無特別指明「龍蝦湯叉燒意粉」就係所謂嘅常餐，而且，都係無列明話今日（我所指嘅今日係9月25日星期日約中午12時）不提供常餐，然後到我再落咖哩牛腩飯及油條時佢又話無油條得返格仔餅！成間野都不知所謂，奉勸大家唔好睇完其人網上嘅膳稿唔知頭唔知路就中埋去做水魚！*呢度食嘢要每滿$80至可以換一杯特飲半價！

因"香港地"這個名，我相信這間可能都是美心集團的餐廳。本來對美心的食物質素沒信心，但因趕時間，都要光顧了。因上一次食完洪水橋洪福邨的"葡點(美心集團)"的激硬肉眼扒，今次不信邪，照樣點了美心集團(疑似)出品的肉眼扒，這次點了7成熟，跟湯跟飲品跟甜品，$88。又飲到這種毫無茶味的凍奶茶，這種奶茶究竟何時才在香港消失？餐包硬的，湯偏咸肉眼扒尚算滿意。甜品是迷你焦糖燉蛋。奶茶質素是餐廳最重要的，這杯凍奶茶實在令人失望，只能給OK。