香港地 (已結業)

香港人對港式早餐除左價廉物美之餘，也有香港情懷，好似寶琳地鐵站對面新都城商場地下有間叫香港地餐廳，環境清靜座位舒適闊落，可以好好享受一頓早餐早餐也有多種款式選擇選擇招牌港式早餐，沙爹牛肉即食麵，牛肉夠份量火腿蛋加多士，多士夠厚，日本農場太陽蛋煎得剛好西式奶茶夠滑，埋單36蚊，合理

今日同小朋友行街 我竟然俾呢個門口poster 吸引左 而門口都幾乾淨企理咁啱過晒學生，職工人員lunch時間就唔洗等位 可以直接入場內在都好光線充足 雖然係茶餐廳形式 但就係中上層次格局落完單 我個加拿大龍蝦湯飯到手lawa..wa..waaa入面好足料 有大大隻鮮味十足加拿大龍蝦 索晒湯汁爽甜勝瓜 小小配菜白魚柳 同大大碗龍蝦湯飯(份量 足夠我同哈哈豆食)而個加拿大龍蝦湯飯 價錢都合理 $80 有找提外話：我自己幾care 餐廳有無小朋友 friendly ge設備 呢度有bb highchair 有bb用碗仔(防跌有silicon) ，匙羹仔，叉仔 有需要可以問職員拿

九點幾係新都城附近搵晚餐食…見香港地算無咩人就沖左入去原來無咩人既原因係好多野都無本身諗住食個炆飯…結果得返免治牛…見到隔離枱食…應該都幾好味…朋友就叫左免治牛…味道好一般🙃最後叫左個日式炒蛋和牛漢堡咖喱飯炒蛋都算炒得幾滑幾香…漢堡扒雖然就食唔出佢係唔係和牛…有肉汁唔會太乾…又夠厚…咖喱就味道偏日式偏淡…飯既份量都夠男人一個食得飽不過果到服務就麻麻…好似唔係好夠人做野…地方又算大…好難先搵到人😅連鎖快餐店黎講價錢算合理

侍應態度差且不耐煩！問左4、5樣野食都話無，問佢有咩係有，個侍應話除左頭先個幾樣其他都有既。之後就叫左海南雞飯，蟹肉兩面黃，咁好啦，等左陣，落左單，點知又走黎講海南雞無油飯，白飯得唔得？！咁同叫叉燒飯無豉油有咩分別！跟住就轉過第二樣餸，態度好差，想叫侍應落單，等左好耐都無人，等到有人，佢又走左去另一台，同佢講係我地先架禾，佢就大大聲話你等陣先得唔得啊！哇！叫香港地真係映衰哂香港既服務業！我勸如果大家唔想食飯背脊骨落就千其唔好黎食啦！垃圾餐廳！

叫左火腿鮑魚通粉早餐，通粉略梗 甜多士個人唔喜歡感覺配雞蛋唔夾，另外侍應態度散漫，收銀姐欠禮貌 到櫃檯比錢時佢背住睇野 我便說了兩次唔該 然後佢只是接過張單臉色一般一句話都冇說地收錢...... 其實店鋪的位置已經不當眼 再加上這般的食物和態度我只能說祝你好運。

簡單的一碟叉燒意粉，原本是龍蝦湯底，也許太濃，轉普通的清湯底，反而更對口味。有時真的懷念從前地道茶記的茶餐…惹味的沙爹牛肉，彈牙的即食麵；但在這間餐廳，只有早餐及下午茶餐供應，午市卻偏偏沒有！

與男朋友周末去食早餐！試了這間開了幾個月的新式茶餐廳。我們11點半才到，剛好早餐時段後、午餐時段頭，所以等了3分鐘便有位。* 龍蝦湯叉燒意粉 * 龍蝦湯當然是罐頭湯，叉燒較瘦，整體正常。不過男朋友覺得兩樣東西不太夾。另外配有日本農場炒蛋、牛奶厚多士、咖啡或茶。炒蛋好味，又滑又濃。厚多跟牛油，味道較甜。* 杞子小雲耳魚湯浸時菜 * 細細碟的，不太鹹，正正常常。侍應服務好，反應快。雖然這兩樣東西未算最好味，但會再來。

晨早有點事要落將軍澳嘅新都城處理、預早小小到達附近，一於決定食個早餐先開工。第一次嚟、其實係先俾D裝修設計嘅乾乾淨浄外觀吸引先選擇坐下來，之後睇D餐牌上嘅食物排列熟口熟面先醒起來同美心快餐咁相似嘅？上網查一查原來真係同一個集團。～ 炸魚柳、炒蛋早餐基本上只有杯奶茶保持水準。。。件炸魚都係用翻美心快餐用開嘅鯰魚柳。。。我真係接受唔到呀。。。呢種魚雖然係平、但肉身滑潺潺、點整都係有土腥味。。。有機會嘅話真係想問問美心集團負責入貨嘅主管可否俾好D D 嘅貨色給顧客呢？炒蛋係凍嘅、件多士又係凍嘅、而且係我個人不喜歡帶甜嘅提子方包果種。。。結論感覺廚房師傅係 “hea” 住做個種。。。希望下次（如果有）可以做得好些。。。

香港地其實是美心集團旗下的茶餐廳品牌見將軍澳區內已沒美心快餐..既然香港地新進駐寶琳站..便來試試～～都多人候位～星期六的晚飯時段..我們都等了約半小時才有位啊！聽到周遭幾枱食客都點了海南雞，害我也想吃的便點了老公則選了咕嚕肉飯～落單後才覺得自己蠢了..因為去美心快餐吃SIR滑雞會便宜十元八塊呢！泰式去骨海南雞，配柚子汁菜絲沙律﹑油飯&中湯中湯可轉熱飲或加錢轉凍飲 / 特飲整個配搭真的無異於SIR滑雞呢～～柚子汁菜絲沙律，淡淡的柚子味，尚算可以，但沒有特別開胃的感覺油飯很香，夠乾身～～海南雞夠滑，但不夠嫩，肉質韌了一點點！！兩款醬料，以泰式醬料較為惹味，但沒什麼辣味的～～嚦咕嚦咕嚕肉飯，配上湯時蔬及白飯上桌時的賣相挺精美伴以新鮮菠蘿肉，又甜又多汁！咕嚕肉炸得剛好，不會太厚粉，又夠脆身～～甜酸醬的味道調較得恰好～～好惹味～～只是以價錢而論，感覺份量好像較少...上湯時蔬是上湯浸白菜仔，湯很清不油膩，沒什味精味～飲品加配了兩杯特飲～華田奶昔冰山，不太喜歡它的忌廉太甜，但底下的華田冰沙有著濃濃的華田味！正！！香橙菠蘿沙冰配支裝橙味芬達，不會只得芬達橙的死甜～味道也不錯啊！總體而言，食物及飲品

星期日先來打風，唯有係屋企附近搵餐廳呀！超級多人，好彩用Apps攞飛，等左半個鐘終於有位啦！好肚餓！我哋六個人，order左個二人餐, 再加兩個小菜，一個招牌咖喱！涼瓜煎倉魚，可能打風嘅關係條倉魚比較細但係味道不變！海南雞唔錯，我最鍾意係個姜容茄子牛仔骨煲，好味送飯一流西蘭花炒鮮魷不過個咖喱牛腩就有啲失色啦！能太多人order 煮唔切，啲牛腩一啲都唔林，同上次隻差好遠！但係牛筋好好味喎！三百幾蚊埋單超低！颱風天氣下有餐廳食嘢已經好好！

這家香港地餐廳最近在將軍澳新都城開分店，和其他分店一樣，同樣提供了不同款式的早餐，這天我點了香港系列早餐，有仿鮑絲火腿湯通粉 、厚多士炒蛋及一杯熱飲品(凍飲加$4)。其實我對仿鮑絲沒有太大的好感，我寧愛真的火腿而不愛仿的鮑絲，而且仿鮑絲沒有味道，只有煙韌而已。通粉不會太淋不會太硬，煮得軟硬剛好，湯底沒有好重嘅雞粉味，不錯。而多士得半份有點孤寒，不過夠厚身香口，也是不錯的，配上杯熱奶茶，醇厚香口，整體早餐感覺良好。

🎈要經營一間食店何其容易，尤其面對舖租壓力之外，更重要是請人的困難，所以有時身為食客都要體量一下食店，不要太過離譜我都會接受的。🎈這店是剛剛開張不久，商場不同位置都展示了其食店廣告作宣傳，我們也在星期六光顧支持一下新店。🎈一朝早已人山人海，取籌要等20分鐘左右。🎈門面及內部裝修不錯，甚具特色，好像有香港屋邨情懷的鐵閘，又或者展示香港景色的燈箱。🎈講到明是「香港地」，部分菜式名稱取自麻雀食糊名，好像“清一色”、“十三么”，果然夠香港地道。🎈標榜日本農場雞蛋，無激素及無抗生素，是吸引的賣點。🎈早餐選擇尚算豐富，有港式、歐陸、日式及牛尾湯系列等等。☀️香港地沙嗲牛肉即食麵煎蛋。火腿。厚多士。飲品 $36🎈半份厚多士充滿牛奶味，塗牛油夠香口。煎蛋及火腿是標準規格，味道不錯。即食麵不會過軟也不會過硬，軟硬程度剛好，牛肉軟身入味，沙嗲汁不會太搶喉，有淡淡的沙嗲味不錯。☀️凍飲+$4如果凍飲加3元會合理些，這杯鴛鴦太多冰了，冰粒有杯的一半，味道不錯，奶茶及咖啡比例恰到好處。🎈整體上早餐的價格及質素滿意，未知午餐及晚餐的情況，稍後試完再寫一寫感受。🔚

今晚再去“香港地”晚膳，之前的經歷已不太理想，今晚叫了兩個鐵板餐，另加$20加了餐湯、飲品、甜品。一個是鐵板雜扒，一個是鐵板魚柳、雞扒(一分錢、一分貨)；起初來了一份餐湯，過了十分鐘，另一份餐湯還未到，詢問一下侍應，她說餐湯(羅宋湯)賣哂，轉了龍蝦湯，但無通知我，又唔給我送湯來，要問才送上湯來；等了一陣雜扒餐到了，但另一個餐，要追侍應，總共等了三十分鐘才送上，但在送扒餐，侍應已急不及待送上甜品，我叫侍應稍後才給甜品，她收回，但最後我都忘記了吃甜品，因侍應沒有再送上甜品，我也忘記問。如果想吃好味的鐵板餐，應該去別家餐廳。另外，侍應的態度不太友善，特別是那些“高級侍應”。

今日打風見冇乜好嘢食，經過新都城決定係新開冇耐的 "香港地" 試下。好肚餓嘅我地四點幾先食第一餐，好彩呢段時間不用排隊就入得。餐廳的裝修幾有香港的特色，而且好新淨，店入面都幾多人。坐低咗之後，我地就開始睇下有咩嘢食。佢有下午茶常餐，都係一啲普通茶餐廳會有的食物。還有的是限定優惠－－紅豆沙冰奶（滿＄80 可以半價享用）而我們主要跟呢張餐牌點餐，成間鋪的食物選擇好少。佢可以揀一款主食，然後還有小食同甜品／飲品（凍飲加$4）。雖然沒有加一服務費，但份量唔多，以正常下午茶的價錢來說算貴。性價比不高首先我點的揚州炒飯（＄48）好快就到了，等候食物的時間都唔算耐。揚州炒飯的配料有蛋、蝦仁、叉燒同火腿，但是份量唔係話好多。飯方面，食落去是冧的，完全不是一粒粒個種，質感不太好。然而叉燒同其他配料的味道都還好的。本身我想叫原盅紅豆滑溜豆腐花的，但係冇哂。所以我改咗嗌凍檸茶，要加＄4 但都幾大杯的。我們點的另一款是 XO 醬豬扒炒公仔麵（＄48），有紅椒、蔥同芽菜做配料。呢個係我地叫的四款之中最正常的一個。不過個人認為多咗啲油同唔夠乾身，但是都可以接受的。小食我地有三個都揀了香脆一支骨雞翼和薯條。薯條一