香港地

營業中

休息中

阿華田脆脆西多士 ($36)Ovaltine Crunch HK Style French Toast.其實小編真係超中意阿華田脆脆，想當年食紅心一定會加錢飲阿華田脆脆，冇諗過會係香港地見到邪惡版嘅阿華田脆脆😱.呢度嘅西多本身已經做得頗出色，金黃嘅脆面，夾層有厚厚嘅粒粒花生醬，面層仲有楓糖醬、阿華田脆脆粒、同一大舊鮮牛油、份量十足嘅邪惡配搭！.阿華田脆脆食落唔算好重阿華田味，可能因為花生醬搶左focus(?) 不過分開品嘗嘅話都會食得出嘅，如果想更重阿華田味，當然要學小編咁，叫杯柯華田做餐飲一齊飲😏 口感方面，阿華田脆脆淋上左楓糖漿/蜜糖後，有點像rice crispies嗰種半黏脆嘅咬口😍 冇諗過同西多會咁夾！.好邪惡嘅配搭，但食落又唔覺好油膩☺️不過都係建議要同朋友開心share，因為真係好大份🙈

唔好以為連鎖茶餐廳就冇好野，一樣有，睇你搵唔搵，搵到平野 + 補野 🤘🏿 窮到糧尾食飯都真係冇乜要求，務求又要搵到好西，又要平西，又要足西，真係唔簡單，#花膠竹笙海皇素翅套餐 $65，包一個超大兜係佬嘅份量嘅 XO 醬炒飯，再送埋野飲，真係超級抵食，又係兩個人 share 都可以食飽，個翅係大家最中意嘅尊重生命用素翅，除此之外，真係有花膠同堅足料，果啲料係酒樓食翅果啲料，真心糧尾慰藉自己之選，頹都頹得型過人 🤡-香港地

琴日去美孚自修室溫書，放飯經過見到香港地，試一試啦反正附近都食到厭厭地，一入去，勁大冷氣好凍，叫左個下午茶，干炒牛河，炸雞翼拼薯條，熱檸水，炸雞翼薯條好脆，正!但牛河冇乜味，麻麻地，但勝在夠大份夠飽!48蚊抵呀

叫左個頭抽乾炒M5澳洲和牛河下午食都成六十幾蚊味道一般 雖然叫頭抽但味道偏甜太多油 牛肉可以河粉勁碎 食到最後要用匙食😓奶茶正常伙記態度散漫 叫野食都要好耐價錢偏貴 唔會再去

星期日中午，見到香港地門口已人山人海在等位，好在我已經一早叫定外賣，午餐有多個選擇，我選了乾炒牛河和檸檬茶，河粉很滑牛肉也很美味，不過調味方面需要留意，因為味道偏鹹，吃後飲了多杯水。檸檬茶味道不錯，可以一試。

有時放工後想飲啖湯,我會嚟呢度食飯,因為呢度嘅湯每日定好咗,而且無味精又足料. 飲完好舒服,比起喺地鐵站買嗰啲湯,呢度嘅湯似媽咪煲嘅靚湯. 今日係星期一: 金銀菜甘筍唐排煲豬肺- 好清甜,有好多金銀菜同甘筍,仲有粒蜜棗同排骨,大滿足主菜點咗金銀蛋肉碎浸時蔬&枝竹牛腩煲呢個餸上面嘅肉碎好似肉餅咁,好足料! 好好食! 順帶一提呢度嘅蒸肉餅好出色,又鬆又爽又多肉汁!! 枝竹牛腩煲上枱時仲滾咗兩分鐘,牛腩炆得好腍,枝竹夠入味,中間底部有兩顆黃芽白,整碟餸好味得嚟又唔會重口味. 白飯大大碗,軟硬度適中

Originally, I bookmarked this restaurant since I wanted to try the scrambled egg and wagyu beef with Japanese curry dish, but I couldn't find it on the menu for some reason... I was also looking forward to the red bean iced smoothie with vitasoy milk, but I didn't find that on the menu... They might have changed the menu... Even though I wasn't able to order those two things, I have been craving fried fish with corn sauce, and so I ordered that. The fried fish was pretty good; it was crispy on t

今日立春同細妹落街食lunch，我哋行去「香港地」茶餐廳想食個快靚正常餐，新春期內有新餐廳，但食物種類都不變，只是價錢加了。我哋二人不約而同地orde了「 招財進寶×常餐」，每餐盛惠58.8，究竟有咩唔同，其實同一般常餐都一樣，有麵，有多士，有腸仔，有火腿同雞蛋。我叫到沙爹牛肉即食麵，配 太陽蛋、火腿、腸仔及牛奶厚多士，味道都不過不失，沙爹牛肉份量都算多，牛肉肉身比較薄，即食麵應該是大光麵，算合格啦。至於腸仔同火腿都正正常常，雞蛋是來自日本農場，蛋味都滑溜，有雞蛋味，牛奶厚多士酥脆都不錯，但價錢就略貴咗少少。飲品我叫咗熱檸檬茶都算ok啦，夠茶味同檸檬都新鮮既。另外細妹叫咗椒鹽豬扒即食麵，配日本農場炒蛋、火腿、腸仔及牛奶厚多士，餐茶係熱奶茶。椒鹽豬扒份量剛好，即食麵一般般啦～熱奶茶叫合格，整體上食物算正常，只係新年價錢加了，唔算太抵食。

話說本人在美孚上班已有三、四個月嘅時間，由於唔想洗碗，所以飯工係唔帶飯，雖然公司有飯堂，但覺得好難食，所幫襯過一次後都唔想再去！但日日食來食去都係豪宅嗰幾間食店，真係其他人唔悶我都會食厭啦！於是就喺Open Rice搜尋吓美孚附近有咩野食，睇睇下發現美孚原來有香港地，即刻建議同事試吓，但由於位置同公司距離要成7-8分鐘路程，對於食晏只得一粒鐘嘅我地，來回要成十五分鐘真係有些少冒險，但為咗唔想再食豪宅嗰幾間餐廳，遠一遠都照去到達目的地竟然門外有十幾人企喺到排隊，嗰刻真係有少少情天霹靂嘅感覺，但好彩店員話好快有枱，好彩都只係等咗五分鐘（店員仲介紹叫我地DL個App下次可以拎定飛，服務真係好好）睇完餐牌點了個麵餐麵餐包括了一塊厚厚的多士、炒滑蛋、火腿、腸仔、沙嗲牛肉麵及一杯飲品，真的很豐富多士很香牛奶味，而且超鬆軟，很美味滑蛋不像一般的茶餐廳一塊薄片而是厚厚的滑蛋沙嗲牛肉麵的沙嗲雖然是預先煮下，但食落很香濃沙嗲味道（因為十間有九間茶餐廳的沙嗲牛肉麵是一點沙嗲味都沒有）其實公司樓下有間Ironman餐廳，如果以食晏嘅價錢差不多黎計，我同D同事食完之後一致都話情願行遠D黎香港地都唔去近近地嘅Ir

之前係呢到食過下午茶都不錯，覺得呢到夜晚應該ok所以再泥試一下。先講環境港式茶記裝飾都ok唯獨我坐呢個坐有點特別，一蘭自修室感覺，不過鍾意影相既我，牆上面既相都吸精。叫左兩個餐有個例湯味道不錯，正常感覺無味精，足料青紅蘿蔔🥕。「紅燒豆腐魚柳煲」睇相都見熱騰騰d汁好似熔岩咁，魚柳調味ok唔係好咸適中，豆腐正常。「Xo醬脆肉瓜炒牛肉」一泥到就有陣酒香味，好夠鑊氣xo醬爆炒得不錯好香，牛肉醃得幾好唔咸剛剛好，脆肉瓜夠爽口。整體泥講做到港式小炒既鑊氣加分！廚師炒野應該有試味，所以調味十分恰當不咸但夠味，因為現在出面太多地方都挑戰緊人類既腎功能。值得回來再吃。

今晚晚餐又係要自己搞店,落到樓下行行下就黎左香港地門口,時間7:15分,門口有小小人等緊位,咁我自己一個好快就有位。入到去叫左個肉碎魚香茄子煲,轉埋套餐 (跟白飯及例湯),肉碎份量夠多,茄子好入味,個例湯好足料。好濃,比一般茶餐廳例湯好。連鎖式餐廳黎講算唔錯,價錢OK、環境乾淨企理。

位於美孚的香港地，雖然知道是大集團旗下的連鎖店，但一向知道這家餐廳的口碑不俗，晚餐想吃家常小菜又不想自己親自下廚，就去這裡吃吧！晚市惠顧小菜套餐附送是日例湯，蓮藕綠豆煲豬骨湯相當足料，絕不欺場。點了西蘭花炒牛肉，牛肉炒得滑溜，有鑊氣。啫啫雞煲，有豬潤及冬菇，可惜豬潤較熟了一點，有點硬身，但可能是怕未煮至全煮易令客人肚痛吧！總體來說都很合大眾口味。餐廳帶有一點懷舊香港風，服務員都有禮又醒目，吃家常菜，這裡是頗佳的選擇。

香港地美孚沒有太多餐廳可選擇，友人介紹香港地。因為荃灣好似都有間，對集團式麻麻，但無奈於沒有太多小店，就進來這間餐廳。餐廳裝潢不錯，價錢和太興，翠華不相上下。叫了兩個小菜，肉餅及菜心炒牛肉，絕對安全的食物。沒有期待反而最有surprise, 兩款都好吃，蒸肉餅不鹹，半肥瘦，送飯好正。菜心炒牛肉好香。叫杯凍奶茶及紅豆冰，奶茶的冰是奶茶，紅豆好足料。不錯。

呢個飯係每日餐廳有得揀，平時食開重量級豬扒咖哩飯，今日就叫呢個紅酒燴牛肉汁脆皮雞扒飯。先講個汁，個汁似係肉醬意粉既個個肉醬，味道幾好，唔會太咸，其實個餐可以配茄汁意粉，不過今日想食飯，所以冇叫意粉，但係配意粉應該好味啲。個雞扒真係脆皮㗎，個皮脆卜卜，好味，雞肉都仲有啲juice，唔會乾憎憎，不過略嫌份量細左啲。平時食既咖哩都好好味，好有香港風味，另外可以額外加酥餅。酥餅真係好香同埋好味，配咖哩好夾架。不過總體黎講有啲貴

今日番工前出美孚食野，經過尼間香港地見d下午茶set都幾啱食又唔洗排隊，入去食番份啦！尼度平時下午或晩飯時間經過都勁多人排隊，我尼d趕時間嘅人點會同人迫丫！店面走懷舊風格，幾有型，雖說唔洗等，但其實都好旺場，需要搭枱，不過無所謂，我快食快走就係尼個茶餐大三元喇！都幾多選擇，我揀左星洲炒米，一支骨雞翼薯條配凍檸茶雞翼有兩件，單支的，所以其實得一隻，有d孤寒呀下，不過味道不錯，薯條就麻麻地，唔夠脆星洲炒米，賣相不錯，料又足，有叉燒火腿蝦仁等，炒得又香，唔算辣，幾惹味推薦呀凍檸茶大大杯，爽埋單52蚊，都合埋嘅，推薦比各位試試