香港地

營業中

休息中

真係同熱愛這篇土地要愛香港地？諗住見網上好多宣傳相幾靚幾唔錯咪去下囉，點知又中大伏以主打懷舊做題，推出咗以傳統紅豆冰打成沙冰，但又插枝舊裝維他奶來個新舊交融可是太水了太無味了，就好似有少少紅豆味嘅水沙冰溝咗維他奶變奶水咁另外仲叫了西多士，完全每口都是油，外層炸等唔夠香口，中間唔夠花生醬香，又淋哂，入到口勁多油，咁就50幾蚊，你話幾呃錢，食完好想喊，食個咁難食嘅下午茶咁就無咗5草嘢，最後先知係美心集團旗下

This shop is always crowdy morning and night. Today I got a chance trying it's breakfast since its opening. It costs 36 for a set and look at the size of the sausages! it's really too expensive for such quality and quantity. Not worth for a sec.

下午茶黎到依間香港地，第一次黎食，叫左個滋味豬扒湯意粉下午茶餐，點知碗粉一黎到係3舊豬柳仔，我同朋友都以為黎錯左就問個女待應：請問我地叫依個係滋味豬扒湯意粉？？ 女待應就好無禮貌咁話：你覺得有咩唔同？！我地係3塊架喇，你覺得唔同就換第二樣服務態度真係差到爆由張相係成塊煎豬扒切開3塊黎到就變左炸3舊細細豬柳，我都唔知點一樣法？！真心食到一肚火，問題不在於豬扒問題在於服務態度心心明白到圖片只供參考這幾個字

香港仔， 香港味道 寧捨不同。美心集團呢間香港仔算係美心快餐的飛昇華版。無論食物質素以及裝修都比快餐店升華一個層次。攤牌比較有設計特色，當然價錢都會升華去住一個層次啦。平時一個餐加埋凍飲都六十蚊個案當然一分價錢一分質素啦。餐牌攝影像真度高， 餐牌設計精美。奶茶同沙糖都配有香港特色的設計。 奶茶葉而且嫩滑。茶夠熱而且 奶茶味龍。瑤柱蛋白炒飯炒到粒粒金香嫩滑咬落大大粒。炒得色澤均勻咬落可口香脆。五六十蚊茶餐廳裝修設計算係咁平平哋拍拖嚟食都ok。

下雨天，唔係好浪漫，日日都系落雨，黃雨紅雨，搞到人個心都煩。揾個早餐E吓肚，呢間啲早餐一向好啱我食，不過就好小行入去，但係今日心血來潮就入去食個早餐。奶茶差係幾有水準，夠滑又夠茶味，只係不過覺得個茶味真係太濃，澀左小小，如果奶多返啲就比較好啲。魚柳炸得夠脆口，魚肉又夠嫩滑， 而且魚柳夠大塊又夠厚肉，點啲沙律醬嚟食好正！ 雞蛋煎得好靚，多士麵包夠厚又夠軟熟， 整體嚟講呢一份早餐真係幾好。 質素係一定好過好多茶餐廳。食完個早餐之後覺得成個人都精神曬，打個電話返公司請sick leave，繼續返屋企瞓覺。

星期六既早上緊要黎個靚早餐係美孚呢頭就係屬於美心集團既香港地黑松露酱雜菇炒滑蛋，歐陸式早餐大部分連鎖餐廳都有，但黑松露酱炒蛋就比較少有啦~炒蛋煮得唔錯！！加上鐘意佢地既牛油厚多士，好香好軟！一食就知同其他用既麵包係不同，另外我男朋友叫既魚柳早餐都好食，最緊要個魚柳唔會咬落去一口都係油~另外要講既係總體既賣相做得吸引.不過價錢就略微貴過其他茶餐廳既早餐既，但仍然係美孚既最好既選擇 食完出黎門口又排左10個人係到

家住美孚，食肆選擇不多，食來食去都係嗰幾間，見香港地新開張，之前好多人，排隊要等好耐，現在人少了，於是來試下，上個月尾叫過午餐窩蛋牛肉炆飯，很難吃，牛肉極少，今日與女兒再試叫午餐章魚雞粒炆飯，味道難吃之餘，更是半粒章魚都冇，名不符實，難怪生意較之前差了那麼多

今晚見無人等位就入去試下啦~先黎跟餐既羅宋湯，沙律同肉醬意粉，味道冇乜特別~ 但不愧係集團形式，三款野用同一款碗裝住再用個迷你托盤上，睇落去就比普通茶記睇落去高級D黑毛豬餐肉蛋治~ 依家D罐頭其實都幾貴，我都好耐冇食過午餐肉啦。黑毛豬午餐肉煎到外脆內軟，肉味比普通既濃好多，配上熱辣辣既炒蛋同軟熟方包，正加咗廿蚊轉飲特飲，紅豆沙冰維他奶~ 飲落幾特別，沙冰口感又唔會好甜。可能為左配合有甜味既維他奶所以D紅豆冇乜用糖水煮，加埋岩岩好。但可能個杯唔夠重，我地飲到“吉樽”時差d連樽帶杯跌落地，好彩接得住。所以飲到咁上下就記得同佢拆僭建。黑椒汁肉眼牛扒~ 味道冇乜特別，都係茶記水準算係咁啦，食個晚飯先係收咁既價錢，比普通茶記都係貴少少啫，但服務絕對比茶記好。

洗手間對餐廳來說是必須的吧！第一次來到，發現男洗手間維修，以為女士比較好彩，點知去到去女廁兩格都是壞的，問職員，職員說是啊洗手間全部壞了，可以去附近公園廁所！好像是理所當然的，感到很氣結，不知道這是偶然還是刻意的，是否天天都維修呢？

美孚蘭秀道天橋底，香港地沒開業施工時期就開始關注！開業雖然唔久家裡就住在旁邊但一次都沒有來過經常去店同一排的寵物店經過都見到裡面人多多，放工在家一人休息唔想煮飯！就記起樓下的香港地沒有吃過，又方邊又近！下到來還是如此多人，一個人唔想吃飯，想吃點有湯汁的東西，見到menu裡面的日式溫泉蛋濃蕃茄澳洲和牛通粉的照片，濃蕃茄湯底深深讓我開胃！！上菜時間好快，果然無失望，碗麵份量都算大，蕃茄湯底好紅濃，酸酸少甜蕃茄味夠足。溫泉蛋裡面流心還好唔算太流，和牛煙韌軟滑都OK，通粉唔唸QQ38元好抵吃

有晚得自己食飯，就去左香港地食，叫左個扒据下。等左都唔會太耐就到，個扒都幾大塊一個人食都好抵，佢跟埋餐湯沙律仲有個意粉都係七十幾蚊。個扒幾juicy唔會太硬唔太乾，夠熱，唔會似一早整定。餐湯同餐沙律仲有個意粉擺得好靚，咁既價錢咁既擺位真心不錯，餐湯唔會無味，叫個羅宋湯，裡面都好多菜，唔會得湯無料，係真材實料，沙律菜好新鮮，唔差唔差，至於個意粉，不得不提，因為佢好有誠意咁係肉醬意粉，平時普通餐廳既据扒跟意粉係白灼，但佢係肉醬，所以平時唔會跟意粉既我都即管要試一試。埋單都只係成為72蚊，我覺得好抵，如果你只係想据下扒唔會非常高要求既，呢度都不失為一個好選擇的。

屋企附近開咗新嘅茶餐廳，走高檔路線，食材選料比較高級。新開張初期人頭湧湧，即使定價偏高，但食個下午茶都要等位。入到去，感覺裝修有點心思，頭頂掛吊扇，營造老香港的感覺。下午茶餐餐牌圖文並茂，有十幾款揀我一向鍾意食炸物，見到有炸脾就梗係要試吓；老公比較肚餓，就叫咗個常餐。餐牌一再強調炒蛋用嘅係日本農場雞蛋，不禁令我對呢度嘅食物有多少期望。常餐出現，份量適中。公仔麵煮得啱啱好，厚多士烘得香脆，而炒滑蛋亦的確係有濃郁的蛋味又炒得嫩滑。然後滿心期待嘅炸雞髀出現啦。。點解咁燶嘅。。無炸雞脾應有的金黃色，只有炸得過了火喉的深啡色。切開外皮，入面啲雞肉係滑溜有汁嘅，可惜外皮燶到食唔到，頓時冇咗食炸雞脾嘅樂趣好在杯咖啡唔係一味得個苦字嘅茶記咖啡，尚算味道甘香且帶適當的奶味，勉強為呢餐下午茶挽回小小分數。

原鋪位間美心MX搬去同區另一邊，唔知會轉手俾間咩餐廳接手，最後，原來喺「香港地」，同樣喺美心系，不過，就走茶記嘅路線，美心集團首間以港式茶餐廳為主題嘅食店，其實都唔喺咩新嘢，分店已多達十多間，遍佈港九新畀。之前，就曾光顧過奧海城店，知道佢喺以高質素嘅食材為賣點，所以，定價較貼近翠華一類。今早，貪新鮮就同老婆落嚟嘆個早餐。諗住開咗兩三個星期，會無咁多人，都成朝早九點幾，估唔到門口企唔少人在等位，不過，人流快上快落，都喺等咗幾分鐘就有位。入到裡面，環境帶點復古，但就唔喺搞懷舊，所以，仍有份型格嘅感覺。之但喺，逼逼狹嘅空間感就肯定架喇。晌門口就陳列晒早餐有乜食，分類為日式、港式及歐陸，共10款選擇，定價進取，賣$31-$38，比同區嘅茶記，大概貴兩乘左右。上文都講過佢以靚料為賣點，所以，餐牌標明採用日本農場雞蛋，絕無抗生素及激素。黑松露醬鮮雜菇炒滑蛋 $36老婆揀咗個炒滑蛋，雖然啲蛋炒得都算滑，又幾有蛋香，再加埋黑松露醬嘅幽香，味道確實唔錯，不過，炒蛋得好少，厚多士亦得半件，咁嘅份量真喺連我老婆屬細食型都話唔喺太夠。絲級奶茶我無打錯，餐牌真喺印住絲「級」，而唔喺絲襪，亦唔喺A級、B級，而喺「