香港寧波同鄉會

營業中

休息中

因為這裡午膳時間是很多人的， 所以今天特別早點午膳， 亦答應1pm 就交返張抬出黎， 大家開心。 只是2人吃午餐， 所以只叫了數碟菜， 包括店推介的鹽水鴨， 嫩雞煨麵及津白油豆腐粉絲。店長推介的鹽水鴨， 暖暖的鴨肉， 非常軟淋， 鹹味剛剛好，又大碟， 好抵食好食，最後都食唔晒要拿走。嫩雞煨麵， 雞淋菜仍爽口，麵不會爛， 2人分一碗就剛剛好津白油豆腐粉絲， 這味比奶油津白清淡多， 非常好， 粉絲硬度適中， 只是豆腐卜再軟些會更好， 份量亦很足。食飽離開時剛剛1pm, 已經全餐廳滿座， 非常熱鬧(嘈), 都是早點去食好d.

有朋自遠方來，不亦樂乎!再戰寧波同鄉會真的好吃到不行!一行四人點了一堆，真的吃得非常盡興。台灣朋友說這是她吃過最好吃的江浙菜。*醉豬手。。濃香黃酒味，豬手滑而爽脆*雪菜豆瓣酥。。我也是第一次吃，很特別，一般上海菜少見的菜。入口即化!*黃金蝦。。招牌菜，咸蛋黃既香且量多，滿滿包裹着蝦。蝦肉彈牙又有咸蛋香。真贊!*雪菜毛豆百葉。。味道比一般外面的店好。*薺菜炒年糕。。年糕軟滑彈牙和薺菜配得好好*樟茶鴨。。鴨肉嫩，有茶薰香。不會像外面一些店又咸又硬。小包鬆軟。*什錦鍋巴。。要贊鍋巴很香脆，單吃也可以。那什錦汁料多而湯汁不太濃，朋友可當濃湯喝。可知美味!*高力豆沙香蕉。。豆沙香，外鬆軟，不太甜!*桂花芝麻湯圓。。另一招牌，很香桂花味，芝麻饀不太甜，湯圓很滑。真的非常高水準的江浙寧波菜，只是因為是會員制會所，不是一般街客可以光顧就是了。。。

全靠同事有會員號碼，先可以第二次食到寧波餐廳。呢間餐廳好似易訂左，幾日前book亦book到。第二次食嘅感受，食物依然保持水準，絕對可以再食第三次，同事一致贊同。今次因爲人數少d, 叫嘅菜亦少左，仲有好多菜都想食都叫唔到。唯有下次。分別介紹d嘢食先。脆鱔: 個個一食都驚嘆，點解可以咁脆咁好食，完全無骨， 超入味，食多碟都得。煙燻蛋: 糖心蛋再加濃郁煙燻味，蛋白夠滑， 咬到蛋黃就軟棉棉，好正。小籠包: 一咬即爆肉汁，好juicy, 個皮如果再薄d就perfect生煎包: 唔知係咪我唔係一上菜就食，所以就唔夠熱，無對上一次咁好食，如果係夠熱，個包底一定會好香脆。銀絲卷: 一般，可能無練奶關係，就爭d。擔擔面: 唔似四川擔擔麵咁，佢係酸中帶好少辣，無濃郁嘅花生味，而且太咸，我比較喜歡四川嘅。臭豆腐: 又係正之選，有臭味，入口夠新鮮夠熱夠香脆，豆腐唔係滑， 係粗身，臭豆腐就係要食呢隻，重拾以前喺街邊食嘅感覺，仲有甜醬點添，great!!炒年糕: 一般，嫌佢d 年糕唔夠煙un, 味道好似比岀面上海鋪差d總括黎講，十分滿分都有八分，好值得去食。

多得朋友有會員卡，我地一班女人仔先book 到位，係中環想搵個地方坐得舒服又要唔趕您快快食完快快走，有時都唔係易事可能當晚客人不多，服務員姐姐態度極佳用心介紹菜單，又不停為我地加熱水，值得一讚當晚叫左5、6樣野食，最好味既梗係佢既燻蛋，流心而且蛋白足滿燻香味！沙窩雲吞雞都唔錯，志在有啖湯落肚

大件招牌臭豆腐夠臭及脆皮，內軟及熱，甜醬與街邊一樣味道。黃金蝦，超多黃金，可一塊塊吃！芝麻餅飽肚之餘也有口感。啖啖香口。酒釀丸子一般，可不吃！高力豆沙可加香焦或不要餡！

寧波䇄立中環多年餐廳環境實而不華出品亦保持高水準黃金🍤．大🍤炸得夠香囗再加上大量蛋黃．每次必點Rating: 9/10年糕炒蟹．年糕煙韌蟹肉鮮甜Rating: 8/10葱油餅．外皮沾上芝麻煎．一D都唔油食落有陣陣芝麻香．葱香味Rating: 9/ 10鍋貼．底脆涵有肉汁．不過皮較厚Rating: 7/10生煎包．軟綿綿包配煎香包底食落內有肉汁Rating: 8/10高力豆沙．外層軟綿綿．豆沙亦不會太甜Rating: 9/10

姨姨是寧波人，是晚帶小胃胃去食寧波菜。之前聽講寧波菜偏甜，連主菜都好似甜品咁，令小胃胃好期待。一去到就有侍應生送上小吃，係甜甜酸酸既涼菜，爽口開胃，，另外仲有熟花生，好淋，應該落足時間煮左好耐。前菜有淆肉醉雞燻鰻魚淆肉同醉雞係大路菜 試唔到真功夫燻鰻魚較特別 甜甜地 入口酥脆 好食!仲有一個係青粒粒既菜 聽姨姨講係寧波特有 不過唔記得個名(好似叫馬蘭頭)臭豆腐其實平時係街都成日心思思想試 不過又怕唔衞生 今次試到 好特別又香口 有個甜辣醬 加埋會好似冇咁重口味 不過小胃胃比較鍾意空口食 等d臭味充滿我個口腔!!! 就好似食榴蓮既感覺咁!清炒河蝦仁蝦仁好細粒 但好大碟絕不欺場 粒粒爽甜 蟹粉小籠包同出面冇乜分別 可能未係大閘蟹季節 冇話好香蟹羔味家常餅好大份... 有少少油膩 不過個蔥好香 食到尾既時候姨姨都仲食多左件 不過凍曬已經冇熱辣辣個時咁好食年糕炒蟹隻蟹超級大隻 個爪好多肉 殼入面全部都係蟹羔 年糕沾滿蟹汁 味道濃但仍食得出蟹既甜味砂鍋雞侍應將雞同豬腩肉等湯渣撈起 再分湯 每碗都有兩條小唐菜 湯一滴油都冇 雞一早已去皮 但最神奇既係 咁大條腩肉 都可以冇油 所以我就吉左個腩肉 個

今次有朋友搭路，終於有機會試下呢間寧波同鄉會。先黎幾個前菜，最鍾意係脆鱔。做得夠乾身夠脆，送酒一流！再黎客燻蛋，蛋黃煮得恰到好處。飲啖紅酒，煙薰味出晒黎。又係必食。至於呢味好似肴肉？中靚中矩，幾好。之後係戲肉啦！我最愛既黃金蝦！蝦肉夠爽，蝦殻脆到可以一齊食。不過重點係d咸蛋醬。真係肥都唔怕，食唔停。當然有肉要有菜啦，一味津白，另一味唔記得名，但都係水準之作。整體黎講係無得彈，可惜只係會員。如果有機會真係值得一試。

Member 都要book左成个星期，終於食到了，好开心！同事一行5人，今日不太滿座，一開始同事已order五个菜，我同另一同事遲行一步，追加兩个菜！先來黄金蝦，滿蝶黃金，好滿足。我好喜欢吃蛋黃，於是把黃金掃清。咸咸的蛋黃包住爽口彈牙的大蝦，蝦好鮮。聽同事講有2种蝦，一种係連殼，另一种係我地order既冇殼！去了殼好方便，啖啖肉上海粗炒比想像中大碟，好夠味，小量肉絲及菜相伴，賣相一般，有點油膩。剪鍋貼，頂瓜瓜，薄薄煎得香香既皮包住夠哂味充滿肉汁既肉，人間美食啊！好重身好有份量！生煎包也同样美味。一样係薄薄的皮配充滿肉汁既肉臭豆腐，要兩件起，叫了兩件，一般店好少会有得吃，我試了小小，夠臭，但唔党好吃，只党得好鞋雪菜肉絲年糕，年糕一向冇味，配以咸咸地的雪菜，好清新，好有風味個蔥油餅，好香口，好脆既芝麻脆皮，好好味，但食一件会好飽，建議同多d人食，小食多滋味！

兩位同事生日 與另一位buddy 請她們食飯book 咗呢度前菜厲害啦order 咗醉雞 醉豬手 薰蛋 臭豆腐 肴肉 醉雞 花雕味香濃 雞好入味 好嫩 醉豬手 好爽囗 夠酒味 唔錯 薰蛋 係糖心嘅 要加埋d 華鹽一齊食 好香蛋味 肴肉 呢個好得意 好似啫哩咁 好味 正呀 臭豆腐 外脆內軟 加上甜辣醬 無得輸 呢個薺菜炒年糕 好好味 年糕唔太淋 有口感 但好飽 呢個黃金蝦 不得了 走過油嘅海蝦 再加大量咸蛋王 牛油炒均 雖然爆膽固醇 唔理 食到尾仲有好多咸蛋王 最後同事F仲order 咗煱貼 皮脆肉汁多 四個女士 飽到行唔郁推

好耐無嚟寧波啦…所以一嚟到餐牌都唔駛睇，我就厚顏無恥咁一輪咀嗌晒必食菜式, 醉雞, 醉豬手, 臭豆腐, 肴肉, 燻蛋…跟住同事就只有quota可叫薺菜炒年糕同黃金蝦.醉雞同醉豬手都有好香嘅花雕酒味, 豬手皮肉爽脆, 我覺得豬手嘅酒味比醉雞更濃一D, 令人想一舊接一舊咁食. 臭豆腐今次反而失色咗D, 因為佢發揮唔到佢嘅”味力”, 以前佢一出場果陣”味力”真係幾震撼架嘛! 嗅覺上滿足唔到, 但味覺上還可以, 皮炸得香脆,配埋甜醬真係天生一對! 水晶晶嘅肴肉, 賣相已經好似一幅抽象畫咁,肴肉雖然連埋豬皮, 但點埋鎮江香醋食, 食落一D都感覺唔到肥, 而且啫哩入口慢慢溶化, 真係不自覺一件接件咁放入口! 燻蛋…橙黃色的糖心蛋黃半凝固, 只係個樣已經好吸引, 加少少淮鹽, 一食就感覺到有濃郁的煙燻香味. 食食吓同事嘅眼睛釘實咗響過路侍應手中嘅鍋貼上, 好自然鍋貼無耐後就成為我哋枱上其中一樣餸…鍋貼肉嫩有肉汁, 不過皮煎得略為唔夠香脆. 邪惡嘅黃金蝦, 次次都食到唔停口, 今次亦都唔例外, 襯住膽固醇未超標, 食得就食咗先啦!! 蝦雖然唔

每次去寧波... 有幾樣嘢都係必點既薰蛋流心蛋... 蛋黃有濃郁既蛋味... 蛋白有淡淡煙薰味... 食既時候加鹽... um.. 醉雞有濃既酒味但係唔會澀... 雞肉都有香濃既酒味... 肉質夠滑唔韌...醉豬手一樣都係濃濃既酒味... 豬手口感夠爽鎮江餚肉餚肉口感層次豐富夠入味... 瘦肉有咬口又唔會韌... 中間半透明既啫喱狀入口即溶化...臭豆腐不可能不點既一道菜... 豆腐夠"臭"... 外皮夠脆... 加埋甜醬一齊食...黃金蝦鍾意食咸蛋黃既人有福了....理味黃金蝦有大量既咸蛋黃... 夠晒惹味...蝦夠爽夠新鮮...唔會咸... 味道啱啱好... 可以既話點多個蒸銀絲卷點啲咸蛋黃一齊食.. 鍋貼大大隻既鍋貼... 個底煎得夠脆口.. 豬肉餡夠晒juice...薺菜肉絲炒年糕薺菜爽口... 年糕夠煙韌... 個獻令年糕夠晒味但又唔會咸得滯...

多謝堂姐的請客,帶我們到寧波旅港同鄉會食飯~~(雖然佢都係借人張證入).那麼多謝埋o個位好心人啦.食既就係寧波菜,感覺上同上海菜都好接近.叫左幾樣必食菜式包括臭豆腐,煙燻蛋,樟茶鴨等等.食物水準就唔算太高,煙燻蛋基本上食唔出有煙燻過.臭豆腐唔夠臭~~樟茶鴨肉略為乾硬,食落幾DRY下,醃料亦唔夠重.最好食係個鱔糊,濃油赤醬,夠入味,甜甜地,仲有勁多蒜頭,無得頂個人認為唔算太正,體驗下就算了!

I LOVE THIS PLACE! It is a very VIP place. I had a friend of mine who is a Ning Po member and a regular bring me. I must say that it was the greatest Shanghainese food I’ve had. Keep in mind, I have not been in Shanghai (I’m sure it’s even better there). The drunken chicken was probably the best I’ve had because it was so smooth and tasty with a hint of Chinese wine. I also had the first Stinky Tofu here and it was not as bad as I thought it would be. I also had the River Shrimp here, which I di

開了幾十年的老派江淅菜，菜單從二十年前來到依家基本上唔變過。好事！生意好好，菜的份量比較適合大圍人，兩个人吃實要打包。個咸蛋黃中蝦真材實料，哋蝦夠新鮮，咸蛋黃N多，認真正，豆瓣莧菜有小小老，個蜜汁火腿不過不失