香港腸粉皇 (已結業)

開業數年，位於土瓜灣的香港腸粉皇，我一直喜歡它們的蘿蔔糕，多過它們的腸粉。皆因用料足，沒有偷雞，真的每一口都是香甜的蘿蔔糕，加上臘味的香氣，令人難以抗拒。日前，我在我的Facebook專頁，問問我的讀者，蘿蔔糕喜歡蒸或煎？結果蒸佔大多數，沒錯，蒸蘿蔔糕的確保持其原味，但是我偏愛煎蘿蔔糕的香口。這天中午，我卻來個蒸蘿蔔糕，水準多年如一，蘿蔔糕絲童叟無欺，坊間大多粉多過蘿蔔的劣貨，絕非是那回事。臘味的香有如錦上添花呢。有時我來吃個煎蘿蔔糕，會自備余均益辣醬，畢竟小店的辣醬，再不能滿足我的口腹之慾呢。粥品方面，皮蛋瘦肉粥是我心水，火喉十足，皮蛋的精華融入了質感軟綿綿的粥底，勝過豬骨粥，純屬個人口味。

路過土瓜灣被拉布腸粉旗幟吸引，門面看似自家小店，便想著試試無仿。約晚上7時左右，店內座位不多座上約9成客，另外一條排著數人外賣隊。我們共吃了 - 菜乾咸鴨腎豬骨粥、發財蠔豉豬骨粥、薑汁豬膶腸、蝦腸、潮州腸粉。菜乾咸鴨腎豬骨粥 - 舊式粥店要有的都有，足料，重點是切粒的菜脯好吃，但豬骨不夠入味。發財蠔豉豬骨粥 - 足料，粥甘帶蠔鼓味，反差豬骨味不夠。最值得一讚是蝦腸，腸粉夠滑，蝦彈牙薑汁豬膶腸 - 薑汁味夠，豬膶不會太薄及乾，不腥，只是部分有”渣”。潮州腸粉 - 如潮州粉果但外皮改為腸粉，第一次嘗試，蠻特別，足料，味道可以，只是調味稍微濃了一點，建議不加醬油吃。整體不錯，相比現時的價格及味道來說，算是不錯，性價比高。另外，店內只有3名姐姐一腳踢，所以下單需要主動一點

賣的也只是即蒸腸粉，不過腸粉質素非常高；每個order要實時處理，所以腸粉上桌時都非常軟滑；而且它有很多創意，例如今天吃的是粟米帶子腸，加上一碗媽媽味道的老火菜幹湯，價錢才不過$38，所以很多街坊及區外客都來幫襯

早餐點左個薑汁豬潤腸粉味道好一般食唔出有薑汁味 豬潤亦唔爽口 食完都唔知自己食緊既係豬潤豉油味道過甜 同腸粉唔夾落左少少豉油已蓋過哂腸粉既味豆漿亦唔係自家製 冇咩誠意呀

上午係隔離街上完堂見到依間腸粉店.... 凍凍地, 食碗粥都好間左梅菜豬肉.... 菜乾豬骨粥梅菜豬肉腸, 預佢會扁咸, 食落咸左小小小而已, 應配白粥好腸粉皮爽滑 唔會一夾就散, 仲有小小彈牙菜乾咸鴨腎豬骨粥, 上面有d 應該係大頭菜菜乾咸鴨腎豬骨粥都好足料, 腎切得不太細粒, 仲有小小咸香食完兩樣野居然係好飽坐底到食完, 不停都有人叫例湯!! 仲要只係外賣一碗例湯!! 同埋叫第二碗我以為係唔係送呢?? 睇下都要 $11菜乾豬肺湯.... 下次都要試一下

今日放工想食下中式早餐。係公司揾到呢間腸粉專門店。食完早餐之後要補眠，唔想食得太full,今次只叫左蒸蘿蔔糕，鮮蝦腸粉同蔥花蛋蝦米腸兩個人share。蘿蔔糕正路貨色，有一少少蔥花同蝦米係而面頭，入囗有蘿蔔味，囗感軟糯，不會令人覺得只係食“粉“。主角腸粉反而令我失望，我鍾意傳統滑XX既腸粉，但不論鮮蝦腸同蔥花蛋蝦米腸都唔滑。 可取之處係鮮蝦都大隻同新鮮。而且價錢都唔貴。同事一致覺得普普通通，試一次便算了。

土瓜灣小店越來越少，這間香港腸粉皇雖然不是歷史老店，不過也在這區屹立了多年賣的也只是即蒸腸粉，不過腸粉質素非常高；每個order要即時處理，所以腸粉上桌時都非常軟滑；而且它有很多創意，例如今天吃的是粟米帶子腸，加上一碗媽媽味道的老火菜乾湯，價錢才不過$38，所以很多街坊及區外客都來幫襯近年還多了蒸飯丶蘿白糕、豆漿等的選擇，食物種類多了就更加大眾化，雖然地方小小也不是在大街位置，不過品質好的食店總有它存在的理由

最近原先想找日去太子食腸粉，點知老公話我們家附近有一檔有即叫即拉腸粉又有老火粥食，他話不用去到太子咁遠食的，他仲話這檔有好耐歷史又有好多人去食，不是他告訴我，我住左土瓜灣一段時間都唔知有這間店，所以今日我們就去這店食早午餐了。這小店位於往荃灣的小巴總站對面，小巴站旁仲大大隻字寫“布拉腸粉”，這小店坐位不多，但坐滿人，每枱人都叫粥、腸粉及豆漿。我們今日就叫幾樣試下，店員推介菜乾咸鴨腎排骨粥、大鮮蝦腸粉、梅菜腩肉腸粉及煎蘿蔔糕。5分鐘後先黎2碗粥，粥面有蔥粒及菜甫粒，粥底棉滑，咸鴨腎及菜乾已切碎，鴨腎及排骨已醃咸味，好下火的老火粥啊👍👍👍~這店的腸粉係即叫即拉，每枱都有甜醬及腸粉甜豉油俾客人自由添加，先講大鮮蝦腸粉的蝦大隻又彈牙，蝦都有不少播😄，完全冇hea。梅菜腩肉腸粉的甜梅菜及腩肉已預先切碎，一點都不油膩，材料不少，口感像牛肉腸粉，淋上甜豉油真是超好味。最後係試煎蘿蔔糕，蘿蔔係每天早上由店員用人手刨，先蒸後煎，有少許臘腸及有粒粒蘿蔔，鮮甜香口。我們遲些會試埋這店的老火湯、盅頭飯、豬潤腸粉及帶子玉米腸粉的，今日我們二人共食左90元，100元有找，好飽~🙄🙄🙄🙄👍

中午放飯諗唔到野食, 行下行下入左去土瓜灣, 唔知邊個同事同我講土瓜灣有靚腸粉食, 但佢又冇同我講實係咩名, 見到個名見腸粉皇, 就試試佢啦!入到去, 估唔到都有好多人係到坐緊, 雖然好少台, 但都算係坐滿左, 咁唯有同人答台啦望下個餐牌, 餐下周圍D 人食緊乜, 諗黎諗去都揀唔落手, 樣樣都好似好好味咁,  最後唯有揀左同隔離台一樣O既野食, 嗌左個腸粉, 嗌多個粥, 諗住應該都夠食啦, 其實食完都唔係太夠喉, 唯有嗌多個蘿蔔糕, 估唔到個蘿蔔糕有驚喜, 粉有蘿蔔味, 豉油又夠甜早知就淨係食蘿蔔糕啦

土瓜灣周圍都好多不同既小店, 今次這間是友人介紹, 趁店內唔係好多人就決定入來試下. 店鋪唔大只係有幾張圓枱; 好多食客都係熟客啦...都未坐落就可以點埋食物...唔似我左望右望...原來這裡食物選擇都唔多, 只有3款蒸飯/粥品; 腸粉反而有成8-10款選擇; 另外留意到最多人點計腸粉之外就係例湯...真係厲害!!今晚我點左皮蛋瘦肉粥再加個薑汁豬潤腸粥好綿好香; 最喜歡佢加左多蔥花同大菜頭粒帶點咸香好好味; 另外皮蛋切到細細粒, 每一啖都食到皮蛋...另外要一讚都係佢既腸粉, 皮薄而做得好滑真係好得; 而且入面既豬潤都係蒸得剛好, 好出色.下次必再來試埋其他口味既腸粉. 地址:土瓜灣譚公道98號兆豐閣地下1號舖

即叫即蒸腸粉，大概係所有食客嘅基本要求。堂記收咗皮，咁今時今日，又仲有幾多度係做得到又保持到水準？我敢話，呢間，得！先聲明:分別黎幫襯咗2次，因為一份腸粉份量實在不輕，無偷工減料！第一次幫襯重口味同埋香口野一份腸份加一份蘿蔔糕已經將我肚仔填滿！第二次再去幫襯！蛋香四溢！淡淡嘅黃色！好性感！據說是全手做的，粉比較少。感覺上而家係街食到嘅都好少粉嘅感覺！以前好似仲有火鴨絲同其他唔同料，希望日後再有機會再嘗！支持小店，實質行動！

肚仔有點不舒服, 唔係咁好胃口男朋友帶咗我來呢度食粥同腸粉, 聽說呢一間腸粉王已經有一段歷史晚上八點幾依然高朋滿座, 等左一陣先至有位入面嘅牆壁痴滿左好多報道介紹呢間腸粉王, 而家已經好少有呢啲舊式鋪頭了價錢方面亦都好親民, 最後揀咗一個鴨胗菜乾粥鍾意重口味嘅人一定會好鍾意👍🏻粥底煮得好綿, 而且內裏有鴨胗粒, 令到成個粥食落帶點鹹香, 好好味豆漿係香港製造, 豆香味好重, 仲寫明唔係基因豆! 都係made in 香港係最好😋😋😋叉燒腸粉即叫即整, 而且皮薄餡靚🤤🤤🤤內裏嘅叉燒有好多👍🏻 諗起又好想食呢個真係不得不提! 每一日都有一個例湯今日既湯係蓮藕煲豬骨, 好濃味架！ 但係佢嘅濃味並非因為加左鹽, 而係真真正正嘅老火湯, 所以黎到一定要叫🤤🤤🤤🤤🤤♥️最後叫咗呢個蔥花雞蛋腸, 腸粉皮內裏加入左雞蛋令到腸粉皮變成淡黃色, 食落冇原先嘅拉布腸粉咁滑, 味道比腸粉淡身. 個人選擇之後會比較鍾意食拉布腸粉呢度真係超級親民價! 食咗咁多野價錢都唔超過＄100真係超級抵食👏🏻

在土瓜灣這間位於譚公道的小店，區外人可能覺得不起眼，不過我在這區八年，發覺它生意興隆，很多街坊鄰居幫襯，所以一定是味道不錯，我介紹一下我經常吃的食物👍👍👍叉燒腸粉－腸粉粉薄帶煙韌，好滑。叉燒粒味道都OK，仲有少少芫茜在裡面。蘿蔔糕－分蒸及煎，煎就比較香囗，蒸就清淡一些，蘿蔔糕有蘿蔔條，粉不錯算多，有臘腸粒及蝦米粒，所以味道好正。例湯－每天不同，係老火湯，正(好多時八點已經賣完)鳳爪排骨飯－鳳爪炸過帶少少甜，排骨醃過，有些粉在面頭，調味剛剛好。草菰滑雞飯－雞好滑，調味不咸不甜，剛好，飯就比較軟身，唔會硬，我比較喜歡吃這個😍

踏腳來土瓜灣的目的今天只得一個便是看醫生、 遊走舊地多時不見的腸粉皇依舊仍在二話不說便踏進來堂， 環境裝修仍然、 狹窄的廚房擠身於兩三個女當家坐鎮， 盛粥腸粉通通一腳踢、 店內靈魂主打腸粉，亦見有蒸飯與及蒸蘿蔔糕以及粥品 等。。。別無異心 早早已在 餐牌中挑選久久沒有吃過之 菜乾豬骨粥HK$17. 快手快腳絕對是街坊小店的應有作風 一碗平平穩穩不大不小的菜乾粥很快便端上枱上 撈一撈碗內， 是我廚藝精湛咗還是你退步了?豬骨只得一件 ，零零碎碎的鴨腎少之又少 更沒有戴上 鴨腎之鹹香味 菜乾 易被撕得 零星落索 吃一口 菜乾味道不強 絕對建基於菜乾本身， 如果硬要挑最為可取的可算是那個醃得剛剛好的豬骨咸道適中~口氣響大大個生招牌腸粉王 ,當然沒理由不要腸粉來一碟鮮蝦腸粉HK$ 20元 差不多十分鐘後終告上枱， 入口冇預期的順滑但亦不至於過嚡中中平平，可取的可能是那新鮮熱辣即叫即拉與及街坊價、 一碟三條每條也有兩口平均的蝦肉~學習目光放遠一點 ,區區也有人情味、摘星與否只在乎人心、 好味與否乃實屬個人化,步出店外密步走上肉檔買來切件豬骨,回也牵開雪柜寳貝箱,预備一切明早自製一鍋菜乾豬骨粥、來填

朝早經過買早餐番公司食，唔係食粥同腸粉或蒸飯，我最鍾意呢度既蒸蘿蔔糕，胡椒粉加上豉油，配落蘿蔔糕真係無得頂，入面有條狀蘿蔔又唔會食到成口粉，比起某米芝蓮腸粉店既蒸蘿蔔糕，我都係揀番呢舊蒸蘿蔔糕。