香港茶餐廳 (已結業)

咁o岩係報紙見到有優惠券平幾蚊，同朋友去開呢區，咪試下黃先生名下的茶餐廳。我平時去開茶餐廳多數食常餐，即類似早餐有通心粉果種，既然黎到當然食番呢類咪知係唔係真功夫啦! 至於朋友就食豬扒炒公仔麵，我地兩杯都係要招牌熱奶茶。常餐超唔掂，形叉燒，食落去硬硬咁，味道又怪怪咁。湯底似係金寶忌廉雞湯果種，即罐頭湯啦! 都唔係真功夫，用罐頭湯。多士烘得麻麻地，唔係好夠熱。招牌熱奶茶仲失望，唔話招牌仲好，要求唔會高，只可以話係一杯一般的奶茶，如果係招牌，我諗即係冇~豬扒炒公仔麵尚算OK啦! 不過不失。

正所謂拜得神多自有神庇佑！去完黃大仙還神都差唔多下午一點，於是去隔離嘅龍翔商場醫醫肚！　睇完商場水牌，就扑槌呢間香港茶餐廳！去到唔太多人，裝潢都算光猛闊落！揀左一陣，終於揀左是日午餐A：香茅豬扒煎腸仔意粉（跟湯和餐飲, $38）！不過我揮左好耐手先至有侍應黎落單。。。。整體上，成碟午餐A都乾爭爭 ，因為意粉又冇汁拌，味道好單寡！ 雖然係咁，但意粉Ｄ口感就ＯＫ，幾彈牙又唔覺稔！至於塊香茅豬扒就好乾身，質感好硬又唔夠稔而且食落有渣 ，最重要係Ｄ香茅唔太入味，似普通煎豬扒多Ｄ ，所以我用附上嘅薑蔥蓉撈黎食！另外，煎腸仔就一般，冇咩意見！餐湯（合掌瓜湯）：一碗有２舊瓜，但味道淡如水！ 都係放棄，飲我的餐飲好過！

成間鋪都貴到hihi性價比完全係零但唯一值得一試既係淨牛腩+白飯D淨牛腩真係好正，夠味又夠軟，口感一流牛腩唔係易整既食物，住家菜亦好難整得好食試過其他地方ｄ牛腩，呢家真係最正果家唔計其他因素，淨係去食淨牛腩都值不過埋單都係好貴,大約係＄５６

星期二搵食搵左一段時間,後來發現了這裏,同朋友就係度開餐啦.呢間茶餐廳都幾大間的呀,見周圍都貼左poster寫住4大天王,都幾吸引呀,本來我想叫4大天王其中一樣蕃茄薯仔湯通粉的,不過要早上先有,於是叫左一碗紫菜肉碎蠔仔粥,朋友就叫左一碗魚蛋米,這個係佢地既4大天王其中之一架, 等左唔係好耐就食得啦,我的蠔仔粥都幾大碗喎,滿晒,有些芫茜及蔥,好多蠔仔架,蠔仔仲要都幾大隻,味道都幾好喎,蠔仔冇鯹味,我本身唔食芫茜及蔥的,不過唔知佢有咁多所以冇走到,不過加埋一齊食可以帶出蠔既鮮味及蓋過鯹味,飯及肉碎的份量都好多的呀,仲要紫紫,一碗都食唔晒,食到好碗呀!!朋友的魚蛋米個樣好清,不過魚蛋真的好大粒,仲要係好滑既,poster話係好似湯丸咁滑,都幾似,我試左一粒,好爽及彈牙的呀,好味道.

龍翔中心領滙旗下的商店租金昂貴，搞得好好一間屋村茶餐廳有商業區的價錢，但又不見得質素高～看看餐牌，一碗粥加一碟腸粉，差不多要三十五元，真夠賺的，無耐升斗市民既脂膏要比抽的啦。點了個芙容蛋飯，三十五元，價貴材料平，就只見蛋加蒽加叉燒，不如叫碟火腿奄列疊起白飯上面。蛋也煎焦了。上枱時連豉油也沒給，實在不理解芙蓉蛋飯的真諦呢～我食過好吃的，蛋是半煎半炒，以蔥，洋蔥，韮黃，叉燒炒～半炒的蛋流有蛋漿拌飯才是王道，回想這間，真令人不爽呢。

這裡的香港茶餐廳是剛開業不久的,醒不起上一手叫什麼名字.門口放滿是黃生的個人作品和一些佛學的書籍,可供有緣人請回家看到茶餐廳當然最好試吓佢哋個特餐即係常餐啦.咁就可以判斷到呢間茶餐廳可否再來呢個特餐要31元算頗貴的,在黃大仙來說特餐基本是一杯飲品一個餸GE麵,同一個奄列加一塊多士,先講個,炸菜肉絲麵,雖然夠大碗但係真係咸到無朋友,可能佢放左成包味粉落去另外,是火腿奄列同多士,個奄列D雞蛋煎得太熟了而且也很薄而塊多士是放久了再番叮的,很硬很乾的

特登去試下這間茶餐廳, 入到去望到D座位都幾整齊, 待應都幾好招呼一坐低就有熱水放上. 其實到這間餐廳是想試食長官咖喱, 以前也在D政府部間食過咖喱餐.叫左咖喱雞飯, 放上來一碗咖喱雞另一碟飯, 用匙掃下D飯, 有一大舊飯焦在底D飯也比較乾好似小水, 即時同待應講52蚊食飯焦, 第一位待應只回去柜台跟同事講, 冇幫我換, 反而第2位待應主動走來更換, 換來一碟熱的飯, OK... 至於咖喱就似食D巴基斯坦咖喱, 有比較多羗味, 幾似阿龍咖哩.因食時已是下午茶, 又叫多碟星洲炒米幾辣, 比食咖哩更辣,下午茶$29 包熱飲都有番幾大碟...

入到去第一感覺係好企理侍應笑容好。我地叫咗牛丸紫菜河丶叉燒腸粉丶木糠布甸，配即磨咖啡同檸茶。牛丸彈牙有牛肉味，好好食，配上紫菜啲香味，好特別。湯底同麵都恰到好處。叉腸非常之香，落材料十足。最鐘意嘅喺木糠布甸！！唔係普通嘅木糠布甸，佢中間喺用Oreo曲奇碎！好正！好正！好食到笑:-)

中午1:00入到去，得幾台客，叫左個午餐，粟米斑腩飯，餐前有個西洋菜湯，冇味精，幾清口，不過個飯一來到。。。出事。。。Ｄ斑腩又乾又硬，o趙到我口都倦，未食過咁難食既斑腩，究竟點解會整到咁？？？我懷疑佢地廚房跟本唔識整。我真係唔明白，點解我消費30幾蚊，一個比一般茶餐廳高既價錢，你俾Ｄ咁既野我食。。。隔離有個阿叔叫同一個飯，食左半碟就埋單。。。至於杯奶茶，好普通，唔明有咩賣點。而作為一個睇過黃毅力幾本書既讀者，再做佢既食客，相信都不少人都同我一樣，好自然會諗，究竟黃毅力平日講既道理同管理技巧，佢自己做唔做到呢？食完呢個午餐，我上述問題既答案好有保留。

7點前去到，得幾枱客。枱面好似好dirty, 好多水又sticky. 已經扣了分.想叫魚蛋河拼牛肉腸, 又話無腸粉, 只好叫魚蛋米啦, 又話無米粉, 唉叫魚蛋河啦, waitress話 +$10 有碟油菜, 點知寫落張單到是$15, (唉, 實在無話可說了). 再+ 這裡最出名的咖哩雞飯, 熱奶茶, 得來的不單止是不飽足的感覺, 再送物價通漲的感覺.因為:魚蛋河得4粒魚蛋，河粉份量好少, 兩啖就食晒，魚蛋仲好細粒 + 好咸, 不過亦有欣賞它的地方, 就是送了兩條菜呢!至於這裡最出名的咖哩雞飯, 用的是雞肉 (即是無骨的, 像雞胸或雞柳), 相信大X樂的也會用有骨的雞來做啦. 唉, 問你雞貴定原係龜貴, 而味道只是無特別, 很普通呢!奶茶, 只是比較以上所叫的食物來說, 便可說是滿意了.去這裡食飯不要有什麼希望, 那就會開心些啦, 不要用平常去的快餐店作比較, 無得比, 我以都係去噃大家X食啦!真的是“只可一、不可再”

很喜歡愛黃毅力先生的文章，總能在字裡行間領悟到一點點東西。他經營的汽車生意(我不懂車)不錯，如今涉足餐飲行業，是完全另一個範疇，有興趣試試其水準。趁到黃大仙朋友家拜訪前，獨個兒先到香港茶餐廳吃一頓午餐。咖喱是餐廳的四大皇牌的其中之一，加上之前看過其一篇文章「掂就是唔掂，唔掂才是最掂」說過牛腩，很自然地就點了高級警官咖喱牛腩。例湯是西洋菜湯，喝一口，幾清潤，西洋菜也甜美，而且還有少許煲湯骨在內，以奉送的例湯來說，絕對是令人滿意。高級警官咖喱送上，吃得出咖喱汁是用了很多材料去制的，有花椒、八角、香葉，還有蕃茄等等，頗香。然而，牛腩大小的差距甚遠，有些真的大得有點過份，予人一種不修邊邊幅的感覺，師傅應多加留意這方面的細節，而牛腩是可以更鬆化；至於薯仔，我會喜歡粉一點的。據悉黃先生對奶茶的要求很嚴格，而且不斷鑽研，務求做到完美。我要了一杯，是很滑，奶會是很好，唯覺得茶味稍稍薄弱了一點，大概是用的茶葉不合我心水，各有所好吧！翻閱餐牌，看見餐牌的背面一篇有關咖喱與士氣的文章，我亦仔細看畢才離開。更多相片可見：http://fabricelau.blogspot.com/2010/12/香港茶餐廳-

原本的好好粥麵轉成香港茶餐廳有新野咪去試試6:18pm去到，冇得食下午茶餐，晚餐又唔岩胃口叫左個特餐(普通茶餐)茶都冇杯，得水多士+火腿奄列+沙爹牛肉一丁(我轉成通粉)+凍檸茶31+凍飲2=33多士好脆火腿奄列ok沙爹牛肉…如果唔知真係以為食緊鹹牛肉，食一舊，要飲番啖檸茶...通粉煮得林得濟，但可以接受凍檸茶，茶色好重…茶味好少…全杯冰…飲幾啖就冇晒33蚊…鹹到你傻呀...又貴又難食我睇一睇佢個餐牌鮑絲火腿通粉，我記得餐牌上寫的內容和華康的差不多但佢要24蚊，華康都係23蚊按照特餐的味道推理......lee個早餐都應該唔會好食得去邊

開頭係出面睇,見裝修唔算差,就入左去我同我朋友兩個人食,叫左兩個小菜,一個Xo醬爆肥牛煲,一個海味雜菜煲首先黎左個海味雜菜煲,發現煲內只有幾粒蝦米同d菜,之後我地問一問個侍應,開頭佢好似唔想應我地咁扮聽唔到,之後我再大聲d,佢終於應我啦,我夾起一粒蝦米問佢"呢d就係海味？"佢竟然好平淡咁話係,之後冇計照食但個煲d菜食落去真係"林"得好誇張之後黎左個Xo醬爆肥牛煲,我覺得同沙嗲肥牛煲係冇分別嫁一d xo醬味都冇呢間除左野食唔得,服務態度更加唔得呢間我唔會再去

新開既茶餐廳，諗住去試下...點知...實在太難食, 忍唔住要寫食評~星期日去到唔使等位，兩個人坐一張細檯，叫左兩客$35既晚餐客飯同埋一碟油菜。一客蝦醬蒸腩肉 --> 完全無蝦醬味, 腩肉係九成肥肉, 最離譜係裝飯個碟好濕好多水, 好可能洗完碟無抹乾, 我相信果d係水喉水囉..(有相為証)一客茄子斑腩 --> 魚同茄子都係無味既, d汁亦好難食油菜本來無事, 不過個伙計就好離譜, 雖然張檯細, 但佢上菜竟然連執個空位黎擺都懶, 就咁將碟菜放喺檯邊, 半隻碟凌空中..(有相為証)總括而言,未食過咁難食既茶餐廳, 仲要收$35個餐, 服務又差, 質素真係仲差過公司飯堂!!!

免費報紙廣告同名人效應影響下，諗住試吓新嘢。六點鬆啲去到，都有幾枱客。揀好食乜，但搵/等咗好耐都冇人落單，個男侍應唔知响度做乜咁…好彩最終都搵到個姐姐落單。第一次嚟，先試吓佢哋o既招牌菜：狀元及第粥、魚蛋河拼义燒腸、奶茶 x 2不過，河粉賣晒，唯有轉咗米粉。义燒腸先到，賣相ok，但食落好嚡，仲唔係好夠熱。及第粥有三好：好稠、好重味精、好鹹。魚蛋米，份量好少，魚蛋唔特別味偏鹹。奶茶淡而無味唔合格，快餐店水準~~臨走聽到隔離枱太太想食豬扒，問有冇得切開上，換嚟冷冷一句：冇…整體食物水準唔達標，服務更加貼晒地。簡直係“不可一、不可再”