香港鴻興隆中華菜館 (已結業)

友人係呢頭返工，中午時黎過呢度食晏，話搵晚約埋試下晚飯，我當然無問題啦天花上嘅佈置有心思店內裝潢甚有中國風，四周放滿中國特色擺設，播住中式音樂餐枱上陶空亦放置各樣特色飾物，中國風相當濃，難怪吸引到外國人士入內幫襯食物選擇由小食，水煮系列，小炒菜式，炒粉麵飯都有炎熱日子偏愛食涼瓜，甘甘地又可以下一下火，呢碟涼瓜牛肉 ($86)，係你我屋企都應該見過同食過涼瓜切成一舊舊，炒至八成熟，口感仍帶少少脆口，食到涼瓜嘅微甘味; 而牛肉入口嫩滑，夠鑊氣，切成大塊有口感，加埋豉汁一齊炒夠惹味，送飯食一流呀!參考食評推介呢個酸菜魚 ($138)，一鍋上都幾大鍋喎，2-3人食絶無問題呢個鍋材料都幾豐富，除左滑溜魚片外(食時小心細骨)，當然唔少得酸菜，酸度適中及有大豆芽，仲有少少酸辣椒，辣度令人接受，仲有薯粉條，入口煙韌，又夠飽肚，果然唔錯呀!呢碟係清炒蒜心 ($78)，蒜心呢樣嘢好耐都無食過，就咁炒都好味，食落爽甜，只有一兩條係有渣，少返D油會仲好D!

這間位於尖沙咀中菜館裝修勁有FEEL, 古色古香, 四周都佈滿有趣的中國風擺設,連台面都運用了鏤空式設計,在內放了一些小玩意。 水煮魚片$138超大一盤，用的是鲩鱼所以有少少骨，不過魚質好滑，非常適合做水煮魚。魚肉頗多，最下面還有芽菜、薯粉，好足料。 孜然羊肉$108這道菜有少許辣，孜然味道芳香濃烈，令羊肉完全不會有騷味！加上大蔥一齊炒，超惹味。 小雞蘑菰$92其實就是雞肉燜茶樹菰，再加粉條，粉條吸收曬雞肉同茶樹菰味，好濃郁。

今日去開尖沙咀睇戲，就順便係那頭食埋晚餐啦，心思思唔知食咩好，見到呢間中華菜館幾搶眼，中菜價錢算平，就入去試下。裝修非常中國風，由牆壁到天花的裝修都落左不小心思，有好多壁畫，小屏風，古色古香。餐牌每道菜色都有圖片，好吸睛，諗緊食咩的時候已經聽到廚房大火爆炒鑊氣聲。點了第一道酸菜魚$138價錢真心平，出面食唔止呢個價位，而且份量好多，連魚肉都好多，鯇魚片加鯇魚腩，口味正宗，酸辣適中，酸菜不會死鹽，魚片都好滑，唯一不足是魚片有小小碎骨。第二道是孜然肥牛$92餐牌寫上招牌菜，用京蔥等香料爆炒肥牛，肥牛唔會韌，本身好鐘意孜然味，所以呢碟餸冇得輸，送飯一流，超有鑊氣。第三道木耳炒肉$86豬肉片好嫩滑，木耳爽口，同樣都係好有鑊氣👍呢度生意唔錯，7點晚飯時間要等位，仲有值得一讚的是員工態度好親切👍

兩位外國朋友嚟香港旅遊， 當然要帶佢食特色嘅嘢，門口已經發現佢嘅招牌係中式牌匾非常特別， 入到去原來仲有更多驚喜 ，每一張枱都會係挖空，中空位置放滿咗中式裝飾，華麗得很！ 重點係每一張枱嘅裝飾都係唔同style、唔同內容， 絕對睇得出係心機之作！餐牌餐具都係非常之有心思，整個環境都融入咗中式傳統元素！孜然肥牛～ 呢款香料比較少喺中菜館食到， 見到第一時間就落單，果然冇令我失望，非常之香口惹味，朋友都舉起手指大讚！揚州炒飯～ 炒飯用料非常多，依然係考廚房師傅嘅鑊氣， 中式嘢一定要鑊氣為先，朋友都食到舐舐咀！酸菜魚～ 本身酸呢個口味就會好開胃 ，除咗喺面層見到嘅魚片之外，底層亦有好多芽菜同埋薯粉， 薯粉吸曬酸湯非常之惹味彈牙！ 朋友忍唔住「嘩！」咗出聲，笑死我！非常感恩今次揀嘅餐廳，令到朋友滿意！❤️

同長輩食飯都會揀啲中式餐廳，但係傳統中式嘅餐廳，食嚟食去都係嗰幾道菜，今日帶佢哋去食一間較有特色嘅中式餐廳，食下唔同嘅做法！魚香肉絲～ 上枱已經充滿香味，證明廚房師傅鑊氣非常足， 肉絲非常之軟滑， 配埋青椒等佐料， 非常之惹味！勃然肥牛～ 勃然粉係比較濃味嘅香料 ，加上京蔥洋蔥等，真係非常好送飯！滑蛋炒蝦仁～ 見到啲蝦大大隻 ，加埋香滑嘅炒蛋，仲有蔥花嘅獨特香味，係可以將家庭小菜演繹到極致！揚州炒飯～ 炒飯都依然用大大隻蝦，非常之彈牙，見到炒飯粒粒分明，又一次印證大廚嘅技藝非凡！其實仲有好多唔同嘅特色 item想叫， 不過眼闊肚窄，唯有下次再嚟啦！

黎到朋友推介嘅香港洪興隆吃飯，朋友話呢度嘅中菜做得唔錯，而且重點係尖沙嘴黃金地段黎講性價算係幾好嘅餐廳。鋪面裝修十分有中國風特色，讓人眼前一亮，裏裏外外都令人感覺乾淨企理。✨魚香肉絲 $88呢味餸完全係地道家常菜，但餐廳處理得始終係好食過自己整，酸酸甜甜嘅味道適中，唔會其中一隻味喧賓奪主。加埋青紅椒嘅中和，都係送飯必選！✨酸菜魚 $138魚肉新鮮、質地極嫩滑，而且每一片都好大塊，份量十足，唔似有時食過係比較碎。辣度都適中，我朋友唔太食得辣都接受到，而無辣不歡嘅我就覺得可以再辣D，哈哈！酸菜味都出色，同魚肉好夾，送飯一流！👍✨避風塘炒飯 $78個人最愛呢個炒飯，中菜融合香港特色！因為我地嗌嘅餸都比較適合送飯食，所以同朋友果斷決定嗌個炒飯黎配搭，而我好驚出面有d餐廳炒飯得一係太軟一係太硬身，但呢間完全無令我失望，炒得軟硬適中，重點鍋氣十足！ 入口唔會油，食材都夠豐富，蛋、蝦同調味嘅配量係恰到好處！正！ 😋總結呢間餐廳食物質素有保證，鍋氣十足！下次我會再帶朋友黎食！

今晚又約了表姐飯聚，平時吃日韓西式料理為多，今次搞搞新意思，選擇了尖沙咀的「香港鴻興隆中華菜館」吃中菜。餐廳內就是100%的中國風，筆者不期然想起在古裝電視劇中出現的客棧。兩大鍋重口味食物。水煮系列滿滿辣椒與紅油，看到已令人頭皮發麻了。天真的筆者起初還覺得不外如是，豈料越吃越有麻辣後勁，開始鼻水直流。肉片挺嫩滑的，份量也有好多。而且鍋內還有娃娃菜，及大量芽菜薯粉。辣得惹味又過癮。另一鍋是酸菜魚，同樣有大量芽菜薯粉作佐料。以筆者和友人的食量，這2鍋絕對是足夠有餘。酸菜魚湯底酸香重胡椒味，魚片大塊，份量不少。魚片似是似用鯇魚肉，肉質略嫌不夠嫩滑。說是魚片，筆者覺得魚塊更適合形容。因為是例，份量就依同行人數而分，圖中的是2人份量。糖醋魚塊經酥炸，再埋了一個糖醋茨汁。甜酸味道相當開胃，中間夾雜了一些蒟蒻口感的粒粒。2個人3個菜，飽到捧著肚子離開。

約咗一幾個舊同學敘舊 諗住約出嚟食個飯 為咗方便大家我諗住喺尖沙咀呢帶附近搵嘢食 我哋膽粗粗我諗住試吓新開嘅呢間中菜館 鴻興隆中華菜館~😍見到佢個裝修好古色古香 就咁講個設計已經有花心思~👅先泥呢個 孜然羊肉 佢質地軟嫩 香口惹味 值得讚嘅係辣味温和 👅另外呢個木耳炒肉 食落去都好香口 味道唔錯！👅仲有呢個酸菜魚 個感覺就覺得條魚好嫩滑 味道配搭酸酸地嘅湯非常鮮甜👅同埋清炒萵筍 炒得好嫩綠 調味啱啱好 送飯一流！整體都還可以 最主要係呢度嘅環境舒服 佈置好靚 好值得拍照~

同朋友去尖沙咀行完街，見到呢間中菜館好似幾多人食，所以決定去試下，橫掂想食下辣嘢🤣🤣！入面環境真係好有中國風嘅感覺，啲裝修勁似北京啲菜館，成個格調古色古香咁，好有心思！連張飯枱都有design過，勁特別呀！酸菜魚味道都算正宗，個酸菜湯底濃厚而不膩，可以直接飲~ 個底係有啲薯粉，吸收晒啲湯好正！魚肉好滑好滑，但略嫌多骨咗啲，唔可以一啖過咁食，如果要食一定要小心啲！孜然炒羊肉片一上枱已經聞到勁香，羊肉片厚薄適中，肉質都幾嫩，好有火喉，勁滋味！揚州炒飯望落簡單，但要炒得好食都有啲難度架，呢到都炒得唔錯，粒粒分明😋😋

朋友出國留學多年, 襯暑假返嚟探下朋友, 我就當然要帶佢食返久違了的中菜。呢間位於尖沙咀嘅中華菜館, 用上木製椅桌, 加上大量傳統裝飾擺設, 很有中國傳統色彩, 食物都未到, 朋友已經忍唔住要影相打卡啦。呢度嘅糖醋魚塊水準出眾, 魚肉口感極為柔軟滑溜, 炸粉夠薄, 醬汁甜酸度平衡得宜, 配碗白飯就一流。孜然羊肉薄羊肉片帶點羊騷味, 以薑蔥同芫茜炒拌, 加上孜然調味, 份外惹味。炒三鮮有薯仔、茄子、青椒, 薯仔切成薄片, 香軟入味, 茄子肉夠綿滑, 青椒炒得恰到好處, 保持爽口質感, 味道清甜, 正！

爸爸一路都鍾情中菜，平時行經過成日見到餐廳裏面嘅裝修都好古色古香別有一番味道， 難得今日放假就一於帶爸爸嚟試下！餐廳內嘅裝修富有中國色彩，而且位置尚算闊落舒服~清炒萵筍萵筍肉質脆嫩， 清甜鮮美，營養價值亦高， 係我近期熱愛嘅蔬菜之一！呢碟萵筍炒得清脆嫩綠而且調味啱啱好，份量亦唔少👍🏻酸菜魚湯㡳濃厚而不膩，酸酸辣辣帶點鮮，可以直接飲埋，非常開胃！魚肉肉質嫩滑，雖然有少少刺，但滑得來依然保留魚肉紋理，唔會糊爛~~螞蟻上樹螞蟻上樹係指做成後，有細小既肉末沾在粉絲上，豬肉粒掛係粉絲上既樣就好似螞蟻爬上樹一樣，吃落鹹、香、辣，又有Q彈既粉絲口感，送飯一流！蘑菇小雞蘑菇小雞除左有主角蘑菇同雞肉外，仲有d類似冬粉既粉條。汁香味濃，蘑菇可以補托出雞肉既鲜香，雞肉煮得剛剛好，而粉條滑爽而绵實，整體配搭都好香好好食！

尖沙咀站附近發現左呢一間中菜館，門面設計已經相當吸引，估唔到內裡既裝潢都一絲不苟。由牆上嘅掛畫，去到枱面上既裝飾都係古色古香，視覺效果一流。枱面上既圖案相當精緻，一邊享用美食，一邊欣賞呢度典雅既裝潢設計。菜單上有多款小菜可以選擇，價錢係尖沙咀區黎講不算貴，而且當日都有唔少外國既客人黎幫襯。朋友鍾意食羊肉，就點左呢一款葱爆羊肉。羊肉羶味唔重，帶一點辣勁，非常香口惹味。值得一讚嘅係個種辣味係温和既，有令羊肉味道昇華之效，而非辣到好辛苦要即刻飲水嗰一種辣。另外都想推薦呢款糖醋魚塊，食落去酸酸甜甜，啖啖香甜既魚肉，撈飯一流。上湯娃娃菜可以一解膩感，蔬菜煮得軟稔，上湯清淡得黎唔會單調，唔錯。呢度嘅裝修設計同環境都非常舒適，店員亦都非常有禮貌，十分推薦嘅一間餐廳！

呢間中菜館先外表好光鮮，好少喺堪富利士道食野，誤打誤撞都比我搵到好嘢！一入到去我覺得間餐廳明顯經過悉心嘅裝飾同埋設計，裏面有好多中式嘅擺設，以及一啲宮庭式嘅精品，好值得相機拍照。我哋一行四人叫咗幾個餸菜，先係有前菜蒜泥白肉，超鍾意佢啲青瓜絲，盛托住白肉，連埋辣椒油同埋花生，擺款好吸引，每塊肉配青瓜絲一齊食特別爽，再加蒜香非常夾。之後我朋友上次叫咗個糖醋魚塊，淨係魚塊出邊啲汁醬，已經覺得佢好辣口，因為真係煮得好熱，佢嘅賣相橙橙地色，份外開胃，再加埋啲酸菠蘿醬汁，夾左白飯真係非常正！另外叫咗個牛肉炒飯，個飯炒得好乾身，牛肉粒粒同埋啲飯都係非常分明，我哋每人都起碼食咗一碗以上，可想而知味道頗佳。之後叫咗個平平淡淡嘅豆腐蝦仁，豆腐好滑溜，豆腐切成一粒粒，好似蝦仁咁細，好味好味！

果日同朋友係尖沙咀睇完戲都成9點幾 諗住搵d野食下 但點之周圍都準備收 行行下見到呢間中華菜館仲做生意就入去試下🍴我地2個人叫左3樣野加多個飯同野飲~~四喜丸子💚 其實好似獅子頭咁 果幾粒丸子都幾大粒 實的的咁 好好咬口 個汁都好惹味 $68幾抵食 但朋友話好似牛肉球😂 我地後尾因為個汁都專登叫左個白飯🍚孜然羊肉💜 我好怕羊羶味 不過呢個完全唔覺羶 仲炒得好香 本來係男朋友話要試 但最後畀我清晒😛 $108涼拌青瓜💛 唯一嘅蔬菜 哈哈 酸酸辣辣幾開胃 $58個野飲好靚 杯野入面有朵花 超級靚 忍唔住影左好多相 飲落其實冇咩味 係正常茶味帶好微嘅花香🌸最後埋單每人$140左右 食到勁飽 我覺得如果叫少個餸會啱份量d 但又試唔到咁多野 我決定下次要搵多幾多朋友 咁就可以試多幾樣

今日同男友去尖沙咀覓食。男朋友病咗幾日，話想食d重味少少既，所以見到有酸菜魚就入咗呢間店。裝修不錯，服務員也ok，但係食物就不敢恭維。我地叫咗鍋包肉，酸菜魚同炒飯。鍋包肉相當酸，未夾就已經被d醋味酸到，味道不過不失。酸菜魚就完全差評。一點都不新鮮的魚，像已經死了好久。肉好老好乾，大家睇相就應該感受到肉有幾唔新鮮。炒飯也沒有很好吃。酸菜魚只係食咗少少驚唔新鮮會肚痛就無食了。總體來說，這是個做遊客生意的店吧。