香港608冰室 (青山道) (已結業)

前日諗住玩桌遊之前去食啲嘢填下個肚，咁D2 Place嗰邊啲嘢都食過晒，而且我嗰間桌遊店就喺608冰室附近，見佢出邊裝修格局都好似老字號咁，諗住經營咗咁耐應該都唔差啦！咁我同朋友就叫咗個唔同嘅午餐，我叫咗個魚香茄子飯，佢叫咗個紅酒茄牛脷意粉，佢飲熱檸水，我就叫咗杯凍檸茶，啲嘢都算嚟得快，10零分鐘就到晒。其實預咗佢呢啲地方唔會食到啲咩好嘢，但就諗住性價比會高啲，可惜真係質素都幾差，杯凍檸茶有啲黑色嘅灰係上邊，所以我換咗一杯，而個茄子汁非常之鹹，我問我朋友食嗰個意粉點樣，佢都話好難食。

荔枝角工廈真係唔講得笑，估唔到 lunch time 人多到咁恐怖，外賣都排哂隊。終於搵到間有位，我都猶豫咗一下，有位會唔會等於難食？唔理，見地方乾淨，冷氣夠涼，試下啦！見到今日午餐有雞鮑翅湯飯，好懷舊嘅名，一定要試下。湯飯哩到都幾大碗，多湯多餸多飯。啲雞好入味，啲湯又唔係一陣味精溝出嚟嘅，似係真係有用雞煲，唔雞粉。一碗湯有雞有素鮑片有素翅有菜有菇，只係五十幾，仲有埋凍飲添，味道唔錯仲要唔駛等位，一定要嚟多幾次。值得一提，係工廈茶記員工通常都粗聲粗氣，無法又嘈又趕，難得哩度遇見好好禮貌，斯文溫柔嘅侍應姐姐。

係呢頭上堂，但因為放飯時間好短，所以簡單入去一間茶餐廳食吧！入到嚟都乾乾淨淨。叫左一個炸雞扒飯，好快就到左，個樣好似唔錯，食左幾塊炸雞，炸得幾好食，不過飯就比較乾身，如果有啲汁碗會更好。凍檸茶永遠係我至愛！

今日好鬼悶熱，又唔使開工， lunch最麻煩唔知食物好…..無無聊就去了平時做嘢諗嘢的工厦飯堂利申：我工作環境不在此地或工厦，但就係仲意去呢間工厦飯堂😉平時工厦飯堂比我嘅感覺：食物馬虎或者環境麻床好逼夾…..但係呢間啲嘢食，即叫即煮，又夠鑊氣，選擇多，又坐得舒服……種種原因都會令我食完返嚟再食.🤣我避開咗食飯時間，大約兩點到，餐廳夥計任我坐。唔知食乜好，餐牌係有個選擇更加令我麻煩，叫咗個福建炒飯…..我都係第一次睇到呢一款嘅福建炒飯！炒飯內有雞肉，燒肉，蟹柳，急凍蝦，菜心切粒….賣相一般，但食落去味道好喎，軒汁下的炒飯仍然是一粒粒，真係冇馬虎👍🏽呢間餐廳食過7-8次，都係冇失望收場除咗小店，工厦飯堂都係有機會搵到廚藝高手嘅地方，哈哈😋希望飯堂可以保持水準，價錢份量合理下，俾打工仔一餐好的午餐，繼而開心工作啦💪🏽

第一次光顧，點了菜遠肉片炒河和乳鴿沙律，跟餐點了凍咖啡和凍檸檬茶。菜遠肉片炒河：份量不少味道不錯，若更夠鑊氣一點就更佳。乳鴿沙律：有乳鴿半隻和大量沙律，乳鴿肉嫩，但味道偏淡，沙律味道也比較淡。凍咖啡：凍咖啡的咖啡味不足，點了少甜，但其實沒有減少糖水份量，所以太甜，而且奶太多，不好喝。凍檸檬茶：查底不苦澀，所以雖然走甜，也好喝。想一提這雖然是茶餐廳，但服務不錯，員工效率高，也算有禮貌。餐廳的食品在下午2時後會減價，我們進店時是1:50 ，店員主動叫我們過10分鐘再點餐，我們提出把燒乳鴿改為滷水乳鴿，店員也說沒問題，還溫馨提示我們改為滷水乳鴿要稍為等得久一點。

荔枝角有好多餐廳，但係亦都有好多人喺呢頭返工！不過，12點食 lunch 嘅話其實都有好多選擇，所似好少會去呢一間608，曾經試過一兩次堂食，粉面常餐嗰啲都冇咩唔妥嘅，不過地方比較迫，坐得麻麻地。今日同事們決定叫呢一間608嘅外賣，我見攰攰地，就唔出去食，join 大家一齊叫外賣啦。點知呢個決定真係錯到離晒譜！！！叫咗個午餐沙薑雞飯，配例湯同嘢飲，加埋外賣盒錢總共$51，但冇諗過咁差表面睇落去都冇乜嘢，份量唔算太多但都OK啦。但一夾開舊雞就出事啦，骨位血紅色咁，見到都唔想食！啲沙薑係糕狀咁，雞唔嫩滑、飯好硬成個餐最正常係碗例湯，同杯凍檸茶！可能堂食會好啲，不過我唔會再試。

今天來到荔枝角，約了朋友吃Lunch 來到了這家608茶餐廳聽講係附近啲上班族成日都黎幫襯既飯堂之一因為看到menu上有小菜套餐可以選擇兩個人都忍不住點了小菜小菜都有附飯跟例湯我們兩個女生只要了一碗飯實在太多了所以勸大家唔太大食 都唔好要太多飯 因為碟小菜都幾大碟下😋埋單每人50元左右 好抵食真係！個例湯幾好飲 粉味精味真係想介紹返呢個雞勁嫩滑呀真係！瑤柱西蘭花 好岩送飯不過Lunch 食晚飯小菜咁但價錢都依然好抵食

趕時間，所以搭車嗰陣已經叫定外賣返公司，點知半個鐘有多都未到，咁唯有打去問啦...第一次打去問佢：已經半個鐘有多，請問送到去邊？佢就話黎緊架啦，就收左我線。過左一陣再打去，就話係樓下架啦！過多8-10鐘左右，我要開始教班，根本唔會食得到個早餐，唯有再打去，就話到架啦！最後至少50分鐘以上先送到(但間餐廳距離公司只係5-8分鐘路程) 然而打開個早餐，個麵碎濕濕都算，仲要發漲哂，然後杯奶茶係打橫瞓低係嗰袋入面，成個袋都係奶茶！呢個無湯既麵餐，多謝$40，額外送一肚氣俾你！大家真係考慮清楚先好叫呢間餐廳！

今日返工叫外賣黎到，一打開當堂嚇親乜嘢蠔仔肉碎飯？搞到好似冰鎮奶茶咁，杯凍好立克得返啲冰另一杯熱奶茶就成杯坐左係另一盒蠔仔飯入面，點食啊大佬？最後叫佢退錢，但係已經蝕左食飯時間，奉勸大家一定唔好幫襯！送外賣果個都睇下個餐送到客人手上係乜嘢樣，咁都可以交俾個客，炒左佢好過啦！其實叫608受氣都唔係第一次，之前又係試過返工4:30叫外賣，要求5:30送到，結果我過咗食飯時間都未送到嚟，打去又話單較多所以慢咗，其實做唔到咪岀聲囉，應承得就要做到，咁樣點做生意？結果返工成更無食過野！成篇一粒粗口都無講過我已經覺得自己好克制！

有時候茶餐廳都唔能夠淨係睇外表，喺荔枝角一間普通茶餐廳原來隱藏實力。完全望落去唔起眼嘅茶餐廳，竟然食物質素咁高，價錢平民。今日下午三時入去食下午茶，之前都有試過佢嘅午餐，但係下午茶嘅話就未試過啦。一坐低睇下個餐牌，就知道係用心經營嘅茶餐廳，因為餐牌上面嘅下午茶種類都已經有20款，如果一間普通嘅茶餐廳絕對唔會係下午茶仲要做咁多款式，可想言之呢一間茶餐廳係絕對有心經營。我今日就揀咗款廚師推介，黑松露炒蛋多士。炒蛋要吵得好食絕對唔係一件容易嘅事，一上碟就知道炒蛋係吵得相當出色，另外配合埋麵包嘅鬆軟程度及香脆程度簡直冇得頂，黑松露帶出香味。完全冇諗過咁簡單嘅炒蛋多士都令我對佢印象深刻，可以講話係食過咁多間茶記黎講，最有心製作嘅多士，絕對不馬虎，絕對可以一試。

今朝早早左出門口咁就早左到公司見有時間就慢慢買個豐富早餐返公司食啦見公司同事平時早餐都係食608我決定試試佢我揀左E餐 雪菜像絲米配腸仔同煎蛋 外賣仲有95折添等左十分鐘左右就拎得喇返到公司第一時間就係食早餐雪菜肉絲米味道好食個湯味夠濃 料都唔少嫁之後食d餸發現左驚喜係佢送左個菠蘿包比我🤤好邪惡呀佢個包夠鬆軟食得出出爐冇耐至於煎蛋都唔錯 做到流心效果腸仔就正常水準對細食嘅人黎講食完呢個早餐基本上午餐都食唔落好滿足呀

因為我返工返得晏嘅關係早餐多數都好晏食變相午餐都去到點幾兩點先食咁今日亦一如往常嘅遲食lunch望一望個錶已經差唔多2點可以食下午茶咁就決定食608啦其實幫襯左好多次今次終於的起心肝寫佢嘅食評我幾乎每次都係食佢23號餐火腿通粉 配餐蛋治 飲熱檸水先講佢號火腿通粉話就話下午茶餐不過佢真係大大碗份量十足 絕不欺場 至於味道就係正常嘅火腿通粉咁唔會太咸 清清地但又幾好食順帶一提通粉係低Gi食物如果怕肥嗌佢就岩喇到我最愛嘅餐蛋治我每次叫23號餐都係為左呢個餐蛋治咋個蛋真係好滑而且又係非常厚配埋餐肉真係天作之合 唔係講笑真係超好食其實食完碗火腿通同餐蛋治已經好飽 但餐廳真係充滿人情味間唔時會送一個迷你叉燒包比我地係佢地自家製 外邊食唔到成個餐加埋熱檸水 都係三十幾蚊抵到不得了總結係如果係長沙灣附近返工真係得閒可以試下608注意嘅係佢個位有少少隱閉唔係咁易搵

話說早幾日公司好多嘢做攪到成3:00先可以出去食個lunch，正當我諗緊去邊到食之際，有個叔叔比張餐單我叫我試吓呢間餐廳。我抬頭望一望餐廳門口非常唔顯眼，要行入一條小小嘅走廊，門口好像後門一樣，心諗食唔好食架？！不過見門口派餐單個叔叔態度咁熱誠，好啦就試下啦！行到入去，間局都普通茶餐廳無異只係人相當少😅求其坐底攞個餐牌睇，下午茶都幾多選擇，價錢亦唔貴，大多數$3x起。最後我揀咗炸雞脾配金磚，一上枱原來金磚係兩舊迷你西多士😆最攪笑嘅係無端端送咗一個迷你包比我，我開頭以為係普通餐包，切開發現係一個迷你腸仔包🤣🤣🤣真係好驚喜🤣整體隻雞脾、金磚都係新鮮炸起，熱辣辣脆卜卜嘅，價錢平👍🏻

好開心今日老闆請食早餐呢個早餐好豐富有我最鍾意嘅蕃茄火腿通粉跟住仲有牛油多士 漢堡扒 炒蛋仲有樽裝朱古力奶好少可仲有餐廳有樽裝牛奶個番茄通粉好好食不過就熱左少少因為坐門口位

有時候餐廳真的不能只看外表，一直經過這裡門口覺得不怎麼樣所以未曾來，結果有次看見門口餐牌發現常餐選擇頗多，自此便成為我的飯堂！這裡不但常餐類選擇多，每日午餐選擇都會改變，不怕吃膩，來過幾次後還是覺得常餐類最划算。雪菜肉絲米配火腿奄列油多 $44整體份量偏大，雪菜肉絲都放了很多，米粉爽口湯底也不會太咸，不過重點其實是油多！除了很大片之外，多士是連牛油一起烘，上桌一刻熱辣脆口一點都不油，其他同事都大讚其水準！後來才發現油多以上是奶醬多！！因為花生醬都是塗抹過後才烘，入口粗脆香口，一個人真的可以吃２份！豬扒福字麵配火腿奄列菠蘿油 $49看見特餐有菠蘿油忍不住叫來吃，加上福字麵的確不常有，不過相比之下這個整體比較遜息，豬扒偏韌，福字麵亦浸漲了，菠蘿油的外層反而不錯、很脆，麵包都很軟熟，只是吃起來比較不方便。蕃茄濃湯餐肉粒通粉配炒滑蛋蒜香多士 $44這個608星級精選不在menu上，直到有次抬高頭望牆上餐牌才發現這是眾常餐之最！蕃茄湯非常濃郁和甜，餐肉粒多得像是把整罐餐肉倒進去般，單是這碗通粉已經值回票價，多士更升級至蒜香版本，烘過後得多士鹹香度超乎一般常餐質素，我只能說一定要來試過才知道它的真