香葉灣 (海濱匯)

營業中

休息中

有時夜晚懶得煮飯，就會喺公司樓下呢間買定兩份外賣放工就拎返屋企叮熱嚟食。因為呢間我同老公都好鍾意食佢啲豬手，所以每隔兩日就會又食！尤其最近做緊外賣有折扣，就更加抵食！今日揀咗香草芝士煎龍利柳飯配洋蔥汁和德國鹹豬手（半隻)跟薯菜配黑椒汁。呢度個德國鹹豬手真係好抵食㗎，足半隻，皮厚肉嫩，鹹香得來唔會太咸，夠晒惹味！我同老公都勁鍾意食豬手嘅豬皮，因為佢煮到好入味，而且食落好有彈性，感覺一啲都唔會油膩😋食過返唔到轉頭！呢度個龍利柳都好抵食，勁厚肉，而且有成兩大塊，加埋成條手臂咁長㗎！基本上淨係食魚都夠飽啊！啱晒大食嘅老公仔😝

好一陣子沒有到過牛頭角海濱道一帶。這天到訪香葉灣，把外賣帶回家享用。當時正值下午茶時間， 餐廳配搭好各式套餐，有齊港式和東南亞式美食。食物連飲品，妥善包裝後，安安全全帶走喲。下午茶餐當晚飯吃，所以選擇了比較飽肚的泰式海鮮炒金邊粉和香茅乾炒牛肉河。泰式美食，當然不能缺少惹美醬料。辣度十足，更加開胃。炒金邊粉比較乾身，帶著輕微辣香，配上不同種類海鮮，頓時讓口感更豐富。香茅乾炒牛肉河最搶眼大概是大大塊的牛肉，用料就是充足。相比炒金邊粉，炒河比較濕潤，更滑溜。飲品是咖啡和鴛鴦，兩者也好香喲。

這天來到《海濱匯》這個連接著商廈的商場， 就在海濱長廊附近，環境幾新淨，有不少新品牌食肆進駐。和朋友行逛完打算買外賣返屋企唔使煮乾手淨腳。。 揀咗這間『香葉灣』 ，食物多元化又啱口味， 而且下午茶套餐非常實惠。😋餐廳都幾闊落舒服，🐘🐘很有泰式渡假嘅feel。鮮茄焗豬扒飯$50 套餐（配熱飲）焗飯熱辣辣，返到屋企仲辣手， 保溫極強！豬扒非常美味，醃得入味又唔會太重手掩蓋原本嘅肉味 ， 肉質有咬口唔會乾爭爭 ，也不會出現梳打粉嗱到腍哂， 越食越滋味！鮮茄配合洋蔥醬汁好香， 唔似其他冇心機做嘅紅色汁得個酸字。泰式海鮮炒河 套餐$39（配熱飲）份量好大， 夠鑊氣夠乾身， 海鮮有魷魚，蟹柳，蝦仁仲有好多細細粒嘅蜆肉。 醒目店員不忘放進潮州辣椒油～ 正合心意自己也忘記！炒河味道唔錯， 吃畢也不覺口渴。外賣回家也覺得好吃， 堂食想必更美味！

朋友最近做咗個小手術，要留在家中休養，趁這天有空，去探望一下， 聊表心意。知道友人還沒吃午飯，決定行遠少少，嚟海濱匯 2 樓「香葉灣」外賣兩份午餐。其實呢間餐廳之前都幫襯過，覺得店舖不但環境正，充滿泰國風情，而且食物款式又夠多，加上外賣自取仲有 discount，實在非常抵食。Whatsapp  咗個餐牌俾朋友睇，佢揀咗西冷牛扒，而我就點了香草芝士煎龍脷柳。兩個套餐都可以揀跟飯、意粉、薯菜或沙律 及 配洋蔥汁、燒汁、黑椒汁或蒜茸汁。另外每個餐都會奉送餐湯及咖啡或茶，非常豐富。去到朋友屋企已經急不及待，馬上開餐。兩份午餐都好吸引，大家決定 Share 嚟食。先吃朋友點嘅西冷牛扒配薯菜、洋蔥汁 ($58)，牛扒非常大件，分量十足。切咗一塊試下，味道很不錯，肉質軟腍適中，而且醃得好入味，入口嫩滑無渣。墊底的薯菜亦下得非常慷慨，有西蘭花、椰菜、紅蘿蔔、薯角等，有菜又有肉，健康又美味。至於另一盒香草芝士煎龍脷柳配意粉、蒜茸汁 ($54)  亦睇頭十足。魚柳煎至微微金黃色，魚肉嫩滑無骨，自行淋上蒜茸汁，潔白的魚肉並不散爛，味道啱啱好，入口還帶陣陣蒜香，開胃惹味。差啲唔記得咗飲餐湯，餐湯揀咗中西各一

今日同友人逛觀塘海濱之後見到隔離有個海濱匯，入面好多餐廳選擇，見到未試過香葉灣，就入去試下。見到有得鋸扒，價錢相宜，就非常想食。午餐黎講，香葉灣一個套餐包嘅野都算多，有湯有野飲有主菜，而且份量都有驚喜。落餐後店員會即刻送上中湯，我地就慢慢邊飲邊等主菜。對於在職人士黎講，午餐配碗足料中湯簡直係養生之選。主菜方面，友人揀左肉眼牛扒配燒汁薯菜，我就揀左鴛鴦扒（豬+雞）配黑椒汁薯菜。成塊扒大塊過我塊面，而且薯菜份量都非常多。主菜上桌果陣仲熱辣辣，趁熱食上口嘅感覺非常juicy。再配上一杯特飲，今個午餐就大滿足啦！友人係附近返工，我相信佢應該會食過翻尋味，多多幫襯呢間高性價比餐廳。

今日在牛頭角附近做嘢，跟同事做完事後便四處望下有什麼東西食，剛剛過左中午時段，故可以叫下午茶，見到呢間香葉灣泰式餐廳，望入餐廳乾淨企理，環境很不錯👍，重要係見下午茶有我至愛嘅炒金邊粉，便入去買外賣回公司食了。-炒金邊粉有虾，蜆肉，蟹柳，洋蔥同芽菜...，炒起來很惹味，酸酸甜甜的超開胃😘，配了杯蜂蜜紅棗茶，yummy🥳-肉眼扒配薯菜同事叫咗呢個肉眼牛扒，薯菜配蒜蓉汁，見有2大片牛排，墊底有一大堆西蘭花椰菜紅蘿蔔同埋薯角，份量十足，食左佢小半塊牛排，冇根而且唔un，同樣配了杯蜂蜜紅棗茶，我唸佢晚餐都唔使食了😝.

翻工唔想食canteen 所以走咗去附近嘅地方搵野食！12:30跟住人群走就可以搵到呢個商場有好多野食！我上咗2樓睇先然後發現咗呢間香葉灣 個menu 唔錯 有我想食嘅豬手！！！係德國咸豬手啊！lunch 食得豪dd啦 而且唔算 貴堂食60幾蚊而外賣就50幾蚊 因為疫情關係外賣仲有85折同個fd 2個人 每人一個餐 佢食海南雞飯大約等咗10-15分鐘到啦都算快架啦 我地前面仲有6個人叫咗外賣 終於翻到去一開 哇哇哇 好大份btw可以揀飯意粉薯菜同要咩汁 我就揀咗蒜蓉汁呢個汁點肉唔錯 佢d肉好嫩唔會硬！ 同埋味道都夠唔會太咸！朋友嘅海南雞飯冇試但睇落都唔錯送咗個中湯！Btw 建議下次 刀叉匙羹包埋一齊 一開始搵唔到刀食得好狼狽！羅宋湯唔錯好足料可以推一推呢間午肆外賣！

觀塘和牛頭角是工廠區，很多舊工業大廈，成個舊區格局，路窄車多，人車爭路，帶點混亂。但現在變化很大，多咗好多新型商業大廈，媲美中環甲級寫字樓。今日喺觀塘近牛頭角海濱道海濱匯，就更深深體會，以為自己去咗中環甲級寫字樓，正所謂之門口又高冷氣又大。海濱匯內裡食肆裝修得美輪美奐，比起附近工廠大廈內的食肆，環境舒適得多。最喜出望外是食肆環境雖然升左級，但價錢就原地踏步，仍然收工廈價。喺海濱匯2樓嘅香葉灣就系佼佼者，餐廳環境舒適，食物質素不賴，有多款星馬泰美食，而且收費親民又貼地。今日原本打算在香葉灣悠悠閒閒嘆個午餐，好不幸，遇著老細急call，惟有堂食變外賣。菠蘿海鮮炒飯，份量超乎想像，好大盒。單看外表，平平無奇，好似飯多餸少。原來禾稈冚珍珠，撥開飯面，才發現材料非常豐富，有菠蘿粒，蜆肉、鳴門卷、魷魚絲，蟹柳、蝦仁、蛋絲和生菜絲，而且飯粒炒得乾身，又夠鑊氣，都算交足功課。至於馬來咖哩牛腩飯，牛腩炆得又冧又滑，咖哩香濃帶微辣及椰香，很惹味。跟餐羅宋湯亦足料，酸溜溜，很開胃。跟餐還有凍奶茶和凍檸檬茶，飯後飲品，夠冰涼又解渴。

難得同 #首領 喺 #公司 相遇，#興高采烈 約埋lunch齊齊落去食個飯、八卦吓... 點知 #天氣不似預期👉🏻👈🏻 唯有改變策略，喺附近買個 #外賣 返公司慢慢嘆🤩 #小秘書 呢排口淡淡，#首領 提議去 #香葉灣 睇吓有無咩好嘢食🤪 之前都無留意，原來 #餐牌食物 都幾 #多元化 🤤 #星馬泰食物、#炒粉麵、#焗飯焗意粉... #午市套餐 加加埋埋都有三四十日個選擇。搞到患有 #選擇障礙 嘅我，心大心細🤪 點指兵兵... 最終我揀咗 #焗咖哩雞扒飯 配 #羅宋湯，#首領 就要咗個 #焗鮮茄魚柳意粉🍝 公司無度好，幸好 #活動空間 夠哂大，喺呢個疫情裡面，大家都唔使迫埋一齊食飯。洗洗手💦擺好啲食物，馬上開動🥢 #師傅 喺羅宋湯裡面加咗好多 #椰菜，令味道唔會太辣，啱哂我口味🤤 焗飯撈埋啲 #咖哩汁 一齊食，好香口🤤 加上飯面上嘅 #雞扒、#薯仔 🥔 份量都唔少... 真係飽到呢😉

海濱匯多左好多新餐廳，2樓有間食星馬泰菜既餐廳，環境都唔錯。食物選擇頗多，店員服務好好，幾好禮貌。如果外賣重有優惠平啲添。菠蘿海鮮炒飯 $58味道唔錯食落有鑊氣，份量相當大一個女仔未必食得晒，但非常足料，除左蝦食到粒粒魷魚同蜆，重有大大隻青口，味道鮮甜有咬口，菠蘿係新鮮菠蘿，抵食。羅宋湯微辣易入口，酸酸地頗開胃。星洲咖啡齋啡再加煉奶味道唔太苦，保留本身的濃郁之餘又帶點甘香。除左lunch set見佢下午茶餐都幾多選擇，其他時段黎食都唔錯架。

觀塘行街行到肚餓，沿著海濱公園向九龍灣方向行到尾，於《海濱匯》揾到間星馬泰餐廳坐坐，舒舒服服嘆個下午茶。老公在牛頭角這邊上班，lunch time 這餐廳是他和同事們的好選擇，今日同阿女等埋爸爸放工。餐廳位於海濱匯商業大廈裏面，扶手電梯上兩層，環境舒適，有窗望到遠景，可以遠眺Megabox。店內裝修簡樸，帶點點泰風，地方闊落，部份是卡位，方便傾計，牆壁上有一些泰式圖案畫作，很喜歡這隻大象呢。下午茶餐可以加$3有羅宋湯，酸咪咪好開胃。除了大家熟悉的喇沙、冬陰功湯粉，也有各式炒粉麵飯，大胃口的有焗飯/意粉，細食的可以選沙律、薯條、三文治。阿女愛吃湯粉，星洲喇沙湯檬粉，配香茅豬扒，豬扒大大件，切開一邊容易進食， 連骨豬扒特別好吃，醃得入味，口感一流，香濃湯底也是值得一讚。喇沙湯檬配菜仲有有芽菜、豆卜及熟蛋， 材料豐富，賣相吸引。泰式海鮮炒河粉，熱辣辣炒起，味道香濃，材料豐富，蝦仁、魷魚、蟹柳、蜆肉等，河粉炒得並不油膩，越食越好味。天氣炎熱口渴非常，跟餐飲品我們點了冰檸茶及凍奶茶。試過就知道好味，怪不得老公成日同同事幫襯啦。

公司搬左去牛頭角嘅第一日，想發掘下附近有乜好食，於是上open rice 搵，見到哩間香葉屋有泰國菜食，於是決定lunch 行去睇下。哩度Lunch 都唔少人，可能附近真係唔太多嘢食，仲要係哩啲大眾化價錢，哩度算合理。哩度太多選擇啦，我揀左青咖喱牛肉飯，外賣返公司食。等左一陣已經可以攞，都幾快！而且外賣平啲，盒飯都幾大盒，我咁大食都食唔晒🤣🤣青咖喱唔算太辣，牛肉又多，整體味道合格啦，會再幫襯試其他嘢。

在觀塘海濱長廊散步，吹吹海風 。不經覺走完長廊，就在附近的海濱匯二樓，香葉灣休息一下和吃下午茶。安坐後，侍應生對我們說除了下午茶，還可以選擇午餐，那就太好了!我們選擇午餐~半隻黑椒汁豬手配薯菜，豬手肉質很腍滑不鬆散，配上黑椒汁十分惹味。另一款下午茶~喇沙肥牛湯檬粉，雖然說下午茶，但份量像午餐的份量，喇沙湯非常清香綿密，重椰奶香味，肥牛肉也有六條之多。羅宋餐湯一點都不馬虎，頗多蔬菜、有濃湯的質感。我們也嘗試凍和熱的星洲咖啡，我嘗試一口熱咖啡，巳經加練奶，所以是甜咖啡，挺可口的。我的凍咖啡是齋啡，星洲的齋啡有獨特的回甘味，有清爽口感，而且沒有像港式齋啡的濃濃澀味道。

海濱匯嘅餐廳大多6pm就收, 尤其疫症關係, 甚至有餐廳做完午市就收鋪, 即使開OT都無啖好食。知道今晚要夜走, 就早啲去買下午茶醫肚。下午茶泰式清湯粉麵餐: $35雪菜肉絲拼雞翼烏冬 - 整體嚟講, 無論湯底或配料都比較咸, 而且得一隻雞翼比較過份。湯底方面唔好期望有泰式風味😂只係一般茶餐廳雙拼麵湯底。值得一讚係餐廳免額外收費轉烏冬, 而且烹調時間控制得唔錯, 軟硬度適中有口感。不過下次有得揀都會光顧番翠華下午茶, 性價比較高!

有冇人知道呢間野嘅公司投訴熱線？最憎就係食餐飯都要受氣，呢間野裝潢幾好都浪費，d員工質素奇劣!話說今日lunch因為我2點幾要去開會，咁就遲少少食啦，同兩個飯腳去左呢間野食飯，咁佢地就想食Tea嘅，同埋都想傾下偈咁。一坐低，本身間舖都話坐晒人嘅，咁我地都問一問個侍應係咪2點先有Tea,我地1：40入席。咁侍應話：係呀2點先有下午茶，但係呢，你地而家入席就當係午餐價，無得叫下午茶。我地係入席開始計。咁我兩位同事就問：即係我地坐到2點都無得點下午茶？咁果位侍應係話：係呀，唔得呀。咁我地就話：咁點左個午餐先啦，食左先然後侍應幫我寫左之後就remind多次：之後無得點下午茶架。咁我兩位同事都話：無得點未唔食囉。然後侍應就離開左，隔左一陣，我地傾左一陣偈，同一個侍應就返轉頭問：你地係咪只叫一個餐呀？如果只叫一個餐，之後都無得點下午茶架。你同唔同意先？然後我就話：你頭先未講左囉？你又返轉頭講第二次？我地ok架啦，唔點下午茶。之後個侍應好似唔likey咁，佢就話：我地呢度唔係foodcourt 呀....咁我一聽到佢講呢句我就話：咩叫唔係food court呀？我地入得嚟食緊係知你唔係food co