香辣屋 (已結業)

聽人講得多. .呢一間餐廳D野食色香味有齊~ 所以我同女朋友就去試下啦~ 點知一入到去~ 個feel 好正~ 好有特色~ 我同我女朋友食左一個Seafood抄飯~ 海鮮雖然食得出唔係新鮮~ 但係D飯抄得好香~ 一個細冬陰公湯~ 正!! 真係未飲落去都已經知到好味~ 聞到個一種香味~ 飲落去唔太酸.. .與Spicy 既味剛剛好~ 正! 兩個芒果糯米飯~ 我係泰國街邊食過後就迷上呢一種甜品~ 但係係香港好多地方食都唔係太好食~ 去呢一間野食既味道拍得上係泰國食既~ 甚至更好味~ 只不過泰國用既料比較便宜~ 有特色~

唔算好多人，可以坐幾耐。冬蔭公唔錯，四個人一個細的已經好夠，但記住叫小辣，有次辣到飲唔到。豬頸肉好食，但蝦餅就唔叫都得。馬拉盞抄通菜好好味，好香同惹味。我不太喜歡吃這裡的主食，偏甜同有青豆，但我O的FRI好鍾意。斟茶斟得好快，非常好。

呢間都食過幾次，一般食品都唔錯，但例牌叫的冬陰公D 蝦居然霉，唔合格！青咖哩小辣就會有小小甜味，加埋蒜蓉包就perfect。都唔算好旺，招呼都ok。

其實我一路都有胃痛，太辣太酸既野我就好少食，所以泰國印度帶刺激性既菜我比較少食。不過香辣係我去得最多次既泰國野，第一次可能唔知點咩好，不過試過就知其實佢d野有辣有唔辣，唔食辣既朋友都可以有好多選擇。最近一次係年初二同4個朋友一切，果日個場爆哂，不過因為我地食煙唔駛一分鐘就有位啦。點左幾個菜：頭盤手撕雞檬粉生菜卷，一客例既海鮮冬蔭功，星洲咖哩蟹，印尼海鮮炒飯同肉鬆蝦醬炒飯。海鮮冬蔭功($40-80記得)同星洲咖哩蟹($130)係一定要試下既菜，冬蔭功係辣既，足料海蝦青口魚肉富海洋口味，不過我勉強都可以飲到一碗；至於星洲咖哩蟹(又或者可以選蝦)足夠4-5人分量，唔係膏蟹，不過d汁伴飯一流，你會發覺佢唔係好正宗既泰菜，只可話係似fusion東南亞菜式，不過佢優勝既地方唔係一味靠辣，係每菜式都富有獨立既味道同風味。當侍應走埋黎問你要茶定凍水時會發覺佢地大部份都有d 似東南亞既人..^^不過等菜既時間耐左d，可能果日太多人..

上個月跟中學同學聚聚，還有曾任教的老師，一行10人，原先打算去酒樓的，但因為冇訂，恐怕要等成個幾鐘都未有得食，所以便到這裡。這兒環境幾好，暗暗的，若不是開放式，行人來來往往的話，應該會幾浪漫。是晚點了八個菜︰其中最印象深刻的是青木瓜沙律、什錦炒粉絲和馬拉炒什菜。個沙律好爽口，酸酸味味，好light、好fresh；炒粉絲夠乾身，少辣惹味；什菜的味道有點像用蝦膏同炒，i like it. 其他菜式也不俗，不過份量都幾細，最留肚吃飯後甜品。甜品選擇也頗多，不過我不太喜歡吃東南亞甜品，所以冇試，單看賣相，味道應該不俗，尤其是那個芒果棷汁黑糯米，大大份，淨看也飽了。

有錢都唔會食佢呀!地方好污穢價錢又唔合埋d串燒好o鞋d菜鬼咁多油喎點食呀這是整個新城巿商場最差的,我試過好多次諗住佢會有改善,點知都係好失望rr間間分店都一樣,too bad

油酥餅，即叫即做，用來點咖喱蟹的咖喱，味道好夾，結果叫多一客，放棄了原本叫白飯的念頭。反而咖喱蟹就一般，d蟹好像少了一點。叫了半隻雞(好似是海南雞)，雞肉嫩滑，4人share就唔多夠。炸蝦餅，彈牙，好。豬頸肉、炒通菜，資素中等。炒粉絲，水準以下，油。甜品，要了蛋花大菜糕，雖然10元2件有點貴，但個味較得好好，唔太甜，又軟硬適中。

今晚同女友兩個黎食晚飯：1. (梅)肉蝦冬陰公(無香矛??)2. 無翅無料煲仔翅($78!)3. 奀之之酥餅($20得3小片, 仔碟就大)4. 沙田柚沙律(Pomelo salad)都ok5. 細細兜青咖哩雪味雞6. 搵笨白飯x2(只吃了一碟飯,但係經理話係以人頭計!)飲左兩個湯，同埋個沙律都幾好，都算醫左個肚，埋單$288另外註場重有個promote姐姐話可以join 會籍"我老細有好多間餐廳，有xxx、有xxx、有xxx，可以有折，送紅酒等等"(再培訓: 我地"公司"....會好d)都好似幾吸引，若果你成日黎呢間集團d餐廳消費。

今晚同男友0係到食晚餐,叫0左3個菜一杯楊枝金露,總共$18x,都算合理~我地叫0左個泰式炸春卷,燒牛肉沙律,青咖哩雞.個炸春卷一般啦,有4條,都几多,但似港式春卷囉,佢都唔係用泰式春卷皮0既.反而個燒牛肉沙律好得,酸酸地又辣辣地,既醒神又開胃~d牛都几好食,唔韌,又燒得好香~青咖哩雞一貫水準~不過細碗0左d,我同男友2個人食岩岩好,多d人食一定唔夠.我地叫杯楊枝金露時,waiter話冇芒果架喎,我地話好,結果上台時,杯野直情係一杯red grape fruit juice,唔似楊枝金露,只似柚汁...不過都几好飲,唔會好滯~總的來說,今餐都几得~環境又唔差~我地仲有卡位坐~早去又唔洗等位,食得開心,坐得開心,傾得放心~正!

尋晚繼續係沙田開飯。星期日沙田真係超超超多人!望穿秋水,企到腳軟終於有位!雖然不斷被人詢問,門口位接待員小姐仍然有禮回答問題,讚!!食物價錢係偏貴size又唔大,選擇唔算真係好多,但質素都還可以,菜式如店名一樣--香辣;上菜速度都算快,炒通菜同炒貴刁好快到。燒豬頸肉、燒雞配糯米飯好香口;咖喱雞好冬蔭功香味,撈飯一流!!釀魷魚筒有兩條魷魚,入面釀左d好似豬肉,都好味!!

現在的香辣屋比以前小了一半有多，因為隔離阿拉麵館佔的比例好大，又唔比將檯放置店外。不過比起阿拉這裏的確少人好多。今次點了CITIBANK卡戶優惠套餐，幾抵食，$245便包括以下菜式：蝦餅豬頸肉和沙爹雞的拼盆、冬蔭公／肉骨茶兩客、咖喱蝦、辣茄子／泰式炒雜菜、青咖喱雞／牛／豬、印尼甜品和兩杯泰式飲品；那個肉骨茶好清但係味濃，不錯，使佐吃的油炸鬼特別好味；除了青咖喱牛的牛肉較'UN'外和印尼甜品唔合香港人口味外，其他都保持一貫水準！不過這套餐已在星期日截止，下次無得食了！記緊Request卡位比起其他位舒適得多。

舊同學生日黎呢度食飯慶祝.叫左幾個菜, 有魚有肉有青菜. 味道幾濃, 不過好似油左d

同同學聚餐黎食過,叫咖哩雞配薄餅,但唔知點解呢間d薄餅唔太香,只覺好油...好似唔太掂另外叫個爐魚,條魚都唔細,但個火燒極都唔滾,其他野差不多食完佢都唔太滾....叫d侍應黎睇整黎整去都唔掂.等左好耐小滾啦(我地大滾),一試個湯唔太掂,好鹹,可能煮太耐....又好酸,百几蚊一條咁0既質素...覺得唔抵.囉....我番屋企人邊打0既爐自己整仲好食好味!

試過兩三間香辣屋,個人覺得間間都唔係咁掂,但呢間算係當中既表表者,啲 嘢好難食,無乜人都等N 世,環境差,又污糟,服務差,極不濟。

ｄ野食既質素同我屋企附近果間泰國餐廳差唔多～但係份量細啲～價錢就反而高左～～唔掂！！