香辣風

營業中

休息中

同朋友一齊尼試下，我地晚上6點幾食，冇咩人，但到左7/8點就開始多人啦。地方唔大，目測7-8張枱左右，有4人枱亦有2人枱。但唔會擺得好逼。有個朋友唔食得太辣，所以叫左小辣，但發覺酸菜魚叫小辣真係好似唔夠，可以再辣多少少會更惹味，但魚肉出色，又滑又大塊！仲大大兜！好似食極都有咁👍🏼👍🏼野食即叫即整，而且都幾快手，我地叫完野食，等左大約10-15分鐘就陸續有菜式上枱，效率唔錯。叫左4道菜、一個炒飯，炒飯就正正常常，不過不失，另外叫左兩枝啤酒、三枝烏龍茶，埋單$648，我地4個人食，呢個份量亦剛剛好，清哂野食，覺得呢個價算抵食！可以再幫襯！

完全貨不對版，皮蛋係俾張相吸引先叫，點知份量同張相差幾倍，孜然炒羊肉，變左洋蔥炒羊肉，成盤都係洋蔥咁滯，羊肉硬到呀媽都唔認得！洋蔥炒羊肉咩玩法？張相完全無洋蔥加喎。

🥇抵食大大盤酸菜魚🤤🤤.小店經營，即叫即整既酸菜魚😍唔好睇張相咁清就以為冇味😝個魚白湯小小辣又唔過酸，非常好飲，飲完冇好好口渴👍🏻係啲魚就多骨啲😂慢慢食🤪冇得大口大口咁吞🤣🤣但個湯真係好吸引我老人家咁遠水路都會再入黎😝宜家就已經好想再食喇！.另外叫左個酸辣粉就正常程度，下次試其他😝成餐飯冇加一又大份都算幾抵食🤤.

呢間係我食酸辣粉嘅至愛，耐不耐我都會掛住。得罪都要講句，其實唔會感受到佢好乾淨，但我都仍然間中一頭幾個月特登去食一食🙃，因為佢嘅酸辣粉真係我食過最好食。佢嘅餸份量非常之多，今次叫咗魚片、魚皮 同午餐肉，佢嘅肥牛都好推介。今次都係一如以往嘅味道，坦白講佢嘅花生同埋魚皮都唔會感覺到佢好新鮮，但係呢一個酸辣粉點都要來試一試，誠意推介。

鍾意食辣嘅我， 好多食辣嘅餐廳我都食過呢間都唔錯辣得來又有啲刺激味道好入味每碟餸嘅材料都好豐富大家可以試吓，仲有服務態度好好好好客，感覺好溫馨好溫暖冬天食一定好正

第一次幫襯，lunch time 去食叫咗個麻辣牛脷飯(小辣)，麻辣唔算好麻，辣度適中，小辣啱哂米線食10小辣嘅我。牛脷份量都幾多，每片牛脷薄薄的唔韌，幾好食!飯嘅份量都好多食唔哂，下次要叫少飯。係爭在飲品冇乜選擇，飲品另計，但只有啤酒、罐裝汽水，如果有杯凍檸茶就一流喇!$50 有呢個質素我覺得都唔錯~期待夜晚嚟試下小菜。

酸菜魚的世界🐟究竟有幾中意食酸菜魚中意到要介紹晒比身邊所有朋友食😂涼拌萵笋絲😋😋😋酸辣開胃酸菜魚🐟😋😋😋😋😋非常足料份量又多條魚又鮮又嫩三個女仔去食岩岩好紅糖糍粑😋😋😋😋😋煙韌脆口重點係勁大碟都係$38！平民價錢又高質🤤

一直食開高水準川菜，但呢間川菜酸菜魚好普通，一D都唔好食，夫妻肺片唔夠正宗、辣子雞好乾好難食、野生椒牛肉炒得生、上菜時間好慢，服務好差，同區有更多高質素川菜,不需要再幫襯呢間食物水準差，服務態度不好的川菜👎

四川盆地氣候潮濕。留傳至今，仍會以花椒入膳，去除積聚於體內既濕氣。麻辣亦因此成了四川既代表。因為身體狀況，已戒食辣野好一段時間，所以不敢嘗試水煮野。只叫了以下菜式淺嘗過癮😆陳醋黑木耳： 去大陸一定會食到既前菜，不過係香港就要比錢點先有。 都是那熟悉既陳醋味，唔會好酸，亦唔會好辣。 配埋芫茜食，好清新，好正。 但芝麻有點多，令黑木耳有點失色，但仍然above average.酸辣土豆絲： 可以走辣的。我叫既就係清炒。 薯仔絲無炒過火，仲好爽口。醋既份量啱啱好，唔會令薯仔絲太酸而不能入口。 由於要令薯仔絲唔痴鑊既關係，師父落左好多油，要減肥同腸胃唔太好既朋友們，少食為妙。😊辣泡牛肉： 已叫小辣，但都好辣！😵😵🤧一邊食一邊叫救命，但朋友完全無反應，仲食得津津有味。牛肉軟滑，但略嫌醃得太犀利，有少少La口感覺。 不過加左芹菜配埋牛肉進口，成道菜既層次立即提升。 食得辣既朋友，呢個會係推介之一。總分：8 out of 10. 😋喜歡辣既，要去試下。

今日同朋友去朗屏食酸菜魚😁😁上網openrice睇其實元朗都有好多間 最後揀香辣風 平時少行元朗就要搵一輪入到去都有好多野食可以揀 有雞煲 酸菜魚 水煮魚 涼拌小食 小菜等等 我地揀左酸菜魚 孜然牛肉 手撕雞同酸辣木耳上菜啦終於 啲份量都好足 算好大碟 有驚喜既就係孜然牛肉 個味都好好食 但啲牛肉就碎左少少 有啲難夾就扣左少少分手撕雞同木耳都ok幾好食酸菜魚就爭少少 賣相都ok但就唔係太夠酸味 但啲料都足既總括黎講 環境都幾舒服 價錢都唔貴(3個人400蚊) 又叫左野飲同飯 有機會再黎食其他

近年內地興起食酸菜魚既餐廳 大家都試唔小 今次就來到朗屏 水邊圍邨附近既香辣風 主打酸菜魚同水煮魚既川菜館餐牌除左主打食魚 重有唔小涼伴小食 種類都幾多我同朋友4個人食 今次我地就選擇左酸菜魚 （小辣 ）*順便一提 辣度可選擇 唔食得太辣既朋友可以好似我地咁 選擇小辣-份量好夠 可以加配菜 -魚質感幾滑 可惜我略嫌覺得都幾太骨 唔似大陸太二 啖啖肉 但可以接受既-可能因為小辣 我覺得味道唔夠濃 最後我地就叫左個小菜 清炒萵筍絲 幾清甜爽囗 我覺得幾唔錯

有朋友以前黎食過水煮魚而推介呢間餐廳，今日同幾個朋友唔食麻辣水煮魚，就試下另一招牌既酸菜魚啦！今日一行4個都係女仔，叫左一窩酸菜魚加左幾款配菜。一黎到已經覺得份量十足，勁大窩！果然，我地4個食完一窩之後真係飽到上心口，但一人只係$100都唔洗！抵食😏👍🏻👍🏻👍🏻酸菜味道唔算好濃，我地叫左小辣，平時唔係好食得辣既我都接受到，鐘意食辣既朋友可挑戰中辣/大辣🤭魚片好滑👍🏻不過比較多骨，如果想食啖啖肉既朋友就未必鐘意喇👎🏻🙁

想食辣，通常都會諗到呢間。街坊價錢，大大份，老闆nice。不過近排味道有啲飄忽不定，辣度都係。之前食過水煮魚以外既口味，都係鍾意食返水煮魚。一直都係叫中辣，以往都ok辣，今次食，我同朋友都覺得唔辣同冇之前好食。希望水平可以keep返之前.....

之前新年男朋友想帶我黎食水煮魚☺️不過可惜未開🤔 而家過左一排 終於可以黎食啦🤗🤗由於夜左d黎食 所以我勁肚餓🙈🙈😂 黎到都仲要等5-10分鐘先有得食😭男朋友就忙住要安慰肚餓既我🙈🙈😛唔食太辣 所以我地叫左個酸菜魚💁加冬菇💁手撕雞💁仲叫左支獅威🙆‍♂️🙆‍♂️🙆‍♂️男朋友一直都話個酸菜魚既份量超多 成日嚇人🤷‍♂️好啦 我承認係好多下既🙆‍♀️🙇‍♀️ 一黎到就聞到酸辣味囉🤤🤤🤤試啖湯先🤤好正🤤🤤一開始覺得唔太辣 食落就越來越辣😝😝 但辣得好過癮好好味😋😋飲杯啤酒解下辣 爽😙😙乾杯🍻🍻講翻先！個魚好滑！！！又厚身 唔係魚片黎 好多魚肉😋應該係成條俾哂你架！所以份量不容置疑！！食落啖啖肉🤤多數骨都幾大條既（我地兩個都中意食魚既就更加唔怕💁） 入面仲有好多芽菜酸菜！我地加既鮮冬菇吸哂d湯好惹味 但仲食到鮮冬菇既香！😋😋都值得推介！個手撕雞其實我中意食青瓜多d fresh d又可以解辣嘛🙈不過佢味道都整得幾香既 但我覺得油左少少 男朋友話早知叫青瓜都得啦😂😂😂食左成八個字😂終於食到個魚七七八八🙈勁飽🙈下次無咁肚餓都唔好兩個人黎食🙉三個人會好少少☺️☺️價錢就唔好問我點計啦😂佢RMB餐牌我都唔識睇🤷‍♀️不過埋

2017.02.26 😊啲排天氣涼返 就最岩食個熱辣辣既雞煲 🐔今轉就由b仔帶路 去左元朗搵食E..一行到啲間門面其貌不揚既舖頭我塊面黑曬 🙁 咁似啲大陸舖頭嫁 會唔會食柯人既然係b仔既誠意推介 算啦就陪陪佢食一次啦小店的舖面不算大 只有數張枱 坐位都唔算寬敞牆上就掛著我話有點強國feel既餐牌🤢有水煮... 椒鹽... 款式都算多雖然當日天氣超涷但等位既人潮卻一浪接一浪當日所見 客人都是叫水煮野多😵我食唔到太辣 就只好叫左個雞煲同小菜啦奇味雞煲 (細) $138由於係即叫即整 制作的確需時我地都等左一段時間雞煲一黎到 勁香 原來雞都已經係差不多全熟了只需要等一會兒就食得🙋雞肉挺嫩的 配上預先調好的蔥蒜 十分惹味炸腐竹 $27小店除左一般的打邊爐料可加外仲有一樣非一般法寶 一出現全場嘩然啲度既腐竹都係即叫即炸大過你塊臉 唔會碎碎 仲要係量多😙小妹見識少 係咪要講返句食到真係夫復何求啊😂經過研究後 有個神秘好食法不要將炸腐竹浸在雞煲內太耐 會韌掉最正都係好似食緊炸魚皮咁浸一浸食起上黎脆卜卜 又冇咁熱氣土豆絲炒腩肉 $58想信土豆冇人會唔like小店將土豆切到細細一條條絲 配上薄切腩肉兩樣