馬丁王越式法包 (已結業)

今日好想試越式法包，專程岀去佐敦。我大約1130到，無人等緊，我睇左兩睇餐牌，決定試烤雞法包 (英文係grilled chicken)。我企係counter前，店入面兩個員工一路傾計，無視我存在。等左陣，我就叫“唔該”。佢地都係聽唔到。 等多一陣終於見到我。我就叫半個烤雞包。店員之後好快咁講左一句野，我聽唔到，以為佢同另一個店員講野。佢突然好唔客氣咁同我講：“辣椒，莞茜要唔要啊！”態度真係差我話唔要辣椒。跟住就見到另一位店員將雞條係盒到拎岀黎放入炸籃。乜唔係烤架咩？！點解英文寫住grilled ? 算，難得黎到就試下。等左5分鐘，有啦！望下個包，好多蘿荀絲！咬第一口，咦！有沙律醬………我就唔太鐘意……雖然係咁，個包因為有越式甜酸汁，令個包唔錯！而且法包脆卜卜，幾好幾好！可惜1.服務差，2.炸雞，3.有沙律醬，我下次都係去另一間試下好了……香港唔係得你一間越式法包

偶爾經過發現呢間越式法包店 好像有點好評 價錢都OK 就賣個迷你的試下有4種餡料可以揀 我就揀左最有越南feel(好似係)嘅set A餡料有 肝醬 札肉 腩肉 燻蹄 豬肉絲蘿蔔 番茄 青瓜 同酸蘿蔔絲 店員亦都會主動問你要唔要芫茜 算是幾貼心雖說係迷你size 都有美心果啲長型有餡包嘅長度啲咁都幾多 擺得滿滿的幾吸引 不過如果多啲肉類小啲酸蘿蔔絲就更好 宜家從外面睇唔倒啲肉😂味道方面 我未食過越南嘅越南法包 都唔知呢道正唔正宗不過係幾清新幾好食的 而且好多蔬菜感覺好健康☺️

見有法包食所以專登去佐敦試下，門口有餐牌大大隻推介，等幾分鐘就有，門口又有凳仔俾你等幾好。不過我覺得不夠脆蔔絲不夠酸，仍然覺得添記的比較好食。價錢適中大大個，都夠飽

If you are looking for something fast, go for this little store that sells baguette. But I would highly recommend to grab a drink outside or in the store when you decided to try the baguette because the baguette is quite dry. If you are new to this food store, I recommend ordering half rolls but in different flavor. I went there with my friend last time. Each of us order a different flavor of the baguette though the total cost is a little higher that 1 whole roll.The quality of food is okay but

有時食到一啲好味嘅食物……佢嘅味道係會令人久唔久心郁郁又想再食再encore...呢間越式三文治店就係其中一個…見到呢間匯款店再直行就到架喇...同其他街鋪一樣，呢間鋪頭門前有一級樓梯...一般電動輪椅使用者係冇辦法入到去嘅…但其實都無乜所謂...因為店舖唔大…門口位置亦只有一張枱同櫈俾人坐喺度食嘢…所以好多人都選擇外賣又或者直接企喺門口度食...呢間食店有賣越式小食、檬粉、飲品...但每次嚟只獨沽一味食三文治...因為暫時仲未食厭而騰出空間食其他款式食物 =p選用香脆法包係越式三文治嘅一大特色...呢度嘅三文治有3種size: 大($71)、小($38)、迷你($21)次次嚟都只會食皇牌熱賣果款...餡料有: 肝醬、札肉、腩肉、燻蹄、肉鬆、蕃茄、青瓜、酸蘿蔔(好夠酸！)、芫茜...再加辣椒(堅辣)...好食架真係 味道集合咗惹味、清新、醒胃、香口、刺激...食一個都好飽肚！哈...見有食客專程嚟買呢杯青檸梳打...又跟人飲...味道一般啦...疏打唔夠汽...下次都係飲返佢嘅凍越式咖啡...呢間三文治店隔離有間小食店...見好多人都食腸粉...口痕痕又叫埋一份..佢個麻醬好香好食呀

近七個月以來，因為脊椎毛病每隔幾天就要覆診，常在佐敦恆豐中心周邊出沒，少不了要在附近覓食。就在轉彎的位置，原本看到有間腸粉店而走過來，反倒被它旁邊的越式法包店吸引住，後來更常來光顧。這裡主打越式法包，共四款選擇，份量可選原條、半條和迷你（即是 1/4 條），坦白說價錢是有少少肉赤…不過最重要是好吃，也算值得。BCD 除了蔬菜配料外，都只有一款肉類，怎樣看都是招牌 A 包比較化算。廚房很小，下單的櫃台後放滿配料，下單時可選辣或不辣。店員將材料夾好後會將法包放入焗爐裡烘熱。【馬丁王正宗越南法式三文治】（港幣 $71 / 全條、$38 / 半條、$21 / 迷你）招牌法包有肝醬、扎肉、腩肉、燻蹄、豬肉絲、番茄、青瓜、酸蘿蔔絲、芫茜、辣椒，材料非常豐富。帶著微暖的法包，表層香脆，中間仍然柔軟不太乾。才剛咬下去，就吃到塗滿法包內層那很香的肝醬味道。中間夾著軟腍腍的扎肉、腩肉與燻蹄，味道層次豐富。蘿蔔絲與青瓜份量多又酸甜惹味，加辣更香口得多！真心非常好吃，自此「半條招牌 A」就成為我每次經過都常買的食物。偶爾想試試 BCD 但還是 A 最吸引啊…想吃法包也能選擇蕃茄燴牛腩或咖喱雞肉，都配半條法國麵

超鐘意食包既我，無心插柳甘經過佐敦，見有越南法包就梗係試下，選左迷你版1號最多人推介的，真係比我在越南食的更好食首先會先問你要唔要芫荽同辣椒，當然要重要多，之後就即整，Oh,法包入面有好多料，有鵝肝自家酸瓜肥肉，夾埋真係好滿足，但下次唔可以加太多辣椒，因為真係好辣！不過有D可惜係佢只可以外賣，冇堂食！姐姐話下次黎，叫我試豬肉條法包，好！一於下次再食！

食評不俗，想試好耐，就係無機會，今日太太經開，買左燒豬頸肉越式法包比我試！雖然唔係新鮮即食，但法包依然香脆，又唔會乾都咬損口…酸菜份量足，甜酸度亦都唔錯，但個豬頸肉就麻麻地，無燒既感覺，唔香口，反而有水煮或蒸既感覺，感覺唔良好。好彩醬汁味道可以，算係不過不失，不過有少少失望難免！

This place has the best banh mi in HK, and even beats the ones I've had back home on the east coast of the US (which doesn't compare to west coast but still).The shop is just a storefront counter really + 1 tiny table for 2 they managed to squeeze at the entrance. It's very clean and neat looking though, and the menu is very clear.BF and I ordered a small grilled pork sandwich and a small vegetarian meat sandwich, respectively ($36 each). The 2 ladies at the stand knew minimal English but we com

小豬最後轉校去德信幼稚園，先發現德興街原來都多野食，見到「馬丁王」個名咁熟口面既，好似之前飲食男女有見過但冇特別去搵食，既然有緣，就試下啦。下午1點未見排隊，但等包期間都一路有人買外賣，鋪頭有幾個位可堂食，鋪頭有3個姨姨負責，廚房都大而乾淨。包食得多，越式法包都係第一次食，但外賣既都係叫撈檬既😂揀左雞肉，細size,lunch hour都冇set😱淨包都$38，加水同可樂加$4，加凍檸茶要正價$14買😱😱😱加埋$52，貴wo,不過好食都冇所謂....之但係....法包的確好軟熟好脆，頭幾啖都唔多覺雞肉既？原來叮屎咁細舊，大開睇同青瓜一樣粗幼既「雞條」，大量既酸菜真係吃不消，食到尾打開個包拎條「雞條」食，冇乜味😰 $38真係唔平，subway食都唔會咁少肉，咩事，食到尾酸菜頂唔順，係咪我叫錯，應該叫其他肉會好d?$14既凍檸茶可以唔使叫，茶味欠奉。等包期間見到有小豬最愛既蝦片，啡色較濃味，少少辣，白色唔辣冇咁濃，買左啡色試下，幾好味，好彩都有野好味。

等了10min左右，熱騰騰的法包到手了。法包烘得外層香脆，內裏仍保持軟熟，夾着嫩滑的雞扒肉、酸蘿蔔絲、青瓜絲、芫茜等，集鹹、酸、甜、辣於一包，味道卻和諧得很，整體juicy, 不會過乾，是不錯的。

本人愛吃法包，因為喜歡吃硬麵包，這間是越南菜，fusion菜式我很喜歡，我選擇了正宗越南法包最短的$19，其實已經夠了，因為涵料很多，也夠吃，價錢不算貴，如果是普通有涵的法包一個也會賣上$5x，這裡$20元有找，平民美食，味道更有驚喜，喜愛越南的扎肉加上酸的汁，包也烘得脆，很棒，支持這些小店！

經過總是見有人排隊 一直都想試試 因為有最愛的法包同越式合併 點可以吾試！ 終於係星期六放工後去食！ 一去就揀左最愛的豬頸肉~ 去到吾算多人 等左約十分鐘內就有！法包暖暖 外脆內軟 好食！分量適中 可以接受法包內有好多配菜 多到肉都差d揾吾到 不過配菜好好食 是醃過的越式酸菜加埋芫茜真係 生色不少 下圖為食材的分報圖 酸菜佔地為三分二 肉佔地為三分一 (請原諒食到一半ge相 XD)豬頸肉佔比例雖然較少 不過分量其實足夠但豬頸肉食落豬味太濃 而且沒有醃過的感覺 是咁大的敗筆……建議可以試其他肉類

年三十LUNCH想去試,但佢冇開放完假初五一返來就要去,有開,好野同同事一齊去,去到門口,有點驚訝個招牌門面都好吸睛,又放晒易拉架咁其實包佢主要有4款,原條就$69,半條$36,迷你$19門口有幾個人企響度食,邊食邊吹水,又同鄰店吹睇左陣,有位女士食住包叫我試,猛話好味,另一位又係食住包叫我試猛話第一次要試A最後一齊揀A,佢收我地原條價錢再幫我地CUT一半,太好了店員問要唔要芫茜同辣,要!再望下店內D相,女士原來係老闆HAHA!A係馬丁王正宗越式法包,入面有肝醬,札肉,腩肉,燻蹄,豬肉絲,酸蘿蔔,芫茜,蕃茄青瓜個紙袋好靚啊有D唔捨得掉,返到公司先食,一開原來豬肉絲係豬肉鬆欣賞佢個酸蘿蔔絲好開胃D辣係辣椒,有少少似泰式果種其他配料好夾個包拎到返公司都凍左喇不過一定都唔硬好夠汁唔會太乾肝醬有D少,唔係幾食得出直至差唔多食完眼望到有夠肝醬物體先諗起佢不過午餐有少少唔夠飽,加野飲要另加$14咁咪成50蚊個LUNCH!

這日在佐敦，想食個簡單一點的午餐。食個越式法包也好呢，於是來到恆豐中心後街這間小店馬丁王。餐牌都貼在牆上，越式法包有4款，分別是：「馬丁王正宗越式法包」，「燒豬頸肉越式法包」，「燒雞扒越式法包」和「燒豬肉條越式法包」，如果想食素的，可選擇「越式素包」和「素扎肉」。全部分3種份量，迷你＄19，半條＄36和原條＄69；跟餐所有冷、熱飲品＄14。另外還有2款只可選是半條裝的法包：「咖喱雞肉法包」和「番茄牛腩法包」，＄38。除了包類，也有檬粉和小食，飲品等。小店以外賣為主，但店的一邊都有張小枱和3張櫈方便想食埋至離開的人客。我就選了半條招牌越式法包外賣。付款時店員會問要不要辣椒，我當然要啦。法包即點即製，等了約5分鐘熱辣辣越式法包就有得食啦！根據店方介紹，「馬丁王正宗越式法包」用料有肝醬，扎肉，腩肉，燻蹄，豬肉絲，番茄，青瓜，酸蘿蔔絲，芫茜和辣椒等。我當然沒有那麼認真去點算各食材，只知道食起來味道和層次都好豐富，鹹香酸辣，法包焗得好香脆，的確好吃。下次食越式法包，又多個好地方了