影片
更多
2007-10-07
902 瀏覽
尋晚(6-10-2007 Sat)係女同事A結婚o既大日子,o係呢o度註冊同擺酒.晚宴o係9:00pm正式開始,菜色都大同小異:1.錦繡大紅袍(鴻運乳豬全體):皮算脆,但略鹹.2.甜蜜添貴子(脆果露筍蚌片玉帶子):似雀巢o既o野唔係咁好食,蚌片卻唔似蚌片,呢道菜一般.3.百花喜迎新(百花炸釀蟹拑):好熱,唔油膩,不過冇咩蟹肉,味道好淡,要點頗多o既甜酸醬o黎食.4.福祿伴瑤池(海螺蒜子瑤柱脯):其實有冇改錯名?一般瑤柱脯係將粒瑤柱釀o係瓜內,但呢個唔係o既?每人都分到瑤柱粒,螺片同一撮莧菜.三樣o野味道一般,而海螺片卻唔似海螺,似齋鮑魚.5.祝福緣天賜(金湯海皇翅):夠味o既,都唔駛加醋食.6.幸福包有餘(翡翠鮮鮑脯):一般啊7.豐收慶有餘(清蒸東星斑):呢個抵讚,條魚蒸到o岩o岩好,魚肉好滑,可惜冇伴上蒸o左魚o既豉油,否則應該更好味.8.喜奏鳳求凰(南乳脆燒雞):雞同南乳醬分開上,雞皮都幾脆,不過冇加醬都已經覺得夠鹹,雞肉唔乾仍滑,有少許雞味.9.鴻運福滿門(海皇燴炒飯)及嘻哈交響樂(上海鮮蝦水餃)擇一:因飽了,所以我毫不猶豫地揀o左後者,一碗兩粒o既水餃,皮夠薄,蝦亦夠爽口,可惜
1.錦繡大紅袍(鴻運乳豬全體):
皮算脆,但略鹹.
2.甜蜜添貴子(脆果露筍蚌片玉帶子):
似雀巢o既o野唔係咁好食,蚌片卻唔似蚌片,呢道菜一般.
3.百花喜迎新(百花炸釀蟹拑):
好熱,唔油膩,不過冇咩蟹肉,味道好淡,要點頗多o既甜酸醬o黎食.
4.福祿伴瑤池(海螺蒜子瑤柱脯):
其實有冇改錯名?一般瑤柱脯係將粒瑤柱釀o係瓜內,但呢個唔係o既?每人都分到瑤柱粒,螺片同一撮莧菜.三樣o野味道一般,而海螺片卻唔似海螺,似齋鮑魚.
5.祝福緣天賜(金湯海皇翅):
夠味o既,都唔駛加醋食.
6.幸福包有餘(翡翠鮮鮑脯):
一般啊
7.豐收慶有餘(清蒸東星斑):
呢個抵讚,條魚蒸到o岩o岩好,魚肉好滑,可惜冇伴上蒸o左魚o既豉油,否則應該更好味.
8.喜奏鳳求凰(南乳脆燒雞):
雞同南乳醬分開上,雞皮都幾脆,不過冇加醬都已經覺得夠鹹,雞肉唔乾仍滑,有少許雞味.
9.鴻運福滿門(海皇燴炒飯)及嘻哈交響樂(上海鮮蝦水餃)擇一:
因飽了,所以我毫不猶豫地揀o左後者,一碗兩粒o既水餃,皮夠薄,蝦亦夠爽口,可惜湯底冇落韭黃,唔夠香.
10.闔府慶團圓(合桃露湯丸):
開頭未食湯丸前,覺得合桃露冇咩特別,唔太甜,但食o左粒芝麻湯丸後再食合桃露就覺得好唔掂,竟然係苦o既.
11.雙喜福臨門(美點雙輝):
有笑口棗同紅豆糕,我都只係食o左粉紅色o既後者,唔太甜,魚膠粉落得夠,用叉子叉落去都冇散開,咬落去都唔會掉落o黎,OK.
食完都已經係11:25pm了,呢o度太隔涉啦,幸好一對新人都安排o左巴士載我o地到金鐘地鐵站.
服務:
尋晚應該係馬會要班trainee上實習課,大多數都由trainee提供服務,水準便拖低了.佢o地可以冇記性到問完個客飲咩o野,邊個客要咩,轉個頭就唔記得,根本就冇心去記.甚至可以冇問我要唔要飲紅酒就唔收水杯斟畀我,我係心諗要o既,不過我唔會同佢心靈相通咁嚇人o掛.@@”
侍應會將每道菜遞到客人面前過目後,便到枱邊o既小枱上分開12份,然後遂碟送上,咁樣就拖延o左時間.
主要負責我o地呢圍o既女trainee,每次serves我o地時都會依足規定講excuse me,但語氣似唔忿氣,畀人覺得唔係好想講咁. @@”
環境:
一流,玻璃幕牆望出馬場及豪宅群,夜景僅次於有熣燦o既霓虹招牌/燈飾,已經唔錯了.
而室內亦裝有多部電視,令坐得較遠o既賓客都清楚台上一對新人o既情況.
第一次入馬場,第一次有幸o黎呢個咁特別又咁靚o既地方飲宴,真係好難忘,可惜冇帶相機,嗚嗚……
在此再衷心祝福呢對新人百年好合,永結同心,,永遠都甜甜蜜蜜,因為你o地尋晚真係好開心好sweet啊,唔好畀佢停.
我亦好多謝佢o地邀請我,令我呢個星斗市民大開眼界.
張貼