影片
營業時間
今日營業
11:30 - 22:00
星期一至五
12:00 - 22:00
星期六至日
11:30 - 22:00
以上資料只供參考, 請與餐廳確認詳情
相關文章
出街食左幾日日本野突然好想食其他菜式，同男友去葵芳行街經過呢間韓國料理就一於試下。🥢一坐低職員就會遞上三碟，有泡菜、醃白蘿蔔、同芽菜。前菜都好大碟。🥢石鍋牛肉拌飯$98:有牛肉、紅蘿蔔絲🥕、菇🍄、脆肉瓜、牙菜、菠菜、蛋，材料睇落好普通，落埋隨碟上既韓國醬撈埋一齊，食落原來好好味。個醬似韓國大醬，帶甜但又有少少辣；啲牛肉唔肥好入味👍🏼🥢海鮮嫩豆腐鍋配飯$98:上碟時以為個湯鍋細入面唔會太多野食，但原來湯鍋入面成鍋都係，有青口、蜆、蝦🦐、菇粒、秀珍菇、脆肉瓜粒、蛋🍳、仲有好嫩滑既豆腐。調出黎既湯都幾鮮味，將成配飯倒落個湯度變湯飯，食完真係超飽。🥢餐廳仲有燒肉餐，價錢就貴啲，有機會會再黎試下。
繼續閱讀
餐廳有幾間分店，今次去咗葵芳分店，環境裝潢幾有特色😌🇰🇷特級牛肉搭配（$548）拼盤內有4款牛肉，二東刀紋牛排骨及韓國屠夫特選牛排都係韓國直送，前者加入醬料醃過，入口肉嫩好juicy，後者肉質相對較有咬口，肉味亦較突出；極級霜降肉及牛膈肌滿有光澤，前者入口軟嫩，油脂較重，後者肉味濃且帶嚼勁😌另配有韓式辣蘿蔔、生菜及特式醬料拌燒肉同食，醬料內有貝柱及蜆肉等海鮮，入口豐富且帶鹹鮮口感😌🇰🇷火焰牛油海鮮3+1鍋（$298）3+1鍋分別係指3類海、陸、空食材及1款湯，海類食材有熱炒小章魚及五花肉，陸類食材有熱炒豬皮及豬腸，空類食材有香辣無骨雞腳及辣炒雞肉，另配酒煮牛油海鮮鍋。店員先將酒倒入鍋內，並點火燃燒生蠔、蝦、蜆及青口等海鮮，及後加水與海鮮同煮成湯，即時香氣四溢，而海、陸、空3類食材均香辣惹味，充滿韓式味道😌🇰🇷Mango Sparkling Ade（+$50）芒果梳打內有果肉，飲落帶芒果香甜，配燒肉與鍋物，既清爽又解渴😌
繼續閱讀
我地一枱五人 間餐廳好多位 完全唔滿 我地想攞位十問九唔應 喺門口等左一陣先有人理我地 一坐低枱面樽水已經係空嘅 想要樽水都好似要乞咁 真係好差 價錢又唔係平 食物都係好一般 以後都唔會再去
繼續閱讀
燒肉最鍾意食韓牛，今次特登去「馬場洞烤肉專門店」食😙.馬場洞特選韓牛配雜錦烤肉套餐🇰🇷有1++韓牛肉眼190g🐄牛肋骨150g🐂韓國豬肩肉100g、秘製伊比利亞豬肋排肉100g🐖蒜香醬油雞腿肉及雞翼150g🐓1++韓牛肉眼肉肉質嫩滑，肉味濃郁🤤牛肋骨味道甜甜哋😗豬肩肉厚厚一層五花肉，板腱肉同肋條肉位置比較有彈性😆豬肋排肉肉質軟腍😛雞腿肉及雞翼調得好惹味👍🏻另外有雜錦蔬菜🥬菇菌🍄🟫菠蘿🍍.特選部位盛合🥩有大蔥烤豬腸100g🐷秘製豬皮100g、牛大腸50g、牛小腸50g、薯仔🥔翠玉瓜、菇菌💁🏻♀️內臟清理得乾淨😌鍾意食內臟嘅人士，可以一試😬.韓式鍋肴雜菜盛合🍲雜菜盛合有2串魚糕🐟金菇、冬菇、雞脾菇🍄豆腐、紅蘿蔔、翠玉瓜、蔬菜🥦將全部配菜放晒入熱湯煮🔥就變成豐盛魚糕湯😋.芝士紫菜飯卷伴生牛肉🐮生牛肉連埋芝士紫菜飯卷一齊🧀🍘變得容易入口☺️另外仲有小沙律🥗.小菜5款及醬料🥢有泡菜🌶️醃蘿蔔🥕醃菜、醃青瓜、洋蔥🥒🧅沙律、包飯醬、燒肉汁、法國雷恩牌原粒芥末籽醬🇫🇷韓國萬土里鮮山葵、英國馬爾頓海鹽🧂.韓式冰茶🍹.荔枝梳打🥤荔枝味道偏甜🥺.柚子梳打🍊酸甜清爽💦
繼續閱讀
依間野每個員工服務態度 語氣差到一個點，入黎食個飯好似得罪佢全家咁，送餐過黎每個都黑面 真係唔知想點，食物又一般 唔怪得堂食冇乜人，要幫襯既自己諗清楚係入黎食野定受氣
繼續閱讀