馬天奴咖啡 (已結業)

今日下晝6點幾去飲野, 入去冇人, 可以慢慢傾計, 叫左ice cappucino, 冇乜味道, 不過都ok o既。本來對呢間餐廳一路都冇乜唔好o既感覺, 點知當我地飲到一半o既時候, 女朋友驚見地下有隻大蟑螂行過, 即刻大叫同走開喇! 呢個時候有其他2台客, 個個都望晒過黎!咁我地就即刻同個伙計講, 叫佢攪掂佢先喇, 點知佢 (一個c9) 反應好慢咁行埋黎, 又話地舖梗係有蟑螂架喇, 同埋呢d 天氣都會多蟑螂出沒!!!!之後我地叫佢快d 打死隻野, 因為隻蟑螂仲未走! 佢繼續好慢咁又話要拎tissue先, 等隻蟑螂都走埋佢先番出黎係咁搵! 之後再加多句 "你地有冇諗過我都好驚架?" 我地即刻火都黎埋, 同佢講"隻野o係你間餐廳出現, 你驚都要負責架喇!! "之後我地坐得勁唔安樂, 拿拿聲走人! 點都諗唔到d 伙計可以咁o既態度去處理一件咁嚴重o既問題, 完全令人覺得佢地不負責任! 大家下次入去食野前請3思!!!!

新西兰鮮牛扒餐 - 牛扒本身幾唔錯, 可以一試芝腿治茶餐 - 正常涷咖啡 - 正常牛扒汁 - 嫲嫲地紅湯 - 普通過唔普通熱咖啡 - 正常, 但用紙杯上, 睇落 quite cheap侍應 應該係PartTime, 成日發呆　地方好坐, 夠寧靜係一個唔錯的吹水地方厠 所(又係上商場厠所)是次每人$65 茶餐和午餐

星期日去左食早餐,d野都ok..侍應態度幾好.不過好靜!

上次我同我個fd去左matino cafe食野,咁arm果陣係12點,轉左午餐,我叫左個雜菌雞柳長通，我個fd就叫左個鮮蝦意粉,不過d侍應態度傲慢,雖然笑笑口咁,但係又唔應人,我都唔知佢有冇落到單,咁咪同個fd係咁重複,跟住佢就行左去...之后d野食拎到黎..佢地一路拎一路搞佢把頭髮..喔...救命!!仲食得咩??!!我就頂唔順,我個fd就冇乜所謂,我潑開左面層,之後繼續食...我一路食就望到入面煮野食果件,原來上樑不正下樑歪,個阿叔一路搞佢個又濕又油既頭髮,搞完又用手抓d面,d菜就直接係個袋度拎出黎,又唔洗下先,無奈我都係繼續食,又食食下發現原來d碗係d侍應自己行返入去洗,佢就係就咁朗下水咁搞店....唉...搞到我好似食緊人地d二手差匙咁...跟住我同fd叫左杯咖啡同奶茶,咁大間咖啡店,沖出黎既咖啡竟然冇乜咖啡既味道,杯奶茶仲衰...真係好難頂...跟住我仲見到煮野果個阿叔用佢對手去抓佢個隔啦底..之後又再用手去娜咋意粉....好核突呀...我食左5個字倒...已經見到咁多"奇景"...其間個阿叔完全冇洗過佢對手..跟住我地招手示意要埋單..但冇人理我地...咁我地咪索性自己行出去

今日同2個friends,一行3人去食tea。初入到間餐廳，個環境都ok、我個friend 分別order咗芝士餅，1個藍梅味，1個係雲石芝士餅，我就食磨菇芝士飛碟。點知，個飛碟只是烘底芝士三文治。個芝士餅就好有問題，我個friend過咗2,3個小時後，就肚痛，重去咗2次。另外，食雲石個friend，都有小小肚痛。所以，呼籲各位去食必須小心。

今日早上11時到達將軍澳馬天奴食早餐,我等佐成10分仲都無人招呼.點搞?我見成間舖得2個侍應?又唔算好忙但都當我無到一樣.我見其他客入黎佢地都有招呼.最後我要舉手及叫其中一位,先至得,都無問題.食好早餐埋單時.1要親自出去埋單.2抓m時肥侍應張D大銀拋落個鐵盤到..好嚮,由果陣起我對馬天奴服務.好唔掂.要我比服務分就負4分.希望拒肥收銀自己學下咩叫禮貌0

這間cafe俾我地既感覺好貴，行經幾次都無去食到．後來有ｄ附近既住客都話，依家ｄ價錢平左ｄ，支持下喇．．．於是前晚打完波，一行六人就去食下喇．每人都叫左一個set dinner，南瓜湯：都幾好飲，雜菜湯：一般，加ｄ辣會好ｄ．兩個蘑菇雞肉長通粉，墨西哥三文魚卷，煙三文魚天使麵，蘑菇雞肉飯，羊架薯菜．總括黎講，都好creamy，些少”漏漏地”，個羊架就okey．最後，唔該五杯凍檸茶，一杯少甜and一杯熱檸水；全部都好似少左甜，無咩味，同個waitress拿糖水加．

應該開o左冇幾耐，見佢個舖咁鬼cozy，便入去試一下。要了一杯細o既hazelnut coffee，未來已嗅到好濃o既咖啡香，但一呷，咖啡味卻欠奉，只飲到好重手o既hazelnut syrup，看來店員們要勤加練習沖調技術才行！