影片
港鐵長沙灣站 A2 出口, 步行約5分鐘
繼續閱讀
電話號碼
23629982
付款方式
其他資料
加一服務費
以上資料只供參考, 請與餐廳確認詳情
食家推介
我未見過一間擠擁兩張圓枱貼埋一齊，我地放嘢喺張枱到都會影響到隔離枱，同服務員講無紙巾，佢叫我地攞隔離枱果d,到我地攞了，隔離枱就鬧我地攞晒佢啲嘢，又話我地放嘢上枱聲騷擾到佢，我當然好嬲，我就話返果個客啦，佢聲果d服務員完全唔過，等我地完左先走過黎推開張枱，一d歉意都無，我個位仲搞笑，每次有人行過，我就要起身讓位，我坐左10分鐘已經讓左3次，真心無位就唔好接訂位，我地唔嘈都唔話同我地換位，咁你換得即係有位啦，咁有點解要俾張咁嘅枱我地，真心嬲到我一家直接走唔食，佢就算幾好食都好都唔會再去食，真心未試過遇到有呢咁嘅事情。PS:我地同佢講緊嘅時候，我唔知果個女人係咪老闆，佢仲同其他熟客乾杯，真心無語
繼續閱讀
馬宮主主打四川菜，不過都有唔少其他地區嘅菜式，唔食辣嘅朋友都有嘢食👍 價位正常水平，好多都仲係雙位數涼拌花蛤 $79個汁偏淡，我地食唔出係咩汁，但係有少少日式青芥末味，個汁微鹹微甜，所以出嚟似日式汁水。花蛤嫩滑，整體調味欠奉，浪費咗重慶涼麵 麵可能係重慶原產？我唔識，因為麵質偏淋，我鍾意食爽彈啲嘅麵。而個汁醬真係好川味 輕麻中辣，再加啲香料同青瓜，好味、開胃又清新大盤花菜 原來係辣炒椰菜花同鹹肉，鑊氣夠，好彩唔多辣，味道充足樟茶鴨 $ 99半隻份量，我地後叫，要啲時間去煮，要等！外皮微脆，超級香嘅煙燻味，肉質好彈、唔乾唔肥，好多肉，全晚最好食雖然未到滿座，但係都好多人幫襯，亦唔少枱自己帶酒 / 叫啤酒飲，好多酒友同熟客，好熱鬧好開心
繼續閱讀
⭐️評分：4.5/5-雖然地點較偏遠，但絕對值得一試-✳️酸辣原隻北寄貝👍👍👍獨特創新食法以酸辣、麻爽風格烹煮北寄貝進一步提鮮北寄貝鮮爽，彈牙柔軟，有勁度粉絲金菇吸收湯汁檸檬的清新口味融入，滋味無窮-✳️炸饅頭 👍👍👍永遠的經典😍香脆的外皮，軟熟的內心沾上稠密黏結，濃縮甜度的煉奶有一份難以形容的香口回憶-✳️口水雞 👍沾上特製醬汁，香辣誘人-✳️椒鹽魷魚 👍炸漿香薄酥脆魷魚彈牙份量足-✳️清炒萵荀 👍清爽，粗身切割增加口感略為多油份-✳️牙籤羊肉串 👍香麻，下酒菜完美推介！羊肉調味略不夠入味調味停留在表皮未能滲入-✳️椒鹽豆腐內裡滑溜但外面炸層略不夠香脆-⭐味道 4.5/5⭐️特色 5/5⭐️環境 3.5/5⭐️性價比 5/5 ⭐️服務 5/5
繼續閱讀
有個好鍾意食川菜嘅朋友介紹，前身叫麗澄軒，今日特登過嚟試吓。叫咗酸菜魚（加錢轉左桂花魚），樟茶鴨，炒青菜，水果茶。酸菜桂花魚細份夠2-3個人食，魚超滑，酸辣平衡做得啱啱好，湯頭唔太油膩可惜入邊冇我最鍾意食嘅萵筍，同埋餐廳唔係用薯粉，用粉絲代替。樟茶鴨99蚊大大份，鹹香惹味，味道唔知點解有啲似豬手😂 overall 都幾好食,送啤酒一流。另外水果茶真心推薦，食完辣嘢飲返杯好解辣，裏面好多生果，真材實料，$45大大杯！餐廳老闆娘係四川人，口味一定正宗，價錢非常合理，都會再黎🌶️
繼續閱讀
今晚天氣寒冷，我地全家決定去食返啲熱辣辣🔥既嘢，聽聞長沙灣新開咗間主打正宗四川風味菜式嘅“馬宮主”，食材新鮮有鑊氣又唔貴🫢，今日就去試下先😆。店舖裝修明亮簡約又整潔，有4️⃣人卡位又有大圖枱，餐牌📔選擇都算多，有川菜、粵菜及特飲等，另有一張特價菜單，價錢更加實惠🥰。樟茶鴨 $99要讚一讚呢度嘅樟茶鴨🦆，首先顏色對辦🥰，外皮炸至金黃色😍，但又做到外酥裏嫩；肉香濃郁之餘，樟樹葉和花茶嘅香味亦慢慢從鴨肉🦆中滲透出來。欣賞師傅用回正宗嘅煙、熏、鹵、炸方法處理，強烈推薦💯。毛血旺 $169又稱冒血旺，係川菜中特色嘅名菜，一上枱血紅色咁🔴，阿女即刻嚇親😂，好彩我地叫左bb辣🌶，辣度阿仔阿女還可以接受。正宗嘅毛血旺會用鴨血🦆，呢度啲鴨血口感好似豆腐花軟嫩，鮮香完全冇腥味😍。加上牛栢葉、豬大腸、黑木耳、萵筍等配料，呢2️⃣日天氣咁凍❄️，食呢個菜真係啱哂😋。霸王辣子雞 $129細細件嘅雞件🐓(有骨🦴)炸得非常酥脆，加上大量辣椒🌶及花椒一齊炒，鹹香麻辣，非常惹味香口，勁好食🤤。金薯黑椒豬頸肉 $78豬頸肉🐖肉質爽彈有肉香味🥰，薯仔粒🥔表面炸得焦香，帶陣陣香甜蜜糖味🍯，十分惹味😋。椒鹽鮮魷 $129上枱大大碟，差啲俾佢嚇死😂，優惠價諗住俾渣嘢？年輕人實在太年輕了🤣，佢地仍然用上新鮮魷魚鬚🦑，加上炸漿薄薄的，所以外層香脆🥰，魷魚鬚質感彈牙有魷魚香味，真係抵食又好食😋。紅糖糍粑 $59粑炸得非常香脆😍，內層軟糯，點上清甜嘅紅糖漿及帶香味嘅黃豆粉。熱辣辣🔥軟綿綿又甜絲絲，食完之後勁滿足🥰。流芒先生 $36阿女最後頂唔順，所以我叫咗杯一芒果沙冰🥭俾佢，雖然個名叫流芒先生但就一啲都唔流😂，大大杯之餘，芒果味又濃郁😍。總括而言，餐廳由多年川菜經驗師傅主理，食物質素又正宗又有保證，而且環境舒適，真係值得回頭再試。
繼續閱讀
您可能會有興趣的...