影片
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
每次出深水埗，遇到媽媽要自己行街，兩個小朋友跟我的時候，他們就是最開心的了。因為他們知道，我一定會帶他們食好西。這次，一家四口既團隊在黃金商場附近解散，而我就帶兩個小朋友在食肆林立的福榮街找地方食中午飯。問了兩小孩的意向之後，決定鋸扒，於是，我們就來《馬得里餐廳》吃一個港式西餐。食港式既扒房，餐湯一定係紅湯同白湯。白既餐湯就是忌廉湯。有時叫忌廉粟米湯，也有時叫忌廉雞湯。而我們飲的，是比較甜美的出品。所以，應該是一個忌廉粟米湯。香甜，香滑，好味道。我就鐘情羅宋湯，這店的羅宋湯算是夠香辣，不過就欠缺了少少牛肉香味。而我就習慣落好重胡椒粉來喝這一個羅宋湯。因為，自我既感覺就係，落重胡椒粉，增強羅宋湯既辛辣感，才是羅宋湯的最美妙食法。午餐，當然一人一份扒啦。仔仔要的一份是西冷牛扒拚吉刑炸蝦。這雖然是一個非常港式的薄牛扒，但加了黑椒汁之後，把牛肉同豉油的味道變強了。蝦夠香脆，薯條也夠香脆，大人小朋友吃上此物，都會十分開心。我的是香煎雞扒配脆皮腸，配的汁，就是燒汁。雞扒是無皮的扒，純肉得黎又食得出雞肉的嫩滑。腸仔香脆，薯條當然也是香脆。而且，薯條沾燒汁吃，比起沾茄汁，更是可口。給阿女的餐，是瑞士雞翼配炒滑蛋飯。雞翼的確是啖啖香，啖啖甜豉油的甜美味道。而炒蛋也是非常的香滑。飯底雖是白飯，但吸收了瑞士汁同蛋黃汁，變得非常之甜美。食港式西餐，我唔會飲咖啡。同去茶餐廳一樣，餐飲會是一杯熱奶茶。而這店的奶茶，無論是凍或是熱的，都香滑可口，水準算是一流的。幫阿女叫飲品，而身為大哥哥的兒子就幫手點了一杯凍阿華田。這是一杯夠甜美的朱古力。小朋友飲品，夠香甜，已經是滿足。整體上不錯，牛扒雞扒都好，湯也夠美味，飲品也充滿香港的味道。之不過，這餐廳又同 Madrid 有什麼關係呢? 我唔覺餐牌上有西班牙菜啊。
繼續閱讀
今日同老婆去到深水埗食早餐， 見到呢間開咗好多年嘅餐廳， 諗住簡簡單單食早餐但係非常有驚喜🥰🥰我叫咗一個沙爹牛肉麵再配餐蛋牛角包， 太太就叫咗個 沙律蛋牛角包再配 雪菜肉絲米😊😊沙律蛋牛角包超有驚喜😋😋 又脆口 又有牛油香， 沙律蛋溝埋一齊 外脆內軟😍😍 好似麵包舖買嘅一樣好味， 牛角包再配好多沙律， 雪菜米粉都好高質😚😚沙爹牛肉麵就幾好食，😋😋細件嘅牛角包都幾好食我覺得呢間餐廳都好有誠意， 好少食到早餐有咁高質， 最值得一讚係所有員工服務態度都好好 所以下次都會再食🤩🤩
繼續閱讀
能夠在食肆林立的深水埗深受大家的歡迎，這間平民鐵板餐廳果然不簡單！### 鐵板日式鰻魚拼雞扒薯菜店員現場淋上特製的黑椒汁，瞬間在鐵板上沸騰冒出熱氣，香氣四溢伴隨著滋滋聲，最上邊是日式鰻魚，味道醇厚！第二層是好大一塊雞扒，口感也是好香嫩！### 燒肉汁煙鴨胸意粉煙鴨胸肉質細膩，散發著迷人的煙燻香氣，搭配上自製的燒肉汁，濃郁的肉汁在口腔中四溢，撈左燒肉汁的意粉味道也相當與眾不同，独特的風味讓人陶醉！### 卡邦尼炸蝦意粉份量很大，是別的餐廳意粉的兩倍多，兩條長長的炸蝦好誘人，外皮酥脆而內裡鮮嫩，意粉加了卡邦尼醬汁後，濃稠而又滑順，無與倫比的美味！### 薯蓉焗田螺香滑薯蓉上是田螺肉保留了海洋的鮮甜，肉質緊實且富有彈性！羅宋湯好開胃，還有甜品芒果果凍送，真是好sweet!
繼續閱讀
今日黎平民美食區深水埗揾野食，見到呢間餐廳人山人海，望下原來係食鐵板餐咁多人食應該點都唔會中伏一於試下佢鐵板餐係主打，牛扒有4款，仲有一款好特別就係佢竟然有鐵板和牛漢堡扒配飯今次先試懷舊鐵板西冷牛扒配薯菜，點完餐好快上左餐湯同牛油麵包餐湯我地都係中意羅宋湯，呢款羅宋湯有少少辣啦，但飲落好開胃，而且用料好足，天氣凍凍地好岩飲麵包不過不失，正常發揮主角出場，好大塊好厚既牛扒呀，牛扒我地揀左七成熟一睇就知好嫩滑，鐵板餐有兩款醬汁，燒汁同黑椒汁，我哋揀咗燒汁，配合西冷牛扒更juicy牛扒份量真係超大份，我地兩個人點一份鐵板餐一份焗飯，食唔晒仲要飽到上心口兩個餐夠三個人食到飽，真心抵食夾大件焗飯我哋揀咗鮮茄芝士焗豬扒飯，保守估計有兩大碗飯，豬扒切開有五大件，最正係佢落咗超級多芝士同鮮茄汁，配飯一流豬扒唔似一般餐廳落咗勁多調味料醃到死咸飯有炒蛋，用料好有誠意沙律係正常水準，不過一般食牛扒都好少有咁大碟沙律，老闆真係有心吸客做好餐廳飲品叫左菜蜜，飲落同茶餐廳唔同，唔係一般落好多糖得個甜字既菜蜜，有一陣自然甜味最後要讚吓個甜品真係有誠意，啫喱入面加咗水果肉，呢啲細微位啲真係好加分唔怪得之餐廳咁多人幫襯，坐到滿晒座
繼續閱讀
🧋凍奶茶。呢杯飲品色澤金黃透亮，睇到就有飲嘅欲望。奶香濃郁，同茶香完美融合，飲一口，清新嘅口感瞬間喺口腔中散開。加咗冰塊，整杯飲品更加清爽，適合炎熱天氣享用。呢杯凍奶茶不止可以解渴，仲係餐前或餐後嘅好選擇。🥢雞扒喇沙湯金邊粉。呢道菜以獨特嘅泰式喇沙湯底著稱，湯頭呈現出誘人嘅紅色，散發香料嘅濃郁氣息。金邊粉口感滑順，掛哂湯汁嘅精華，每一啖都充滿味道，而且份量仲要好多。雞扒經過精心烹調，外脆內嫩，搭配濃厚嘅喇沙湯，更加相得益彰。呢道菜不止味道豐富，仲帶有一絲微辣，非常適合喜歡嘗試新口味嘅食客。🥢懷舊鐵板肉眼牛扒配薯菜。嚟得呢間餐廳緊係要試下啲扒，肉眼扒係鐵板上滋滋聲，加埋汁真係好香。肉眼牛扒選用上等部位，肉質鮮嫩多汁，每一啖都好惹味。搭配新鮮嘅薯菜，不止增添色彩，仲提供豐富嘅口感層次。我哋揀左黑椒汁，更係為整道菜增添一抹獨特嘅風味，叫人回味無窮。餐廳位置喺深水埗，距離地鐵站嘅路程都非常近，我哋都覺得係一個非常方便嘅選擇。附近食完仲可以行吓商場，亦都唔失為一個好嘅選擇。餐廳主打懷舊嘅牛扒餐，鍾意食嘅朋友真係唔可以錯過。
繼續閱讀