駟馬拖車潮州飯店 (MOSTown新港城中心(4期)) (已結業)

限聚令之後通常係買外賣，今日就第一次去駟馬拖車，買了個鹵水鵝四併盤(鹵水鵝，紅腸，五花腩肉，大腸)同蠔烙兩樣。打飛個阿姐話拼盤有兩款，一款$158 有五花腩肉。另一款$128 (鵝肉，紅腸，大腸，鹵蛋）無五花腩肉。因想食五花腩肉，所以叫了$158個併盤。取完就信佢地執得好，取了無望便走。但行行下見到有鹵水蛋心知不妙😵，行番轉頭搵包外賣個哥哥仔，話佢知比錯野我。點知原來佢唔知有兩款併盤。仲指住$128門口個牌話係果個。因住又攞去斬鹵水果度問，最後由打飛阿姐出手，指出係有兩款併盤，仲比黃色果張落單紙廚師睇。跟住高大既廚師叔叔揸住張黃色單走出來同我講，話盒野無錯齊咁多樣，我問有鹵水蛋喎，廚師叔叔好神氣咁答我鹵水蛋必然包了在併盤裹面(如下次併盤冇滷水蛋記得要取😎)，所以個併盤好低食💪🏻。成盒野疊住晒我就信廚師叔叔返屋企開餐，點知食到底都冇五花籃肉😖。比人呃。呢度同廚師叔叔講聲底都無五花腩肉呀！$30唔使比番我，我用嚟買咗個教訓😫後記！唔怪得我前面買兩代嗰個姐姐喺度係咁check呢啲嘢齊唔齊，可能佢係熟客🤪鹵水食物味道ok 不過不失，蠔烙如再炸鬆d會好啲。奉勸各位買併盤嘅睇清楚啲先好走，尤其好似

早幾日經過，發現馬鞍山新港城又有新開食肆了今次係主打潮州菜既「駟馬拖車潮州飯店」外賣自取有88折，門口很多人在等外賣；我地選擇堂食，門口望以為餐廳不大，但入到去發現原來重有好多地方，環境明亮乾淨，座位寬敞舒適餐廳服務很好，很快注意到客人需要，服務很主動！有自動加水機，雖然坐低時員工已介紹過點用，但食到一半已經失憶未出聲求救已經好快有人見到過黎協助茶除了一般酒樓香片普洱外，還有玫瑰花茶，值得一試我地點左三款餸：滷水鵝片、菠蘿咕嚕肉、雞絲海蜇；整體份量足夠，味道亦令人滿意菠蘿咕嚕肉$88外脆但皮唔厚，好易咬開，內裏唔乾有肉汁，酸酸甜甜非常開胃！雞絲海蜇$58好有麻油香，很惹味！海蜇口感爽滑，雞絲就入味嫩滑滷水鵝片$168滷水夠入味夠香，大塊啖啖肉，唔會太薄影響口感，肉質結實！有滷水豆腐墊底，好香豆味，順便中和一下肉膩感味道滿意，下次要多d人一齊食試多幾款😎餐牌有好多選擇，淨係滷水都有好多款，重有海鮮、粥、家常小菜

馬鞍山呢個食物沙漠開咗間潮州餐廳，終於有新嘢食！相當吸引！外賣已經好多人買，平日餐廳都滿座。基本上潮州滷味、小菜、飯麵類、甜品類都有。呢度好特別，每張枱都有一個茶壺🫖，按制就自動加水及煲滾水，可以自己用嚟沖茶。食得潮州嘢梗係要試吓啲潮州經典😬▶️潮式糖醋麵$98糖醋麵煎得金黃，口感幾脆，而且麵餅幾厚身，加埋糖醋一齊食！▶️潮式蠔仔粥$42/碗本身諗住叫一鍋，但係侍應話一碗其實都可以分成四小碗，兩個人來講已經好夠。夠多蠔仔，而且幾新鮮，加埋胡椒粉食，正！▶️甜酸梅膏骨$92呢個味道甜甜酸酸，酸味較多。有啲似糖醋骨，而且骨醃過，有少少偏鹹。新鮮熱辣辣整起～▶️潮州沙茶炒牛肉$88呢個有好多沙茶醬，食落似沙嗲牛肉味道。牛肉幾滑，而且下邊仲有啲菜。餐廳服務唔錯～價錢合理！

見新開張去試試，點了黃花魚，蠔餅，方魚炒芥蘭，鵝肉片，梅酸肉，除了黃花魚還算可以，其他確實一般，芥蘭味道偏咸，蠔餅特別差，都是麵粉沒蠔味，鵝肉片及梅酸肉一般，本人不會考慮再幫親

價錢較貴，外賣自取沒優惠，明明給我一個袋，但收左四、五個袋錢。。。總共點了四個菜，所謂的四大推擠介菜式，試了兩個，但都感覺一般般，不值這個價。。。耗仔烙油重，麵粉比較多，吃一口就已經覺得很膩。。。鹵水鵝片量少，肉質較差。。。作為一家潮州菜館，這兩樣東西也做得不好，真的很難給好評。。。。另外還點了點了乾炒牛河，正正常常，不過不失。。。。馬鞍山難得開了一間新餐廳，就決定試一下，但基本屬於可一不可再的餐廳。

見到新開諗住晚餐試吓點知貴又難食，實在實在太失望，唔會再幫襯. 叫左3個餸，雞絲海蜇-無咩味道，最失望嘅係個椒鹽鮮魷，味道唔好食又多粉，鮮魷變乾魷只有粉又硬直頭係垃圾食物，最貴竟然係個欖菜肉碎四季豆$98唔抵食，味道一般般！一句講晒：無下次...

今天小妹一早便與好姐妹相約好到馬鞍山區郊遊，出發前便先喝個早茶充飢，我們於商場中留意到這間潮式飯店，並從職員口中得知是新開張的餐廳，便決定內進一嚐究竟。原來店舖名稱駟馬拖車寓意著四匹馬拖拉着車輛，以比喻餐廳走得前走得快，有着貨如輪轉的意思。店舖是一間現代化的潮州菜館，當中裝潢亦運用了部分中式元素於其中，整體設計予人一種寧靜舒適的感覺。碧綠鮮蝦腸腸粉外觀雪白半透，可隱約看見內餡，腸粉皮入口柔韌軟糯，黏度甚高，而且每節均配有一隻蝦作餡料，蝦肉新鮮彈牙，肥美濃郁，沾上豉油同食更增添鮮味。招牌鮮蝦餃端上時已可見餃形製得漂亮精美，其外皮晶瑩剔透，厚薄適中，口感黏糯煙韌，滑溜鮮美，內餡豐富飽滿，用上蝦隻作為配料，味道新鮮香濃，結實爽口。大地魚燒賣燒賣配料豐富，用上蝦隻、大地魚、蟹子、冬菇粒製作而成，因而味道豐盈可口，鮮味十足，唯獨可惜包裹得不夠結實緊致，因而輕咬便已使整顆鬆散，此部分則有待改善。黃金流沙包黃金流沙包外觀圓滾雪白，包點外皮厚薄恰到好處，柔軟鬆化，內餡製作流心，咬開時醬料緩緩流入佈滿口腔，滑溜稠密，奶黃味道濃郁，且帶有微微鹹香的蛋黃香氣。香煎蠔仔烙蠔仔烙煎得色澤金黃且厚身，頂部加上蔥花

馬鞍山從未有打正旗號的潮州菜食府，駟馬的來臨確實是萬衆期待的。上周末終於打定主意買個takeaway 做晚餐，和喜歡潮州菜的家人共享美饌。選了三個菜式作頭炮！不過....蠔仔粥只有鹹味冇鮮味兼蠔仔太少，凍魚馬友肉散冇魚味，鵝肉肉質太腍咬口不足，滷水味又不夠入肉！付款買的時候帶有期望，但是回家享用時就馬上失望！好難要我有下次光顧了！新店一定要在食材質素及製作上付出百分百的心力，才真正可以留住享受食物客人的心！在香港喜歡潮菜的人口甚多，服務還要有真正潮州人的溫度才更像樣！

今日見間舖新開諗住外賣試下，落完單比完錢望返，點解同張menu既價錢唔同既？望多2眼個收銀就大大聲話「小姐今日星期六，個價錢會加10幾蚊架！」原來佢有2張menu,1張堂食用，1張外賣用，外賣既價錢比堂食貴（起碼貴10幾蚊，個88折等於無），但佢無同你講過有2張menu,2張menu都放係收銀旁。你既然我一睇你就會講出上面嗰段野，即唔只我中招啦？咁你唔收好d menu?收錢既時候你唔同客講？好啦，仲有呢間野收外賣盒係逐個計，咁我叫左5樣野佢收我7個盒2個袋錢，我又唔明有咩要落2個盒，問收銀嗰時就話我跟機落架，啱架啦。ok，到我拎野食嗰時，望返得6個盒1個袋，都係同張單唔同，要去問返收銀先比返錢我。野食未食，但d態度同嗰張加價再折既外賣單已經令人唔想再去囉

26／1新開張， 30／1 去試早茶， 8點去到《7：30營業》已有6～8張枱有人坐， 中年老年人居多， 2人一枱。門口自坐取飛， 未叫枱號， 前面2位老人家又打尖自己入去取位我們自律等員工帶枱開茶。原來入內仲有枱， 比想像中大, 新式自動加水煲水機， 唔駛伙計加水， 好點了5個點心， 2人吃1） 叉燒腸粉 （7分）員工送上腸粉沒有豉油， 要再叫取。（有待改善）腸粉有7分， 豉油唔夠香， 冇味， 改下豉油會好些2）炸芝士蝦春卷 （7分）有配喼汁一齊上枱， 喼汁味淡春卷夠熱， 冇芝士味, 完全以為係普通春卷3) 蝦餃（8分）頂點， 質素唔差，否則唔抵,皮薄夠熱4）煎蘿蔔糕3件（ 比5分）上枱冇甜辣醬， 又要問取。員工找一輪回覆說沒有醬配， 超奇怪， 最後只給辣醬， 沒有甜醬失色了。蘿蔔糕唔夠蘿蔔香， 普通貨色， 又太林。5）牛肉球3粒（8分）牛肉彈牙， 只是喼汁唔夠香。新開張， 男經理服務恩勤，態度好， 每枱解釋自動加水煲茶機如何用， 其他員工都有禮， 只是新開， 員工未太熟枱號及運作。茶錢每位＄16， 屬貴， 唔抵, 茶包又唔出味， 沒有茶葉茶的香。 ＄8～10位就差不多。醬汁有待