影片
電話號碼
28811985
營業時間
今日營業
06:30 - 22:00
星期一至日
06:30 - 22:00
以上資料只供參考, 請與餐廳確認詳情
👉好耐無食潮州菜，呢度最近優惠，推出多款特價小菜之餘，逢星期一至四，晚市主餐牌6 8折，咁抵嘅～～😳📌滷水鵝四拼盤 $168 ～ 滷水四拼有：鵝肉、紅腸、五花腩肉、鵝腎，仲有滷水豆腐、滷蛋，每款均非常入味又不過咸，有咬口。📌金沙芋條焗海蝦 $128 ～ 手切芋條大小不一，整碟蝦、芋條均鋪上薄薄咸蛋黃，香而不膩，且份量不少，咸香冶味。📌香煎蠔仔烙 $108 ～ 煎蠔餅蛋味濃，每口也有蠔仔，點上魚露、辣椒油提味，吃不停⋯📌椒鹽九肚魚 $98 ～ 魚肉厚身，外皮香脆，漿粉做得不錯，厚薄均勻適中。📌韮菜豬紅 $56 ～ 上菜時已沙爹香氣四溢，豬紅超入味，秘製沙爹汁香料十足，伴韮菜吃絕配。📌潮式蠔仔粥（窩） $128 ～ 一大鍋蠔仔🦪粥，底味鮮甜，飯粒綿滑，超多蠔仔隻隻漲卜卜。。好抵食👍🥣酸菜（碟）$13 ～ 調味後特別好味🫖茶 （位） $14 ～ 自助冲水，飲了幾壺地方大，坐得舒服，係冷氣有啲不足，同經理反映即時處理，上菜時又會報上菜名，服務唔錯喎‼️👍🏬 駟馬拖車潮汕飯店 (香港仔)🚦 香港仔中心商場第二期1樓3&5-8號舖
繼續閱讀
暑假同表姐們一齊去咗潮汕玩，唔經唔覺又過咗幾個月，都有啲掛住潮汕嘅滷水。朋友聽到我話想食潮州嘢，就推介咗呢一間喺佢屋企附近嘅潮州菜餐廳。餐廳空間感頗大四四方方嘅場地，感覺好寬闊，而且光猛整潔。餐牌選擇都幾多，除咗基本潮州菜要有嘅潮州菜式（例如滷水、凍魚，反沙芋等）都有之外，亦有其他小炒等，鵝翼肉質滑嫩實淨，不過廚房當日鵝翼已經淨係賣剩少少，所以我哋最後就要咗鵝翼加豬手粒，豬手彈牙入味，亦不錯，啖啖都有滿滿骨膠原感。相較來說，雖然鵝翼不錯，但個人則更愛他們的鵝肉，鹵水汁不會過鹹，而且非常入味，鵝肉肉質細膩，無咩筋位，下飯佐酒都甚佳。鹹菜煮豬肚$72嚟講份量好足好大兜，係抵食之選。湯汁濃郁醇厚，胡椒味回甘悠長，豬肚厚切且質感爽彈，值得一讚是處理得好乾淨，沒有內臟腥味。潮式蠔仔粥係我是晚最鍾意嘅食物，蠔仔嘅份量比得好多，而且隻隻都好大隻，粥底鮮甜，裡面還有加入了魚酥，更添口感。其實一鍋係大約四個人嘅份量，但係兩個人食都有種意猶未盡嘅感覺。大大條凍烏頭魚肉紮實，單食是清甜魚香，喜歡濃味些即係可以點一下普寧豆醬，鹹鹹地，帶有少許黃豆味，幾特別。最後收尾的是養顏棗皇糕，煙韌糯口的棗皇糕由一層一層的紅棗層及椰子層組成。椰子味令紅棗味更顯香甜富層次，很不錯的甜品，值得一試。🍵茶位每位$14 ～～～駟馬拖車潮州飯店 (香港仔中心商場第二期) (香港仔)香港仔南寧街7-11號香港仔中心商場第二期1樓1, 3及5-8號舖
繼續閱讀
今天阿仔想食潮州嘢，於是近近地去了香港仔駟馬拖車晚餐。以往曾來過飲茶覺得這度地方寬敞，座位舒適；比起同區酒樓較為乾淨和不需要搭檯，這是個重點。滷水鵝片 $188鵝片切得剛剛好唔會太厚或太薄，肉質軟嫩。鵝皮脂肪少，令人咬起來香而不油膩;片片皆是肉相對不喜愛咬骨之食客係最佳之選。滷水豆腐很入味，除了滿腔滷水味外亦充滿豆香。椒鹽九肚魚 $98薄薄的炸漿加上椒鹽令整個九肚魚味道提升不少，食時外脆內滑又很惹味。韮菜豬紅 $56豬紅好香好入味，與韮菜相伴係絕配之選;是豬紅控必點。潮州式蠔仔粥 $128食潮州嘢除了滷水鵝外，蠔仔粥也是必點之一。蠔仔清潔得很乾淨一D蠔殼都冇，份量很多，每隻皆肥美嫩滑飽滿得有彈性。米粥亦有口感，整個粥熱騰騰食落毫無腥味。馬蹄綠豆爽 $33馬蹄爽口清甜有口感，綠豆煮得夠淋;兩者混在一起做成一道清甜解暑的糖水來完結今晚的晚餐。
繼續閱讀
放假家人唔想煮飯，就係香港仔揀左間酒樓食晚飯。駟馬拖車潮汕飯店，憑餐廳名字應該就係食潮汕菜，就點左d非一般酒樓的菜式。酥炸原隻生蠔桶蠔沾粉後油炸，相當大隻，肉質肥美嫩滑！脆漿炸得金黃通透，非常酥脆，內裏蠔肉肉汁滿滿，好吃！糖醋麵經典潮州菜，把蛋麵煎香兩面至金黃，點陳醋和砂糖進食，酸酸甜甜，十分開胃和飽肚，看似單調實質，實質層次豐富。潮式四喜炆魚標原以為魚標是新鮮魚卜，原來是沙爆魚肚，沙爆魚肚其中一個特點就是十分吸味，有一點大雜燴的感覺，有些魷魚、肉片等等。
繼續閱讀
潮州菜一向給我偏向重口味、重油的印象，難得來到香港仔，友人介紹的這間卻頗有驚喜，不但Menu選擇多，而且Order的每一樣都很中最近想少鹽少油的口味喜好。此外，空間環境闊落舒適，與友人慢慢吃、慢慢聊，也沒有壓力！滷水鵝肉 $168 | 滷水豬腳仔 $62吃潮州菜必點的滷水系列，整體味道不會死鹹，惹味而有層次。個人喜歡帶骨的鵝肉，沒那麼Meaty，多吃也不會太膩。豬腳仔更像豬手，大大件，還有入味豆腐墊底。香煎蠔仔烙 $108 | 潮式鹹雞(半隻) $168不油膩的煎蠔餅可遇不可求，這個很對口味！熱騰騰即吃當然最好味，蠔仔份量大方，粒粒飽滿，即使冷卻後也不會太油膩。對潮式鹹雞沒有太多想法，初試下覺得也不錯，雞肉本身也很嫩滑新鮮，皮下還有一層薄薄的Jelly，鹹香惹味。普寧炸豆腐 $78 | 西蘭花炒帶子蝦球 $158普寧炸豆腐外酥內嫩，沾上韭菜鹽水，與清淡的豆腐味道很搭，還有助解熱氣。西蘭花炒帶子蝦球也是足料之作，帶子和蝦球與西蘭花的比例差不多有1:1，而且大大粒，爽彈鮮味。
繼續閱讀
您可能會有興趣的...