影片
更多
2024-10-25
206 瀏覽
暑假同表姐們一齊去咗潮汕玩，唔經唔覺又過咗幾個月，都有啲掛住潮汕嘅滷水。朋友聽到我話想食潮州嘢，就推介咗呢一間喺佢屋企附近嘅潮州菜餐廳。餐廳空間感頗大四四方方嘅場地，感覺好寬闊，而且光猛整潔。餐牌選擇都幾多，除咗基本潮州菜要有嘅潮州菜式（例如滷水、凍魚，反沙芋等）都有之外，亦有其他小炒等，鵝翼肉質滑嫩實淨，不過廚房當日鵝翼已經淨係賣剩少少，所以我哋最後就要咗鵝翼加豬手粒，豬手彈牙入味，亦不錯，啖啖都有滿滿骨膠原感。相較來說，雖然鵝翼不錯，但個人則更愛他們的鵝肉，鹵水汁不會過鹹，而且非常入味，鵝肉肉質細膩，無咩筋位，下飯佐酒都甚佳。鹹菜煮豬肚$72嚟講份量好足好大兜，係抵食之選。湯汁濃郁醇厚，胡椒味回甘悠長，豬肚厚切且質感爽彈，值得一讚是處理得好乾淨，沒有內臟腥味。潮式蠔仔粥係我是晚最鍾意嘅食物，蠔仔嘅份量比得好多，而且隻隻都好大隻，粥底鮮甜，裡面還有加入了魚酥，更添口感。其實一鍋係大約四個人嘅份量，但係兩個人食都有種意猶未盡嘅感覺。大大條凍烏頭魚肉紮實，單食是清甜魚香，喜歡濃味些即係可以點一下普寧豆醬，鹹鹹地，帶有少許黃豆味，幾特別。最後收尾的是養顏棗皇糕，煙韌糯口的棗皇糕由一層一層的
餐廳空間感頗大四四方方嘅場地，感覺好寬闊，而且光猛整潔。餐牌選擇都幾多，除咗基本潮州菜要有嘅潮州菜式（例如滷水、凍魚，反沙芋等）都有之外，亦有其他小炒等，
鵝翼肉質滑嫩實淨，不過廚房當日鵝翼已經淨係賣剩少少，所以我哋最後就要咗鵝翼加豬手粒，豬手彈牙入味，亦不錯，啖啖都有滿滿骨膠原感。相較來說，雖然鵝翼不錯，但個人則更愛他們的鵝肉，鹵水汁不會過鹹，而且非常入味，鵝肉肉質細膩，無咩筋位，下飯佐酒都甚佳。
鹹菜煮豬肚$72嚟講份量好足好大兜，係抵食之選。湯汁濃郁醇厚，胡椒味回甘悠長，豬肚厚切且質感爽彈，值得一讚是處理得好乾淨，沒有內臟腥味。
潮式蠔仔粥係我是晚最鍾意嘅食物，蠔仔嘅份量比得好多，而且隻隻都好大隻，粥底鮮甜，裡面還有加入了魚酥，更添口感。其實一鍋係大約四個人嘅份量，但係兩個人食都有種意猶未盡嘅感覺。
大大條凍烏頭魚肉紮實，單食是清甜魚香，喜歡濃味些即係可以點一下普寧豆醬，鹹鹹地，帶有少許黃豆味，幾特別。
最後收尾的是養顏棗皇糕，煙韌糯口的棗皇糕由一層一層的紅棗層及椰子層組成。椰子味令紅棗味更顯香甜富層次，很不錯的甜品，值得一試。
🍵茶位每位$14
～～～
駟馬拖車潮州飯店 (香港仔中心商場第二期) (香港仔)
香港仔南寧街7-11號香港仔中心商場第二期1樓1, 3及5-8號舖
張貼
